مشاكل الزواج

نفسيتي تعبت وخايف اخسر البنت الوحيدة الي بحبها

بسم الله الرحمن الرحيم
دي اول مره في حياتي اكتب حاجه في موقع بس انا فعلا تعبت من التفكير ومش لاقي حل…..معلش قصتي طويله شويه استحملوني.
انا بحب لاول واخر مرة في حياتي…وياريت بلاش حد يقولي حب مراهقه وهيروح مع الوقت لان اتقالت ليا من كل الناس وطلعوا غلطانين.

اول حاجه وقبا ما اقول قصتي لازم تعرفوا انا مين.
انا شاب مصري سني 21 سنه في السنه قبل الاخيره لكليه الهندسه من عائله محترمه مستوانا المادي متوسط زي اغلب المصرين مش اصحاب ملايين بس مرتاحين ومش محرومين من حاجه والحمد لله..معايا شقه ملك لسه باقي فيها التشطيب وتبقي جاهزه باذن الله..يعني بالنسبه لواحد في سني مش وحش ابدا.

قصتي:من9 سنين اخدت دروس مع مجموعه من البنات كنت الولد الوحيد فيها لاني كنت ابن الابله وكنت باخد ف كل الدروس علشان اوفر الوقت علي امي انها ترجع تذاكري بعد نهايه يومها المتعب…وحسيت اني ارتحت جامد مع المجموعه دي وبقينا مع بعض فكل الدروس سواء عند امي او اي مواد تانيه الكلام ده كنت لسه في 2 اعدادي..وبرغم اني بكره صنف البنات وبدون اي سبب لقيت نفسي حاسس ان كل اللي في المجموعه اخواتي لحد هنا مفيش اي حاجه…قصتي وحياتي كلها بدأت من اول سنه في ثانوي اتشديت واتعلقت ببنت منهم وحبيتها فوق ما انسان يتخيل بس تربيتي ولاني اول مره افكر في بنت مقدرتش اعمل حاجه غير اني اخبي احساسي وقلت مستحيل يكون ده حب ده مجرد اعجاب ومراهقه وهتعدي وانتهت السنه وفي الاجازه اللي بعدها اهلي سافروا لعمره وطبعا انا كنت داخل علي اهم سنتين في تحديد مستقبلي وفضلت قاعد مع اخويا ف الشقه وعمي جاه قعد معانا..طول الاجازه وهي في دماغي مش عارف انساها ومستني شهر 8 علشان نبداء دروس واشوفها برغم اننا مش هنتكلم لكن كنت بكون مبسوط..بدأـ دروس معاها في مادتين ومع اساتذه جداد ولقيت نفسي بتعلق بيها اكثر من الاول كل حاجه فيها شدتني…كنت اسرح فيها لما اذاكر كنت اكتب كل حاجه نفسي اوصلهالها في ورق واحتفظ بيه لغايه مايجي وقت مناسب واديهولها……….واول ما اهلي جم من العمره وزي ماانا متعود عاهم دايما صارحتهم بكل حاجه وقلتلهم اني حبيتها وانها لسه متعرفش وطلبت منهم اخطبها..طبعا وقتها كنت فاكر دي حاجه سهله…زي ماقلتلكم في الاول كل ما حد يعرف قصتي كان يقول مراهقه وده كان كلام ورد اهلي..حب مراهقه ومسيرك هتحب غيرها ولسه هتشوف بنات احلي واجمل في الجامعه ولسه بدري عليا علي الخطوبه واهم حاجه دلوقتي اركز في مستقبلي..طبعا احبت وحاولت لشغل نفسي باي حاجه تاني صاحبت شله ولاد وبسببهم بطلت اروح المدرسه وكنت انزل معاهم وطول الوقت نروح نت او نلعب لكن عمري ماروحت معاهم لمواضيع بنات علشانها علشان عايش ليها وهي البنت الوحيده في حياتي…مستواي نزل واهلي لاحظوا وكانوا فاكرينه خوف من السنه لغايه اليوم اللي عرفوا فيه اني اتفصلت من المدرسه لعدم الحضور وكان قبل الامتحانات بشهرونص تقريبا..طبعا صدمه ليهم لكن والدتي وهي اقرب حد ليا كلمتني وقالتي لو انت بتحبها وعاوز تتجوزها يبقي لازم تتهم بمستقبلك علشان تشرفها وتبقي مناسب ليها..وعلشان حبيبتي عملت في شهر المستحيل وانتهت دراستي في 2 ثانوي وبدأت سنه 3 وهي اخر سنه ليا معاها حاولت اتشجع واكلمها لكن اخلاقها اللي انا عارفها كانت مانع علشان كانت هتسيب المجموعه واخسر اللحظات الحلوه اللي بشوفها فيها…لغايه ما في يوم ماما قالتلي اني في عريس متقدم لها..صعب مهما كتبت اوصف احساسي ايه الليله دي منمتش ولاول مره في حياتي بكيت علشان واحده..يومها عرفت حجم المشاكل اللي قدامي خصوصا اننا في نفس السن وفضلت ادعي ربنا من وقتها ولغايه دلوقتي انه ميحرمنيش منها وانها تكون من نصيبي في كل صلاه..بعد اسبوع تقريبا عرفت ان عريسها اترفض..وخلصت سنه 3 وانا بتعذب اني مش هشوفها وعرفت في الاجازه انها اشترت موبايل علشان لما تسافر الكليه وحاولت اجيب الرقم ومعرفتش وكنت زعلان انها تجيب خط ومتقوليش لاني كنت حاسسس انها كمان بتحبني..ومع بدايه اول سنه في الكليه لقيت رقم بيرن عليا ولما رديت فصل مععرفش ليه كنت متاكد انها هي..حاولت اتص مكانش بيرد عليا فضلت ابعت رسايل و
هي مكانتش بتقول هي مين بس عرفتني انها حد يعرفني لكن مكنتش اعرف ولد ولا بنت لحد ما في مره قلتلها انا هقول علي حاجه لو انت الشخص اللي في بالي قول وقلت مكان سكنها واول 3 حروف في اسمها بس مرديتش تقول انها هي..وكلمتها من كابينه واول ماردت عرفت صوتها وقفلت علي طول…وبعد ماعرفت انا وهي اني عرفتها بقي كل كلامنا عباره عن رنات كل مده لغايه ما في يوم بعتلها رساله فيها كل احساسي ناحيتها واني عاوز اتجوزها وكل اللي طالبه منها تنتظرني لحد ماقدر اتقدم مردتش عليا قلتلها اني في كل الاحوال اخوها واني مش هحاول اكلمها في حاجه تضايقها تاني
وبعدها بقيت رسايلي ليها كلام عادي لغايه ماقلتلها اني بحبها وزعلت وقالتلي حرام وقلتلها اني هنزل اكلم اهلي نروح لباباها ولو رفضوا هروح لوحدي قالتي اني كده هخسرها لوروحت لوحدي لكن لازم اهلي يروحوا معايا كلمت اهلي علي الخطوبه لكن المره دي كانت الردود اصعب “انت لسه بتفكر ف الموضوع ده ؟ولسه بدري ولما تخلص و…الخ”وانتهي الكلام بينا اني قلتلهم اني مش هتجوز غيرها وهما اقتنعوا ووافقوا بس قالوا استني لغايه ما يجي الوقت المناسب..وفضلنا انا وهي نتكلم عن طريق الرسايل 6 سنين واهلي واهلها عارفين ما عدا باباها

مش هتكلم علي الست سنيين بس كفايه تعرفوا ان عرسان كتير كانت تتقدم واغلبهم باباها كان بيرفضهم من الاول وانا اكتر من مره هي تحاول تنهي اللي بينا لكن فضلت متمسك بيها وان عمري مافكرت اوبصيت لواحده غيرها ولاحتي اتكلمت مره في شات مع واحده ورافض اعمل اكونت علي الفيسبوك علشان ميحصلش تعامل بيني وبين اي واحده لاني زي ما عاوزها متتعاملش مع غيري محرم علي نفسي اتعامل مع غيرها.

المشكله::من حوالي 15 يوم اتقدم لاختها الاضغر منها عريس واتوافق عليه وعملوا خطوبه وبعده ابن عمها اتقدم لها مع انها رفضته قبل كده لكن اتقدم تاني ومن اسبوع لما نزلت البيت علشان خطوبه اختها ناس كتير حاولت تقنعها بابن عمها وهي اتصلت بيا ولاول مره اكلمه وهي منهاره واني لازم اتقدم لها باي شكل حتي لو هفتح كلام بس..ومع ان والله عندي ظروف تمنع حاجه زي كده لكن اقنعت بابا يروح ويكلم باباها وامبارح الوسيط اللي بين بابا وباباها قعد مع باباها وكلمه في كل حاجه ولما باباها رجعلهم مفتحش اي سيره عن الموضوع والساعه1 بابا كلمني وقال انه الوسيط قاله باباها طلب ياجل الكلام في اي حاجه لغايه بعد الامتحانات وهي اتسحب منها الموبايل وانا مش عارف هو كده يبقي رفض؟ولو لاقدر الله رفض ايه اللي اعمله تاني؟
انا تعبان ونفسيتي مدمره انا بحبها بجنون وهعمل اي حاجه علشانها ومقدرش اعيش من غيرها..ايه الحل علشان تبقي ليا؟

مشاكل وحلول ذات صلة

اضيف بتاريخ: Monday, May 16th, 2011 في 19:45

كلمات مشاكل وحلول: , , , , , , , , ,

46 رد to “نفسيتي تعبت وخايف اخسر البنت الوحيدة الي بحبها”

  1. مساعده
    15/05/2017 at 18:47

    بص انا هقولك علي حاجه لان دا حب 8 سنين فاكيد في ملل في العلاقه ولان ممكن يكون باباها حابب يشوف انت هتتصرف ازاي لما تسمع الشروط مهما كان باباها وخايف عليها وانت هتجرب الخوف دا لما يبقي عندك بنوته انشائ الله انا بحب ولد مع اني صغيره وفي نفس السن اللي انت بدأت فيه قصه حبك و حسيت بيك لما قولت انه مش حب مراهقه بس محدش بيحس بحد ولا باحساسه فلازم لو بتحبها اتمسك بيها و هي هتتمسك بيك و ربنا يوفقك وتبقو من نصيب بعض وانا كمان ابقي من نصيب اللي بحبه يارب

  2. خاطب
    07/06/2016 at 17:14

    انتا راجل وبتحبها بجد وهى ممكن تكون حست بالحب ده لان البنت بطبيعتها حساسة بس اكيد استنت منك انك تتخذ اى خطوة ايجابية وانتا ايللى ساكت وواقف فى مكانك روح صارحها بحبك وقول ليها ان مستعد تحارب الدنيا عشانها وكلم والدها وقوى قلبك

    “لا يموت على باب الزواج الا الرجال الحقيقيون” خد منى

  3. محمد
    22/01/2016 at 16:59

    انا بحب وحدة
    واللة الحمد اللة كلمتةو اولتلهة انا معجب بيكى وعوز اكلم باباكى انى اتقدم ليكى بس هى مرتتش علية غير كلم بابا بس انا عوز اعرف هى بتحبنى ولا لا
    واهم حاجة مخسرهاش

  4. ابوبتول
    29/08/2014 at 20:50

    اخي الفاضل صاحب المشكلة السلام عليكم ورحمةالله وبركاته اعلم ان الزواج قسمةونصيب وكل واحد ماياخذالاماقدره الله له في هالحياة ان خير فخير وان شر فشر وكل شي بارادةالله عزوجل وعسى ان تحبواشئاوهوشرا لكم وعسى ان تكرهواشئاوهو خيرا لكم – وقديكون التاخيرمنك لانك لم تصارح البنت بحقيةمشاعرك من الاول وتحاول اقناع اهلك والتاثير عليهم كي يذهبوا معك لخطبة البنت وتقاعست وتاخرت والبنت استحالة تعرض نفسهاعليك اوتجي وتقولك اخطبنى من ابي فكرتك راجل ولك شخصيةقوية وقادرتقنع اهلك بخطوبتك لها ولكن خيبت امالها وحطمت احلامها ببرودمشاعرك وتجمد عواطفك وكانك من القطب المتجمد واثبت لهاانك ماتستاهلها ولاتعرف قيمتهانهايا وكل محاولاتك وماتفعله الان في الوقت الضائع غيرمجدي ولانفع منه ولايفيدالبكاءعلى اللبن المسكوب ابدا كل شي انتهى وراح اتمنى لهاالسعادةمن كل قلبك واعتبرهازي اختك تريدلهاالخيروالتوفيق والسعادةفي حياتك مع الانسان اللي اختارته وربي بيعوضك ويكرمك بغيرها وبنات حلال كثار بس يريدون منك تكون قدالمسوليةوقوي الارادةوالشخصية مش ضعيف وانهزامي ومسلوب الارادةوالشخصية وفقك الله واصلح شانك

  5. ياريت
    05/02/2014 at 00:18

    السلام عليكم
    انا عارفة انى متأخرة اوى انا قرأت موضوعك وكل التعليفات انا من وجهة نظرى المتواضعة انك لازم تصلى صلاة الاستخارة لازم عشان تعرف اذا كنت لازم تحارب عشانها وتوصل باذن الله ولا لازم تنساها وتدعى ربنا ان قلبك يخلو من حبها وبالنسبة لحبيبتك لازم تتأكد انها مش بأيدها حاجة تعملها مايمكن فعلا قالت لاهلها انها عايزاك ومسموعهاش وصلى صلاة الاستخارة كتير ومتيأسش من رحمة ربنا واوعى تنسى قوله تعالى (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ ) صدق الله العظيم, وركز ف مستقبلك فى الحالتين لان ربنا لا يضيع اجر من احسن عملا وانا بدعيلك من كل قلبى ان ربنا يختارلك اللى فيه الخير ليك .
    انا اسفة طولت اوى وعلى فكرة انا اوى مرة اشارك ف حل مشكلة بس عشان احساسى انك شخص صادق ومحترم يارب اكون افدتك ولو بكلمة
    السلام عليكم

  6. مزعلاتي
    13/01/2014 at 14:42

    قرأت رسالتك كاملة وقرأت تعليق الاخوه والأخوات الافاضل وكلها آراء تحترم ولكن لي تعليق بسيط
    اولا لابد ان تعلم انه من ترك شيئاً لله عوضه الله … فلو كنت تعلم يقيناً ان هذا الحب سيكون مستحيلاً فالأفضل ان تتركه وسوف يعوضك الله بخير منها خاصة انك اتقيت الله في نفسك وفيها .
    ثانياً إعلم اخي ان الدنيا كلها لو اجتمعت على ان تتزوج هذه الفتاه وكانت إرادة الله غير ذلك فلا مبدل لقضاء الله وإذا اجتمعت الدنيا كلها على ان تفرق بينكما وكانت إرادة الله غير ذلك فسوف تتزوجها واعلم انه قد رقعت الأقلام وجفت الصحف .
    ثالثا ادعو الله ان يعوضك خيرا منها جزاء صبرك وحبك ونقاء قلبك وان يهدي دربك إلى مافيه خير وفي النهاية اقول
    لو علمتم الغيب لاخترتم الواقع فلا احد يعلم اين الخير

  7. ابواميرة
    06/12/2013 at 23:10

    اخي الفاضل رغم طول رسالتك قراتهاكاملةوتمعنت فيها جيداواليك الردعلى مشكلتك هذة اولا- اعلم علم اليقين ان الزواج شي عظيم ومرغوب لكلا الجنسين ولابدان يكون مبنياعلى الصدق والصراحةمن كلا الطرفين ثانيا- تاخرك وتباطك في مصارحةالبنت بحقيقة مشاعرك نحوهاجعلهاتبتعدعنك ولاتريد ان تسي لك اولنفسهاثالثا- كثرةترددهافي الاتصال بك اوقامةعلاقةمعك من دون علم اهلهادليل عل اخلاق وتربيةهذةالبنت رابعا- لازم تسرع في الارتباط بها كي لاتضيع منك حاول مرارا ان تخلي اباك اواحد من اهلك يكلم ابوها وياخذمنه موافقةحتى لوخطوبة لحين ماتتخرجوامن الجامعة ويكون ربط كلام بينكم خامسا- بلاش تشاءوم وتفال بالخير وارضى بالنصيب سواءكانت من نصيبك او لا وتاكد ان الله يحب عباده القانعين والحامدين والشاكرين والصابرين وربي يوفقك ويكتب لك الا فيه الخير ويسعدك مع الانسانةاللي اختارهاقلبك وتكونوامن الازواج السعداءالمباركين

  8. مريم
    26/06/2013 at 03:56

    السلام عليكم زي ما انت كنت بتحبها الحب ده انا متاكده ان في بنت كانت بتحبك بنفس الطريقه و انت مكنتش واخد بالك او هي كانت مكسوفه تقلك و مسيرك هتعطر فيها بس و لعله خير وشكرا ان انت بتشاركنا بردود

  9. elghoool
    06/05/2013 at 22:11

    حبيبى الله يكون فى العون بجد انا حاسس بيك انا يمكن اشبهلك فى المشكله دى بس انا لسه ما قولتلها على حبى لها ولا ينفع اقولها بس احنا بنتكلم مع بعض عادى لان فى صله بينى وبين اهلها بس لما بنتكلم مع بعض فى بيتهم مو فى الفون بحس بدفا كبييييييييييييير اوى بينا واحنا بنتكلم بس انا للاسف لو قلتلها على اللى جوايا اكييييد لو ما فى نصيب اكيد هاخسر ناس كتير منهم اهلها واخوها صاحبى عزيز عليا كتييييير بس للازم اصبر وسايب كل شىء لله وعارف ان كل شىء قسمه ونصيب مع انى بنكوى بداخلى بس احنا لو عايشين فى الدنيا لحالنا كنا نعمل ما بدنا اياه بس للاسف فى ناس بنعزهم وبنحبهم وفى ظروف بتحكمنا وللازم ما نكون انانيين علشان ما نخسر كل شىء وأولهم نفسنا ما تفكر فى سعادتك لوحدك حبيبى ما تزعل منى الكلام ده ليا وليك وبجد بجد والله لو ليك نصيب لو العالم كله وقف ضدك هاتجوزها وعايز اقولك على حاجه العواطف والقلوب بطبيعتها متقلبه فكر فى شريكه حياتك بعقلك وقلبك وليس بقلبك فقط

  10. nono
    16/02/2013 at 02:04

    هو في حد لسه كده بيحب بضمير وبجد .. ربنا يوفقك للخير ويعوضك

  11. ابواميرة
    01/12/2012 at 10:39

    ياابني انت بتحب البنت دي والا لا ذاكنت صادق في حبك لها دافع بكل قوة عن حبك وماتضعف ولاتستسلم ابد خليك راجل وقد المسولية وخذ بابامك ومامتك وخطبوها من اهلها رسمي ماينفعش تستنى البنت حتضيع من يدك ياعبيط والله البنت دي خسارةفيك لانك بارد ولاقادرتعمل حاجة

  12. مفتقده حنانه وطيب قلبه
    02/11/2012 at 01:32

    السلام عليكم ورحمة الله وبركاته والصلاه والسلام على اشرف الانبياء محمد صلى الله عليه وسلم اخي العزيز انا مريت بنفس تجربتك مع ابن عمي احببته من كل اعماق قلبي وهو حبني حب حقيقي مو حب مراهقه او اي حاجه زي ككذا ااهلي عرفوا واهله كذالك بحبنا وحاولوا يكؤهونا في بععض لان التقاليد لا تسمح بحددوث حب او رسائل بعدين اتفقنا اننا نفترق عشان عرفنا ان كل ده كان حرام الحب مافيه عيب ولكن طريقة الحب التي تجعل الحب حلال او حرام انا مراح احب غيره ولا راح اطالع في اي شاب غيره وانت راح تعرف مع الزمن من يحبك او لا من حبيبك من عدوك ادعوا الله ان الله يجمع بينكما في حب وعش الزوجيه مع بعضكما والله يوفقك صوتوا برأيكم للحل

  13. امونة
    03/08/2012 at 15:11

    يعني بجد قصتك اثرت فيا لاني انا بعمل زيك مع اني بنت بس مشكلتك خليتني انتبه لحاجة شكرا و انابجد بقدر نبل مشاعرك وبتمنالك حاية سعيدة مع بنت تقدر مشاعرك وحبك

  14. دينا
    03/08/2012 at 06:16

    السلام عليكم و رحمة الله
    اخبارك ايه دلوقتي يا صاحب المشكلة ؟؟ اتمنى تكون بخير
    اسمعني اخي : قبل اي شيئ يخص المشكلة : لازم تهدي نفسك و متعملش في نفسك كدة و تعرف ان البنت دي لو من نصيبك هتكون ليك و لو مش من نصيبك .. يبأ ربنا مخبيلك البنت اللي من نصيبك و اللي تستحقك و تستحقها .. و النصيب و القدر الحاجتين اللي مهما حاول الانسان يقاومهم هيكون خسران بعدهم على طوول الظروف في المرتبة التانية .. و خليك واثق ان انت مخليتش حاجة الا و عملتها علشان توصلها .. شوف منها شوية تضحية بأأ .. و انا بنت عمري 16 سنة من وجهة نظري : البنت اللي تقاوم علشان اللي بتحبه تبأ مش وحشة( طالما ماتعدتش حدود الشرع و المجتمع ) انما تقدر تقوللي فين التضحية او فين اي حاجة طيب ..؟
    حبيبي ركز في مستقبلك اولااااا : لو كله علشانها يبأ فكر فيها و انك عايز تشرفها مستقبلا و شد حيلك و اشتغل و تفوق على الكل .. من الواضح انك ذكي و انو عندك عزيمة ماشالله .. و بما انها بالوقت الحالي مش بايدك خلص ركز و فكر باللي موجود تحت ايدك لأنو هو الشيئ اللي بيوصلك ليها .. و هيئ نفسك ماديا و روح اتقدملها .. صدقني لو بتحبك ابدا ما هتوافق على اي عريس لو كان مين و لو كان بيملك ايه ؟ و لما تيجي هتلاقيها بانتظارك لكن لو مش بتحبك .. (( بردو متزعلش انت ربنا مخبيلك حاجة كبيرة اوي اوي اوي )) لو عرفتها هتعيط من الفرحة 🙂 و الجأ ل الله و صلي و ادعي دائما لأنووو هو الأعلم بكل شيئ و هو الوحيد اللي عالم بحالتك اكثر مننا كلنا .. انا حسيت بيك من طريقة الكلام لكن احساسي يجي ايه جمب الله
    الله يوفقك .. و احب اذكرك دائما ان الانسان المخلص دائما يكون كسبان .. يعني لو انت اللي بتحبها دي كمان هي تحبك هتجيك و اذا ما بتحبك مش هاتجيك .. و انت مستحيل تتزوجها اذا مش هي تحبك .. اذا بالحالتين انت كسبااان
    يللا السلام عليكم في امان الخالق و اذا احتاجيت شي عيوني 🙂

  15. غريب في الدنيا
    13/07/2012 at 22:17

    تصدق انتي رجعتلي ثقتي بيها بجد تبقي غبية لو محاربتش الدنيا عشان واحد بيحبها الحب دا كله بجد يابختها

  16. أخوكم فى الله حسام
    06/05/2012 at 08:19

    بسم الله و الصلاة و السلام على رسول الله
    أولا إنى أحبك فى الله , و أسأل الله العظيم رب العرش العظيم أن يعوضنا و إياك و الجميع بالزواج الصالح و حسن الخاتمة.
    ثانيا إصبر و ما صبرك الا بالله و ما أنت فيه ما هو الا إبتلاء و عليك بالصبر و احتساب الأمر لله و التقرب اليه و إعلم ان ما أنت فيه ما هو إلا من قدر الله و إعلم أن ما من شئ قدره الله جل فى علاه إلا وهو الخير كل الخير و إن كرهناه لجهلنا, فارضى بقضائه ,و من خلال ردودك أحسبك من الراضين المحتسبين و الله حسيبك و خذها من أخيك الذى يكبرك ما فى أحسن من الرضا و أنا أعلم أنه صعب و لكن علينا دوما أن نحاول قدر المستطاع , سبحانه يعلم ما فيه الخير لنا و لا نعلم و هو علام الغيوب. و داوم على الدعاء و قل كما علمنا حبيبنا محمد صلى الله عليه و سلم ( قدر الله و ما شاء فعل, اللهم أجرنى فى مصيبتى و أبدلنى خيرا منها).
    من كلامك أرى أنك ممن حباهم الله بالحكمة, فمن الحكمة أن نجدد دوما نياتنا لله و أن أعمالنا كلها خالصة لوجهه الكريم و نرجوه سبحانه أن يمن علينا بقبولها, و إن زلننا و أخطئنا فنرجوه بعظيم جوده و رحمته أن يغفرها لنا و يتجاوز عنها و أن يتقبلنا فى عباده الصالحين المصلحين.
    كما قالت الأخت (تبا للنقود والماديات) أن لا يكون ما حدث لك من المثبطات على الزواج و لكن داوم على الدعاء بأن يختر الله لك الزوجة الصالحة التى تحبها و تحبك والتى تكون عونا لك و سندا على أكدار الدنيا و مشاقها و أن تكون معينا و محفزا على الطاعات لنكون من أهل الجنان فى صحبة رسول الرحمة و الأكارم الأماجد من الصحابة و الصالحين اللهم امين.
    إعلم وفقنى الله و إياك لما فيه الرشاد و السداد أن الدنيا ما هى إلا معبر و ممر, و صدق أحكم الحاكمين حين أسماها الدنيا ليعلمنا أن ليس هناك ما هو أدنى منها بما فيها.
    و أخيرا سامحنى على الإطالة, و أسأل الله العظيم أن يجمعنا و إياك و المسلمين أجمعين فى جنة الخلد إخوانا متحابين حيث لا كمد و لا حزن اللهم امين.
    و أسألك أخى و جميع الأخوان و الأخوات ألا تنسوا أخوكم الفقير من صالح الدعاء. جزاكم الله خيرا
    أستودعكم الله الذى لاتضيع ودائعه و السلام عليكم و رحمة الله و بركاته

  17. صاحب المشكلة
    10/03/2012 at 21:53

    ميرسي جد ليكي علي الكلام اللي بجد لايمكن اكون نصه حتي

    انا فيا عيوب زي كل الناس وعيوب كتير كمان

    وان شاء الله ربنا يرزقك بواحد مفيش زيه اتنين في الدنيا ويعاملك بما يرضي الله

    انا بعيد من مده طويله
    خلاص مفيش حاجه في ايدي غير اني ابقي بعيد

    كل الطرق هي قطعتها بينا

    وبصراح انا اقتنعت جدا بكلام (Foofoo حبيبة)

    هي اكيد مش عاوزاني
    لايمكن واحده بتحب واحده وتفضل تبعد عنه طول الوقت ده

    فهمت متاخر شويه بس كنت فاكر ان تمسكي بيها ده اخلاص وحب

    انا بتمنالها السعاده مع اللي تحبه

    هي اكيد محبتنيش

    لان الحب مش مجرد كلمه
    ده التزام وفعل
    واللي بيحب بيضحي بكل حاجه علشان حبيبه
    وابدا ما بيفكر يضحي بحبيبه

    ربنا يسعدك ويسعدها
    وكل الناس الجميله اللي ردوا عليا طول الفتره دي

    وشكرااا

  18. تبا للنقود والماديات اين انت يا حب
    05/03/2012 at 13:00

    اولا عشان تتاكدو انو صادق مش ملاحظين انو متابع المشكلة تعليق بتعليق وبعدين يا بختها يا بختها بجد لو في زيك كان العالم منور وبقولك اقنع نفسك انها لو مش عاوزة او ابوها رافض انك تبعد وتضغط عمشاعرك ويمكن تلاقي اللي تحبك اكثر انا نفسي اموت واعرف ليه الناس مبتشوفش الحب الاقي فين زيك يا اخي صدقني يا بخت امك بيك والناس الللي تعرفك لو ليك توام ابقى قولي لي وقدر نبل مشاعرك وشخصيتك الوفية ومتسيبش حياتك تبوززي اخي عندو 30 سنة بنقولو هتعنس عشان حبيتو اتجوزت

  19. صاحب المشكلة
    04/02/2012 at 12:29

    شكرا ليكي يا (حبيبه FooFoo)

    يمكن يكون كلامك صح

    بس لو كنتي قريتي الموضوع والردود انا مش عاوز العب او اتسلي انا عاوز الموضوع يكون بجواز

    ومحاولتش اتعامل باي حاجه غلط

    مش هبقي بكدب لو قلت اني الوحيد اللي يحب واحده 8 سنين لحد دلوقتي من غير ما يقابلها

    وعموما انا حاليا بعيد

    شكرا لردك

  20. Foofoo حبيبة
    04/02/2012 at 01:22

    واضح البنت مابدها اياك البنت الشريفة مستحيل تتزوج واحد عم يحب ويضايقها حل عن البنت وانساها البنت عم تبعد وانت لاصق فيها لك العمي على هالشباب شو وقحين البنت تكرهك في وحدة تحب واحد تقوله ابعد عني بالعقل كده ابعددددددددددد

  21. صاحب المشكلة
    27/01/2012 at 04:12

    ميرسي ليكي جدا يا شوشو بس انتي يظهر ماتابعتيش الردود الباقيه

    انا فعلا بعدها عرفت ان باباها رفض وهي حاولت تبعد وعملت المستحيل واتمسكت بيها
    ورجعت اتقدمتلها تاني وللمره التانيه متوقفش معايا وتسيبني وتبعد برضه

    والله ما في في ايدي حاجه اعملها علشان تكون من نصيبي ومعملتهاش

    باباها حاطط شروط انا مش هقدر انفذها دلوقتي ومفيش شاب في سني يقدر ينفذها
    طيب اعمل ايه؟؟

    وهي ليه مش بتوقف معايا؟؟

    احنا لينا حوالي 70 يوم منعرفش حاجه عن بعض
    من اخر يوم روحت لباباها فيه

    وانا مش هقدر ادور عليها تاني…لاني مش هقدر اوعده بالكدب اننا هنبقي لبعض

    علشان نبقي لبعض لازم هي تقنع والدها يقدر ظروف شاب في سني

    غير كده والله ما في حاجه بايدي اعملها غير ادعيلها تبقي سعيده في حياتها

  22. شوشو هيما
    24/01/2012 at 23:21

    السلام عليكم بجد انت شاب كويس جدااااااااا ربنا يوفقك انشاء الله جايز ابوها عمل كدا عشان الامتحانت صحيح بس خليك جمبهاااااااا اعمل اى طريقة تبقا معاها متسبهاش

  23. صاحب المشكلة
    26/12/2011 at 03:48

    انا متشكر لكلامك الحلوه يا نوفه
    بس ارجوكم محدش يظلمها هي كمان
    يمكن الظروف كانت اقوي منها ومني
    ويمكن انا فعلا مش الانسان المناسب ليها وتستاهل حد احسن

    بس الاكيد انها انسان مؤدبه ومحترمه جداااا
    وانا للاسف خسرتها غصب عني

    ربنا يصبرني علي بعدها

  24. نوفه
    25/12/2011 at 00:59

    يمين الله انت نعم الرجال رجل والرجال قليل
    اللي حسبته ان البنت كانت نتسلى بس
    لكن الله يعوضك بأفضل منها
    ويكتب لك الخير وين ماكان ويسهل دربك
    اختك نوفه من السعوديه

  25. صاحب المشكلة
    24/12/2011 at 19:19

    يا جماعه انا متشكر علي ردودكم واهتمامكم بس للاسف لتاني مره اتقدم واترفض وتسيبني

    انا اتقدمت في العيد اللي فات وطلبت منها تقنع اهلها بظروفي لكن والدها طلب طلبات تعجيزيه جدااااااااااااااا بالنسبه لشاب لسه في بداياته زي

    انا حاولت بكل اللي اقدر عليه وكان نفسي احقق حلمي ان اول حب في حياتي ينتهي النهايه الصح ونتجوز بس نصيبي اتجرح زي كل الناس

    بصراحه انا مش عارف هي اللي بتعمله طبيعي وانها مش هتقدر تواجه اهلها وتقولهم انا عاوزة ده ومش هتجوز غيره ؟؟
    ولا هي اصلا مش عاوزاني وانا شخص عادي بالنسبه لها؟؟

    عموما انا خلاص قفلت الموضوع ده ومش هبكي علي اللي فات

    اه حبيتها وبحبها ومش قادر اكرهها وبتمني ليها الخير مع الانسان المحظوظ اللي هتكون من نصيبه

    ربنا يسعدك يا حبيبتي الاولة والاخيره ..

  26. :)
    11/12/2011 at 00:04

    ان شاء الله تكون من نصيبك انا قرات كل كلامك واثر فيا ووعد مني ادعيلك يارب يخليها من نصيبك متقلقش لو البنت عايزاك وبتحبك ابوها مش هيرفضك ابدا وكمان باين عليك محترم واخلاق وان شاء الله ربنا يسهلك امورك انت بس استنى لما فترة الامتحانات تخلص وروح انت ووالدك اتقدولها رسمي وتوكل على الله وان شاء الله الموضوع يتم على خير ونسمع خبر حلو قريب 🙂
    ربنا يوفقك يارب وخليك متمسك بيها واعمل المستحيل عشانها ومدام زي ما بتقول اهلك ناس كويسين وهي كمان يبقى ايه المانع ان شاء الله تتوفق الامور بينكم بس اهم حاجة تاخد بالك من دراستك وتفكر في مستقبلك لان دا اللي هيرفعك قدامهم ويعليك في نظرهم ربنا يهدي بالك .

  27. HanyMoh
    25/11/2011 at 02:22

    حلوة الاستخارة دي ههههههههههههههه

    كل الناس فاهمين الاستخارة غلط للأسف..

    اعذرها حتى لو هتسيبها.

  28. لازم تقرى الرد ده
    12/09/2011 at 09:35

    انا معرفش اى اللى حصلكم دلوقت لكن لما قرأت كلامك اتمنيت انها تكون لك ودعيت لك

  29. صاحب المشكله
    08/08/2011 at 01:39

    حاضر هحاول تاني مع والدها
    ارجوكم ادعولي ربنا يجمعني بيها في الحلال

  30. احم
    07/08/2011 at 08:24

    اتقدم مرة واثنين وث لحد ماتبقى ليك

  31. زائرة
    05/08/2011 at 11:26

    ما تتخلا عنا ابدا وحاول مع باباها هي هيك بتتكلم لانو فقدت الامل انا بفهما بس انت ما تستسلم وحاول مرة ومرتين وتلاتة ومليون وضل ابعت الناس لعند باباها وادعي لربك وصدقني الله سبحانه وتعالى ما رح يردك خايب

  32. صاحب المشكله
    19/07/2011 at 07:34

    شكر لكل ردودكم الجميله
    زي ما اتوقعت باباها رفض وهي اللي بلغتني”برساله علشان رفضت نتكلم”..
    قلتلها هتمسك بيكي وهروح اقنعه…..رفضت
    حاولت معاه 4 ايام علشان اقنعها اني عاوزه وحرام نخسر الحب ده…رفضت وقالت نصيبنا
    سألتها هيفرق معاكي اننا منكونش لبعض..قالتلي انها صلت استخاره ومفيش نصيب وانها مش حاسه بفرحه كل بنت بخطيبها معايا
    كان لازم اقولها بكرهك…بس للاسف لغايه دلوقتي مش عارف!!
    خلاص احنا بعدنا من اول الشهر”يوم 1″ ومش هقدر انا اطلب منها نكمل تاني
    يمكن لو رجعت وحست انها محتاجالي ارجع اوقف معاها بس بجد عمري ما هقدر انسي جرحها ليا وانها اتخلت عني في اكتر وقت محتاجلها فيه

    انا قررت حاليا كل اهتمامي بدراستي والسنه اللي باقيلي وبس..لغيت كلمه حب من قاموسي
    ما لو كل حبي ده كان وهم يبقي مفيش حب في الدنيا

    #انت زعلان ليه ؟

    _ دا حب 6 سنين

    #ما كانش حب

    _ والله حب

    # لو كان حب ….كان زمان ال 6 سنين بقو للأبد

    _ الحب الحقيقي هو الي بيكمل

    # الحب الحقيقي هو الي عمره مابيكمل

    نصيحه محدش يسلم قلبه تاني ولو هتسلمه اديه للي يحبك مش اللي تحبه

    شكرا ليكم كلكم
    ربنا يسعدكم

  33. محمود
    18/07/2011 at 11:26

    شوف ياصاحبي انا عمري ماشفتك ولا كلمتك ولا اعرف انت مين اصلا بس بجد انا من خلال كلامك احترمتك جدا واتمنيت لو البنت دي اختي مكنتش هتردد لحظه وحده اني اعمل المستحيل علشان تكونو لبعض ومهما يحصل اوعي تتخلي عنها ابدا لانكم بجد تستهلوا بعض.وذي ما قال المولي عز وجل الطيبات للطيبين. ويارب يارب يارب يجمعكم مع بعض في حلال ربنا ويهنيكم ويرزكم الذريه الصالحه ان شاء الله

  34. ملك
    01/07/2011 at 15:44

    اعمل المستحيل علشان توصلها اثبت لاهلها انك شريها وروح اتكلم مع باباها وربنا يوفقك ويارب يكرمينى بواحد زيك دا يارب

  35. كل الناس غداره
    26/06/2011 at 18:17

    والله انك انسان محترم وتستاهل كل خير الله يوفقك يار ب وتكون من نصيبك انت بجد انسان نادر وجودك وبتحب بجد مش زى الشباب اللى موجود دلوقتى وانت خليك زى مانت حبها واوعى تخونها واعملها حساب زى مانت وربنا هيجازيك خير وهتكون من نصيبك والله صدقنى ما دام انت انسان كويس ومخلص وكمان قريب من ربنا اكييييد ربنا هيجعلها من نصيبك وهيوفقك ليها باذن الله

  36. توتا
    19/06/2011 at 17:26

    انا بجد دعومى نزلت انا كمان عندى نفس المشكله واكيد باباها هيوافق بدل محس ان بنته متعلقة بيك وان شاء الله لما يوافق لازم تكون جرى وتاخد ابيك وامك وتروح تقابلها وان شاء الله لما يوافق تكتب انت وتقول ان باباها وافق عشان نفرح معاك وانت عندك مستقبل كبير اوى واى بنت تتمناك وان شاء الله ميحصلش حاجة وحشة ابدا

  37. فريد
    07/06/2011 at 00:52

    الله يا أخي أنت بتحبها حقيقة من قلبك وكلامك كله يدل على أنك بتموت فيها لذا يا أخي حاول أن تخطبها وتتقدم لها حتى يزول عذابك ولا تدع الظروف تفرق بينكما لأن الفراق أليم جدا ومميت لمحبين مثلك ، هدأ من روعك وحكم عقلك حتى تقنع والديك كي يخطبوها لك من أهلك وأقنعهم أنك قادر على الزواج يعني لا تقلهم أنك تريد الزواج من أجل الحب لأن لا أحد راح يفهمك قل لهم أنك تريد الزواج ممن تحب وان لم يخطبوها لك لن تتزوج غيرها يا أخي ضع النقاط على الحروف وكن جادا فيما تفعل وادعوا الله حتى يعينك ويسهلها عليك وانشاء الله ستكون حبيبتك لك ويجمع الله بينكما وتكون حياتكما سعيدة

  38. مستنياك
    27/05/2011 at 14:00

    بص والله دى نفس حكايتى انا وحبيبى وبنحب بعض واحنا فى 3 اعدادى ومكنش فيه بينا اى كلام وكل واحد فينا كان بيحس انه حب من طرف واحد لحد اما اتأكدنا من مشاعرنا باحساسنا ,, شوف انا لحد دلوقتى متمسكه باللى بحبه وبدأ اهلى يقتنعوا سيبها لله بس ومتحاولش تتحدى اهلك لانه غلط وهى اكيد هتبقى معاك لان شكلها اصلا محترمه ,, ربنا يوفقكوا

  39. حنين
    24/05/2011 at 23:55

    والله دموعى نزلت
    ربنا يجعلها من نصيبك يارب واكيد هاية تستاهل انسان زيك
    مش لاقية كلام اقوله بس والله لادعيلك ومتخفش البنت بتحبك وان شاء الله باباها هيوافق

  40. ساحر العيون
    19/05/2011 at 18:20

    السلام عليكم
    والله انته شكلك انسان محترم وطيب جدا وان شاء الله ربنا هيكرمك معاها
    وفعلا زى ما مانو قالت ان والدها خايف عليها ودا رد فعل طبيعى
    هو ميعرفشى ايه بينكم من البدايه وانا بأكدلك ان الانسانه دى كمان اتعلق بيك خلاص
    وطول ما انته متمسك بيها هيا كمان هتفضل متمسكه بيك وانته ان شاء الله مكانك مرموق
    وابقى اعزمنا يا باشا على الخطوبه ولك منى اجمل الورود مقدما

  41. cool
    19/05/2011 at 05:26

    بص يا مان مدام الرجل قال هيفكر يبقى هيفكر وبعدين هو سحب الموبيل علشان حس ان البنت بتحبك ومش معقول هيرفض عريس بنتة بتحبة وكمان فوق كدا مهندس وعندة شقة ومستقبلو حلو اوى ربنا هيوفقك وابقى ادعى فى الصلاة وهتجوزها يامان ان شاء الله وابقى اعزمنى

  42. احترت مع اللي بحبة
    18/05/2011 at 12:15

    سلام عليكم واللة انت انسان محترم قوي وبتغير فكرتي ان الاولاد مبتعرفش تحب لكن طلع العكس بس لية اللي انا بحبة بحس انه مبيحبنيش المهم انك متياس من حاجة ومش معني تاجيل باباها للموضوع انه كدة بيرفض وي ما قلك حازم انهم سحبوا منها الموبيل عشان هية محترمة لو هية بنت وخلاص مكنش هيفرق معاهم وبعدين انتوا ازاي بقالكوا 6 سنين بتكلموا بعض بالرسايل انتوا ممكن تبقوا من عجائب الدنيا السبع ويارب ان شاء تكونوا من نصيب بعض بس انت متتخلاش عن حبك وهية لو من نصيبك هتخذها بس روح مرة واثنين وثلاثة والف وانت طيب وزي العسل وان شاء اللة هتكون من نصيبك وابقي طمني طمنا

  43. ليالى الصعيد
    17/05/2011 at 19:30

    بجد بجد انت انسان مخلص والحب الصادق عمله نادره فى الزمان ده وبدعيلك تكون من نصيبك والله من كل قلبى وربنا يوفقك اختك فى الله(اليالى الصعيد) انا نفسى القى انسان صادق ويتقى الله

  44. MIDOOO
    17/05/2011 at 02:09

    بجد انت انسان جميل ونبيل وكلك زوق وادب واخلاق بسم الله ما شاء الله عليك صدقنى والله كل اللى اقدر اقولك عليه ان لو لقدر الله ابوها رفض يبقى خسر انسان نادر الوجود فعلا والله
    صدقنى طول ما نيتك خير ربنا عمره ما هيتخلى عنك بس انت حاول وماتيأسش
    ورياب لو هى خير ليك ربنا يقربها منك وتكون من نصيبك ولو شر يبقى ربنا يبعدها عنك
    ان شاء الله خير يااااااااااارب يوفقك ويسعدك معاها لانك تستاهل كل خير
    وتعمل حفلة الخطوبه وتعزمنى كمان بس ماتبقاش بخيل
    والله كلامك ده خلانى اقولك ان ليا الشرف انى اعرف انسان زيك والله

  45. حازم الاهلاوى
    16/05/2011 at 21:40

    صاااااحبي
    حاسس ان في حاجه مشتركه بينى وبينك اللى هي حتت “” الاخلاص في الحب “” عموما
    انت كدا عرفت انها بتحبك اووووى لانها كلمتك فون وهي طول 6 سنين رسايل وبس انا صراحه مستغرب من حب الرسايل ده بس متاكد انه حب صادق مليون في الميه
    انت لازم تكون زى ما انت كدا اتمسك بيها اكتر واكتر حاولى تصبر نفسك شويه الغايه ما تخلص الامتحانات وحاول تمسك مشاعرك شويه اكتر من كدا عشان تركز في امتحانتك انت برضوا
    وخليك دايما متفائل انها دايما حتبقي ليك باذن الله ولما اهلها يشوفوك متمسك بيها كدا اكيد هتكبر في نظرهم
    هي اتسحب منها الموبايل لانها بنت محترمها واهلها ناس محترمين
    وان ده مش سبب انهم رفضوك ده لانهم خايفين ع بنتهم في الامتحانات
    وانها متكلمش حد مش خطيبها او جوزها مش رفض باذن الله
    ولو اترفضت لا قدر الله حاول مره كمان لو اترفضت حاول كمان مره والل فيه الخير
    ربنا هيقدمه ومحدش بياخد اكتر من نصيبه لو مكتوبالك هتتجوزها لو لا يبقي ارداه ربنا
    “” وربنا يكرمك ويوفقك ويجعلها من نصيبك “”

  46. Mno
    16/05/2011 at 21:29

    انا حسيت بكل انفعالاتك من طريقة الكتابه
    اولا هدي اعصابك والجأ لربنا وادي كتير
    ثانيا والد حبيبتك خايف على ابنته من اي شاب وده طبيعي
    الراجل قال ان الكلام يتأجل يعني انت تخلص امتحانات وتفتح الموضوع تاني
    مفيش اي مشكله ان شاء الله وربنا يكتبهالك
    بس انت فعلا لازم تكون عريس يشرف بعني تنجح
    وتلاقي الوظيفه اللى تخلي والدها يطمن عليها معاك

اترك رداً أو حلاً لهذه المشكلة