مشكلتى باختصار بدات مع قصة حبى لابن عمتى حبينا بعد جدا وكنا صغيريين فى السن ومن هنا بدات المشاكل بتدخلات اهلو وخصوصا زوج امة وكثرت تدخلاتهم وكثرت المشاكل بينى وبين زوجى اثناء فترة خطوبتنا و تركتة اكثر من مرة وكنا نرجع تانى بسبب حبنا لبعض بس هما دمرو حياتنا وكل مناسبة سعيدة لينا كانت بتتقلب نكد وعياط تدخلو بكل حاجة وحتى اختيار شقتنا مع العلم انة كان غير قادر على تمنها ولكنهم اجبروة عليها لانها بنفس العقار معهم ونعيش بديون لمدة خمس سنوات من بعد زواجنا حتى بحاول اخلص من الشقة وابيعها بيوقفولى البيعة دايما وبيسلط الجيران لما حد يجى يشوف الشقة يطفشوة لطمعة هو بالشقة ولانو عايز يشتريها بنصف تمنها ولاحقر انو طمع فيا انا ومش فى الشقة وبس وحاول يتحرش بيا وانا قولت لجوزى ودة كان باسابيع قبل جوازنا وبالرغم من كل دة ادنالهم فرصة بعد الجواز ان هما يتغيرو ولكن مفيش فايدة وحصل مشكلة بعد جوازى بستة اشهر لانهم رافضين يعطونا اوراق شقتنا وزعلنا منهم وبعدنا فترة الى ان ربنا رزقنا بمولودى الاول وزوجى كلم مامتة وزوجها وجم بعد اسبوع من الولادة لرؤية المولود وكالعادة عملو مشاكل فى سبوع ابنى وانا اعدت اعيط واتحرق دمى جدا ونزفت كتير جدا لمدة 4 شهور والدكتورة قالتلى حنوقف النزيف بالحرق بس احتمال متجبيش اولاد تانى وطبعا نفسيتى ازدادت سؤا لحد ما اخو زوجى الصغير تكلم معى وقالى انت طيبة اوى وحنينة وانا بحبك جدا بس لية ماما وبابا بيتكلمو عليكى وحش وبيشتمو عليكى فى اللحظة دية قررت ان دية تكون النهاية وقررت قطع صلتى بيهم نهائيا واتفاجئت ان زوجى كمان موافق واتمسك اكتر منى بالقرار وهو كمان بعد عنهم وتكلمت معاة انة هو ملهوش دعوة بيا هو ممكن يتكلم معاهم عادى بس هو رفض قالى انا استحملت منهم كتير وانا مستهلش منهم كل دة وبصراحة ارتحنا جدا من ساعت ما بعدنا عنهم وبنحاول نصلح حياتنا اللى هما بوظوها ونسدد ديونا وعايشن مع بعض سعدا الحمد لله المشكلة ان انا ضميرى بيعذبنى وخايفة من عقاب ربنا عليا وعلى زوجى وخصوصا هو لانها امة بس هو حاول يكلمها بس بعيد عن زوجها وميحتكش بية هى رفضت وفضلت زوجها عن ابنها وهى دية اكتلر حاجة وجعاة وخلتو يبعد مش عارفة حد يقولى اية الحل
مشاكل الزواج
ضميرى بيتعذب وخايفة من ربنا
اضيف بتاريخ: Thursday, January 12th, 2012 في 16:30
كلمات مشاكل وحلول: الحب, الحموات, مشاكل زوجية
مع الوقت هينصلح كل الحال والله الموفق
حبيبتى بجد مشكلتك ممكن تتحل لو هما بيعملوا مشاكل كدا خليكوا بعيد ملكيش غير زوجكك وابنك الباب ال بيجى منوا الريح سدوا واستريح اكيد مامتة مش هتفضل بعيد عنوا كدااا هترجعلوا دا برضوا ابنها
البعد عنهم غنيمة. .هؤلاء ناس ينفات لهم بلاد ومادمت انت وزوجك استطعتم الابتعاد عنهم ومشاكلكم انتهت يبقى الحمد لله وتمسكى بهذه الغنيمة اما عن صلة الرحم فهو امر يخصه هو وليس عليه سويى محاولة الاتصال من آن لآخر فى المناسبات وسؤالها ان احتاجت شىء والسؤال عن أخيه وفقط ولا داعى لزيارتك لهم او يعرفوا اى شىء عن حياتك او ييجوا بيتك وربنا يبعدهم كمان وكمان. .وادعيلى انا كمان ابقى زيك