السلام عليكم ورحمة الله وبركاته ..
الحمد لله انى لقيت موقع اقول فيه مشكلتي وانا مش مكسوف .. باختصار انا مشكلتي مشكلة شباب كتير .. انا واحد بيحب ربنا جداااا وبحب اتفكر في خلقه وازاي ده حصل وخلق ربنا للكون والحيوانات وبحب جدا اقرأ فى الاعجاز العلمي ف القران عشان ازداد حب وثقه فى قدرة ربنا الى بجد لما بتخيل انى فى الجنه وهشوفه بعيني كده دي حاجه كفيله انها تبسطني اوي انى هشوف الله او انى اتكلم معاه .. تفاصيل كتير اوي ف حياتي معظم الناس ممكن تحسها صغيره بس انا بركز فيها اوي وبقول سبحان الله ده حصل كده عشان يحصل كده وعشان ربنا يرزق بالشكل ده ف الاخر او ينجي حد بالشكل ده وهكذا .. المقدمه دي عشان تعرفوا قد ايه اني متعلق بيه روحانيا جدا وهو اكيد عالم بكده .. مشكلتي بقي ودي اهم حاحه .. انا دلوقتي 25 سنه ومشتغلتش لسه وزي ناس كتير بدور ومقدم ف حاجات وبقول يامسهل وبسعي .. وطبعا عشان كده انا لسه متجوزتش ومش عارف ازاي اغض بصري فى الوقت الى فيه مغريااات كتير وفتن كتير جدا وبقول يارب انت خلقت النساء وخلقت فينا الشهوه ناحيتهم .. والمفروض انى اوصف الشهوه دي فى الزواج الحلال طب انا اعمل ايه انا 25 سنه ومشتغلتش ولسه مكونتش نفسي لما اشتغل طب اهرب منهم ع النت او اواظب ع الصلاه افتكر حاجات ف دماغي اسيب ده كله الي ف الشارع كفيل باني اضعف .. حتي الحديث بتاع الرسول الى بيقول فيما معناه انه الي ميستطعش الزواج يصوم .. طب انا معقول هصوم كل يوم مثلا !! والله جربت كل حاجه بس برجع وبضعف بردو وفي بنات اعرفها بحكم الجامعه بتغريني جدا وحصل شبه تجاوز قبل كده بس بسيط يعني .. خايف ليكون ده سبب منع رزقي .. بس برجع واقول طب ماهو في ناس كتير اعرفهم مش كويسين خالص وحياتهم كويسه .. ودايما ربنا زي مامعودني افتكر الايه الى بتقول فيما معناها انه الفئه دي ربنا بيرزقها وبينعمها عشان ميكونش ليهم حجه ف الاخره .. انا واحد كل حاجه نفسي فيها بتقف ف الاخر ع حاجه بسيطه ومتتحققش زي شغل كويس جدا وزي بنت كنت بتمناها ف الحلال بس محصلش نصيب وبقول يارب انا تعبت والله .. ده حتي انت يارب ذكرت ف القران حتي اذا استيئس الرسل .. ودول رسل .. وانا بشر عادي وزماني ده مختلف تماما عن زمانهم الى مكنش فيه فتن رهيبه زي الى انا فيها دي .. نفسي ابقي حاجه كبيره اوي مش عشاني والله قد ماهو عشان اسعد ابويا وامي الى هما بجد بتنطبق عليهم الايه الى بتقول وكان ابوهما صالحا .. نفسي يبقي عندي مراتي الى احبها وتصوني .. عشان كده انا بلوم كتييير اوي وبقول يستاهل نار جهنم وكل حاجه الى يكون متجوز وربنا مكفيه ويعمل الحرام .. يارب تكونوا حسيتوا بكلامي .. نفسي في حلول عمليه مش كلام وخلاص .. الى مريحيني والله بعد كل الالم ده .. انه فى الله هو الى حاسس بيا اكتر من نفسي وهيسعدني عشان هو ارحم الراحمين .. بس انا تعبت والله وخايف ليكون ربنا ياخدني مره واحده من الدنيا ودي هتكون اكبر مصيبه .. اسف للاطاله .. السلام عليكم
مشاكل الزواج
الظروف مأثرة على نفسيتي واني مقدرش ع الجواز
اضيف بتاريخ: Monday, January 12th, 2015 في 10:40
كلمات مشاكل وحلول: الزواج, بنات, بنت, شاب
يااخي انت بدايتك كويسة جدا لكنك خربتهاخالص في اخركلامك وعامل تفسر ايات الله حسب اهواك ومزاجك وهذاغلط وحرام شرعا لايجوز كل الشباب زيك كده يمرو بظروف اصعب من ظروفك لكنهم مايفكرون بالاحباط والياس اللي تفكرفيه غض البصرمن الامور التي امرناالله بها وحثناعليها الدين علشان تقي نفسك من المحرمات والمعاصي عليك بالسعى لايجاد عمل شريف تعيش منه وتقدر تجمع لك مبلغ يساعدك على اتمام نص دينك السماءلاتمطرذهبا ولافضة ابحث واسعى بكل استطاعتك حتى تجد العمل اليد البطالة نجسة وعليك بالصلاة في اوقاتها في المسجد والصوم يامعشرالشباب من استطاع منكم الباءة فليتزوج ومن لم يستطع فعليه بالصوم -واحذرمن غضب الله عليك ان انتهكت محارمه احضرلمجالس الذكروالدروس الدينية في المساجد ولازم الجماعة وتعهد القران بالحفظ عن ظهرغيب وربي يسهل لك امورك ويكرمك بالزوجةالصالحة قريبا ويجعلك من عباده الصالحين
أخي الكريم انت باين عليك انسان محترم عشان كده بتسأل السؤال ده انا من رأيي تدور على شغلانه مهما كانت بسيطه لحد ان شاء الله التعيين لما ييجي انت أكيد بتلاقي شباب زيك حاصلين على مؤهلات علميه وبتشوفهم في وظايف تستعجب ازاي يشتغلوا كده بس الحقيقه هما عندهم طموح وناصحين وزي الرسول عليه الصلاه والسلام ماقال (اعقلها وتوكل) أي عمل شريف بيشرف صاحبه وأن شاء الله ربنا هايكرمك ياما ناس بدأوا من الصفر وربنا كرمهم وأنت الحمدلله مش ناقصك لاتعليم ولاصحه
وطبعا مش لازم انبهك على صلاه الجماعه في المسجد واهميه أختيار الصديق الصالح وإن شاء الله ربنا هايرزقك ببنت الحلال اللي مش هاتيجي لوحدها لأ هاتيجي لما تكون نفسك
هو انت كدة عملت كل حاجة صح بس في تفصيلة صغيرة انت مش واخد بالك منها و هو ان وقت الفراغ الكتير اللي عندك ده هو اللي مصعب عليك مشاكلك فأنا نصيحتي هي انك تدور علي اي شغل حتي لو مش بشهادتك مدام حاجة محترمة خلاص علي الاقل عشان تشغل وقتك و تبقي حاجة مؤقتة لغاية ما ربنا يرزقك بالوظيفة و ببنت الحلال