أنا شاب أبلغ من العمر 27 سنة عقدت القران مع فتاة تبلغ من العمر 20 سنة وهي من إختيار أهلي ومطلقة طلاق الشقاق قبل البناء.أحبها كثيرا لكن بعد مرور 3 شهور رفضها أبي وإخوتي وقالو لي طلقها بدون سبب لكن أنا متعلق بها كثيرا وهي أيضا تحبني وليس هناك أي سبب لأطلقها وأنا متأكد أنني سأظلمها إن طلقتها وأنا لم أخبرها بعد أنا أهلي رفضوها .هي تسألني دائما عن أحوالهم.ساعدوني أرجوكم.
هو انت اللي هتتجوزها ولا اهلك ؟؟؟ و فين شخصيتك و استقلالك ؟؟؟ دا ناقص انهم يقولولك تنام معاها ولا لأ !!!!!!!!
مع احترامى لاهلك بس انا شايف انهم بيهزروا .. يعنى عارف كانت هتكون مقبولة شوية لو انت اخترتها من الاول بعد كدا هوا رفضوها مع الوقت لكن دى من اختيارهم اصلا من الاول .. والاسوأ كمان ان مفيش سبب منطقى عايزين يقولوه .. انا شايف والله ان دى حياتك انت وانت اللى هتتزوج فى الحالى دى اتكلم على الله وكمل مدام انت مرتاح واستخير ربك سبحان وتعالى بردو فالله اعلم
بص انت دلوقتي كتبت عليها وحرام البنت تتطلق من غير سبب زائد ان هيا اتطلقت قبل كده لو اتطلقت تاني كلام الناس مش هيرحمها وهتطلع عليها اشاعات عشان كده حاول تقنع اهلك بيها وقلهم الكلام ده والزن على الودان امر من السحر بس من غير ماتشد معاهم في الكلام عشان كده الموضوع هيتعقد اكتر
ممكن كمان تشوف شيخ قريبكم او شيخ الجامع اللي عندك بني ادم محترم وتشرحله المشكله وهو يحاول يقنع ابوك بطريقته وبالآيات والأحاديث
وابقى خليها تزور اهلك وتعاملهم بطريقه كويسه في وجودك يمكن يقتنعوا بيها .
لولا انهم اهلك كان الواحد غلط فيهم .. كانوا مثلا نايمين لما جيت تعقد على البنت وفجأة فاقوا لقوك اتجوزتها .. وانت معندكش شخصية ولا اللي بيقوله اهلك بيمشي عليك حتى لو مش منطقي ولا عقلاني وحرام حتى ظلمتوا البنت معاكم .. اصلا يبدو لو طلقتها احسن عشان هي هترتاح من ضعف شخصيتك مع اهلك وتسلطهم .. انت قرر معتقدش انك لسه قاصر عشان تسكت على الاستهبال ده