مشاكل الشباب مع البنات

الظروف اقوى مني ومنها

السلام عليكم

انا يا جماعه حبيبت واحده وتعتبر بمثابه قريبتى وده من 5 سنين وانا وهى دالوقتى ف نفس السن ونفس الكليه.

وهى كمان بتحبنى لكن فجاءه لقيتها بتقولى ياريت نفضل اصدقاء بتقولى انها خايفه عليا لان الظروف وده مش احتمال!( ده اكيد انها مش تكون ليا وانا عارف كده) بس انا كنت ان شاء الله ناوى اخلص كليه واخطبها لكن الظروف اقوى منى ومنها

انا شايف ان كلامها صح ميه ف الميه لان المنطق والواقع يقول كده خاصه انها قدى ف السن

لكن حبها كان غصب عنى !!!

المهم دالوقتى هى معايا ف نفس الكليه وهى طالبه منى نكون اصدقاء لانها مش عاوزه تفقدنى كصديق بس انا مش قادر.

بفكر اسيب الكليه عشان مش اشوفها

ولا اوافق على كلامها ونكون اصدقاء

ولا اكون ف الكليه عادى واكنى مش اعرفها خااااالص

مش عارف اعمل ايه والامتحانات جايه ومش عارف اركز ف الكليه وبجد الثلاث اختيارات مش عاجبنى

هو سؤال هل الحب ممكن يتحول الى صداقه؟؟

ممكن حد يرد عليا

واسف ع الرغى الكتير ده

تحياتى

مشاكل وحلول ذات صلة

اضيف بتاريخ: Monday, December 13th, 2010 في 10:58

كلمات مشاكل وحلول: , , , , , , ,

6 رد to “الظروف اقوى مني ومنها”

  1. فرند
    09/10/2014 at 08:57

    صديقي أنا حاسس فيك
    أنا كمان عشت المرض ده المشكلة فين في الظروف
    انا متأكد انك ياما حاولت تفكر وتشتغل وترسم خطة لتحسن ظروفك
    الصداقة ممكن تصعد للحب ولكن الحب لا ينزل للصداقة
    انا عارف العذاب لي انتا عايشو ولا تنسا ان حبيبتك كمان بتتعذب
    وعلى فكرة البنت بتتعذب اكتر من الشب لانها الحلقة الاضعف
    استهدا بالله الحب الحئيئي ما بينتهيش وازا انتها بيكون بعد عذاب سنة ولا تنين مش شهر او تلاتة
    انتا ممكن تتخيل حبيبتك مع حد غيرك لا يأدرها ولا يحترمها زيك
    مين الاحق فيها مش لي حبها خمس سنين
    انت بس طمنها ودور على حل وانشاء الله ح تلائي الحل

  2. ملعون ابو الحب الى يزل الواحد
    24/07/2011 at 12:13

    مستحيل الحب يتحول لصداقة يعنى اية .يعنى اية واحدة كنت بتحبها ومتخيل نفسك معاها تبقب مجرد صديقة

  3. واحد وخلاص مش فارقه
    14/12/2010 at 16:42

    بص انا كنت ف حاله اقوى منك جربت اني ابعد عن الكلية وبعت اكتر من سنة اول ما شفتها بعدها رجعت ليها وده عملي مصايب بعد كده وهيعملك لو متاكد مليون ف المية انك مش هتبقى ليها فكمل زماله مش صداقه يعني اكنك عايش ع امل انك ليها ف اعمل اللي عليك وبس وقولها انا هاعمل اللي عليا وكده متستناش انها تستناك بس لو نصيبك ربنا هيحافظ عليها ليك لحد ما تكون قادر تخطبها مش نصيبها ولا هي نصيبك خلاص ادعي بس لو وجودك ف حياتها خير ليك وليها ربنا يوفقكم وكمل كزماله وقولها كده هتستفاد انك اولا مستقبلك مش هيضيع ثانيا الامل موجود ثالثا يوم ما هتتخطب هتبقى خدت شوية ع انها بعيده مش تتصدم وقتها وقرب من ربنا واعرف انك مش هتاخد اكتر من نصيبك وربنا معاك ويوفقك ويوفق الجميع ان شاء الله سلام عليكم

  4. ♣♥♣ فارس ♣♥♣
    13/12/2010 at 23:03

    الى انت وحبيبك بتعملوه ده اسمو لعب عيال لانك قلت هيه بمثابه قريبتك يعنى قريبتك ماهو يا اما قريبتك يا اما مش قريبتك فلو قريبتك يبقى تكونو اصدقاء ازاى انت اخوها مش قريبها انت حتى لو مش بتحبك انت الراجل الى ممكن تحتمى بيه لانها قريبتك وانت الراجل الى ممكن تعتمد عليه لانها بتحس ان لها ضهر بيحميها بالكليه لانك قريبها يبقى اصدقاء ايه ولعب عيال ايه المشكل بقى انها واقعيه اكثر منك وهيه بتفكر صح الصح لانو هيه بتفكر بعقلها اكثر مبتفكر بقلبها هيه محتاجه بعد متتخرج تتزوج وانت لسه بدرى لما تتجوز حتى انت قلتها بنفسك يعنى بصراحه هيه اشجع منك واكيد كمان بتحافظ على دروسها ومذاكرتها حتى تتخرج بسرعه وتتجوز اما انت بقى فانت حر فى نفسك لو عايز تشق طريقك بجد يبقى لازم تجتهد وتاخد الكليه بتاعتك علشان تشق طريقك وتعمل لنفسك كرامه ومستقبل بين الناس وقتها هتلاقى الف واحده بتترمى بين رجليك علشان بس ترضى وتوافق على اى واحده فيهم لازم يكون عندك عزه نفس وكرامه يعنى ايه متروحش الكليه ويعنى ايه تسيب الكليه انت فاكر انها هتنهار وهتتعذب وهتبكى الاطلال لا تبقى غلطان ده وقتها هتبصلك بنظره شفقه على حالك خلك راجل وخلك شجاع واتحلى العزه والكرامه وبعيدن متخليهاش صديقتك بل خليها بمثابه اختك الى تصونها وتحافظ عليها وابعد حكايه الحب ده تماما من دماغك وشكرا

  5. النبيل شارل
    13/12/2010 at 15:20

    اذا كانت مشكله في الاجابه على السؤال فقط فمشكلتك بسيطه لان الاجابه ان الحب لا يمكن ان يتحول إلى صداقه انت ذكرت في موضوعك ثلاثه اختيارات اظن في اعتقادي انها خطأ و كما قلت لك ان الحب لا يتحول إلى صداقه ولا يمكن لشاب وفتاه يتكلموا مع بعض لخمس سنوات ولم يحبوا بعض فلا تقلق اخي هي تحبك وسترجع لك بس انت تجاهلها وراح ترجع لك ان شاء الله

  6. واحد وخلاص
    13/12/2010 at 12:21

    يا اخى انت شايف ان الحب اللى طريقه الزواج بينكم مستحيل وهى لها نفس الشعور يبقا ابعد عنها احسن وما تضحكوش على بعض موضوع الصداقة دى لانها هتقربكم من بعض وانتم المفروض تبعدوا عن بعض وانت اعرف ان كل شى قسمة ونصيب وانت حاسس انها مش نصيبك دى مش اخر المطاف ولا تسيب الكلية ولا حاجة ركز فى مذاكرتك ودروسك واجتهد وشوف مستقبلك وخليك راجل ما يهزمكش موقف زى دة والحمد لله ان مفيش حاجة مش كويسة حصلت بينكم والحمد لله ان انتم هتسيبوا بعض وبينكم كل معروف وربنا يكرمك فى حياتك ومستقبلك

اترك رداً أو حلاً لهذه المشكلة