بسم الله الرحمن الرحيم .
انا شاب عمري 23 سنه اتوفى ابوي و انا صغير بالسن و اتت المنقذه العطوفه ( امي ) الله يطول بعمرها
ولكن ماهذا الانقاذ ؟ دلعتني و كل ما اطلب شي ينفذ و الشيء هذا اثر اثر كبير على نفسيتي الان صرت ماني عارف استلم مسئولية نفسي . جيت بصارح امي قلتلها ليه انتي ربيتيني بهذي الطريقه و ليش و ليش ؟ و اتفاجأت انها تقولي .. كيف ربيتك ؟ قلتلها دلعتيني الله يهديكي الين ما صرت دحين مو عارف كيف ابدا اصلح نفسي ! صارت تبكي و تنكر ! انا ما سويت شي انت يتهيألك و انت و انت ؟! و المشكله هي عارفه اني بديت اتغير و لكن بلاقي اضطهاد انت تسوي و تفعل و انا اللي سويت لك و عملت لك ! طيب يا امي العزيزه انا مقدر كل شي سويتيه بس برضو لازم اليوم انا اسوي نفسي الين متى و انتي كذا بتعامليني ؟ و ترجع تقولي انا كيف اعاملك ؟ ما اعرف ايش اقلها و ارجع اقولها تربيتك لي كانت غلط و انا و انتي عارفين و واثقين من الشيء هذا ! احسها اعوذ بالله تبغى تجنني . و انا الان مقرر اني اترك البيت و اعيش لحالي و اشتغل و اشوف نفسي و انا ادرس بالجامعه اخر سنه .. و امي تقولي انت اساسا ما تعرف تسوي شي انت اصلن ولاشي . قلتلها لو هذا تحدي بتشوفي بعينك . و لكن ترجع تسب و تسخط فيني احيانا اضحك و انا ابكي من جوة حسيت اني خلاص اتجننت . و ابغاكم تقولولي ايش اقولها بالضبط عشان تسمع مني و ايش اقلها كلام على اساس تعرف ان ولدها ناضج مع العلم اني احيان المحلها ( صاحب الدقه يستلقها ) او زي ما بيقولو مزحه بلدحه . بس برضو مافي فائده . و تكفون يا جماعه الخير ابا اقنعها ان ولدها ناضج بس الكلام يضيع مني ايش اقولها بالضبط عشان تقتنع و تغير معاملتها .و العنوان يبين لكم, ابغى كل من قري الموضوع يفيد شباب الموقع برد منه الله يعطيكم العافيه
اخوي العمده اما بالنسبه للوالده الله يحفضها جبت لها ساعه الماس تقدير بسيط على اللي اعطتني اياه اول ما وعيت و الشي هذا قليل في حقها و انت اكيد عارف , و لكن زي ما قلت لك كل اللي ابغاه التغيير في نفسي و في تعاملها معي و انا وضحتلها تغيري معها و صرنا نمزح و نضحك حتى على ايام الماضي . يعني خلاص كلو في تحسن ان شاء الله و هذا الشي صح ولا لا ؟ و نانا ابغاها بس ترسيني على لنا و اللي علينا من بين اقاربنا و ايش فيه من مشاكل على اساس اكون يدها اليمين . بس كيف اوصل للشي هذا
الله يعطيكم الف عافيه و الله انكم افدتوني اطيب فائده و انا عارف يا اخوي العمده ان الحمل انا اشيله لاني برضو انا كنت غلطان و كنت متسرع في تصرفاتي و لكن الان برضو مع الاصحاب انا شايف انه لابد تتغير معاملتي معهم و نكون عون لبعض بس برضو ما اعرف ايش اقول في البداية خصوصا لصديقي المقرب .. ايش اقلو بالضبط على اساس نتساعد على التغيير . و يا اخوي الصريح انت صادق انا كان عندي خوف و عشان اكسر الخوف لازم اسوي الشي اللي اخاف منه صح ؟ و ما ننحرم منكم يا رجال
ااولا الله يخلي لك والدتك اخي العزيز وما عاملتك بالمعامله هذي الا من حبها لك ولكن انا اشوف انك قسوة عليها بتحميلها كل اخطائك بالنسبه لطريقة تربيتها لك مع انها كانت تتوقع من الشكر والعرفان .
ابدا غير نفسك بدون ما تستشير احد او تقوله انك بتغير نفسك لازم تغلط وتتحمل خطأك لان الشخص الوحيد اللي ما يغلط هو الشخص اللي ما يسوي شي ابدا سو اللي تحس انه صح وخاصة اذا ما فيه ضرر على احد ولو اخطات مهي نهاية العالم بالاخطاء نعرف الصح اما الاشياء الكبيره استشر فيها ولكن غير والدتك لانك عارف نمط والدتك في التعامل مع الامور لازم تنوع في الاراء .
دائما اثن على والدتك في تربيتها لك ولا تحملها الخطاء لخوفها عليك وحبها لك ولكن لانك بتحميلها الخطأ ما راح تكون لك عون مثل ما توقعت لانك ما اثنيت عليها مثل ماهي توقعت
واخيرا اقولك امك ثم امك ثم امك وانا اخوك وبالكلمه الطيبه وبرضاها عليك ربنا بيوفقك لكل خير
مثال على طريقة النقاش مع الوالده الله يحفظها : امي الله يحفظك انتي تعبتي وربيتيني احسن تربيه والله يقدرني على مكافاتك واللحين انا ابي اشق طريقي لوحدي ولكن احس اني تدلعت زياده عن اللزوم وهذا من كرمك معي وطيبك والله يجزاك خير الان انا ابي استقل برأيي وابي اعتمد على نفسي << وان شاء الله تلقاها عون لك مو ضدك
بجد عزيزى والدتك اولا هى بتخاف علية كتير جدا زى كل الامهات بسبب انك وحيد ومدلل
ولكن عليك ان تسبت لنفسك انك راجل وتستطيع ان تتحمل مسئولية بيت واثبات زات لنفسك اولا ان على قدر المسؤلية لفتح بيت بالمستقبل
اكسر حاجز الخوف عندك وعند والدتك واعتمد على الله فى شق طريق مستقبلك وافضل شىء عندك انك بجد على قدر المسؤليه طالما هذا ينبع منك شخصيا
وفقك الله لما فيه الخير.