السلام عليكم انا شاب مصري عمري 20 سنه عندي مشكله جبتلي عقده نفسيه ونفسي حد يساعدني بالله عليكو ويقولي اعمل ايه ياريت بدون تريقه يا جماعه انا جبت اخري والله.
المشكله ان مشيتي غريبه نوعا ما وديما اخويا الكبير يهظر معايا ويقولي يبني اعدل مشيتك عامل شبه اللي لسه طالعين من السجن او رايح يقفل منطقه ولما بحاول اعدل مشيتي بحس اني بمشي بطريقه غريبه والناس كلها بتبص عليا انا شاب نزيه في لبسي وبعرف اتعامل مع الناس وعندي صحاب كتير اوي وفي ناس من اعز اصحابي حسيت انهم بعدو عني بسبب مشيتي الغريبه بالله عليكو سعدوني انا شاب كويس وجدع وليه شخصيه في الشارع وناس كتير عرفاني وصعبان عليا نفسي من اللي انا فيه انا بطلت اخطلط بالناس وبعدت عن صحابي بسبب الموضوع ده بقيت منطوي بعيد عن الناس واكتر قعدتي في البيت
انا بعرج وانا بمشى وعادى مكمل حياتى مفيهاش حاجه حتى الاطفال بخافو منى بس مكمل لانى عندى اصرار انى ابقى اكبر مدرس وده هو الى حصل الاطلاب الاول كانوا بيخافوا منى بس بعد مابياخدوا عليا بينسوا انى بعرج وبيحبونى
اخي الفاضل حابب احكي لك هذي القصة فهي والله حقيقة حصلت لشخص معروف عندنا في المدينة اللي نسكن بها رجل على دين وخلق اصيب من صغره بالعرج اوالكساح وصار متلزم فيه حتى الكبر ولم يمنعه ذلك من الاجتهاد في طلب العلم والحصول على افضل الشهادات العليا من الجامعة بل انه تفوق على الكثير من الاصحاء وفاقهم في التعليم وصار مهندس محترم في شركة قطاع خاص ينفذ مشاريع عظيمة لايقوم بها الا كبار المنهدسين من اصحاب الخبرة الطويلة في مجال العمران وتزوج من سيدة محترمة نفذلها مشروع خاص بها واعجبت به وبامانتته في العمل وقررت الزواج منه وتزوج بها وهي امراة ثرية وعندها اموال وخيركثير وصار الرجل من اصحاب الثراء الواسع ورزقه الله بالاولاد والبنات من تلك المراة وصارت حياته كلها سعيدة والكل يفتخر به وبكل مشاريعه واعماله فالله ياخذ من الانسان شي ويعوضه شي اخر وهذا فضلا من الله وكرم منه عزوجل يستاهل الحمدوالشكروالثناء عليه من العباد اتمنى تكون الصورة اتضحت لك واستفادت من كل مافيها والله يوفقك ويرعاك ويكرمك بكل الخير
اخي ماحدش مافيه عيوب الكمال لله عزوجل ولانعترض على خلقة لنا اذا كنت اعرج اواحول اوابكم اواصم اواعمى فالواحد منا يحمدالله ويومن بالقضاء والقدر خيره وشره مالكش دعوة بكلام الناس عليك اهم حاجة تكون واثق من نفسك وترضى الله عزوجل وتخافه في كل تصرفاتك واقوالك تكسب رضاالرحمن عنك وتنال احترام وتقدير الاخرين لك باخلاقك وتربيتك وعملك الصالح ماتخليش العيب اللي عندك ياثر على نفسيتك لالالا ابدا اخرج ومارس حياتك اليومية بكل همةونشاط وتذكر رضا الناس غاية لاتدرك نجاحك في عملك وتمسكك بدينك وباخلاقك تخلي كل الناس تحترمك وتقدرك وتفرض عليهم مصاحبتك اتمنى لك دوام التوفيق والسعادة في حياتك ويسرامرك وجعلك من خيرة عباده الصالحين
بص ياعم لو كان فيك عيوب الدنيا كلها أوعى تخلي حد يعرف نقط ضعفك!هتقولي ليه؟ هاقولك علشان متخليش حد يمسك عليك أي حاجة علشان هايعايرك بيها، ويقلك وقت مايحب،وانت تبقى ساعتها اللي جبته لنفسك!!! أوعى تفتكر إن ربك خلق حد كامل…الكمال لله بس.ربنا خلق كل واحد بنقص معين عشان في الاخر يتساوا البشر وميبقاش فيه حد احسن من حد، لو فاكر ان اللي انت بتقوله دي مشكلة احب اقولك انك غلطان غلطان غلطان، لو كانت هي دي مشكلتك بس تبقى انت ماتعرفش لسة يعني ايه مشكلة!بص بقى ياعم انا هعرفك انها ماتنفعش تبقى مشكلة، بتقول مشيتك مش عاجبة الناس او بتخليهم يتريقوا عليك وفي ناس زي مابتقول بطلوا يعرفوك…افهم من كلامك انك بتمشي فاتح رجلك مثلا والا وسطك بيتهز وانت بتمشي مثلا…انا مش عارف ماشيتك عاملة ازاي..انت ماوضحتش… بس ايا كانت ماشيتك.. انا عايز اسالك سوال…انت شايف ان ماشيتك فيها حاجة غلط؟ ملكش دعوة بالناس حاول تجاوب على السوال من غير ما تخلي حد يضغط عليك. لو انت شايفها فعلا فيها حاجة مش طبيعية…شوف الغلط فين وصلحه..صور نفسك وانت ماشي واحكم على ماشيتك بنفسك…ملكش دعوة بحد لا فلان والا علان…انت سيد نفسك فاهمني والا لا… ماحدش هيساعدك غير نفسك…انا بس بحاول اوصلك عالطريق والباقي عليك، اوعى تفتكر ان العيب هو اللي الناس بتقول عليه!العيب فعلا هو انك تخلي الناس تخليك في الحالة النفسية اللي انت فيها ديه…بتقول بطلت تخرج..بطلت تشوف صحابك..تفتكر هو ده الحل؟؟؟تدفن نفسك علشان الناس!علاساس ان الناس ديه كاملة ومحدش عنده عيب واحد يخليك تتكلم عليه وكمان تقاطعهم علشانه؟!فكر كدة في عيب لاي حد تعرفه، دانت هتلاقي يجي مليون عيب فيه بس الفرق بينه وبينك ان هو عارف ازاي مايخليش الناس تمسكها عليه… ليه؟ هو ده السوال؟ايجابته يا معلم هي…ثقة بنفسك…لو ديه عندك صدقني مفيش قوة في الارض تقدر تهز منك شعرة..الا طبعا قوة الله(سبحانه وتعالى)…حاسب نفسك…قبل ماحد يحاسبك..قيم نفسك..قبل ما حد يقيمك…ولو لو لاقيت نفسك صح…اوعى تتغير عشان الناس..الناس لو لاقيتك قوي ماحدش هيكلمك نص كلمة…بس لو لاقيتك ضعيف مش هيسيبوا حاجة فيك الا ويتكلموا عليها ولو حتى مش فيك هيعتبروها فيك!متهيألي كدة انا قلت كل اللي عندي اقدر اساعدك بيه…وانا بس حاولت ادلك عالطريق وزي ماقولتك ماحدش يقدر يساعدك غير نفسك! واتمنى من ربنا اني اكون حليتلك مشكلتك.