السلام عليكم اخواتي……..
انا عايز اسئل سؤال وياريت حد يرد على سؤالى ويفدني
الموضوع اني خاطب من حوالى 5 شهور وبحب خطبتي اوى وهي كمان بتحبني انا مش عارف اكلمها بسبب اهلها عشان هما متدينين شويه ودايما يقولولي حرام انكو تكلمو بعض كل شويه انا بكلمها على النت يوم اجازتي الاسبوعيه بس ونفسي اكلمها على طول انا مسافر احدى الدول العربية ( حد يقولي هو انا حرام اكلمها براحتي فى اي وقت انا عايزه ولا هما بيبالغه شويه )
مشاكل الشباب النفسية
مخنوق ونفسي حد يرد عليا
اضيف بتاريخ: Thursday, November 4th, 2010 في 16:27
كلمات مشاكل وحلول: الشباب, مشاكل, مشاكل الشباب, مشاكل الشباب النفسية, مشاكل نفسية
بوص طلاما انت مسلم يبا لازم تسمع الى هما بيقولوا على شان همات كلامهم صح بس يعنى فة الوقت الى احنا فيه ده مش نافع مع الشباب و في ناس كتير كده بس فى الاول و الاخر الاكلام الى هما بيعملوا ده هو عين الاعقل و بعدين انت لو مكانهم ممكن تعمل كده او اوسخ …… انت حط نفسك مكنهم و شوف ايه النظام
ايوة هما عندهم حق طبعا لو عايز تتطمن عليها كلم ابوها او اخوها اطن عليها وان شاء الله لما تعقد عليها ابقي كلمها براحتك ومن الاخطاء اللي كتييييييييييير بيقع فيها وبيرجع يندم تاني انهم يعتقدوا ان الخطوبه دي خلاص كل حاجة وده طبعا غلط
كلمها كل دقيقه وكل ثانيه مش مخطوبين ياعم الحج امال اسمها فتره خطوبه ازااي ؟؟؟؟ ازا كان الواحد لما بيتعرف ع بنت عاديه مش خطيبته ولا حاجه كل يومين تلاته يقابلها ويتكلم معاها ويقعد معاها ما بالك انتا بقي خطيبتي ؟؟؟؟؟
hهما فعلاً هندهم حق ان مش يوافقوا انك تكلمها كل شوية بس ممكن مش يحبكوها اوي لانك مسافر برة والغربة وحشة حتي ولو كل يومين مرة في الليل او الوقت الي انتوا تحددوا وممكن حتي يبقوا هما كل شوية يجيوا يشوفوكوا بتتكلموا في اية لانك برضة لسة خطيبها وهما اكيد خايفين عليها…… ما اجتمع اينان إلا وكان الشيطان ثالثهم……. وربنا يكرمكوا ويتمملكوا علي خير …. اختك ..ز.ة
هما كلمهم صح انك لازم تكتب كتابك لانه من الشرع والدين وانت ادام بتحبها وهي بتحبك عادي اكتب كتابك علي شان حتي تتطمن عليها وانت مسافر وربنا يوفقك ويتمملك بخير
ودي مش مشكله كبيرة ولا حاجة
اسرع في كتب الكتاب ده هو الحل الي هيخليهم يسيبوك تكلمها على راحتك خطيب اختي المسكين حلها بكتب الكتاب ودلوقتي ماحدش يقدر يمنعه يكلمها هما مطمنين وعارفين انها حلاله
ايوة هما صح وبينفذوا الشريعة هذة البنت خطيبتك وليس حلالك زى ما قالك واحد فى ردة هو دة الافضل ليك وليه قلة الكلام والمقابلات بيخفف المشاكل وسرع واكتب الكتاب ولو هما من الاسر الشديدة فى التعامل اصبر عليهم من خطيبتك اللى بتحبها
يمعايمع انتا لا تكون اضعيف والعيب انو ما تكون قوي مع اهل خطيبتك
ااتكون قوي ولزم تفهم خطيبتك انها من حلالك
مو من الشارع هيا انها مرتك
ولزم هيا اتفهم اهلها على كل اشي انو انتا من النوعيه الى بتحبش تتحشرو يه
وشوف لا توطي راسك
لبنت حتا لو انها زوجتك …..
انا احمد من الاردن
هو الصح فى الشرع لو هما عايزين يمشوا شرعى
انكم تكلموا بعض كتير او قليل بس المهم انه يكون كلام فى حدود السلام والاطمئنان والتعارف والتفاهم والتعود على بعض
بحيث يكون كلامكم بعيدآ عن الكلام الرومانسى وبعيد عن التبذير وعن ضياع الوقت
وانت قولها انها تكلمك فى الاوقات المناسبه مش لازم اهلها يعرفوا كل حاجه عن كلامكم اللى بتقولوه والاعمال بالنيات وربنا يوفقكم
(سيد العاطفى)
مصر—بنى سويف