السلام عليكم اخوتي
انا يا حضرات شاب مواليد 1980 وحاصل على التعليم العالي ولكن مشكلتي التي تؤرقني دائما انني احس ان عمري خلاص انتهى وكبرت وشكلي بقة وحش رغم انني وسيم للغاية وجسمي رشيق جدا وشكلي حلو .. بس المشكلة اني حاسس ديما اني كبرت او خلاص العمر بيخلص وبكبر وشكلي بقى وحش وديما عاوز الناس تقولي انت شكلك حلو وبنبسط اوي لما حد بيعلق على استايلي وشكلي ولبسي الجميل اما لو محدش علق بكون زعلان ومتضايق وبحس ان فيا حاجة غلط او كبرت وعجزت وبقة شكلي وحش
للاسف الشديد معشتش طفولتي مصاحب اللي اصغر مني وبعيش معاهم فترتهم مع ان كل اللي في سني خلاص بيفكر في اولادة وبيته وبس
لكن انا العكس تماما بفكر في نفسي ديما وفي استايلي وشكلي واني اكون ديما صغير
ديما بلبس لبس اقل من سني وبدأ الناس تعلق عليا وتقول ليه انت بتلبس لبس عيال اقل من سنك
بس انا فرحان بكدة وشكل اللبس عليا جميل وزعلان اوي ان انا كبرت وراح عليا وقت اللبس والشياكة
نفسي بجد ارتاح من العذاب دة ديما ابص في المرايه واقول خلاص عجزت وكبرت وشكلي بقة وحش وساعات اقول انا دلوقتي حلو اوي بس بعد كام سنه خلاص هبقى شكلي وحش واكبر واعجز وهبقى زي الراجل اللي ماشي دة بجلابيه وعمه ووشي يكرمش وابقة وحش فأحزن اوي واقعد وحيد زعلان
انحرمت من الصداقة والاصحاب فبزعل بردو لما اشوف اتنين متصاحبين مع بعض واقول انا نفسي اكون زي دول ومكنش وحيد
حاسس ديما اني وحيد ومليش اصحاب يمكن يكون دة مش حقيقي بس انا حاسس بكدة مش عارف ليه
لما بصاحب واحد بزهق منه بسرعة وببقى عاوز اعرف غيره وغيره ةغيره عاوز اصاحب الكل والكل يحتاجني واشعر اني مهم ديما
حاسس ديما اني حزين ووحيد ومكتئب ومتررد في كل حاجة بعملها
عارف ان كل عمر وليه حلاوته بس بردوا مش عاوز اكبر ومش عاوز يبقى شكلى وحش عاوز اكون كدة حلو على طول شيك على طول مهم على طول ومش قابل الهزيمه ولا كبر السن
اشكركم وانتظر الحل
كالعادة كل المشاكل تتمحور فى الابتعاد عن التفكير الدينى ! … اللى اعرفه ان زمان فى غزوات الرسول (ص) كان فى شباب عندهم فلوس وجمال ورشاقة وسنهم صغير وكانو بيتصابقو على الشهادة وانهم يرمو كل دا وراهم عشان بس يرضو ربنا .. اللى عايز اقوله ان هيا دى الدنيا واحد وسيم وواحد لا واحد غنى وواحد فقير واحد رشيق وواحد لا بنت جميلة وبنت لا .. انا اقطع دراعى لو كنت ضامن انك تتولد اصلا من الاول وسيم .. بالمنطق! ان العبرة مش فانك تفضل شاب على طول او وسيم على طول .. ربنا قالنا العبرة مختصرة فى اية واحدة (ان اكرمكم عند الله اتقاكم) .. لو عايز تبقى مهم عند الناس فهتفضل تسعى سعى الوحوش فى البرية ومش هتوصل فى الاخر للى انت عيزه .. لكن لو عايز تبقى مهم عند ربنا .. يبقى لازم تفهم ان الاهم ان ايمانك هو اللى يفضل شاب وميعجزش لان هوا دا السن اللى فأيده مش سن جمسك … حلك فى الايماااان …