مشاكل الشباب النفسية

حاسس بفراغ عاطفى وخجول

انا طالب فى اولى ثانوى عندى 15 سنة بحس بفراغ عاطفى ونفسى ان يكون فى بنت فى حياتى بصراحة انا مؤدب وخجول وعمرى ماصاحبت بنت او حتى اتكلمت مع بنت قبل كده ومش قادر استنى سنتين او 3 لحد ما اخش الجامعة وكمان الظروف مش مساعدانى ماليش جارة من سنى وما اعرفش اى بنت من سنى ومدرستنا مش مشتركة اعمل ايه؟

مشاكل وحلول ذات صلة

اضيف بتاريخ: Thursday, September 12th, 2013 في 05:58

كلمات مشاكل وحلول: , , ,

9 رد to “حاسس بفراغ عاطفى وخجول”

  1. ابواميرة
    29/10/2013 at 10:58

    احمدالله انك ماتصاحب بنات اوتعرف احدمنهن اهتم في دراستك حتى تتخرج وتتوظف ولاحق على البنات بيجي اليوم اللي تعرف فيه ابنةالحلال اللي تحبهاوتحبك وتستاهلك كزوجةوتقدرتسعدك

  2. طلعه من قلبك ماني بطالعه
    24/10/2013 at 19:23

    اقولك الصراحه افضل لك لا تحب لانه الحب عذاب وووو بتندم إذا حبيت ..صحيح هو شعور حلووو بس افضل لك تضل على حالك ..وإن شاء الله اكون فدتك بشي

  3. صل علي النبي :)
    06/10/2013 at 13:40

    انت عاوز حد يحبك ليه ؟
    مش انت عايز حاجة بالحلال ولا تستعجل وربنا يعذبك باللي هتحبها دي ؟
    احمد ربنا انك مش في مدرسة مختلطة ولا اي حاجة من وجع الدماغ دة كله ..
    ما تفكرش في لذة ساعة وانك تعيش لحظتك وخلاص علي كدة ..
    ما عند الله لا يُطلب إلا بطاعته ..

    عف نفسك وتذكر ” من يستعفف يعفه الله ”
    خد بالحلال واطلب من ربك وادعيه يوفقك ويثبتك ويهديك ويرزقك الزوجة الطيبة ..
    اوعي تخلي حبيبتك سبب في دخولك النار ..
    اوعي تحب واحدة وتذكر ان فيه ملكين عليك وملكين عليها ..
    شوف كدة كلامكم هيكتبه ملك اليمين ولا ملك الشمال؟
    اوعي يوم القيامة يتعلق في رقبتك لواء مكتوب عليه خااااااااااااائن لانك خنت اهلها وحبيتها من وراهم !!

    اصبر شوية بس كله لله ..
    وصدقني ” من ترك شيئا لله عوضه الله خيرا منه ” صدق رسول الله صلي الله عليه وسلم

    ويا ريت لو عايز كلام اكتر من كدة ومهموم ممكن تكتب في جوجل راجعلك يا رب

  4. مصطفى الحسيني
    02/10/2013 at 11:26

    يا استاذي الفاضل في فرق بين الفراغ العاطفي وبين الخجل الخجل علاجه انك مشترك في مجموعة من أصحابك في نادي أو في جم ومرة بعد مرة يذهب الخجل ولو لم تجد حل ممكن تعرض الموضوع على دكتور نفساني أما مشكلة الفراغ العاطفي يبدوا ان يكون في تفكك أسري او في فجوة بينك وبين اسرتك على كل حال لو انت صاحبت بنت وبعدين ما اجوزتهاش هكون في مشكلة أكبر هتحبها وبعدين لا تعلم العواقب حول تعوض الفراغ ده مع أصحابك ولما تكون جاهز للجواز ابتدي اتعرف زي ما انت عايز انما كده انت عايز تحل المشكلة بمشكلة أكبر أي علاقة بين ولد وبيت من غير نية للجواز او اتفاق أو حتى سعي تكون عاقبتها دما متفتكرش كل اللي بيصاحب بنات بيبقى سعيد أو انه كده ولد جدع بعدين بيحس بوحدة او بيتعرض لمشاكل طالما ما فيش نية للجواز حاول تفرق بين الحب والاحتياج انت محتاج تعوض الفراغ العاطفي ليه وسأل كتيره أما الحب فلا ينقلب أبدًا لكره وإلا كان حب تكميلي او احتياج لفترة الحب ليس له نهاية أو حد ويا ريت تبدأ بحب نفسك الأول لا أقصد الأنانية لأ أقصد انت تكلم نفسك كويس وبإيجابية وتقدر نفسك كويس بعدين تجد كل شيء كما تحب لا تسطيع حب أحد إلا إذا كنت احببت نفسك ارجو ان تسفيد من هذه الكلمات وهي من قلب صادق شكرا

  5. صلو على النبي
    19/09/2013 at 17:05

    حسنا لا مشكله لديك ولا تقرر تحب الان فانت بعمر صغير ويجب ان تكمل دراستك والحب ملحوق وانظر وفكر بنفسك لا تحب من الان بل عندما تكون في الجامعه وستجد من تكون توأم روحك ولكن اصبر ولا تستعجل

  6. صل علي النبي :)
    16/09/2013 at 00:26

    سؤال مهم جدا وبشجعك علي انك كتبت ..

    احسن حاجة ان اللي يرد عليك يكون حاسس بمشكلتك وزيك يعني مش اكبر منك ولا اصغر منك ..

    انا كمان في سنك تقريبا ونفسي في كدة وعايز أعيش سني زي ما بيقولوا كدة ..
    ونفسي أحب وأتحب وأصاحب وأقضي وقتي وأشغل الفراغ العاطفي اللي هو أكيد موجود داخل كل واحد مننا حتي الكبار ..

    بس يا سيدي عملت ايه بقي ؟
    حكمت عقلي .. فكرت شوية ..
    يا تري أنا أرضي لاختي او بنتي لما يرزقني بيها ان شاء الله واتجوز ان شاب يكلمها او هي تكلم شاب ؟
    يا تري أنا قد ان ربنا ينظرلي نظرة غضب وانا بكلم بنت ولا ببص عليها ولا بقف معاها بالساعات ولا بخليها تكدب علي اهلها ؟
    يا تري الملكين اللي علي كل واحد هيكتبوا كلامنا سوا او وقفتنا في الحسنات ولا السيئات ؟
    يا تري الارض اللي انا واقف عليها هتشهدلي يوم القيامة ولا هتشهد عليا انا وهي ؟

    وانا عارف ان التطبيق صعب وصدقني انا حاسس بيك وجربت كدة( الوحش ) وجربت كدة( الحلو ) وصدقني مفيش أحسن ولا أجمل ولا أريح من الحلال ..

    وشعارنا النهاردة :- عايزها عف عنها ..
    قلب من أحب بيد من أعصي ..
    ومن ترك شيئا لله عوضه الله خيرا منه ..

    واوعي تستعجل وربنا يعاقبكم .. وصدقني ممكن تعمل كل حاجة تقربك من اللي بتحبها بس ربنا ما يشاءش القرب بينكم !!
    اصبر وادعي ربنا يصبرك ويعوضك خيرا وانك سيبت كل دة ليه هو بس وصدقني هينصرك ويساعدك ..

    ودايما افتكر القصة دي : كان فيه اتنين بيحبوا بعض جدا لمدة كبيرة جدا حوالي 6 سنين وبعدين هو تاب لربنا وعرف ان دة كدة حرام وما ينفعش فسابها وبدأ يصلي ويدعي ربنا وكدة ..
    وبعد شوية قرر انه يعزل عشان الشيطان ما يضحكش عليه ويرجعوا لبعض تاني ..

    ولما عزل قرر بقي انه يتجوز عشان يشغل الفراغ العاطفي اللي حصل له دة بعد ما ساب حبيبته ..
    فوالدته قالتله دي فيه قدامنا واحدة منتقبة وبتحفظ الناس قرآن في الجامع ومحترمة جدا ..
    فراحوا وفي الرؤية الشرعية كشفت عن وجهها ويديها .. وكانت الصدمة!!

    كانت هي حبيبته القديمة .. وكان هو حبيبها القديم ..
    تركها لله فجاء الله بها إليه ..

  7. mohamed
    12/09/2013 at 23:50

    شوف انا لما كنت من سنتين قدك كان عندى نفس الشعور لكن بخلافك انا كنت بكلم بنات ياما وكنت مرتبط كمان لكن تعرف .. دلوقتى انا مسحت كل البنات من عندى وفكيت علافة الارتباط ( عشان ربنا ) مكنش موضوع سهل اكيد لكن لازم تعرف انك كدا فنعمة .. متتخدعة من زمايلك اللى بيكلمو بنات وعايشين الدنيا بالطول والعرف .. الملكين على كتافهم بيسجلو كللل حاجة .. واساسا الارتباط ببنت من ورا اهلها حرام شرعا يعنى انت دلوقتى فى نعمة .. ولو حصل انك اتشجعت وارتبطت ممكن البنت دى تحبك وبعد كدا تضطر تبعد عنها وتبقى انت كدا اتسببت فى جريمة انك قتلت قلبها وكسرته … ( زى نفس الغلطة اللى عملتها انا قبلك ) وكواحد مجرب بقولك ارجوك بلاش انا لسا ضميرى بيوجعنى لحد دلوقتى بسببها … ارجوك خليك كدا انت كدا فى نعمة .. لان من اجمل النعم اللى ربنا بينعم بيها على الانسان (راحة الضمير ) ارجوك ريح ضميرك من ناحية ربنا ومن ناحية الناس ومتظلمش الناس ومنتظلمش نفسك ..

  8. نونا
    12/09/2013 at 23:48

    ياا إبنى D: انت بدور على واحدة تحبها انت لسه صغير اصلا
    فكر فى دراستك احسسن وعايزاك تعرف ان الطيبون للطيبات
    انت تضمن منين انك تحب واحدة وتتجوزوا ما انت ممكن تختلفوا وتروح لواحدة تانية وهكذا واللى هتتجوزها هتطلع شبهك تمام حبت قبل كدا
    طب ليه كل دا ما حب ربنا احسن بكتير ؟
    انا بردو اولى ثانوى زيك وحاسة بفراغ عاطفى بردو بس دايما بقول انا بحب ربنا ^_^ احسن من اى حد

  9. -----
    12/09/2013 at 21:35

    هل تعتبر دي شطيرة انك تصاحب مثلا والله أبدا هل انت قادر تتحمل مسؤولية نفسك؟ هل انت الي بتصرف على نفسك ؟ هل انت خلصت تعليمك ؟ هل تقتر تتحمل مسؤولية ؟ الحب مش مجرد مشاعر عابرة وهبل وتسلية وخلاص الحب مسؤولية مش للمراهقة والتسلية فانت اهم حاجة في سنك دلوقت انك تركز على مزاكرتك ده اهم حاجة المفروض بالنسبة لك إنما لو حبيت دلوقت زي الباقي اييه الي هي حصل هضيع مجهود وعمر ووقت وطاقة وتفكير على مجرد تسلية ! اهم حاجة تركز على المذاكرة وحاول تصلي الصلاة في وقتها دول اهم حالتين لان الصلاة مفتاح النجاح في الحياه والتسهيل وربنا ييسر لك الحال أتمنى أكون أفدت

اترك رداً أو حلاً لهذه المشكلة