مشاكل الشباب النفسية

انا مصاب بالعنة ومعرفش ايه علاجها

عمري 28 سنة وعندي عنة لإني حاسس بألم شديد بين أسفل العضو ومنطقة بين الفخذين الكلام دة كان قبل العيد الصغير يعني في أوائل سبتمبر اللي فات ، بدايتي مع العادة السيئة وانا عمري 10 سنين وبعد ما خلصت كلية كان عندي برود من أي بنت كبيرة وإفراطي في العادة السرية خلاني أكره نفسي ويتهيأ لي ان أي بنت في الدنيا تكرهني لما تشوفني ، كنت بشوف مواد إباحية من النت وحملت ييجي 5000 صورة بكل الأوضاع وفيه صور مأقدرش أستغنى عنها أحس ان البنت دي بتضحك لي انا لإني منطوي على نفسي مقدرش أعيش بأفكاري وبمبادئي مع اي بنت تمر قدامي فكانت الصور دي هي كل حياتي وبحس اني أسعد إنسان في الدنيا ومكنتش بحب اشوف علاقات كاملة لإني مأقبلهاش على نفسي وكإني بضيف راجل غريب جوه بيتي واحب المشاهد الغير عادية ، انا حالياً ومن فترة كبيرة ييجي اربع سنين عاطل مش عايز اختلط بحد وسنتين بحالهم مافيش انتصاب خالص طبعاً مايجيش غير باللمس بس ولما بخرج بحس اني بتعامل مع عمالقة بيفهموا في كل حاجة وكلامهم لبعض وفي النص كانهم بيحدفوا لبعض وانا بجري ورا كلامهم عشان افهم بردك مابفهمش ، قبل الأربع سنين فصل زبالة من حياتي ، ماما كانت زميلتها في الشغل بتعزها أوي فاقنعت ماما اني أخطب لبنتها الكبيرة وتمت الخطبة كانت بنت هادية ورقيقة الطبع ومن غير لكن ، انا خسرتها عشان قلت لها ان عندي السكر وتطوراتها وحشة أوي محتاج انك تستحمليني لما نتجوز ، هي فهمت بعد كتير وقالتلي بجد قلت لها أيوة انا عندي فقدان الرغبة عشان اكون صريح وأي بنت تانية كنت هاقول لها نفس الكلام ،خانني اسلوبي نسيت أقول لها انها أجمل من بنات كتير، خطيبتي السابقة اتسرعت في غضبها وقالت لأهلها وكان مافيش مشكلة بس أمنتها ماتقولش لماما وقالت لها بشكل شتيمة ليا فاتصدمت من رد فعل والدتي وان أبويا الله يرحمه كان فعلاً ضعيف جنسياً ووالدتي بوظت الدنيا وقالت لخطيبتي عن اني زي أبويا والبنت استحقرتني أوي حافظت على كرامتي وفسخت الخطوبة ، المهم انا عندي ضغوط قوية أوي بسبب الماضي دة مش قادر اتفرج على التليفزيون لاتنين بيحبوا بعض أو راجل بيضرب بنت بالألم وهو غير مرغوب فيه ، أو شتايم الشباب لبعضهم وان اللي متدايق من التاني ومجروح منه يبقى مش راجل ، كل الحاجات دي بتجيب لي إنهيار عصبي وساعات بتقي شر نفسي بعمل تنفيس للضيقة دي بكسر حاجات صغيرة او اخبط راسي في الحيطة ولو انا هادي شوية بشوف صور البنات اللي ملازمين ليا بتخيل ان البنت الصغيرة في الصورة بلاعبها وأبوسها واحضنها وبنت شوية كبيرة ومليانة أشوفها قريبة مني انسى أي حاجة تزعلني ومع ذلك هي بتغير من البنوتة التانية يعني بنت حبوبة ولطيفة وشربات و التانية هادية وجميلة جسمها حلو وفي أوقات اتخيل بنت بشوفها في صور على النت انها دكتورة ولما بتعالجني من الضعف بتعزني أوي عن أي حد ، بتخيلهم راضيين عني كدة أحضنهم ويلاعبوني مهما كان الضعف والألم اللي بحسه وتقبلوا حالتي زي ما انا ، بتخيل وخرافة يعني ان كل الناس بيحبوني ومع ذلك اتحرمت من النعمة العظيمة دي وعشان كدة مقدرش اديها لحد حتى ماما كبرت في السن ويتهيأ لها ان كل الناس بيكرهوها وبيشهروا عنها دة أهم ضغط مريت بيه وفي كل مرة ماما بتسوء حالتها وانا مسامحها لإنها ام عظيمة مهما كانت بس مبقتش تثق فيا ولما أجيب لها الطلبات تسفه اي حاجة بعملها وهي بقت بتصرف كتير ولأول مرة من سنة أو اقل أحس بالمسئولية وابتديت اتخلى عن تخيلاتي الجنسية حتى لما بنام على المخدة ومن كتر زعلي على ماما مش بتخيل في حد خالص وضغط نفسي اني عاطل وعن شغلتي اللي فشلت فيها ومعاملة الناس ليا ولا الفيس بوك مقدرش اصنع أي ظروف ونعمل شير على أي حاجة مانأثرش في حد نهيص وخلاص ، مافيش حاجة تسعدني وتعوض عني مشكلة انعدام الانتصاب ، مافيش قشاية اتعلق بيها، حتى أهل المنطقة اللي عايشين فيها بيشربوا مخدرات والبنات تضرب الواحد منهم بالقلم على وشه وصويت وخناقات وشتايم وانا حاسس اني لو عشت في الشارع هابقى زي الناس المعقدة دي بتشنج وأبكي لما بشوف شاب زيي بالظبط بيتعامل وحش، دة أي شاب مريض بالعنة بيعتبروه موظف عند الدكتور محدش بيحبه مش بيعاملوه كإنسان لو بعمل سيرش على المرض دة كله كلام مكرر أوي وعضوي ومادي بحت يعني انا مثلاً عمري ما عرفت ازاي المصاب بالمرض دة يستحمل كلمة وحشة من مراته إزاي يسيبها وهما ميجرحوش بعض إزاي يبوسوا راس بعض إزاي يعتبروا نفسهم مولودين من جديد ، يعني انا بتخيل البنتين ساعات يكونوا أطفال فأكون باباهم ويقولوا لي بابي  الكلمة دي بتسعدني وكمان في يوم وحش ولا حاجة راجع زعلان أنام على مخدتي تمر عليا حبيبتي تطوقني بدراعها زي البنات الصغيرة واضمها وراسي في حضن البنت الكبيرة تبأه زي مامتي ، أصل انا بتخيل ان الجواز عالم برئ كله مودة أكون بابي أو ولد صغنون أو دكتور أو عيان أو مجنون المهم ان مراتي تحبني تتقبلني زي ما انا ولو سبنا بعض أبوس راسها وادعيلها باللي يحبها ويقدرها وخطيبها الجديد أعزمه مع إني مش ملاك بس كلمة حلوة تسعدني ، مش محاكم وضرب وتعويرة القلب وخيانة ، العنة مرض عشت معاه وعاش معايا معزولين عن الناس ، نفسي أشتغل وابعد عن المواقع الإباحية ، انا خسرت كتير عايز طريق صغير يقربني من الله ، وصفة واحدة بس اعرف اعيش بيها في الدنيا

مشاكل وحلول ذات صلة

اضيف بتاريخ: Tuesday, January 6th, 2015 في 23:40

كلمات مشاكل وحلول: , ,

6 رد to “انا مصاب بالعنة ومعرفش ايه علاجها”

  1. مالكلوم اكس
    11/05/2017 at 17:20

    تحري تقوي الله ….

  2. ابوالبتول
    10/08/2016 at 17:56

    الحل لعلاج مشكلتك ان ترجع الى الله عزوجل وتتوب من المحرمات والمعاصي وتستغفره وتحافظ على اداء الصلوات في اوقاتها في المسجد وتقرا القران وتداوم على قراءته وتدبر اياته والصيام وتتقرب الى ربك في كل اعمالك وتكثرمن الاستغفاروالدعاء والصلاة على النبي وابتعدعن الاختلاط المحرم ومشاهدة الافلام والصور الاباحية اوممارسة العادةالسرية فكلها امور محرمة ومخالفة للدين وتودي الى غضب الله وسخطه عليك احذر من الخلوة مع النفس والوحدة واخرج وتعايش مع اهلك واقاربك وشاركهم افراحهم واحزانهم واختار رفقاء صالحين وابتعدعن رفقة السوء فدول شياطين الانس والجن ولاخيرفيهم وعايز اقلك انت مالكش دعوة بتصرفات ومايفعله الاخرين اللي عايشين حولك في الحارة اوالمجتمع كل انسان مسوول عن نفسه وربنا بيحاسب المذنب والمخطي خليك في نفسك ولست وصي على الاخرين في اقوالهم اوافعالهم في الدنيا دي ابحث لك عن عمل شريف تشغل به اوقاتك ويخرجك من الحالة اللي تعاني منها وتشكو منها ودع الخلق للخالق عزوجل اهتم بروحك وعيش حياتك وفكرفي الارتباط انت شاب وفي عزالشباب والنشاط والحيوية لماذا لاتفكرفي اسعاد نفسك واهلك وتبنى لك حياة مستقلة من زوجة وبيت واولاد انت برفضك الزواج مخالف لشرع الله وسنة رسوله الكريم وحرام عليك اللي تعمله في روحك وفي اهلك وتتصور اشياء بعيدة عن الواقع وماهي الافي عقليتك المريضة والواهمة وارجع ثاني وثالث ورابع وعاشرمرة اقولها لك انو السبب هو ابتعادك عن الله عزوجل وانغماسك في الشهوات والمحرمات والوحدة والانطواء عن الاخرين ولازم تعالج نفسك بنفسك وتعرف ان العلاج يحتاج منك العزيمة والارادةالقوية والاخلاص والنية الصادقة مع الله عزوجل حتى تتخلص مماانت فيه وترجع شخص نافعا لنفسك ولااهلك ولمن حولك من المجتمع وتشعر بالرضا والسعادة عن نفسك وماتقوم به وربي يوفقك ويصلح حالك ويجعلك من خيرة عباده النافعين والصالحين في دينهم ودنياهم

  3. الفهدالاسود
    06/03/2016 at 00:55

    اتفق مع الاخ =العاشق = في كل ماقاله للاخ صاحب المشكلة نعم الراي الصحيح والسليم اتمنى انه ينفذكل ماذكره له ويطبقه في حياته والله يهدي ويصلح احوال الجميع

  4. ملعون النحافه
    21/05/2015 at 00:31

    ده انت موهوم يابني

  5. العاشق
    07/01/2015 at 16:42

    كل الكلام اللي قلته عن حالتك دي بسبب بعدك عن الله عزوجل وتماديك في المحرمات والمعاصي من مشاهدةافلام ماجنة وصوراباحية ومشيك البطال مع رفقاءالسوء من الشباب الصائعين المنحرفين وده ابتلاءمن الله عزوجل لك ثق تماما ان الله غيرراضي عنك ولاعن تصرفاتك غير حياتك يارجل واستعن بالله وتعوذمن الشيطان الرجيم وطهر قلبك وعقلك من الفجوروالمعاصي والذنوب واقبل على الله بوجه حسن ملي بالايمان والتوبةوالاستغفار واحرص على اداءالصلوات جماعة في المساجد مع المسلمين والصيام والزكاة والحج والعمرة ان استطعت والبر والاحسان للوالدة وقضاءحوايجها والاهتمام بها واقلع عن رفقةالسوء فلاخيرفيهم على الاطلاق واحرص على الرفقاءالصالحين ممن يخافون الله ويخشونه وعليك بقراءةالقران فهوالبلسم الشافي لكل ماتعاني منه الابذكرالله تطمئن القلوب واشغل نفسك بالعمل الشريف الحلال اليد العاملة خيرمن اليد النجسةالعاطلة والله تعالى يقول -واسعوافي مناكبها -وابتغوامن واسع فضله- العمل فيه الخيروالرزق والبركة واخراجك من عزلتك والانطواء اللي انت فيه تلاقي فيه زملاءلك في العمل تستفيدمنهم في حياتك وتلاقي منهم العون والنصح والارشاد ماحدش يقدريعيش بعيداعن الناس والاتطواءعلى نفسه اخرج ومارس حياتك ع الطبيعة وتنعم بشبابك وعمرك خليه يكن في طاعةالله ومساعدةالاخرين قدرالاستطاعة وتزوج من ابنةالحلال اللي تجدفيها الدين والاخلاق والاصل الطيب ومسالةالعنة دي بيدالله عزوجل لكن مع الزواج نشاء الله تزول وتبقى زي الحصان ياماناس مصابون بهالمرض وتزوجواوعاشوا حياتهم وربك كرمهم بواسع فضله ورزقهم الاولادوالبنات اهتم بنفسك وبدينك وبصلاتك وتقربك من الله في كل شوونك والبعدعن المخدرات والمسكرات وممارسةالرياضة والتغذية السليمة المفيدةللجسم والحرص على تناول الماكولات المفيدة لمثل حالتك كالاسماك بانواعها ولبن الابل والعسل الاصلي والفواكه كاموز والرومان والعنب والفروالة والكيوي وافووكادو والخضار كالخياروالبقدونس والبصل والثوم والسبانخ والفجل والمكسرات كاللوز والفستق والفول السوداني وتجدنفسك استرديت عافيتك وصحتك صارت قوية وربي يسعدك ويوفقك وابقاطمناعليك في اقرب وقت

  6. الحمد لله
    07/01/2015 at 05:03

    انا اعتقد ان اللى انتا فيه حاله نفسيه قبل اى شىء انت حابس نفسك جوه دايره محدده من الاوهام ورافض تجرب تخرج برا الدايره دى معن اللى عندك ده اى كان مرض او وهم هو عند رجاله كتير مش كل الرجاله هايلين مع مراتتهم انت مش عارف كم الرجاله اللى عندها مشاكل جنسيه وبيتفرجو على صور وافلام اباحيه وكذلك كم النساء اللى عندهم برود جنسى ومتجوزين اولا لازم تعيد ثقتك فى نفسك حتى لو اللى عندك مرض فهو من عند ربنا واللى من عند ربنا ديما حلو تانى حاجه الانسان مش بس جنس انت فى كلامك واضح انك شخصيه قادره على ايطال المعلومه وملحظتش خالص انك منطوى قادر توصل المعلومه وتحكم على حالتك معن كتير مننا وميعتبرش منطوى بيصعب عليه وصف حالته بالدقه دى او الكلام والتجاوب وعرض مشكله تخصه وده معناه انك شخص قادر على التفاعل بس محتاج تخرج للدنيا ثانيا انا ملقتش فى كلامك اى كلام عن دكتور ليه مفكرتش تروح لدكتور تنتظم على دوامعين تدور على شغل من جديد ترتب افكارك وتتعامل مع الناس اللى حاوليك نفترض انك مش لازم فى البدايه تتعامل مع ناس عادين او فاهمين الدنيا اوى ممكن تروح دار مسنين تقعد معاهم تفرحهم وتبداء تتعامل وهكذا او تتكلم مع اطفال صغيرين استغل نقط الحنان الموجوده عندك بدل ماتحبس نفسك جوالتخيل لان اول متلقى حاجه تشغلك وطاقتك اللى انت رافض تستخدمها دى تبداء تطلع ويبقا ليك حياتك هتنسا التخيل هتروح عاوز تنام هتخرج وهتنزل وهتتكلم فى التلفون هتنسا الدايره المقفوله اللى حابس نفسك فيها وان شاء الله مع اول زياره للدكتور هتلقى علاج لحالتك وباذن الله تبقا كويس واهم شىء تكون فاهم ان اللى عندك مرض وده معناه انو مش حاجه تقل منك لازم تكون عندك ثقه فى نفسك انك راضى لاى حاجه ربنا كتهالك

اترك رداً أو حلاً لهذه المشكلة