انا شاب عندى 23 سنه اردت ان اخطب فذهبت انا واهلى الى احدى الفتيات لرؤيتها وبعد رؤيتها وجدت بها كل المواصفات التى يحلم بها كل شاب من مال وجمال وحسب ونسب وادب واحترام وهدوء وطيبه وتعليم عالى وغير ذلك من مواصفات قويسه الا صفه واحده كانت شرطآ لى فى البنت اللى عايز اتجوزها ان يكون سنها صغير يعنى 16 او18 لكن دى سنها 21 وعبل ما نتجوز هيكون سنها23 او 24 وانا هيبقى سنى 25
او26 ودى حاجه مضايقانى لانى قرأت وسمعت كتير ان البنت الصغيرة فى السن بتبقى متعتها اكتر وكل مانا ما اكبر تبقى هى لسه صغيره فى نظرى وحلوه وما تخلنيش ابص لغيرها واللى مطلع الموضوع فى دماغى اكتر ان اخى ومعظم اصحابى وقرايبى متجوزين بنات صغيره فى السن
وصليت استخاره كتير بس بردوا محتار والرد على أهل العروسه قرب
انا مش عارف اعمل ايه اوافق على العروسه دى ومش مشكله موضوع السن بس خايف لاتخنق بعد كده
ولا ارفضها وادور على وحده تانيه تكون صغيره فى السن
عفوا اخوي هل انته على صواب بألي تقوله بهل الحجي وهل انته عارف الي قاعد تقوله ومنو فالك انه البنت الي تكون صغيره اكثر متعه من الي فوق 21 سنه ويمكن تكون هالصغير مو واعيه وين المتعه بالشي هدا وهل راح تتزوج بنت من اخلاقها وادبها وله من شكلها صغرها.الجمال الخارجي مو كل شي تره ممكن تكون صغيره بس وماراح تعجبك اخلاقها..
ايه العبط اللي تقوله داانت عاوزتتزوج والاايه دام البنت متربيه واخلاقهاكويس واهلهاطيبين توكل عل الله وتزوجها ومين المغفل اللي قال لك ان البنت لمايكون عمرها22او25 سنة مش تعطيك زي البنت 18سنة بالعكس تكون احسن منهاوفاهمة الحياةعلى اصولها لانوالمثل يقول اكبرمنك بيوم اعلم منك بسنة واغلب بنات في سن 18 يكن مستهترات ومايلات للدلع الزايد والترفيه وعقلهن صغير كالاطفال الصغيرين
زينة البنت في اخلاقها والصفات اللى انت بتقول عليها نادر جدا لما تلاقيها والله اعلم بالاعمار ممكن تتجوزها النهاردة وتموت انت او هى بكرة يبقي اللى انت بتتخططله ربك ماارادهوش واستعيذ بالله من الشيطان ومتمشيش ورا كلام اصحابك وقرايبك (ليس المرء من قال هذا ابي وانما المرء من قال هاانا ذا )
روح اجوزها واخلص لو محترمة واتاكدت انها كويسة
مش لازم سن البنت يكون صغير لو محترمة روح اجوزها
روح اتجوزها واخلص لو محترمه واتاكدت انها كويسه
انا اول مرة بشوف هيك مشكلة ***وبتعبر عن غرور وعدم احترام للطرف التاني انا براي ما تتجوزها لانو حتم طول عمرك محسسها بانك مفضل عليها
بنات الناس مو مسخرة عندك روح تجوز وحدة تطلعلك عينك وتورجيك نجوم الضهر
انا راييى انك تعتمد على ربنا وتجوزها واكيد ربنا حيبارك فيها ليك
ايه يا ا ابو الشباب الكمال لله هى كل الصفات اللى قلتها فى البنت مش كفايه ياعم احمد ربك انها بنت ناس ومؤدبه ومتعلمه يا اخى انظر الرسول صلى الله عليه وسلم وزواجه من السيده خديجه شوف كان الفرق بينهم كام سنه
اتكل على الله واتزوجها وانشاء حتكون اسعد زوج بالدنيا
اسمع كلام اخوك الصعيدى تكسب
كل تفكيرك غلط لانه البنت شو ما كان عمرها طول ما هي مشبعة رغباتك بكل شي ومعيشاك وانت معيشها حياة سعيدة راح تضل بنظرك بنوته زغيرة وحلوة والافضل انك تطبق الي طلع معك بالاستخارة
اتجوزها واستعيذ بالله من الشيطان ومن شر نصايح اصحابك دى مادام كويسه واصغر منك ولو بشهر تبقى ممتازه وصدقنى مع العشرة كل النساء بتتساوى ولو حتى اكبر منك باربع خمس سنين واللى بيبقالك منها هو الشخصية الحلوة ومعامتلها الكويسه وحسن عشرتها ليك .. واياك والتبتر على النعمة لحسن تاخد اللى توريك السواد في الدنيا والاخرة.
انت عايز تربي ولا تتجوز ؟؟؟ حتتجوز عيلة عندهل 16 سنة
دا كان الزمان الحوارات دي … ايام ماكانت البنت بتاخد الابتدائية و تتجوز
لو عايز حاجه زي كدا يبقى انت جنيت عليها و على نفسك
realy i dont know what you looking for.what is wrong with agirl 21 years old?do you want wife or daughter
what is your q?
انت موش رايح تتجوز انت عاوز تهرج بصراحه سامحنى يعنى عاوز تتجوز وحده عمرها 16 سنه ودى بقى تعتبرها بنتك ان شاء الله ؟بصراحه سامحنى فى عدم الرد لانى مشكلتك اصلا مفهاش مشكله
بص يا اخى الكريم,الخبرة الجنسية دى ثقافة, ملهاش علاقة بالسن,وانت تقدر تعلمها و تتعلم معاها(بعد الجواز طبعا)ايه الاشياء اللى تمتعكو ببعض ,لكن مش شرط البنت الصغيرة تكون اكثر متعة يعنى ده حسب شطارة مراتك و لما ربنا بيبارك وتكون ماشى صح حتستمتع جدا بكل حاجة فى حياتك مع مراتك .
يعنى انت سايب المهم كله وجى فى الهيفة تتصدر حاول تتكلم معها ممكن تكون عندها 21 سنة بس تفكيرها تفكير اطفال وبعدين لو حبتها مش هتبص لوحدة غيرها مش لازم عشان اخواتك وقريباك متجوزين بنات صغيرة يبقا انت تقول امين على كده ياجماعة ده جواز مش مشروع هتعمل زيهم
كل الموصفات دي وعايز وحده صغيره وبعدين 21 مش كبيره ده احسن سن عشان كمان يكون تفكيرها في مستوي تفكيرك ولا عايز تتجوز بنت صغيرة يكون عقلها لسه منضجش ربنا يوفقك
السلام عليكم انا مستغربة كلامك جدا بصراحة عمرك ما هتلاقى انسانة كاملة دة اولا فانت لو شايف فيها الصفات دى كلها يبقى انت ربنا بيحبك لان السن مش مشكلة وهى 21 سنة بنوتة صغيرة انا اعرف تجارب شباب ممكن ياخد واحدة ادة فى السن وساعات هى بتبقى اكبر منة وبيبقوا سعداء مع بعض ومتحاولش تبص لحد وتجارب حد لان الناس كلها مش زى بعض لو انت حاسس انها الزوجة الصالحة اللى تعينك على طاعة ربنا وتربى اولادك وتجعلهم ذرية صالحة يبقى انت متفكرش انك تقول لا لان الدين هو اللى بيدوم الصغيرة مسيرها بتكبر والجميلة فى يوم من الايام شكلها بيتغير دى نصيحتى احسبها صح عشان تكمل حياتك صح ربنا يوفقك