خطوبتي من البداية حتي فشلها وفسخها

مشكلة
كنت خاطب واحدة بس جواز صالونات المهم بعد ما اتخطبنا انا كنت بكلمها علي الفيس او الواتس مش عارف لية مكنتش بكلمها بالتليفون والموضوع ده كان مزعلها جامد وبعدين ابدت تقولي انت جسمك مليان لازم تخس وانا بقولها حاضر فانا كنت مسافر وغبت برة 4 سنين ونزلت مصر من 2015 بس للاسف ما اشتغلتش بس الحمد لله احنا مرتاحين ماديا الي حد كبير هي كانت بتحكي لامها وفي بيتهم عموما كل حاجة بتحصل بينا او كل كلمة بقولها كنت الاقي البيت بتاعها عارفها فبعد فترة حصلت مشكلة بيني وبينها برضة بسبب اني مكنتش بتكلم معاها كتير والموضوع وصل انها قالت مش هكمل لو فضلت كدة فانا قلتلها براحتك فالمهم الاهل اتدخلوا وطلبوا مني اني اتغير واتكلم معاها كتير لان البنات بيحبوا كدة المهم فعلا ابتديت اتكلم معاها واحدة واحدة بقينا بنتكلم كتير بس كانت دايما تقولي انت ما تغيرتش من ساعة المشكلة اللي حصلت عمرها ما قالتلي كلمة تشجعني بيها كانت دايما بتشوف عيوبي بس ودي كانت حاجة مضيقاني جامد وانا الحمد لله اخلاقي كله بيشكر فيها حتي عندهم في البيت كانوا بيشكروا فية وفي اخلاقي كنت بحاول ارضيها باي شكل عمري ما كنت بخيل معاها ولا بقولها كلمة تزعلها بالرغم مم انها كانت عصبية جدا وعنيدة لكن انا كنت متحملها ومشكلتها كمان انها كانت صغيرة في السن ومكنش عندها اصحاب خالص ولا عندها اي خبرة في حياتها وانا معترف ان انا فية عيوب يعني بصراحة مكنتش بتكلم معاها كتير وكنت بحاول اهتم بيها علي قد ما اقدر بس مش عارف لية مكنتش بحس انها راضية وعدت الايام وبقيت احس ان علاقتنا بدات تتحسن خالص وابتديت احس انها فعلا بتحبني بس هي علشان سنها صغير وما عندهاش خبرة لانها ما اتعاملتش مع حد قبل كدة فدايما كنت بحس انها خايفة تدي ثقتها ل اي حد حتي انا بس كنت بحس دايما انها باصة لعيوبي بس يعني كانت دايما تقولي انت قاعد لية من غير شغل فانا دورت علي شغل كتير وسعيت كتير بس الموضوع مش بيمشي رغم زي ما قلت ان احنا مرتاحين ماديا والشغل دة رزق ممكن يجي في اي وقت طالما انا بسعي وحصل موقف ان والدتي كانت مسافرة لبلد وغابت 15 يوم ولما جات مفيش حد عندهم جه يسلم عليها ولا حتي اتصلوا بالتليفون والموضوع دة زعلني جدا يعني احنا عمرنا ما سيبنا مناسبة غير لما نروح ونعمل الواجب لكن ما لقتش المقابل منهم فوالدتي قالت مش مهم وكانت جايبة هدايا لهم وقالت يلا نروحلهم احنا فانا قلت لها مش هنروح ازي هم حتي ما اتصلوش بالتليفون يطمنوا عليكي وبعدين غبت اسبوع ما نتكلمش وبعد اسبوع البنت رنت علية فانا ما ردتش بصراحة لاني كنت زعلان جدا منهم وعدي يومين اتصلت تاني عليه فانا بردة ما ردتش فلاقيتهم بعدها بيوم بعتوا شبكتي وحاجتي وقالوا مفيش نصيب انا عارف ان انا غلطت اما ما ردتش عليها بس مكنتش عاوز الموضوع يوصل لحد ان احنا نسيب بعض لان بصراحة انا حبيتها رغم ان فيها مساوئ كتير بس انا بصيت علي المزايا بتاعتها بس فانا بعد الموضوع دة وانا متاثر جدا لان انا طبعي اما باخد علي حد صعب اسيبة وما بتهنش علية العشرة ولا العيش والملح بس للاسف هما ما ادوش لية فرصة اني ازعل وهما يعترفوا انهم غلطوا وانا متاكد برضة ان انا غلطان لكن البنت واهلها غلطانين وكمان فية حاجة انهم عمرهم ما شافوا ان بنتهم غلطانة في حاجة دايما انا اللي غلطان لانهم مدلعينها جامد لكن الموضوع انتهي وحسبي الله ونعم الوكيل ما بقتش عارف انا عاوز اية نفسي ارجعلها لاني حبيتها وعارف انها حبتني بعد ما سابتني عملتلي بلوك علي الفيس لكن لغت البلوك تاني

مشاكل وحلول ذات صلة

• نفسى ارجعلها واتقدملها بس خايف
• ازاى اخليه يخطبنى وانا اتحمل تكاليف الزواج
• بحب بنت وبتحبني وخايف من المستقبل
• يحبنى ولكن يشك بى كثيرا
• وسواس الشك بسبب سؤال
• بحب واحد خاطب
• انا بحبها كتير وبدي اتجوزها ولاكن