مشاكل الشباب قبل الزواج

بنحب بعض واهلها مصرين على الرفض

بسم الله الرحمن الرحيم
لو سمحتو انا شاب عندي 21 سنه من محافظه ….
المشكله ان والدي الله يرحمه كان متجوز اتنين وليا اربع خوات من الاب بس المهم خواتي دول مشوفتهمش يمكن بقالي 15 سنه وجيت في يوم اتصلت بيهم وكلمتهم ورحوتهلم هما قاعدين في مصر المهم اختي الكبير كانت جايبا خالتها وعيال خالتها وقالتلي روح سلم عليهم واتعرف يعني انا قومت سلمت وكدا ف عجبتني واحده من الي سلمت عليهم و واحده واحده لقيتني بهتم بيها وبسال اختي الكبيره عليها قالتلي هي ولا متجوزه ولا مخطوبه وانا ممكن اشوفهالك المهم بعد وقت خليت اختي تحدد ليا ميعاد مع امها وابوها الي هما خالتها و جوز خالتها وروحنا وكدا واتكلمنا بس من الواضح والي عرفتو انو راجل شورت مره وكدا المهم بعد ما اتفقنا علي كل حاجه قالك لاء انت لو عايز بنتي تيجي تعيش هنا في مصر وانا مينفعش اعيش في مصر و اسيب بلدي واكل عيشي و اخواتي الاصغر مني وامي لوحدهم المهم بعدنا فتره كدا بتاع سنه ف جت ف يوم عيد روحت عند اختي وكنت عايز اقابل البنت و اتكلم معاها واتعرف عليها اكتر حصل واتكلمت معاها و حبتها اكتر واكتر ولاقيتني كل 15 او 20 يوم بروح عند اختي و باخد منها مواعيد ونتقابل و هي كمان حبتني قوي برضو واتعلقت بيا زي المهم قولتها ف العيد انا هجيب اهلي واجي كلمت عمامي قاعدو يتهربو من الموضوع ده علشان تبقي ام العروسه دي اخت مرات ابويا و مرات ابويا دي كانت مشاربها المرار وكداا المهم الراجل قالي مينفعش تجيب امك بس لازم تجبلي راجل زي عمك او خالك المهم جبت واحد كبير ف مقام ابويا وروحنا تاني واتكلمنا للعلم ام البنت مش موافقه ان بنتها تيجي تعيش معايا عايزاني اعيش في مصر اتكلمت مع البنت و قولتها حاولي تاثري علي امك قالتلي ماشي متقلقش تعالي ويعتبر امي موافقه وانا اتكلمت مع خالاتي وكدا قولتها ماشي خد اهلي و الراجل الكبير ده معايا وروحنا اول حاجه ابوها رافع مناخيرو علينا و امها زعقت لجوزها واحنا قاعدين وقالتللو البنت مش هتروح هناك هو عايزها يجي ياخد شقه هنا لقيت البنت دخلت واتكلمت مع امها و امها عماله تزعق المهم انا والراجل الي معايا اتفقنا هنجيب ايه والخطوبه هتبقي سنتين و البنت هتيجي تعيش معاياا وابوها قال امين بعد ما مشينا بيوم انا قابلت البنت واتكلمت معاها وكنت مخنوق وعرفت ان هي عيطت لااهلها بعد ما احنا مشينا وهي مش قادره تعمل حاجه برضو ف بعد ما قعدت مع البنت احنا كنا قايالاين هنيجي في يوم عشان نجيب الدهب ف اتصلت بالراجل بعديها بكام يوم لقيتو بيقولي كل شيئ قسمه و نصيب وقفل السكه انا عايز اوضح حاجه انا مستحمل الراجل ده بالعافيه و مستحمل الست امها برضو بالعافيه و مستحمل كل وجع بيحصلي بس علشان انا بحب البنت بجد و مش عاوزها تبعد عني وانا واثق و متاكد انها بتحبني \
معلش سامحوني اني طولت عليكم بس ياريت قولوليلي اعمل ايه

مشاكل وحلول ذات صلة

اضيف بتاريخ: Wednesday, September 13th, 2017 في 20:58

كلمات مشاكل وحلول: , , , , ,

2 رد to “بنحب بعض واهلها مصرين على الرفض”

  1. ابوالبتول
    14/09/2017 at 23:58

    شوف يابني مافيش زواجه بالخناق والخصام وايه معنى كلامك انك مستحمل ابوالبنت وامها بالعافية ده كلام ناس عاقلة ولا احد يقول الكلام الفارغ بتاعك ده ازاي عاوز تتزوج البنت واهلها رافضين انها تعيش معاك في بلدكم لوكنت فعلا تحب البنت وشايف انها الزوجة المناسبة لك وافق على شرط اهلها انكم تعيشوا في مصر وتاخذ لها شقة هناك وامك واخواتك مش يحصل لهم حاجة ابدا امال لوتغربت وسافرت خارج مصر هتقول ايه انا مش معاك في كل ماتقوله ولافي عاقل بيرضى بهذا الكلام اللي حضرتك تقول عليه ابدا انت بكدا تخسر البنت اللي احبتك وعاوزها تضيع منك انت حر ذنبك على جنبك مش عاوز تسمع نصائح احد خلاص اعمل مابدلك واترك البنت في حالها وبلاش تخليها تتعلق بك طالما انك من البداية مش عارف تاخذ قرارك وتكبر المشكلة من لاشي ربنا يهديك ويصلح حالك

  2. احمد
    14/09/2017 at 17:39

    السلام عليكم ورحمة الله وبركاته
    في 1000 بنت غيره
    هي لاذم البنت دي
    دور ع بنت غيره وتلقي ان شاء الله بس كده
    انت ليه تتعب الناس واهلك معاك تروح وتاجي مفيش فايده

اترك رداً أو حلاً لهذه المشكلة