انا شاب في اوائل العشرينات انا و بنت اعجبنا ببعض وقربنا من بعض بسرعة و هي اللي قالتلي انها بتحبني و انا كانت نيتي من الاول وربنا يعلم اني ارتبط بيها رسمي لما حسيت انها بنت حلال و بتحبني ووقفت حتى ضد اهلها عشان تختارني و اقنعتهم بيا و انا كمان اعحبت بيها مع الوقت و بقالنا فوق السنة و نص مع بعض بس تعاملنا مع بعض بيتطور جامد جدا يمكن بسبب جرأتنا.
في اول ارتباطنا كانت قايلالي اني تاني واحد في حياتها بالتدريج لقيتها بتحكيلي من نفسها و بتقولي معلش انا كدبت عليك انا ارتبطت 3 مرات قبل كده عشان كانت خايفة انها تخسرني تقريبا و ييجي حد يكلمني عنها او اعرف من برا. و قالتلي و كنت زبالة انما انا دلوقتي واحده تانية حتى اهلي بيقولولي كده و انا مش عارفة كنت ازاي بعمل كده و بخرج و بلبس لبس معين و مصاحبة شلة زبالة الخ.. انا بطبيعتي شخصية قلوقة خصوصا ان في مشروع خطوبة و جواز. جبتها في مرة بكل هدوء و خليتها تحلف بكل ايمانات ربنا بكل ذوق مش بتعسف قلتلها معلش عشان احنا هنرتبط رسمي و كده و مينفعش متكونيش قايلالي على كل صغيرة و كبيرة, و خليتها تحلف ان مكانش في اي تعديات نهائي من اي مرة ارتبطت فيها خصوصا ان آخر واحد ده كان شكله لبط.
في خلال السنة اللي فاتت كنت بدخل عنده على اكونته على فيسبوك و بلاقي منزل conversation معينة بينهم او صور بس قاصص صورتها بس جزء منها باين, صورة و هما قاعدين جنب بعض اوي و سألتها ساعتها ايه الصورة دي قالتلي كنا مجرد صحاب ساعتها و قلتلك اني كنت زبالة.
و كانت بتنفي ان اي محادثة من اللي منزلهم بتاعتها و نفت برضو ان كان في اي تعديات و عيطت ساعتها جامد ده حتى كانت بتقوللي انهم ولا مرة خرجوا سوا كان دايما في اطار الشلة و خليتها ساعتها تحلفلي بكل ايمانات ربنا.
ده لدرجة انها قالتلي انها عمرها ما حبته, هو مجرد واحد لعب بيها شوية و كانت كل ما تحاول تبعد يقولها انه عنده مرض معين خبيث عشان ترجعله, بالرغم ان المحادثات كان فيها كلام حب كتير جدا جدا ليه, بس هي نفت انها كانت بتحبه و شوية محادثات تانية تقول انها كانت واحده زباله و مراهقة.
مع العلم ان سنها كان 20 سنة و دلوقتي 22. انا من النوع القلوق طبعا و لما بسمع منها حاجة بقعد افكر مع نفسي و بفتح الموضوع الف مرة لحد ما اتقل خالص لما لقيت ان مفيش حل غير اني اصدقها و اتكل على الله.
مش هطول عليكم, و اخيرا دايما احس ان في على وشها قلق, سألتها كذا مرة تقوللي لا مفيش حاجة و تحلف ان مفيش. بس اديتها الامان اوي من يومين و قلتلها اني عمري ما هسيبها و ممكن اسمع منها اي حاجة دلوقتي بس بعد ما يكون في ارتباط رسمي لو عرفت حاجة انا لا يمكن اسامحها. قالتلي انها هتقولي عشان معندهاش استعداد تخسرني و اني لو عايز امشي دلوقتي امشي بس معرفش حاجة و اكرهها.
فلقيتها بتحكيلي عن 4 مواقف كدبت عليا فيهم. و بتقول مش عارفة لحد دلوقتي عملت ده ازاي.
المختصر انها كانت بتخرج معاه عادي و بيروحوا حتت كتيرة, و في مرة قالها انه كان مفهمها انهم هما و اصحابهم هيسافروا, بس كل واحد في عربية, سافروا فعلا و هناك قالها ان محدش جاي و ركبوا يخت سوا. و في مرة كانوا بيتصوروا و فكت شعرها و اتصورت بكاب و بتقول انه بيهددها في كل حتة لما عرف انها بتحبني و في مرة شد منها موبايلها عشان كانت عايزة تمشي و بتحلف انها مدتهوش صور ليها بس هو اخدها من موبايلها و بيهددها بيهم و بيقول انه معاه صور ليها. و بتقول انها ندمانه جدا على كل ده و مستحملة اي عقاب مني.
انا رديت و قلت اني هقف جنبها الخ..بس انا قلوق و نفسيا مش مستقر و محتاج حد يقوللي اعمل ايه؟ بقعد افكر ايه ممكن تاني يكون حصل. مع العلم ان في تعديات بنا احنا الاتنين كبيرة جدا.
ياريت محدش يزايد على شرف حد ولا على مشاعر حد او توبته او ندمه. شكرا.
تفتكر لو البنت دي مش كويسه وصايعه مع أسفي للفظ كانت هاتقولك وتعرفك كل ده عنها اكيد لا…. اكيد هاتكون حريصه انك ماتعرفش عنها حاجه لكن تقدر تقول انها كانت صغيره وطايشه وهي دلوقتي كبرت وعرفت الصح من الغلط وبقت عاقله اكتر ماتتخلاش عنها واقف جنبها وخليك كل حاجه في حياتها و معلش اتحمل أخطائها القديمه وكلنا بنغلط بس في خلال الخطوبه لو حسيت انها مش محترمه ابعد عنها وقولها انك سامحتها علي كل اللي فات بس لو كدبت ولا عملت اي حاجه مش كويسه هاتبعد عنها
عاوز احكي قصة حدثت لابن خالي كان شاب بعمر 23سنة واعجب بقتاة تعرف عليها من خلال العمل ويرغب في الارتباط بها وخلال كلامه عنها اتضح لي ان الفتاة غير كويسة ولاتستاهل انه يفكر فيها او يرتبط بها قال انها تلبس الملابس الضيقة وتهزر كثيرا مع زملاءها في العمل وتتكلم كثيرا في الموبايل وتضحك بصوت عالي اثناء التكلم في الموبايل وقالت له لاتستعجل في الارتباط بها ونصحته كثيرا لكنه لم يستمع لكلامي ذهب لبيت اهلها وتعرف على ام الفتاة واخوها لان والدها متوفي من فترة طويلة وصار الشاب يتردد لزيارة اهل الفتاة ومنتظر انه يكلم اهله علشان يذهبو لخطبة الفتاة له من اهلها لكن اهله رفضو وابوه يريده ان يتزوج بنت عمه ولكن الشاب لايريدها ومصر على الارتباط بتلك الفتاة وقال لي انه ذات مرة كان في زيارته لااهلها ولم يكن احد منهم في البيت موجود فطلبت منه الدخول ولم يكن يعلم ان اهلها غير موجدين بعدما شرب الشاي وبعض المرطبات تفاجا بانها غيرت ملابسها وجات بلباس مثير وقصير جدا ومن خلال الكلام والمشاعر الجميلة لم اتمالك نفسي انا وهي ووقعنا في الحرام مارسنا الجنس لساعات وعرفت انها فتاة غيرعذراء واخبرتها انني سوف اتزوجها مهما كانت الظروف وتحديت رغبة اهلي واصريت على الزواج منها وبعدمرور اكثر من سنة على زواجنا اكتشفت اشياء كثيرة عنها وعن اهلها كانت خافية عنى ومنها ان اباها طلق امها قبل ان يموت وهي اخفت عنى تلك الحقيقة وايضا اخوها الكبير مسجون منذ فترة طويلة على قضية تعاطي المخدرات والاتجاربها واخوها الاصغر على علاقات محرمة مع عدد من البنات ومصاحب رفقاء السوء وكذلك هي كانت لها علاقات مع عدد من الشباب تخرج معاهم وتسهر واحد الشباب ضحك عليها واعتدى على شرفها بعدما كان يوهممها بالزواج ولكنه تركها للابد وبعد مشاكل وخلافات حصلت بيني وبينها والشك ظل يلاحقنى انها زوجة خاينة ولامان لها قررت ان اطلقها وفعلا طلقتها وتاكدت انني كنت مخطي جدا ولم احسن الاختيار للزوجة وطلبت من اهلي يسامحونتني على مافعلت بهم ولحق بهم وبعدها بفترة اخبرني ابي انه يريد ان يزوجنى من بنت احد اصحابه فلم ارفض طلبه وافقت والحمدلله كان نعم الاختيار للزوجة من دين وخلق وتربية واهل محترمين وعيلة تشرف بحق واتمنى من كل الشباب ان يتقوا الله عزوجل ويحسنوا الاختيار للزوجة ذات الدين والخلق فهو الاساس في انجاح الزواج ولايفكروا في الامور الاخرى والله يوفق الجميع
والله انك عبيط وساذج ومن السهل احد يضحك عليك سوري لكنها دي الحقيقة البنت واضح من كلامها معاك انها بنت فاسقة وزبالة بتعرف شباب كثر وبتخرج معاهم وتسهر وتسافر الخ يعنى بصريح العبارة فتاة متحررة بلاقيود هل ترى انها تستاهل انك تفكر فيها وفي الارتباط بها تبقى غلطان جدا وتقلل من كرامتك وكرامة اهلك ليه البنات خلصوا من الدنيا وماضلش الا البنت دية علشان تفكر في الارتباط بها كبر دماغك يابن الناس واحسن الاختيار الجيد لشريكة العمر من كل الجوانب وماتنخدعش بالمظاهر او الجمال او الكلام الحلو الللي ظاهره الكذب والخداع كل التصرفات التي ذكرتها عن البنت توكد بدون شك انها لاتصلح للزواج ولايمكن ان تكون زوجة شريفة ومخلصة ومحافظة لك على شرفك واسمك وبيتك واولادك اتركها فورا واقطع علاقتك بها نهايئا وللابد وربنا بيكرمك ويعوضك خيرا منها مليون مرة هتلاقي نصيبك مع بنت الحلال الصالحة المتربية الشريفة اللي تستاهلك وتقدر مشاعرك وتحافظ عليك وتسعدك طوال حياتك
اولا البنت باين انه كان مضحوك عليها و تم استغلالها بس مش هبراها خالص لانها تعتبر غلطت و مصاحبة عيال بتتسلى و مش عندها عقل تانياااا انت شاكك انك تعدت مع غيرك لانه انت قلت بنفسك جرت بينكم تعديات كبيرة ف طبيعي بقااااااااااااا انك هتفكر فيها كده هتقول او قلت في نفسك طالما عملت كده معايا هتكون عمل مع غيري يبقى تعتبر زيك زي لي قبلها انت لو بتحبها و عاوزها صحيح مش كنت هتسمح لنفسك انك تقربلها حتى تتقي الله فيها
حاجة تاني انت اصلا شاكك فيها و مش عاوزها باين من كلامك من احسن سيب البنت بلاش تفضل تخليها انت كمان تفضل تعمل معاك تعديات كبيرة جداااا
اتمنى من البنت انها تفوووووق و يهديها و تتوب و تقعد في بيتها معززة مكرمة و تتوب لربنا ربنا غفور رحيم ساعتها ربنا هيجزيها برجل يصونها و يحبها فعلا و يجوزها امام الله و يحترمها
اتمنى ليها الهداية و ليك برده سيبها احسن لانك انت كمان بتظلمها بطلبات لي بتطلبها منها خارج اطار الزواج ده مش يرضي ربنا