مشاكل الشباب مع البنات

حبيبتي مش راضية ترجعلي

انا 16 سنة واللى بحبها 16 سنة قدى اتمنى انكم مش تزهقوا من كلامى بس انا لما تعبت بجد كتبت مشكلتى هنا جايز الاقى حل بجد انا فية بنت بحبها جدا جد جدا لدجة غير طبيعية وهيا كانت بتحبنى بدة جدا بجد وانا كنت متأكد من دة وكنا بنساعد بعض ف الدراسة ف التليفون وكل حاجة جميلة واتفقنا انى هبقا اتقدملها ف اقرب وقت لانى بحبها بجد وهى بتحبنى وفرحت اوى بدة وجة وقت عملت غلطة كدة زعلتها جدا وخلتها تسينى وبعد ايام بعد ما اتحيلت عليها تسمحنى سمحتنى بس رفضة ترجعلى وقلتلى هظلمك هتلاقى بنت تانية خالص لو رجعتلك قلتلها ماشى ميجراش حاجة قالتلى مش هرجعلك انسانى بقا وانا مش بعرف حتى انام الليل ولا حاجة بجد لدرجة انى اكتر من مرة حاولت اموت نفسى بجد وهى عرفة انى تعبت ف درستى وكل حاجةة لقتيها بقت تكلمنى كل يومين مكالمة صغيرة جدا تقلى عشان تعرف تذاكر مش اكتر بس انما عشان انى اوافق انى ارجعلك لأ وبجد حاولت انساها وافكر ف غيرها لدرجة ان فية اكتر من بنت بيحبونى ويبقوا زميلها وبنت كلمتنى وقلتلى انا عرفة كل حاجة وانا بحبك وهنسيهالك وكل حاجة مش قدرت قلتلها هظلمك لانى مش هعرف احب غير اللى انا بحبها دى راحت قيلالى انتا كدة بتعذب نفسك بجد هى سبتك خلاص لية بقا تترجاها وتعمل ف نفسك كدة قلتلها مش عارف بس فعلا مش ينفع احب حد غيرها مش عارف حتى مش صعب ولا مستحيل لأ مش عارف مينفعش بجد وهى دلوقتى مش بتحب حد بس مش رضية ترجعلى بالله عليكم بالله عليكم شوفولى الحل اجعها ازاى ليا لان اى حاجة غير انها تبقا معايا هتبقى موتى بجد هى حياتى وعمرى كلة بجد زى ما يكون قلبى اصلا هى خدتة هى خدتة فعلا مش ينفع اعيش من غيرها بتقلى هتنسانى ف يوم قلتلها مش هعف وهى مش قدرة تفهمنى ليييييييية مش عارف ارجوكم دى اول مرة اكتب مشكلة ع النت ارجووووووووووووكم ساعدونى بالله عليكم

مشاكل وحلول ذات صلة

اضيف بتاريخ: Thursday, April 28th, 2011 في 12:56

كلمات مشاكل وحلول: , , ,

23 رد to “حبيبتي مش راضية ترجعلي”

  1. mohamed
    04/05/2016 at 16:10

    بصو بقا انا حبيت وحده قريبتي اوي وهي حبتني وحولت اتقدملها علشان كل حاجه تبقا رسمي لكن هي لسه في الثانويه وانا اكبر منها 4 سنين ورحت اتقدملها امها قابلتني كويس مع انها عارفه اني انا اللي كنت بكلم بنتها في الفون يوم ما عرفت وامها قالتلي انا مش هقدر اساعدك دلوقتي علشان عمك مش هيرفضك كا ان انت محمد لا بس هو رافض المبدء دلوقتي وقعدت تنصح فيا وتقولي شد حيلك لحد ما تخلص الثانويه وانا اللي هقف جمبك ووعد مني بس بلاش كلام في التلفون قولتلها ماشي وانا شوفت ان امها كانت قبلاني اوي لما رحت كلمتها بس في وحده صحبتها كرهتها فيا اوي بعد ما كنا بنعشق بعض وصحبتها دي مش كويسه وانا بعدت حبيبتي عنها قبل كده فهي كرهتني وخلت حبيبتي بعدت عني وكرهتني اوي وبقتش طيقاني وانا عمري ما كن اتخيل كده وعملت المستحيل علشان احل المشاكل دي ومفيش فايده خالص وصحبتها هي السبب وكمان بتقولي انها لو هتموت مش هترجعلي بس انا عارف اني غلط في حقها بس مش خيانه ولا اني كلمت بنات غيرها والله ابدا كل المساكل مشاكل تافهه واني كنت عصبي في كل حاجه وكنت اسي عليها وكله برضو بسبب صحبتها واخر مره اتخنقنا فيها انا قولتلها كلام مش كويس وقليت منها اوي زي ما هي قلت مني ودلوقتي سمعت انها بتكلم ولد ع اساس اصحاب والولد ده قدها وكمان راح قال لناس انه بيكلمها وانا عملت اميل فيس مجهول وكلمتها ونبهتها وهي معترفتش انها بتكلم الود ده وغلطت في ولاد البلد كلهم وكانت هتموت وتعرف مين بيكلمها وعملتلي بلوك ع الفيس باكتر من 5 اميلات ومفيش فايده في الرجوع ومش عارف اعمل ايه وياريت محدش يقولي سيبك منها علشان اللي كان بيني وبينها اكبر من اي حاجه في حياتي وانا اللي عارف مش انتوا بس انا عايز طريق كويسه اخليها هي اللي ترجعلي وكمان متكلمش حد حتى لو مش هترجعلي دلوقتي ووالله احنا كنا بنعشق بعض وهي محترمه جدا بس صحبتها اليومين دول خلتها بقت بتقول الفاظ بيئه هي مكنتش بتقولها

  2. سلوم
    21/02/2016 at 16:11

    بص يابني البنت لو سابتك وراحت لواحد غيرك وانته عاوز ترجع لها من غير متنزل كرمتك الأرض روح صاحب وحدة ثانيه وخليها تعرف كذا وهي هتيجي تبوس رجليك …

  3. ماتت روجي وبقيت انا وجسدي
    17/02/2016 at 11:46

    انا انسان طيب اوي انا حاليا بقالي 4سعات متخانق مع حبيبتي بس خناقه اكبيره لدرجة اني قلتلها متتصليش هنا تاني عارفين ليه علشان اهملتني وفضيت للنت وللبانت صحابها ولشغلها واخر اليوم تنام واتسيبني علي المكالمه مع انه البنا اتحداكم واتحدي اي حد في الدنيا يكون بينه وبين حبيبته زي الي بيني وبينها انا تعبان جدا قومت واتوضيت وصليت وكمان صليت صلاة استخاره في الرجوع ليها وربنا يقدم الي فيه الخير انا تعبان جدا جدا وقلبي بيتقطع وادموعي رافضه توقف لكن لسه بحبها ومستنيها اترن علشان اول ماترن اقولها مسامحك بس.بلاش تعملي كدا بس ياهل تري بعد 4سنين حب هترجع علظان تعتزر ولا دي النهايه لو حبين تسمعوا قصتي من الاول قولو وانا مستعد هي روايه مش قصه بس.اجمل روايه في الدنيا

  4. محمد المخترع
    23/12/2015 at 00:54

    علي كدة انا غلبان طب ما انا عندي 16 سنة وعمري ما كلمت بنت ابدا يا جماعة دة اسمه حب غير ناضج او تسليه بالمعني الاصح بص حضرتك من الاخر قبل 18 سنة يبقي عيل حب ايه ويموت نفسه ايه للدرجة دي الجيل بايظ ولا عشان انا الوحيد اللي محافظ علي اخلاقي يبقي العيب فيا

  5. تىتى
    27/08/2015 at 15:46

    انا بردو حصل معايا نفس الكلام قلتلى متكلمنيش تانى بس انا قلتلها اى اللى حصل عرفت من واحد زميلى انى واحدة زيميلتها قلتلها كلام وحش عنى رحت كلمتها قولتلها انا عرفت الى حصل قلتلها وحدة زملتك قلتلك كذا قلتلى ايوة قلتلها متسدقيش حد غير لما تتأكدى بنفسك ورجعت واتأسفتلى

  6. الماضى المجهول
    15/12/2014 at 20:51

    بص يابرنس اوعك فى يوم من الايام انك تمسح كرمتك فى الارض بسبب بنت لان اى بنت فى الدنيا دى بتحب تغير مع حبيبها البنت تقول ايه انا بقالى كتير بكلم حبيبى مثلا احمد والواد محمد بيحبنى وهيموت عليا منا اغير بقا هو انا هفضل مع واحد بس ليه وانا اتعب نفسى ليه منا اكلم محمد وخلاص هو يعنى هيموت ولا حاجه ما ابنات كلها بتعمل كدا اش معنا انا هو انا مش زيهم ولا اية لازم اكلم على الاقل 6ولا5 مهو كداولا كدا مش هتجوز ولا واحد فيهم هى ايام وخلاص مش دااللى بيقلوه البنات ولا انا غلطان
    البنات عامله زى الشبشب لو باظ هات غيره
    انا اسمى ابو جنا
    بمسى على اللى قاعدين وبيقراو اللى بيحصل
    سلام بقا

  7. وزة
    29/11/2014 at 07:14

    انا حصل معايا كدة بردو بس هى كانت بتحبنى وكنت بكلمها على الفيس وهى كانت بتحبنى جدا وكنت بموت فيها لحد ما جت واحدة زميلتها ولعبت فى دماغها خاليتها تسبنى وتكلم اخوها وتخيلهم يخرجو مع بعض وانا فكرت ارجعلها وادوس على كرامتى بس قولت افردقالتلى لا مش هينفع ابقى حرجت نفسى (من الاخر كدةخد دى قاعدة فة حياتك ( لو عايزانى هترجعلى تانى )

  8. Alex :D
    21/09/2014 at 23:28

    كلام سليم يا صحبى بس انا احب اقولك ان البنات ملهومش امان انا برده ليا واحده كنت بحبها وهيا كانت بتموت فيا بس شويه كدا اتلقيتها اتخطبت لواحد اد ابوها :] سعتها عرفت ان كل حاجه بتتباع بلفلوس 😀 وقليتلى انا معرفكش قولتلها شـوفى يـاآ بنت النــاآس
    هقـولك ‫كـلمة‬ ..
    اعملى لنفسـك قيمـة ..
    عـشاآن البنــاآت الرخيصـة كــترت . . .

  9. المغنى اشرف زايد
    14/07/2014 at 02:08

    بجد حاول معاها اعمل المستحيل علشانها حاول افضل اتكلم معاها ما دام هى موافقه و بين كل فتره و التانيه لمحلها و متخسرهاش لان بعد كده كل اللى هتقابلهم ولا هيسو ضفر واحد منها و انا مشكلتى نفس مشكلتك ربنا معانا بجد

  10. Ana boda
    09/06/2014 at 14:07

    بقولك ايييه ياعم البنات ملهمش امان
    سيبك منها هى لو بتحبك بجد كانت هترجعلك لاكن فكك من ام الحوار ده بقولك ايييه انتا لو كلمت غيرها هتنساها خالص ونا متاكد من كده طب اسمع قصتى انا بقا انا كنت بحب واحده اسمها اسراء تمام بحبها وهى كمان كانت بتموت فيا لدرجه مكناش بنسيب بعض ابدا فى واحده كانت بتحبنى قبليها الواحد دى صحبتها راحت قالتلها عبده مش بيحبك وسبيه قبل اما هو يسيبك
    طبعا مصدقتهاش راحت البت دى جابت 2 كمان صحابها وبردوا اعدو يزنوا على دماغها بعد كده مبقتش تكلمنى حاول انساها معرفتش قولت اما اكلم بنات تانيه نسيتها خالص دلوقتى هى اللى عايزه ترجعلى تخيل بقا

  11. ابواميرة
    24/01/2014 at 18:38

    اولا الحب في سن 16 دي حب مراهقين وليس بحب عقلاء مدركين وناضجين ثانيا اهتم بدراستك ومستقبلك اكرم لك من الحاجات دي والتفكير فيها ثالثا- احتمال البنت اهلهاعرفواانهاتكلمك وطلبومنهاماتردش عليك وتنساك واحترم رغبتهادي رابعا- بلاش تضغظ على البنت وتسبب لهامشاكل مع اهلها بتصرفاتك الطايشة والمتهورة وخلي عندك كرامةوعزةنفس وانسحب من حياتها للابد خامسا- هل ترضى ان اختك تتكلم مع شاب وتراسله مسجات اوصور وخلافه فكيف ترضهاعلى بنات الناس اعلم انه كماتدين تدان وان الله مطلع عليك وبيوقعك في شراعمالك

  12. Zezo Alex
    04/10/2013 at 13:17

    بص يامعلم انا حصلتلى مشكله بس غير مشكلتك خالص انا حبيت واحده وهى كمان حبتنى جدا جدا وحبينا بعض اكتر من سنه بس للأسف هى جرحتنى لأنها حبت واحد تانى مع انها كانت وعدانى والله [انها مش هتسبنى وحذفتنى من الفيس والخط بتاعها كسرته لدرجه انى لحد الان ولا اعرف عنها اى حاجه صحيح البنات ملهمش امان :((

  13. Bedo Man
    08/09/2013 at 15:07

    بس يا معلم ف غلطه انا واثق انك و قعت فيها زىانت من الاخر قولتلها انك بتحبها اوى وواقع ف دبادبها و مش هتقدر تستغنى عنك و مش بعيد تكون اهنت نفسك قدامها علشان خاترها و اانا متاكد انكعملت كده و للاسف ده غلطت كبير البنت لما بتشوف ولد بيعمل كده بتقفل منه و ده الى حصل معايا بالظبط و للاسف اتعلمت بعد ما غلطت بس مش مشكلة المهم انت عندك فرصه احسن منى انك لسه بتكلمها انا بقى مبتردش عليه خالص فا من الاخر يعنى ممككن تعدل شخصيتك قدامها خليك واد تقيل و متهزرش كتيير و بطل تفتح كلام فى موضوع الحب و انك ترجعلها لفترة كبيرة و كلمها ع انكو صحاب و بصورة طبيعيه و بعد فترة بس هتكون طويلة فاتحها و ان شاء الله هتدعيلى متقلقش (y)

  14. مصطفى ابراهيم
    28/08/2013 at 22:52

    بص يا برنس انا حصلى نفسس الى حصلك بس الاختلاف انا وهيا كنا عندنا 14 سنه وسبنا بعض لانها فى الاول كانت جيرانا بس سبنا بعض لانهم اشترو بيت بعيد عننا وانا مكنتش بشوفها كتير بس لما سنى وصل 18 سنه بقيت بشوفها ونفسى ارجعلها من تانى اعمل ايه لو سمحتو شوفولى حل معلش انا مش عارف اعمل ايه بجد

  15. واحد زيك
    22/02/2013 at 16:04

    انا حصلتلى نفس مشكلتك و عاوز لها حل و مش لاقى البنات زعلها وحش اوى اوى اوى و انا متعذب زيك و يمكن اكتر كمان و نفسى فى حل و حبيبتى دى عمر ما هنساها لو حبيت 100 واحده بعدها و مش فادر اعيش من غيرها مفيش حل

  16. جريح
    14/08/2012 at 07:49

    غيرها حلوين بردو بيحبوك وعاوزين يرتبطوا بيها << اسف اصدى يرتبطوا بيك

  17. جريح
    14/08/2012 at 07:46

    بص يا جميل .. لو انت بتحبها بجد متسبهاش .. وانا عارف ان ممكن يكون فى بنات غيرها حلوين بردو بيحبوك وعاوزين يرتبطوا بيها ونفترض لو ارتبطت بغيرها .. عمرك ما هتحس احساسك معاها مع اى بنت تانيه .. وهتحس ان بتكلم البنت التانيه دى وانت قلبك مع حبك الاولانى ده … بس 16 سنه بردو صغير .. معلش سامحنى انا 21 سنه وفى نفس مشكلتك بس مش انا اللى زعلتها بقى لا هيه اللى جرحانى .. بس السبب مجهول لانى مش عارف ارجعلها عشان اعرف ايه السبب .. فلو انت ناوى نية خير مع البنت دى متسبهاش وحاول معاها وفكرها وانت بتتكلم معاها فى التليفون بأيام ماكنتوا مع بعض احباب .. ومتجبلهاش سيرة (نرجع) دى .. الا لما تحس انها بدأت تميل ليك تانى … ارجو انك تكون استفدت .. ولو مفيهاش اى احراج او زعل منى .. ياريت تعرض الحاجه اللى انت زعلتها فيها دى …

  18. hagar
    04/06/2012 at 05:58

    حاول ترجعلها بأى طريقه لانك بجد صعب تنساها وصعب اوى كمان وهقولك على حاجه يازكى مدام انت وهى لسه الحمد لله بتكلمو بعض وهى موافقه على كده يبقى فيه فرصه لازم تنتهزهاانك تقعد تكلمها وتكتر فى الكلام بالتدريج لحد ما تبقو زى الاول بس من غير ما تقولها كلمه (نرجع)دى خالص وسدقنى ياعم هترجعو زى الاول واكتر بس ايااااااك باه تزعلها تانى وكمان انتو لسه صغيرين -مع انى اصغر منكو طبعا -فسهل أوى ترجعلها سدقنى وربنايوفقنا للصح….!

  19. HanyMoh
    12/10/2011 at 14:35

    أولا أنت صغير على هذه الأشياء الآن لأنك لا تستطيع الزواج فلا يجوز لك أن تقابلها وتتواعدا على الزواج وهذه الأشياء..

    ثانيا أنت لم تذكر الغلطة التي فعلتها ولعلها غلطة لا تغتفر..

    أنت تقول أنها سامحتك ولكن لن تعود لك،، إذًا الغلطة كانت فيها..

    غيرها بتحبك وأنت مش عايزها،، أنصحك بالبعد عن كل الحاجات دي لأنها حرام وإهانة لكرامة البنت دي،، أما لو الأولى سامحتك خليك معاها على وعدك بدون مقابلات لحين الخطوبة..

    مفيش حاجة اسمها مستحيل تنساها،، لأن أي شيء ممكن يتنسي لكن في بدايته صعب، وإلا الدنيا كانت انتهت لمجرد موت شخص عزيز عندك، ومفيش حاجة تستاهل إنك تغضب ربنا بإنك تقول هموت نفسي..

    مفيش كلام إن اللي غلط لازم يعتذر،، بس أفضل حل إنك تقولها أنا هسيبك دلوقتي لحد ما تهدي وتنسي الغلطة،، ولما أنوي أخطب إذا لقيتك مش مخطوبة هتقدملك ولو رفضتيني يبقى أنت ماسمحتينيش.. وسيبها وامشي وريح دماغك،، لأن الكلام ده هيخليها تسامحك لو كانت لسه قابلاك أما لو كرهتك بسبب الغلطة فهي هترتاح منك وتبعد عنك..

    وأقولك على حاجة في أخطاء ممكن تضيع الحب في ثانية،، وأقولك على حاجة تانية: الحب لو ضاع مرة صعب يرجع تاني..

    أنت عملت اللي عليك،، اعتذرت بدل المرة ألف

    وتبت من الغلطة دي خلاص ومش هترجع تاني

    مفضلش غير حاجة واحدة بس

    إنك تدعي ربنا وتقرب له،، واتأكد إنه هيرجعها تاني لك..
    وتحسن من أخلاقك وتزود معرفتك بالأمور الشرعية ووالله هتلاقيها هي اللي قربت منك لأن البنت عايزة راجل عنده أخلاق ومتدين لأنه مش هيظلمها..

    وربنا معاك يا صاحبي..

  20. ندمانه
    20/09/2011 at 21:23

    مادام انت بتحبها اوى كده ليه عملت حاجه تخليها تزعل منك بالطريقه ديه ومش عايزه ترجعلك على فكره انا كنت بحب واحد ادى وكان عندى 16 سنه وهو 16 سنه وهو كان بيحبنى اوى وبعد كده عرفت انه كلم بنت تانيه وبعد بردوا رجع قالى سمحينى ونرجع وانا مرضتش وبردوا قولتلوا سمحتك لكن مش هنرجع وفات علينا سنتين وانا لسه بحبوه لحد دلؤقتى وبردوا بنتكلم مع بعض بس مش كتير وفى كل مره يقولى نرجع مع انى بحبه وعارفه انه بيحبنى لكن مش عايزه ارجعله …هيا اكيد عايزه ترجعلك لكن كل متفكر ترجعلك تفتكر الغلطه الانت عملتها وكمان علشان هيا متأكده انك بتحبها ومش هتقدر تكلم حد غيرها او حتى لو انت كلمت بنت غيرها هيا متأكده انك بتحبها هيا ومش هتبقى سعيد مع اى واحده غيرها حتى لو كانت احلى منها وانا متأكده ان البنت ديه مش بعتك ولا حاجه بس هيا بتعقبك على الانت عملتوه بس هيبقى عقاب طويل شويه بس هيا بتحبك لسه وعلى اد ما انت زعلتها هيا هتعذبك فا الاحسن ليك انك تركز فى حياتك ومستقبلك وتحاول تنساها لانك هتتعذب بجد و مستقبلك ودرستك اهم حاجه وصدقنى لو ليكوا نصيب فى بعض لو فاتت سنين هتكونوا لبعض فى الاخر

  21. ميمي
    28/04/2011 at 23:00

    حبك الان يعتبر مراهقة واذا فرضنا انه حب حقيقي هتستطيع تتزوج في هذا السن لا طبعا علي الاقل 6سنين علي ان تتزوج هتفضل بدون حاجة تربطك رسمية معها كل الفترة دي وممكن اهلها يزوجوها في هذه الفترة وانت تحس بالصدمة اكبر ام الان اقتنع ان ما يحدث هو احتياجك للحب ولهذا الاحساس تقرب من ربنا وابعد عنها

  22. مجهول
    28/04/2011 at 20:43

    انا كمان عندى 16 سنة وحصلتلى مشكلة شبه مشكلتك احسن حاجة انك تسيبها لأن هى لو مش عايزة ترجعلك تبقى مش بتحبك واعمل زيى استنى لحد ما تخش الجامعة وتلاقى بنت الحلال الجميلة المؤدبة اللى تحبها وتحبك وتقدر مشاعرك بس لازم تعرف ان مفيش بنت فى الدنيا بتموت فى واحد او بتحبه اوى نادرا ما حتلاقى البنت اللى بتحبك بجد وشكرا

  23. ايمى الزملكاوية
    28/04/2011 at 17:43

    كلمة يا بن الناس الا يبعيك بيعة الكلمة دة متنساهاش سوا كان حبيب صديق اى انكان

اترك رداً أو حلاً لهذه المشكلة