مشاكل الشباب مع البنات

بحب بنت خالتى ومش عارف اقولها

بسم الله الرحمن الرحيم
اولا انا سنى 18 سنة بحب بنت خالتى اوى بس مش عارف اقولها ساعات بحس انها حاسة بيا بس انا بتكسف اقولها ولمحت قبل كده لآمى قالتلى مينفعش تاخد بنت خالتك علشان هما مش حايوافقو عليك قولتلها ليه قالتلى علشان هما مش بيحبو ابوك لانو معاملتو مش حلوة معاهم ولو رحت اتقدمت ورفضوك هاتكون انتا سبب الزعل بينى وبين اختى يبقى بلاش بنت خالتك فانا قبل ما اتقدم عاوز اعرف رأيها علشان ميحصلش زعل بس ازاى مش عارف
ياريت تلاقولى حل علشان انا تعبان اوى بسبب الموضوع ده وعاوز حل ف اقرب وقت وهاكون متشكر اوى لكل حد كتبلى حل سواء استفدت من هذا الحل او لم استفيد

مشاكل وحلول ذات صلة

اضيف بتاريخ: Tuesday, July 19th, 2011 في 02:18

كلمات مشاكل وحلول: ,

22 رد to “بحب بنت خالتى ومش عارف اقولها”

  1. مؤمن
    27/05/2019 at 15:20

    انا عايز اقول حاجه لكل اللي مش قادر يقول لحبيبته بحبك انا كنت كدا بس اتخنقت وجالي حاله اكتئاب واتخنقت من الحياه كلها لحد مقولتلها ع الفيس انا بحبك قوي وبعشقك ف الاول افتكرتني بهزر بس لما اتكلمت فهمت وكده وبنكلم بعض دلوقتي قولها بدل متضيع منك وده راي بس

  2. حسام
    20/06/2018 at 12:33

    اسلمو عليكو شوف المشاكله ايه و سياس ابوك وزن عليه

  3. م
    18/07/2015 at 18:30

    والله العظيم انا زيك وبحب بنت عمى لكن موفقوش على الزاوج ونفسى اقوله انا بحبك ومش عارف اعمل ايه

  4. ميدو
    15/02/2015 at 17:56

    ربنا يباركلك وبوفقك نفس المشكلة ياريت تقولنا اية الاخبار دلوقتى ؟؟

  5. الصحراويه
    17/08/2011 at 00:06

    يا ابني مكسوف تتكلم وانت عاوز تتجوزها امال لو اتجوزتها هتعمل ايه حل سهل جدا اكتب لها رساله علي الموبايل او في ورقه وقولها علي مشاعرك وقولها لو وافقتي هكون سعيد جدا ولو رفضتي هنكون اخوات طول العمر وبيني وبينك هذا الكلام وافقت علي بركه الله رفضت برضو خير وغيرها كتير

  6. الرومانسى
    06/08/2011 at 09:14

    بص خلاصة الموضوع انت تروح وتنتهز اى فرصة تكون انت وهى لوحدكو فى البيت عندهم او عندكو او خارجين كدة يعنى وتقولها جملة واحدة صدقنى بكل شجاعة وغمض عينك وانت بتتكلم عشان ماتكسف وقولها انا بحبك من زمان وعايز اتجوزك وفتح عينيك وشوف رد فعلها لقيتها زعلت قولها انا اسف اعتبر انى ماقولتش حاجة وسيبها وابعد عنها وبرهان لو ماجتش ها واعترفتلك بحبها ليك صدقنى

  7. tota
    02/08/2011 at 03:53

    anta tklmha w ts2lha w shof rdha haeb2a eih w hea lw bet7bk hat2ol 2wel mates2la ana bnt w 3rfa albnat befkro azae as2lha w mosh hat5sr 7aga

  8. wa7da keda
    01/08/2011 at 12:33

    بص يا ابنى هى هترتبط بيك مش بوالدك دة اولا
    ابدا بالموضوع معاها وشوف رايها وافقت اتوكل على الله رفضت يبقى ابعد وفيه غيرها
    حاول تتكلم مع مامتك على ان الموضوع جد مش كلام وان ارتباطك بيها متعلق بيك مش بابوك وانهم بيشتروا راجل زى مبيقولوا
    حاول كمان تحسن علاقتك مع خالتك وعيلتها اوووى دة هيسهل حاجات بعدين وحاول تلمح على الموضوع اكتر من مرة وربنا يقدملك ما فيه الخير

  9. المايسترو
    25/07/2011 at 19:45

    انت تفاتح بنت خالتك بينك وبينها الاول ومتعرفش حد وقولها اني بحبك وعايز اتقدملك وشوف ردها ايه وبنائا عليه اتقدملها وملكش دعوة بابوك او ابوها ولا اي حد انت مش هتتجوزهم انت هتتجوز بنت خالتك وفي الاخر كل شئ اسمه ونصيف واللي فيه الخير يئدمه لربنا

  10. الخبرة
    25/07/2011 at 05:16

    لو انت متاكد انك بتحبها فاتحها فى الموضوع مابنكم وشوف ردها اية لو وافقت روح اتقدم لها لو رفضت خلاص لان لو رحت كدة وهما رفضوا هيبقى فعلا فى زعل زى ما والدتك قالت وهيبقى منظرك قدام عالتك وحش فا انت لو وافقت ورحت اتقدمتلها واهلها رفضوا طبعا هى هتاثر عليهم بكلامها انا عايزة وكدة وبعدين هيوفقة بس اسمع منى وجرب وربنا معاك

  11. فريد
    23/07/2011 at 19:51

    أنت فعلا تحب بنت خالتك لأنك تريد أن ترتبط بها تريدها زوجة وهذه سمات الرجل المحب ان أحب بنت أول ما يفكر فيه هو كيف يخطبها ويتزوجها لكن يا أخي أنت مشكلتك الآن ليس موضوع الزواج وإنما كيف تصارح حبيبتك كيف توصل لها حبك وحقيقة مشاعرك نحوها حتى تبادلك هي نفس الشعور بالحب هذا ما يهمك الآن يا أخي ونظرا لصعوبة الموقف ومصارحتها مباشرة لأنك بتنكسف وقد يغيب الكلام وقد تحرجك ولا تعطيك فرصة لمصارحتها الى غيره من العراقيل فأنا لدي ليك حل أمثل هو أن تصارحها بحبك في رسالة حب اما ان تكتب ذلك على الورقة أو عن طريف الهاتف ان كنت تعرف رقم هاتفها وعلى الورقة أحسن من الهاتف واحرص على أن تتضمن الرسالة أنك بتحبها وتعزها وعايزها أن تكون شريكة حياتك ومش حتلاق أفضل وأنك راح تفعل المستحيل من أجلها وأطلب منها أن ترد على رسالتك وانك راح تتقبل ردها مهما كان وان يبقى الموضوع سر بينتكم كما يجب أن تحذر حتى تسلمها الرسالة بنفسك ولما تسلمها إياها قل لها هذه أمانة يجب أن ترد لي الأمانة وأترك لها الوقت حتى ترد عليك برسالة يعني الرسالة وسيلة مثلى وفعالة وسرية لتبادل الحب لأن القلم لا يكتب إلا المشاعر الصادقة وبعد ما تنجح وإنشاء الله يكون ردها أنها راضية عنك وتحبك هي كذلك تأتي الخطوة الثانية وهي موضوع العائلة يعني عندما تضع حبيبتك يدها في يدك كل شيء راح يحل وسأنصحك بدوري ماذا ستفعل حينها المهم الآن ركز على موضوع الرسالة وتشجع يا أخي لأن الذي يحب يجب أن يكون قويا ويفعل المستحيل من أجل حبيبته كما يجب أن تتعجل قبل أن يحدث أمر قد يعجزك تماما كأن يتقدم لها أحد مثلا أنا لا أخوفك يا أخي بل حتى أزرع فيك الشجاعة والقوة والثقة بالنفس إنشاء الله بالتوفيق يا أخي

  12. المحتار
    23/07/2011 at 18:52

    بص ياجميل انت لو متأكد من مشاعرك ومتأكد إن ده حب مش إعجاب وكده
    روح اتقدملها وسيبلهم يومين يفكروا بس لازم تقولهم يعنى إن سواء رفضوا او قبلوا دى ملهاش دعوه بصفتي قريبكم انا جاي بصفتي واحد جاي يخطب بنتهم فقط
    يعنى متحطوش موضوع القرايب ده فى الاعتبار خاالص

  13. reem
    22/07/2011 at 02:38

    اسمع كلام مامتك هية ادرى منك وتفهم فى الحاجات دية وهية مش عايزة تخسر اختها

  14. lolo
    21/07/2011 at 13:45

    لا لازم تحكيلها وتكون شب قوي ومو ولازم البابا يصير يتعامل معهم كويس انتو اهل صح او انا غلطانةولو جد انتا بتحبها وهي كانت بتحبك او حبتك ما في قوة بتقدر تكون بينكم او تفرق بينكم واحكيلها وتوكل على الله والله معك

  15. لؤي
    20/07/2011 at 18:39

    ياجماعة كل ال قولتوة حلو اوي بس ناسين حاجة مهمة انو عندة 18 سنة يعني لسة صغير واللة اعلم بسنها ولو قريبة منة ف السن يعني اصغر بسنة او سنتين ممكن ميتجمعوش واهلها هيقولوا انة لسة عيل وكمان مشكلة اكبر لو ف كلية عملية لان عادة البنات معظهم بيتخطبوا وهم ف الكلية يعني مش هتسني ارجو ان كل وااااااااحد يقول تعليق علي كلامي

  16. قارئة الاعين
    19/07/2011 at 23:40

    انا شايفة انك تلمح لها ولو حسيت فى قبول من ناحيتها ممكن تعترفلها بس بشرط انك تطلب منها انها متصعضش الموضوع للاهل علشان ميحصل زعل بينهم وهيا اكيد هتقدر وحاول تحسن علاقتك بخالتك وجوز خالتك علشان ينسو موضوع بباك ويتعاملو معاك على انك شخصية مستقلة وان شاء اللة هيوافقو

  17. فاعلة خير
    19/07/2011 at 19:09

    اقولهاواعرف ان كانت بتحبك ولا لا مش احسن ما تقعد انت وهي كدة محدش فيكواعارف التاني بيحبوا ولا لاوتعلق نفسك ع الفاضي ويمكن تكون مبتحبكش صدقني لو قولتلها هترتاح ولو طلعت بتحبك ولا حد هيقف قدامكوا العالم اتغير واكيد لو هي عايزاك هتخدك مهماكان الوضع كل واحد فيكوا هيتمسك بالتاني

  18. ميمي
    19/07/2011 at 16:00

    يب انت حاولت تفتح الموضوع ل بابا يمكن تتغير معاملتو ويمكن خطبتكو تكون سبب ف حل مشاكل بين باباك و و خالتك

  19. شهد
    19/07/2011 at 14:01

    انت دلوقتي لازم تصارحها بحبك ليها و تكلمها عشان مش ينفع تروح تتقدم و انت مش عارف احساسها بايه من ناحيتك متوقعش ان هما هيرفضو الشخص بسبب ابوه او ممكن بعيد الشر يحصل زعل بين والدتك و خالتك خلي قلبك جامد و صارح بنت خالتك في الموضوع و اللي فيه الخير يقدمو ربنا و بتمنالك التوفيق اعرف احساسها من ناحيتك الاول و بعديها روح اتقدم و ان شاء الله هيحصل كل خير

  20. هيما
    19/07/2011 at 07:58

    اولا السلام عليكم اخى العزيز الموضوع غايه فى السهوله انت تتحدث معها بانك لديك رغبه بان ترتبط بها مدى الحياه وان تكون زوجتك على سنه الله ورسوله وتريد ان تعرف هل لو حدث وتقدمت لها سوف يكون هناك اى معوقات وذلك لانى احب ابى وامى ولا ارغب ان يوضعوا فى موقف انا لا افضله وان تعطيها فرصه للرد اولا عليك من ناحيتها هل هى تريدك ام لا ثم موضوع الرفض او القبول من ناحيه اهلها وهذا سوف يرفع الحرج عنك انا كان احد الطرفين لا يرغب والله الموفق

  21. hoba
    19/07/2011 at 04:32

    هقولك حاجة خلى ممتك تتكلم بينها وبين خالتك وتعرض عليها الموضوع يعنى كلام ستات بدون تدخل حد تانى وتجس نبضها ساعتها لو فى قبول مشى ف الموضوع لو فى رفض حاول تصرف نظر عن الموضوع وفى حل تانى حاول تلم شمل الاسرتين

  22. مى
    19/07/2011 at 03:08

    بصراحا مش عارفا اقولك ايه
    انت بس ممكن يكون لسا ف سن مراهقه
    او هى كمان ف سن مراهقه
    وممكن اما تكبر تغير فكرك
    وانت لو جاد ف الموضوع لازم تقنع والدتك
    ممكن خالتك توافق ليه لا
    بعيدا عن والدك يعنى انت مثلا لو بقيت مهندس او محاسب او اشتغلت شغله كويسه معتقدش تترفض
    وبعدين ابقي فاتح مامتك ف الموضوع
    وكلم بنت خالتك وقولها انا عايز اتقدملك
    وربنا اذا اراد حاجه بتكون
    ولو هى من نصيبك هتتجوزها ان شاء الله غصبا عن اى حد

اترك رداً أو حلاً لهذه المشكلة