مشاكل الشباب مع البنات

ازاي اعبر عن اعجابي بزميلتى بالجامعة

السلام عليكم انا شاب عمري 18 سنه عايش بي امريكا مليش اصحاب كتير يعني تقدرو تقولو ان معظم الوقت بكون لوحدي عندي مشكله بسيطه وهي اني مش بعرف اتكلم مع الناس و اكون اصدقاء وكده وثفتي بنفسي قليله جدا وروحت لكذا دكتور نفساني و اهلي مش مقصرين معايا في حاجه والحمد لله
المهم انا مشكلتي هيا ان في بنت معايا بالجامعه بنت عربيه مسلمه يعني صعب اني اكلمها لان طبعا عدتنا وتقلدنا غير الغرب بس انا معجب بيها ومقدرش اقول اني بحبها لاني معرفهاش وعمري ماكلمتها بس انا حاسس اني لاو كلمتها وعرفتها هحبها بس ازاي اكلمها معرفش خايف من اي رد فعل خايف تحرجني وتكسفني بشوف ناس كتير في سني عندهم اصحاب وبيحبو وعايشين حياتهم وانا للاسف لحالي وعلي طول مع نفسي المهم سيبكم من داه كله ياريت بجد تساعدوني وتقولولي ابدأ منين و ازاي اكلم البنت دي و اعبرلها عن اعجابي بيها

مشاكل وحلول ذات صلة

اضيف بتاريخ: Friday, April 19th, 2013 في 21:06

كلمات مشاكل وحلول: , , ,

3 رد to “ازاي اعبر عن اعجابي بزميلتى بالجامعة”

  1. كل مشكلة وليها حل
    20/04/2013 at 10:14

    أنا كنت فى نفس مشكلتك بالظبط,وبداية حل المشكلة هى الارادة والرغبة والمبادرة,يعنى استنى اى فرصة عشان تفتح معاها كلام مرة واتنين وتلاتة لحد أما تاخدوا على بعض وخليك جرئ وحتى لو احرجتك او كسفتك عادى بتحصل مع اى حد ياما ناس اتكسفت واتحرجت(ياما دقت عالراس طبول) وتبقى جربت وخدت خبرة وبعد كده هتعرف ازاى تكلم البنت بعد كده بافضل طريقة,ولما يحصل قبول وارتياح بينك وبينها ابدأ بعد كده فى الغزل الهادى(انتى انسانة كويسة,مؤدبة,لبسك شيك,رقيقة,…وانت بقى عارف الباقى)هتلاقيها علطول انبسطت من الكلام الحلو وان شاء الله هتحبك

  2. مجرب قبل كده
    20/04/2013 at 01:37

    بص انت تحاول تتقرب منها في الأول وتبقى صديق ليها يعني حاول تساعدها لما تحتاج اي حاجة اشرحلها مثلا الدروس اللي هي مش فاهماها وبعد كده ابتدوا اخرجوا مع بعض واتعرفوا على بعض اكتر لحد ما تبقى انت جزء اساسي في حياتها وبعد فترة معينة تقدر تحسها انت تبقى تقولها على احساسك وتعترف بحبك ليها بس اوعي تدلق وتقولها بحبك لأنها حترفض على طول..انا جربت كده وقولت احساسي للبنت اللي كنت بحبها ورفضتني لأني ادلقت عليها بسرعة ياريت ما تعملش زيي وتعمل باللي انا كتبتهولك فوق ويا رب تكون من نصيبك ان شاء الله

  3. عاشق الحنين
    19/04/2013 at 23:12

    شوف يا صاحبي خدها نصيحة مني ، ازا بتحبها بجد ،، روح كلمها و قلها انك بتحبها فوررراااا ،،،،،ولا تتاخر ابداا ،،،، احمد ربنا انو البنت الي بتحبها عايشة ، مش ميتة زي

اترك رداً أو حلاً لهذه المشكلة