مشاكل الشباب مع البنات

حبي الاول كان لزميلتى بالجامعة وحبى الاخير

خليني احكلكم مشكلتي لعل وعسى الاقي حل ليها …..
انا طالب بكلية الطب ، الحكايه و مافيها اني كنت عايش في الامارات مع اهلي و التزم الامر اني انزل مصر علشان اكمل دراستي ، اعجبت بي بنت (( كان بيتقال انها احلى بنت في الدفعه من تصنيف صحتبي )) وكنت واثق من نفسي لان انا برضو كان بيتقال عليه اني احلى واشيك ولد في الدفعه ، وكنت بلاقي نظرات اعجاب من بنات كتير ومن البنت دي برضو بس مخدتش بالي منها لاننا مكناش صنفنا البنات ، في يوم استفزني واحد صحبي وقالي اننا مش هنعمل حاجه وهنفضل كده لاحد اخر سنه طب ، و مع الاستفزاز ، اتفقت انا و هو اني هروح اكلم البنت دي و هزبطها ، وحصل رحت كلمتها ولكن الموضوع ممشيش زي محنا كنا فكرين حصلت شوية لخبطه ومفهمتش اي ردة فعلها ، بس انا من سعتها و فخقد ثقتي في نفسي و بطلت اروح الجامعه لمدة يومين ، و بعد كده رحت رايح الجامعه عادي و لقيتها بتبصلي كتير وراحت عدت من ادامي وضحكتلي ومشيت ، فرحت جدا ، بمعنى ان البنات مبتكلمش الولاد فمقدرش اضيفها على الفيس ، ولو رحت اكلمها هيبقى منظرها مش كويس ادام الدفعه ، فبيقيت اعمل شير لحاجات على الفيس (( حب طبعا )) وهيه تعمل شير على الول بتعها ،اتفضحت كتير ، بس ومره كده بعد امتحان التشريح لقتها مشيره حاجه بتقول فيها انها مش هتقدر تكمل، (مع العلم اني انا كنت بشير حاجات حب و هيه كانت بترد عليه بحاجات مش حب بس كنت بفهم منها قصدها)، والي فهمته انها تقريبا محلتش كويس في الامتحان وتقريبا الحب كان بيخليها مش بتركز في المزاكره ، انا قريت البوست من هنا ورحت عملت انها مش فارقه معايا وكتبتلها ، مش مشكله وخلي الحياه تستمر ، مش هنكر ان الموضوع بدأ تحدي ولكن انا حبتها وكل مره كنت بقرأ الي مشيراه على الول بتعها كنت بفرح ، علما بأني خجول جدا وكنت رافض فكرة الحب ، اعمل ايه انا !! (( مع العلم اني شاطر جدا وعاوز اركز في مزاكرتي ولكن الحب ده حاجه حلوه قوي وغير كده انا مبعرفش اخدع يعني البنت الي هحبها هتبقى شريكة حياتي ورافض تماما فكرة اني ممكن اخدع بنت والعب بعواطفها )) …..
فاعمل ايه ؟؟ ويا ترى دي حاجه طبيعيه اني ابقى متمسك بيها علشان هيه اول حب في حياتي ،، اشيروني !!؟

مشاكل وحلول ذات صلة

اضيف بتاريخ: Saturday, May 25th, 2013 في 09:20

كلمات مشاكل وحلول: , ,

4 رد to “حبي الاول كان لزميلتى بالجامعة وحبى الاخير”

  1. طارق
    04/11/2013 at 15:19

    أنا شايف إن قلبك ضعيف….
    إنتا كان ممكن تخلص بسهولة … بس القلب الضعيف و قلة الخبرة وحشين
    إنتوا على فكرة لازم تشربوا بيريل شوية.

  2. ابواميرة
    28/10/2013 at 10:32

    انامن رايي انكم تهتمان بمذاكرتكم ابرك لكماانت وهي حتى تخلصوالجامعة وبعدهااتقدم لاهلهاواخطبها رسمي عشان البنت ماتروح من يدك يابطل وربي يوفقكم ويسترعليكم ويسعدكم في الحياة

  3. نادر
    11/10/2013 at 00:47

    اعجبنى ردك (صغنونة بس عقلى كبير)وكان ليا سؤال كنت بدورله على اجابة ودا الى دخلنى هنا
    سؤالى :هو الحب الاول بيتنسى؟

  4. صغنونه بس عقلي كبير
    26/05/2013 at 14:39

    شوف الحب الاول ده احلى شي وحيبقى احلى لو كان هو نفسه الحب الاخير ومادام انت بتحبها يااخي اصبر عليها لما تخلصوا الجامعه واخطبها وحيبقى حب اول واخير وحلال كمان
    ومادام البنت الي انت بتحبها حتكون شريكه حياتك وانت حبيت دي خلاص خلها شريكه حياتك واستنى لما تخلصوا الجامعه
    وانت حاول الايام دي تنزل منشورات انك حتستناها وانه هي حبك الاول مش منشورات انها مش فارقه معاك لانها اكيد حتظن انك كنت بتلعب بمشاعرها وعواطفها وانت مش عايزها تظن كده عشان انت مش كده
    وهذا شي طبيعي جدددا انك متمسك بيها لانك مادام حبيتها يعني مش حتنساها ومدام هي الحب الاول يعني لزقت بقلبك واي حد يقولك انساها بحب تاني ده يبقى غلط عشان انت حتظلم التانيه اوي لان الحب ماينتسى بحب تاني ؛التاني بس بيجي عشان يشغلك عن الاول وانت مش عايز كده وده رأي وانت اعمل الي تشوفه صح 🙂

اترك رداً أو حلاً لهذه المشكلة