مشاكل الشباب مع البنات

معجب ببنت وخايف اصارحها بشىء

انا عندى 21 سنة ومعجب ببنت فى الشارع بتاعنا ومش عارف اصارحها خايف اققول لها حاجة علشان ماجرحهاش وهى بصراحة محترمة جدا وهى دى اللى انا عايزها بسى اعمل ايه علشان تستنانى لان انا لسة قدامى جيش وانا خايف لما اخلص الجيش القيها اتخطبت وازاى اعرف ان هى بتحبنى وبتفكر فيا وهى على فكرة لسة فى تالتة ثانوى عام ولو انا معدى عليها اققول لها سلام عليكم زى بقيت الناس ولا هى هتزعل وعايز اعرف هى بتحبنى ولا لا ارجوا الرد بعد اذنحضراتكم ولكم جزيل الشكر

مشاكل وحلول ذات صلة

اضيف بتاريخ: Saturday, September 7th, 2013 في 11:13

كلمات مشاكل وحلول: , , ,

3 رد to “معجب ببنت وخايف اصارحها بشىء”

  1. mohamed
    11/09/2013 at 09:19

    بصراحة انا شايف من ناحية تانية .. انت قلت انها فى تالتة ثانوى .. يعنى ثانوى عام .. يعنى شهادة .. يعنى لو خلتها تفكر فى مواضيع زى دى ممكن تخليها تضعف فى مستواها الدراسى .. وبما انى انا كمان شهادة اعتقد ان اى حاجة زى كدا ممكن تعمل مشكلة انا رأى بما انك عندك جيش تحاول تكلم حد يعرفها او حد من اهلها مدام انت محترم عادى وعايز تدخل البيت من بابه لان ممكن دا يكون نفس تفكير اهلها وتبقى عملتلها مشكلة .. بلاش تصارحها هيا حاول تصارح حد من اهلها دا رأيى

  2. اخصائية اجتماعية
    08/09/2013 at 22:36

    انا شايفة انك تروح تصارحها وتقولها انك معجب بيها وباحترامها وهتعرف منها ومن تعبيرات وشها لو لقيتها مبسوطة وقالتلك ان مفيش حد فى حياتها قولها انا ممكن اتقدم لاهلك تحبى قبل ما اخلص جيش ولا بعد الجيش وتسالها وهى هتقولك لكن لو قالتلك ان فى حد تانى فى حياتها اما تصارحها وتقولها انك معجب بيها يبقى خلاص المهم لازم تاخد الخطوة انك تروح تقولها عشان متفضلش عايش على وهم وعشان تعرف هى مرتبطة بحد تانى ولا لا وربنا يوفقك ان شاء الله

  3. riham mosa(u r soul )
    08/09/2013 at 14:08

    انا كبنت لو معجبه بواحد وقالى سلام عليكم بردو مش هرد بس مش علشان مش بحبه لا ده هيبقى كسوف ..بس لو عايز تعرف مشاعرها ايه من يمتك حاول تلمحلها ممكن بنظره منك ..لو جيشك سنه يبقى تمام خلص وروح اتقدم هتكون هى داخله 1 كليه ..لو جيشك 3 سنين يبقى لازم تلمح للبنت دى باى شكل من الاشكال ..بس فى نفس الوقت حاااول على قد ما تقدر مش تقل من نظرها علشان تفضل تحترمك

اترك رداً أو حلاً لهذه المشكلة