مشاكل الشباب مع البنات

بفكر افسخ الخطوبة وخايف اجرحها

انا عارف ان مشكلتي دي شبيها لمشاكل اتعرضت هنا لكن انا بجد نفسي اتكلم علشان الاقي حل ….
انا شاب ابلغ من العمر 25 سنة بمر بمشكلة ارتباط انا من فترة كبيره كان نفسي ارتبط ببنت تكون كويسة ومحترمة وبنت ناس لاني قابلت في حياتي بنات بس بيطلعوا عدم المؤخذة بتوع كلام وخلاص بس انا محبتش حد فيهم لاني لما بعرف حقيقتهم مش بستمر معاهم فالمهم في مرة امي عرضت عليا بنت تبقى اخت واحد صاحبي ومحترمة واخلاق وكله بس هي متملكش جمال اوي وفي اختلاف في افكارنا انا في البداية رفضت علشان مش بحب الجواز التقليدي وكمان علشان اخت صاحبي ومش عايز حساسية في الموضوع بس انا كان نفسي اظبط حياتي علشان اتجوز فقررت اني افاتح اخوها بالموضوع وده كان بداية غلطي اني فكرت في الاخلاق والادب بس وانا مكنتش على تجربة بيها ومحدش يقولي ان انا صاحب شهوة علشان بفكر في الجمال ابدا انا بس احساسي بالحب والراحة اللي مكنتش لاقيه … المهم لما كلمت اخوها حسيت انه رحب بيه قوي نظرا انه بيحبني جدا هو واهله وظبطنا ميعاد على الخطوبة والكلام ده وانا يا جماعة طول الفترة دي مقدرتش احبها ابدا وقولت معلش بكرة ناخد على بعض فهي بتحبني حب رهيب لكن انا مكنش في حب من نحيتي بس لقتها ممكن تضحي بأي حاجة علشاني و استمرت خطوبتنا ٧ شهور وفيهم اتعلقت بيا اكتر لاني كنت مواظب على علاقتي معاها علشان اسمها خطيبتي بس انا برضه مش عارف احبها لحد مفاض بيا الكيل فقررت اني اسبها واتلككت بكذا مشكلة صغيرة وحطيت العقدة في المنشار وسبتها وهي تعبت من بعدها بسببي وكدا وبعدها اتعرفت ع بنت جارتي حبتها بجد حب حقيقي وعشت معاها اجمل ايام عمري كانت شغلة كياني جدا وحسيت معاها بكل معاني الحب اللي كنت مفتقدها وانا لقيتها بتبادلني الحب ده بس طلعت بتضحك عليا خدعتني في حبها ليا وبعد مطلعتني اخر سما وقعتني من فوق وفجأة اتخطبت لحد تاني وانا بعدها عشت فترة صعبة في حياتي لقيت خطيبتي الاولانية متابعاني دايما ومش عايزة تسبني وبتسأل عليا كل فترة اذا كانت هيا او اهلها وكل الناس رشحولي ان ارجع وانا كان فيا احساس بسيط اني محتاج لها نظرا للظروف اللي انا فيها وكمان اهلي اخدوا عليها وقالولي دي بتحبك وخد اللي يحبك والكلام ده وهي كمان كانت بتحرجني بسؤالها عني فتقريبا صعبت عليا وخلتني اغلط نفسي اني سبتها فخدت قرار ورجعت وفي البداية كنت كويس معاها وفرحان بيها وبعد كدا رجعت لحالتي القديمة تاني وشعور بإني عايز اسبها تاني يمكن علشان محبتهاش او يمكن علشان منستش اللي حبتها وجايز كان رجوعي ليها علشان ابين للتانية اني برجع لخطيبتي تاني انا بجد تعبان في حياتي يعني انا خاطبها والاقي نفسي عايز احب او نفسي قلبي ينبض لما بخرج او بروح اي مناسبة ببقى نفسي اتعرف على بنت واعيش معاها قصة حب تنتهي بجواز زي اي اتنين حبوا بعض المشكلة يا جماعة خوفي بعد منتجوز الموضوع يكبر اكتر من كدا واخاف لخونها او اطلقها واشوف غيرها البنت كويسة وبنت حلال واهلها ناس طيبين وشايلني في عنيهم وممكن اي حدي يتمناها بس العيب فيا انا مش قادر احسها او ادوق طعم الحب معاها وغصب عني اوقات بهملها ومرحوش ازورها او مردش على التليفون او اقف معاها على مشاكل تافهه انا مش عايز اسبها واكسر قلبها تاني واظلمها بس اعمل ايه

مشاكل وحلول ذات صلة

اضيف بتاريخ: Sunday, December 22nd, 2013 في 15:17

كلمات مشاكل وحلول: , ,

10 رد to “بفكر افسخ الخطوبة وخايف اجرحها”

  1. اسيرة الصمت
    27/03/2014 at 21:20

    ينات الاصل صاروا قلال والزواج خطوة جدية وان تحب من تحبك ستسعد اكيد عليك ان ترى الاشياء الاجابية فيها انضر الى جمالها الذاخلي قبل الخارجي لانك لما تتزوجها لن تضعها كمزهرية تزين المنزل انما ستشع نور نيتها بيتك يا اخي انصحك بصلاة الاستخارة

  2. شمس الشموس
    02/03/2014 at 23:50

    بس انا هقولك حاجة انت تجربتك مشابهة ليا تعالى نفترض انك سبتها وخطبت واحدة واتجوزتها وطلعت فى الاخر زنانة او مش مرحة اهلك وبتعلى صوتها وملهاش اهل يترد عليهم وبصيت لقيت واحد تانى خاطب خطيبتك دى ومعيشاة فى سعادة هتعمل اية ……..نصيحة ارض بما قسمة الله لك واحمد ربنا واملئ عينك بيها

  3. mostafa
    25/01/2014 at 02:12

    نصيحتي ليك هي أنك تحاول تحب خطيبتك او تدور ع الراحة معاها لأنك لو مستريحتش معاها فانت مش هتلاقي الراحة برة و لا هتلاقي حد يريحك غيرها و الجمال ده آخر حاجة ممكن ترتبط بسببها لأنه ممكن يتغير و يضيع في سنتين , أنما الاهل و الاخلاق و العشرة دول بيفضلوا طول العمر و دول اللي المفروض أي حد يدور عليهم و دول برضه معدوش موجودين كتير , بس انت في دماغك حاجة تانية بتعذب بسببها نفسك و اللي حواليك

  4. اياد
    24/01/2014 at 22:21

    كمل معاها انا من رايى انها محترمة جدا

  5. اروى
    07/01/2014 at 23:20

    السلام عليكم:
    نصيحة يا اخي لا تترك هاي البنت لانو هاي البنت هي حبتك فعلا وصعب الواحد ب هالايام يلائي حب حقيقي يمكن اذا تركتها تندم والفرصة المنيحة زي ما بقولو بتيجي مرة وحدة بس
    انا مع رأي الاخوان الي قالو صلي ركعتيت استخارة لانو ربنا اعلم بكل شي,واكثر من الدعاء وقل يااااااااارب ان كان زواجي من هالبنت خير فيسره لي وان كان شر فاصرفه عني
    والله يؤفئك لما يحبه الله ويرضاه

  6. ابواميرة
    30/12/2013 at 17:55

    اولا انت شاب مستهتر وغير محترم اطلاقا والبنت بجدخسارة فيك انت عاوزايه احسن من كده اخلاق وادب واخت صاحبك اللي تعرفه اسمحلي انت عمرك ماتلاقي الخيروالسعادةوراحةالبال دامك تفكر بالافكارالسوداءاللي في دماغك وتاكد ان الزواج مش لعب عيال اومجرد اهواءوطيش اذاانت مش قده بلاش تبهدل بنات الناس معك وتجني عليهم خليك كده بلازواج لماتفوق لنفسك وتعرف قيمةالزواج وتتحمل المسوولية وتبقى راجل بحق

  7. الانســـــــان الطيب
    29/12/2013 at 03:05

    أخى العزيز………
    ركز معايا أذا قلنا ليك سيبها لأى سبب من الاسباب حتخسر أنسانة طيبة مؤدبة جميلة بأخلاقها أنا مش بكلم على جمال الوش لأن جمال الوش جمال مؤقت أما جمال الاخلاق فلا ينتهى الا بانتهاء الانسان كفاية بس ان اهلك قالولك خليك معاها….
    حنقولك خليك معاها طيب يبقا كدة ظلمتها قبل ما تظلم نفسك لانك مش حتعاملها بمكانة حبيبها اللى ليها حق عليه انه يحسسها بالامان والحنان وده باعتبار انك حتبقا زوج كدة ليها..
    واللعلمك البنت الكويسة اللى نفسها تعيش بيبقا نفسها فى الاتنين دووووول الامان والحنان.
    أنا من رأيي صراحة صلى ركعتين استخارة ربما فعلا الانسانة لا تعوض ابدا ماتخسرش شئ ممكن تعدي عليك الايام تبكي عليه بعد ما كان فى ايدك
    وشكرا

  8. خلاص
    25/12/2013 at 12:10

    بصراح حب الاولي ليك خسارة فيك انت انسان طماع.
    واعمل ما شئت
    الاولي حبتك باخلاص لكن التانية ادتك علي قفاك
    اسف اني بقولك الكلام دا لكن انت فعلا تستاهل الكلام دا
    اي راجل في الدنيا بيدور علي البنت اللي طتحبه مش اللي يعمل فيها روميو
    اتكل علي الله وسيبك من اللي انت فيه دا وصلي ركعتين استخارة وربنا هيكرمك
    ولا تتبطر ع النعمة.

  9. ما فيش فايده
    24/12/2013 at 18:49

    هقولك سيبها بس عارف ليه لانها ما تستاهلش واحد زيك واحدة زى دى على حبها ليك المفروض انك تشيلها فوق راسك فوق يا حبيبى مفيش بنات كده دلوقتى ومستعده اقسم لك انك هتعيش ندمان عليها طول عمرك وع راى المثل خود اللى يحبك وما تاخدتش اللى تحبه بس ما تحاولش انك تسيبها تانى وتفكر ترجعلها لان اصلا ممكن حبها دا يقلب كرة والواحده لما بتحب اوى بتكره اوى ان شاء الله تكون قهمت

  10. قلب يحيا بحب الله
    23/12/2013 at 02:37

    صراحة أخي ما بعرف شو احكيلك بس بدي ياك تخلي فبالك أنو الزواج قسمة و نصيب و لو كانت هالبنت من نصيبك راح تجتمعو و لو بعد 50 سنة . على كل أنا ما حبيت أمر من الموضوع من غير رد . الله يسعدك و يهنييك ف حياتك …. اختك في الله

اترك رداً أو حلاً لهذه المشكلة