مشاكل الشباب مع البنات

بحبها وخايف اقولها ما تكونش من نصيبى

بسم الله الرحمن الرحيم . انا شاب عندى 19 سنة وطالب فى الثانوية العامة والحمد لله بمتحن الفترة ديه وماشى كويس فى الامتحانات . مشكلتى يا جماعة انى بحب واحدة قريبتى ولكن من بعيد شوية مع العلم انها فى نفس سنى بس انا اكبر منها ب 40 يوم بظبط . يا جماعة انا بحبها اوووووى والله بدعى ربنا انها تكون من نصيبى . انا على فكرة بكلمها فيس من حوالى سنة ونص لانى كنت زمان مش بشوفها بس كنت ببقا زعلان جدا ومتشوق انى اشوفها ولو حتى صدفة . ولكن الحمد لله ربنا اراد انى اشوفها كتير . ابن خالى يبقا بالنسبة لها ابن عمتها . وابن خالى هو اللى جاب لى ايملها وبعتلها وقبلت ع طول لانها طبعا عرفانى . اول لما قبلت اتكلمنا عادى وبعدها بشوية ضافتنى فى جروب واحدة من اصدقائها . كترت الايام وكنا فى رمضان وفضنا نتكلم مع بعض للفجر واتعودنا على كدا اما انها هى اللى تبدا كلام او انا ما كنتش بتفرق. بصراحها حسيت منها انها بتحبنى ولكن مش عارف اتأكد . كنت بتعذب كتير لما كانت بتكلمنى لانها كانت بتقولى احيانا ( اخويا ) الكلمة ديه كانت بضايقنى اوى . ظلت فترة مش بتفتح الفيس كنت ببقا زعلان . حاولت اصارح حد قريب منى ويشوفلى حل المهم اترات و ماخوفتش وحكيت لولدتى ردها كان بالضحك لانها كانت فها دا من زمان وقالتلى انها حسها انها برده بتحبنى من تصرفتها معايا مع العلم ان كلامها معايا على الفيس غير كلامها معايا فيس تو فيس لما بكلما فيس تو فيس بتبقا خجولة ووشها احمر وبتكون مش بصالى حتى لو بتكلمنى لشخصى . جماعة انا عاوز اقولها وحكيت لولدتى قالتلى لو عندك الجراة تقولى انك معجب بيها قولها . انا بصراحة عاوز اقولها بس المشكلة انها فى نفس سنى وممكن تتخطب وتتجوز وانا لسه بكون نفسى . حتى لو حصل نصيب وقولتلها خايف ردها يكون احنا ( اخوات ) ذى لما بتقولى على الفيس . وبكدا انا ممكن احبط من الارتباط والحب وكمان مش هقدر ابص فى وشها بعد كدا . مع العلم ان فى مناسبات كتير قادمة وان شاء الله هشوفها فيهم . ياريت حد يساعدنى انى اعرفها بس مش بتليفون ولا فيس تو فيس لانى خجول جد وبقطع فى كلامى معها وببقا محرج جدا ارجوووووووووووووكم سا عدونى .وجزاكم الله خيرا. و السلام عليكم ورحمة الله و بركاته

مشاكل وحلول ذات صلة

  • تابع المزيد من مشاكل وحلول

اضيف بتاريخ: Tuesday, June 17th, 2014 في 05:54

7 رد to “بحبها وخايف اقولها ما تكونش من نصيبى”

  1. الله الحافظ
    25/07/2014 at 20:02

    قولها عادي وخليك رجال واذا قالت انك مثل اخوها عطيها طاف انت بنات يتمنونك وخلي فيك عزه نفس ولا تتذلل قدامها اذا حبتك عطيها ويهه واذا ما حبتك عطيها طااااااف ومع الايام بتنسا والعمر جدامك ..

  2. توكل على اللة
    24/07/2014 at 23:08

    شوف برنس الحظة الى انتة فيها دى لحظة حب (لسن مراهقة) قريبة او مش قريبة هو دة السن الى بتبداء تفكر فية مجرد لحظات وبتمر وبكرة هتحب تانى وثالث الان السن الى انتة فية دة سن متعب ستقنى ….اه..على فكرة انا بردة لسة مخلص ثانوية عامة زيك وحبات كتير الى ان عرفت انوه كان مجرد اعجاب لحظى لااكثر ياعم دة الحب دة لى اصولة واحنا لسة فى سن حيران ومتعب وبعد عن الشيطان لاءنو بيسغل الناس فى السن دة ويطيع وقتهم
    ولينة لسة حياة ومستقبل كبير ان شاء اللة واحسنللك مديعش وقتك وتهتم بمزكرتك ومستقبلك وستقنى الحظة دى انا مرات بيها بردة وبكرة هتعقل وتضحك على نفسك لما تفتكر الحظات دى وتقول ياااااااااا على ايام زمان دى كانت حلوة بشكل

  3. HanyMoh
    20/06/2014 at 04:49

    ههههههههههههههههههههه ضحكتني والله
    على فكرة البنت بتحب الشاب الخجول أكتر من الجريء بزيادة، فحاول تخليك وسط لا جريء ولا خدول بزيادة.

    المهم واضح من كلامك وضوح الشمس إن في قبول منها وإعجاب حتى لو لم تصرح، حتى لو اتجننت ورفضتك في الأول ممكن تكلمها تاني، لأن البنات مجانين وعقولهم صغيرة، ممكن ترفض على أساس إنها بتعملك اختبار، آه والله دولا مجانين هههههههههههههههه

    توكل على الله وابعتلها على الفيس رسالة في البداية بشكل غير مباشر

    مثلا تقول لها هو ينفع اتنين قرايب سنهم زي بعض يتجوزوا عادي ولا مينفعش

    هو ينفع واحدة تستنى واحد يكون نفسه لما يكون بيحبها ولا مينفعش

    كلمها بالراحة واوعى تجيب الموضوع خبط لزق كده علطول
    اديلها فرصة تفكر وتتكلم معاك وتقول رأيها وبعدين اخبطها الكلمة ويستحسن تكلم أهلها علطول وتقروا الفاتحة ومتنساش تبعتلي دعوة 😀

  4. استاذ القلوب
    19/06/2014 at 20:13

    لو عندك جرأة قولها عادى بس فى وشها مش على فيس علشان جربت حوار ده مبيأكلشى عيش علشان تحس بأحساسك لازم تحسسها بواقع يعنى تشوفك وتشوفها وبكده تبقى اكدت انك جاد فى مشاعرك مش مجرد تسلية ولعب عيال فاهم

  5. mohamed
    19/06/2014 at 19:20

    شوف انا اكتر واحد فاهمك لانى انا كمان ثانوية عامة .. انا كنت فنفس مكانك وكانت جيالى نفس الافكار انى بردو لسا بكون نفسى والكلام دا .. لكن ببساطة انا حطيت نفسى فى موقف بعد كام سنة وانا مقلتلهاش بسبب المشكلة دى .. ولقيت انى ببساطة هكون دمرت حلمى لمجرد هواجس ومخاوف مكنتش لسا حصلت من الاساس !! .. انا رأيى لو بتحبها بجد من قلبك قولها بكل صراحة وقولها على ظروفك ولو قالت احنا اخوات قولها وانا مش راجع عن كلمتى وخليك انت اعند منها وتخليهاش تكبسك خليك بارد ..بس اهم حاجة اوعى تعصى ربك فى اى حاجة لو عايز ان ربنا يوفقك

  6. mostafa
    19/06/2014 at 01:15

    هو انا متهيألي انك محتاج تاخد قرار لأن اللي بيعذبك هو الحالة البين بين اللي انت فيها دي يعني من ناحية بتكلمها كتير و من ناحية تانية مش عارف تقولها علي اللي جواك و علي فكرة لو خايف انك تخسرها لو صارحتها بمشاعرك فانت برضه هتخسرها اكتر لو حد اتقدملها و اتفقوا ع الجواز و هيبقي جواك عقدة نقص و عجز كبيرة و خصوصا ان مفيش بينكوا حاجة رسميا يعني هتضطر تروح فرحها و ترقص و تهيص و تعمل نفسك مبسوط و لما تشوفها تسلم عليها عادي و انت من جواك بتتعذب
    و انا من رأيي تاخد قرار من اتنين , يا اما تصارحها و تأقلم نفسك علي الارتباط بيها لو وافقت و لو موافقتش يبقي هي اللي نهت الموضوع و يا اما تلغي الموضوع من دماغك خالص و تبطل تكلمها شات او غيره و تلتفت لمستقبلك و ده اختيارك و انت حر فيه و في كل الحالات هيكون احسن بكتير من لو فضلت علاقتكم بين بين كدة
    و لو خايف من انها متكونش بتبادلك نفس المشاعر فهي بنسبة 90 % بتبادلك المشاعر حتي لو صارحتها و قالتلك انكو زي الاخوات يبقي بتضحك علي نفسها , لأن مفيش اخوات بيعملوا كدة و أكيد يعني هي مبتكلمش حد تاني بنفس الطريقة اللي بتكلمك فيها و كلمة زي الاخوات دي حاجة بتريح بيها ضميرها لما تحس انك قربت منها اوي لأن ساعتها بيبقي المفروض انها تبعد و مبتقدرش فبتقول احنا زي الاخوات
    حاجة كمان عادي جدا انها تكون خجولة في الحوار المباشر لأن الحوار علي الشات بيخلي الواحد يتكلم براحته و يقول اللي هو عاوزه

  7. ELKASSABY
    18/06/2014 at 16:19

    شوف ياريس أنت بتحبها صح اذا بتحبها فعلا خلى عندك هدف فى الحياه أهتم بتعليمك أوى زاكر أدخل كليه عاوزك يعنى تطلع كل سنه بأمتياز حاول توصل عاوز يكون ليك مكانه جامده عند أقاربك بحيث يوم ما تتقدم ليها يكون معاك حاجه سنداك الى هيا مستقبلك ركز أوى وأوعى تقول أصل ممكن تتخطب خلى أملك بربنا كبير وأتوكل على الله وأنشاء الله مش هيخيب ظنك بيه بس خليك ديما متيقن بالله أنه هيكرمك بيها وخلى والدتك تظبط ليك الموضوع ده من بعيد لبعيد بمعنى أصح تكشف الضوء عليك يعنى كلمه من هنا وكلمه من هنا وأنت عليك الدور يا بطل يعنى تكون خلوق محترم بجد عارف ربنا وبتصلى واد شاطر وعنده هدف فى حياته صدقنى كل دى عوامل هتذكيك عند أى حد وسيبها على الله وأبئا طمنا عليك وربنا يجبلك الخير أنشاء الله مستقبلك اهم حاجه

اترك رداً أو حلاً لهذه المشكلة