مشاكل الشباب مع البنات

هل أكمل مع هذه البنت ام لا

أنا شاب في سن المراهقة، وقبل اربعة ايام بالصدفة تعرفت على بنت على الفيس بوك وهذه البنت تسكن قريبة من منزلنا وهي في نفسك عمري وهي تعرفني سابقا لكن لا نتكلم مع بعض، المهم: تحدثنا وتعرفنا حتى
اغرمت بها وهي كذلك اغرمت بي وعندما قابلتها فرحت كثيرا وقد رأيت علامات الخجل في وجهها، اليوم في الصباح كلمتها على الفيس بوك ولكن احسست انها لاتريد التعمق في المحادثة ولا اعرف السبب مع العلم ان هذا هو أول حب لي وانا فرح به كثيرا ولكن اليوم بعد هذه الحادثة تحول من فرح الى حزين. سؤالي هو: هل احاول التقرب منها اكثر ام لا؟

مشاكل وحلول ذات صلة

اضيف بتاريخ: Sunday, August 10th, 2014 في 10:45

كلمات مشاكل وحلول: , , ,

4 رد to “هل أكمل مع هذه البنت ام لا”

  1. حلال المشاكل
    22/11/2014 at 09:23

    يابني لم تخبرنا كم عمرك وعمر البنت عشان نقدر نجيبك على مشكلتك دي وعموما وسائل التواصل من واتساب اوفيس بوك اوموبايل غير حميدة في اقامةعلاقة بين طرفين قدينتج عنهاامورلاتحمدعواقبهااطلاقا وتخدش الحياءوالعادات والاعراف بين الناس وبماانكم جيران في منطقةواحدة خلي احدمن اهلك امك اواختك الكبيرة تزور اهل البنت دي وتعرف منهم هل البنت مرتبطة ام لا وتتاكدمن اخلاقهاهي واهلهاوبعدذلك لكل حادثة حديث وربنا يصلح احوالك ويكرمك

  2. ابوبتول
    06/09/2014 at 23:33

    هل ترضى ان اختك تعرف شاب وتتكلم معه عبر النت اوالفيس بوك اكيد لا ماترضهاش على اختك ولكن بنات الناس عندك عادي اتقي الله في نفسك وفي بنت الناس واحفظ ادبك واخلاقك وتربيةاهلك لك واعلم انه كماتدين تدان والدنيا سلف ودين تفعل كده مع بنات الاخرين يفعل باهلك كده ولوانت جاد وصادق وعاوز الحلال طرق معروفة روح تكلم مع اهلها ابوها مثلا ولا اخوها الكبير حسب الاصول والعادات مش تروح تتكلم معهامن وراءاهلها ودون رابط رسمي ربي يهديك ويصلح حالك ويبعدك عن كل المعاصي والذنوب

  3. استاذ القلوب
    11/08/2014 at 22:06

    بص انا شايف انه مفيش حب الا بعد خطوبة وقليل الحب الى قبل خطوبة بينجح ده أولا
    ثانيا انت لسه مراهق وهى كمان وواضح انها خايفة من ان موضوع يكبر وان أهلها يعرفوا فتخسر ثقتهم وهى كده مش غلط وهى كويس انها معملتشى زى مأنت بتعمل عايز تكبر حوار وتطوره قبل وقته لازم انت تحط في نفوخك دى ان بنت غير ولد في مجتمع ده والحب من نوع ده في مجتمع ده عامل زى عشق ممنوع فاهم فلو بتحبها او على اقل معجب بشدة لدرجة تعلق نصيحة منى ليك قولها انا بحبك وعايز اطلب منك طلب انا عايز اكبر في نظر اهلك واكون راجل بجد علشان كده انا قررت اننا منتكلمشى على فيس او نتقابل وكل الى حيكون ما بينا سلام واطمئنان على بعض كصحاب عارف ليه بقى علشان مشاعرك تكون استقرت علشان انت في سن مشاعرك غير مستقرة وهى كمان فاهم فلما انت تتعامل معاها بشكل صداقة وتحسسها بأهتامك بيها بدراستها وبصحتهاوتقف معاها وقولها على حاجة انت وهى تعملوها الصلاة والتزام بيها المهم تقربها لربنا دايما تحسسها الزوج المثالى ليها والى حيحافظ عليها ويصونها فاهم احسن ليك من كلام لا حيودى ولا حيجيب فاهم واطمن هي كده كده حتيجى في يوم تقول لمامتها عنك وانت ازاى مرضتشى انها تتأذى واحترمت مشاعرها وخوفها من أهلها وكده فأمها لو عاقلة حتحترمك وحتشوفك شخص مناسب لبنتها
    بس اياك تفكر في حاجة حرام علشان حتخسر البنت فاهم
    مهم انت تركز في دراستك وهى كمان والى ربنا يريده حيحصل وربنا يوفقك في نصيبك

  4. mohamed
    11/08/2014 at 07:02

    شوف بشكل عام انا ضد فكرة التعرف على الفيس بشكل عام لانه بيبقى مش رسمى وفى الخفاء .. وممكن شعورها هيا كمان بالاحراج ولو شوية من الموضوع دا خلاها عيزة متدخلش اوى فى الموضوع .. لكن شوف لو فى قبول منها وقبول منك والاهم تتاكد من نفسك الاول ان مشاعرك مش هتتغير مع السنين .. متفهمش كلامى غلط انت لازم من دلوقتى تتصرف كراجل ولو بتحبها بجد مترضالهاش انك تخليها تكلمك من ورا اهلها على الفيس صح ولا لا؟ .. قولها الكلام دا وانك مش هترضالها حاجة زى كدا وساعتها باذن الله ممكن تكبر فى عينها .. وممكن تطمن عليها كل فين وفين لكن مجرد كلام عادى مش موعد وكدا وكمان الكلام ميبقاش كتير لكن بس عشان تفضل سايب الرابط ما بينك وما بينها والاهم اوعى تخلى الشيطان يجرك لمعصيته ودور على احكام الموضوع دا على النت واسأل ناس فاهمة فى الدين اكتر منى .. لان ربنا هو اللى بايده مصيرك ومصيرها .. ومن الغباء انك تعصيه عشان توصلها وربنا يهديك ويعمللك اللى فيه الخير

اترك رداً أو حلاً لهذه المشكلة