انا **** شاب 15 سنه. ف اولى ثانوى
كلنا عارفين ان في سن المراهقه بيكون فيه حب.
انا بصيت لصحابى لقيتهم كلهم مرتبطين ومتقيدين. ونا مش بحب حد يتحكم فحياتى.
قلت ارتبط ع النت. واعيش حياتى. اتعرفت ع بنت ادى ف اللأسكندريه. ارتبط بيها ع النت. وحبيتها
كان ده فأجازه اخر السنه لتالته اعدادى. قالت لى مش هتفتح ف الدراسه. قالتلى كده فوسط الاجازه.
فضلت الليوم ده كله اعيط. شعور صعب. اقعد كل الايام دى بعيد من عنها.
انعزلت. ومبقتش اخرج. ولا اهتم بشكلى. كنت باكل واجبه واحده بس ف الليوم. وسعات مكانش بيكون ليا نفس اكلها. خسيت اوى. بقيت 41 كيلو .
قبل الدراسه بحوالى شهر دخلت ع ايميلها. لقيتها بتقول لصحبتها “بصى الواد الموز ده” وبعتلها لينك اكونت
لما قريت كده. حسيت اكن نار ولعت فقلبى. حسيت بغضب شديد وحسيت ان شكلى وحش. اتصلت بيها. وقلتلها مش هينفع نكمل. لقيتها عيطت وابوها مسك الموبايل وقعد يقول اللو. اديت الموبايل لأختى وخليتها تكلمه. والموضوع عدى
فضلنا 3 ايام مواصله خناق. اكننا بنشوف مين الى هيجرح التانى اكتر
اتفقنا اننا نفتح صفحه بيضه جديده. كنت بتظاهر انى كويس. لكنى عمرى مكنت كويس. اكنى بكرها وبحبها فنفس الوقت. فضلنا كده كل يوم خناق وثقتى فنفسى ضعفت اوى. وبقيت حاسس بالضعف وان شكلى وحش وبتعلثم ف الكلام
لما بدات الدراسه. ده كان اصعب وقت مر بيا. 120 يوم منغيرها ازاى !
فضلت اعد الأيام. مفتحتش كتاب. ومكنتش حاسس بطعم حاجه. اكنى ميت.
فمدرستى مره اطردت من الفصل والموبايل كان فى الدرج. احد زملائى مسكه وقرى رسايل منها وعرف اسمها
لما رجعت الفصل قالى انه قراها. *بيستفزنى* وشتمها
حصلت مبنا مشده ف الكلام. رحت قلت للمستر. زعقله. والواد قال انه هيستنلتى ادام المدرسه
لما خلص الليوم الدراسى. لقيته. وكل الفصل كان بيتفرج. قام ضربتى فبطنى. وكنت حاسس بضعف. ومش قادر اضرب. اول مره احس بالشعور ده فحياتى !!
قلت لنفسى
لازم تعوره
رحت لكشك واشتريت مكنه حلاقه. وضربتع فوشه ووشه كله جاب دم
هوا ضربنى وانا عورته وعملى محضر واترفدت من المدرسه
رحت مدرسه تانيه. وحاولت اتأقلم. ثقتى فنفسى زاددت. ووزنى زات بقيت 54 كيلو. ورجعت اشيل حديد واتمرن. وحياتى رجعت تتحسن
لما خلصت الدراسه. البت رجعت تفتح. ونا رجعتلى نفس الاحاسيس دى.
لازم اتغلب عليها
قاعد محتار. اسيبها ولا لأ
سألت اصدقائى قالولى
لو سبتها مش هتعرف عنها اى حاجه لأبد. !!
ابعتلها رساله قولها ان احنا مش هينفع لبعض وابقى اتصلى بيا طمنينى عليكى. بس خلى بالك انها مش هتتصل للأبد
الجملتين دول وجعونى اوى.
سعات بسأل ربنا “ايه الى مفروض اعملو”
بس ديما الرأين دول بيتصارعو فقلبى
بعد 8 شهور هتختفى كده !
مصلحتى اهم. انتا كده هتفشل فدراستك. ومش هتحقق حلمك *كليه فنون تطبيقيه*
انا المفروض اعمل ايه؟
انا بس كويس منغيرها.
بس هيا هتوحشنى. لأنى بحبها وبكرها 🙂
انت قلتها بنفسك انك كويس من غيرها ياابنى اسمعنى للاخر انت لسه صغير على الحاجات دي التفت لمذاكرتك يابطل واهتم بدروسك وصدقنى الف وحدة من البنات تلاقيهم يجروا وراك ويتمنوالارتباط بك ايه فايدة الراجل بدون علام ماينفع ولاببصلة اخرتها يكن فراش اوغفير على مدرسة اوعمارة التعليم مهم ياابنى ماتضيعش مستقبلك عشان كلام تافه سمعته من بنت مراهقة صائعة اوبلاتربية ولااخلاق عندها كنت هتودي نفسك في داهية لومات الواد اللي ضربته يوشه بموس الحلاقة وعشان ايه ده كله عشان بنت هايفة تعرفت عليهافي النت اوفي الشارع ماتعرفش انةاغلب البلاوي تجي من النسوان وخصوصاالبنات البايزات زي صاحبتك اللي تتكلم مع عشرات بل الاف الشيان اللي زيك وتضحك وتسرح بهم وتقضيهاتسالي وفرفشة وفي الاخر تجلب لك الفضائح والهم والغم والمشاكل مع اهلك وصحابك وكل من حولك اوعدني انك تبقى راجل من اللحظةدي لماتقرا رسالتي وتبطل لعب العيال المراهقين دول ولاطيش الشباب المتهورين وتهتم بدراستك وتحصيلك وتبقاتطمنا عليك وعلى اخبارك ونشاءالله مانسمع عنك الاكل الخير والصلاح وربي يحفظك ويبارك فيك ويهديك انت وكل ابناؤناالاعزاء من شباب هذي الامة وتحياتي لك على الدوام