اتعرفت على بنت اكبر منى بسنه كانت بتتدرب معايا ف عياده من حوالى سنه وكنت بقولها يا دكتوره كذا بس حصل تاتش بينها وبين الدكتور صاحب العياده فأنا اتنرفزت ومكنتش عارف اعمل حاجه . المهم بعدها بشهر كلمتها واتأسفت ليها وفضلت اكلمها بس كنت بكلمها عادى . مع بدايه الدراسه كنت بكلمها بس مش كتير ولو قطعت عنها فتره كانت بتسأل عليا لحد ما ف يوم قالت لى انا بموت وتعبانه . اتصلت بيها اتطمن عليها على طول وطلع عندها برد وسخونيه . تانى يوم الصبح رنت عليا وقالتلى عايزه دوا . ده طبعا كله ف الجامعه . وديتلها الدوا وفضلت اتطمن عليها كل يوم لحد ما خلصت امتحانات التيرم الاول . وبكده التيرم الاول خلص .جيت ف فتره اجازه نص السنه استغربت لما لقيتها بتكلمنى ازيد من عشر ساعات ف اليوم ودخلتنى ف حياتها الشخصيه وقالتلى متقوليش دكتوره تانى وبدأت تحكيلى عن اخواتها وقرايبها ومواقف حصلت معاها والحاجات دى مبتحكيهاش لحد ابدا وهيا قالتلى كده وتبعتلى اغانى رومانسيه ولحد ما ف يوم قولتلها انتى ليه بتعاملينى كده وتعاملك اتغير معايا بس طبعا حلفتها الاول تقول الحقيقه .ردت عليا قالتلى انها لما كانت تعبانه حست انى خايف عليها بجد وجيبتلها الدوا وناس كتير تانيين يعرفوا انها كانت تعبانه بس طنشوا
وقالتلى نصا كده ” انا انانيه بس بالمعنى الحلو يإما اخد كل الحاجه الحلوه يإما اسيبها كده لو حد هيقاسمنى فيها . معطيه جداااااااا لحد بحبه حتى لو هضحى بحاجه منى ”
لا اردايا منى قولتلها لو كنتى قدى كنت خطبطك بس كان قصدى عايز اخطبك ردت عليا ” يا لهوووووووى حرام عليك سيبك من جوا العياط ده بئا ”
والنت فصل عليا اربع ايام اول ما فتحت بعدها لقيت حوالى 15 اغنيه وكل حبه رسايل انته فين كده كتير
واول ما فتحت لقيتها بتكلمنى وبتشتمنى انى طولت
على طول بعتلها رساله بإعترف ليها انى بحبها بس بمعنى غير مباشر
ردت عليا قالت لي “اى حاجه حاسسها هيا كمان عندى”
من هنا بقى بدأت اتعامل بمشاعرى وحبيتها فعلا وعشقتها كده
وهيا بتتعامل معايا كإنى اقرب حد ليها
وكانت بتحكيلى عن واحد عايز يخطبها وهيا رفضت
لحد ما بشهرين بعدها قولتها عايز اخطبك
قالتلى سيبك بس م الموضوع ده دلوقتى وخليه بعدين
وقولتها كذا مره بعدها
ردت عليا “هههههههههه مينفعش انا الكبيره ”
اتنرفزت وقولتها خلاص وبعتلها رساله اقولها انى خلاص هأبعد وكده
رنت عليا الساعه تلاته الغجر علشان تقولى متزعلش
وكنت حاسس انها مبسوطه اووووووى انها عرفت انى بحبها
المهم بعدها مرت الايام وكنت بكلمها كل يوم واتطمن عليها
وكنت بدلعها واقولها انتى قمر ولؤلؤه ومفيش حد زيك
وهيا فرحانه جدا بالكلام ده
قررت اقولها تانى
بس قلبت عليا وفضلت متردش وانا اصالح فيها ومش بترد
لحد ما قالتلى انته بتزن ومش هرد عليك
عملتلها بلوك
بعدها بأربع ايام كلمتها علشان كان عندها امتحانات
وقولتها متزعليش وانا غلطت وهيا برده كانت بتصد
فضلت فتره مكلمتهاش
وهيا اللى بدأت تكلمنى
قالتلى ” انا كنت مش طايقه نفسى وزهقانه وانته قلبت عليا وغلطت وقولتلك متكلمنيش علشان متزعلش ”
طبعا صالحتها
وبرده رجعنا زى الاول بأدلع فيها
وقولتلها نصا كده ” انتى التراب اللى بتمشى عليه اجى اسيله من تحت رجليكى كده ”
ردت عليا “ههههههه. بص انا ورايا مذاكره ”
مع العلم انا من النوع المرح . مش بتضحك استهزاء
وعلى طول بتقول ربنا يخليك ليا و منحرمش منك واشوفك احسن حد على وش الدنيا
وكلام من ده
وهيا طبعا عارفه انى بحبها وكنت قايلها قبل كده انى معرفش اعيش من غيرها
بس الفتره دى بتتجاهلنى وبعدين تكلمنى وهكذا
وانا مش عارف اعمل ايه
اعملها بلوك واجى على نفسى واخلص
ولا اسكت
بس مش عارف اركز منها
وما زلت برده بقولها كلام حلو وهيا مستجيبه
بس كلامها قل عن الاول
وقالتلى انها زعلت من حكايه البلوك دى
ارجو النصيحه واسف ع الاطاله
مشاكل الشباب مع البنات
حبيت فتاه اكبر منى واعترفتلها
اضيف بتاريخ: Monday, August 7th, 2017 في 01:06
كلمات مشاكل وحلول: الجامعة, الحب, الدراسة, النت, بنت, حب, شاب
نصيحتى ليك إبعد عنها
الظاهر انو الفتاة دي بتلعب بمشاعرك وعواطفك وتتسلى بك ولاعمرها حبتك ولافكرت في الارتباط بك دي الحقيقة اللي لابد ان تعرفها عايزة احد يملى عليها فراغ حياتها فقط ومش بعيد تدفعك الى الوقوع في الحرام معها فاحذر من التمادى معها في علاقة محرمة ومن الافضل انك تنسحب من حياتها وتتركها وهتلاقي احسن منها الف مرة بنات الحلال كثار وربنا بيكرمك ان شاءالله صدقني قلبي وعقلي مش مرتاح للبنت دي من خلال كلامها معك وطريقة تعاملها معك وتصرفاتها توحي انها فتاة مش محترمة ولاتستاهلك ودي حياتك وانت حرفيها والسلام