مشاكل الشباب مع البنات

يمكن تكون اتجوزت لكن مش قادرة انساها

انا عمري 22 سنه معلش هطول عليكوا بس ارجوكوا ساعدوني
لما كان عمري 17 سنه يعني من خمس سنين كانت اول سنه ليه في الكليه (جامعه خاصه)و في باص الجامعه اتعرفت على احلى بنت في الكون اول ما شوفتها حسيت اني بشوف ملاك ارتحت ليها بس كنت لسه محبتهاش و بعدين اتعرفت عليها و حسيت انها طول الوقت عايزه تتكلم معايا بتدور عليا عشان تقعد معايا و تكلمني كتير مع اني مكنتش بلاقي كلام اقولهولها في الاول و كانت هي اللي دايما بتتكلم و انا بسمع و مع ذلك مكانتش بتزهق و خدت نمره تليفوني و انا كمان خدت نمرتها و بقينا نتكلم في التليفون بس لمده لا تتجاوز الدقيقه و بعد مرور الوقت بقينا نتكلم بالساعات من غير ما نزهق او نمل و الحقيقه هي اللي خلتني اتعلق بيها اوي كانت دايما مهتمه بيا بتجبلي اكل و تطمن عليا عى طول كانب ابنها و انا كنت بحس فيها بحنيه امي اللي كانت في الوقت ده مسافره هي و بابا و اخواتي بيشتغلوا في دبي يعني شغلتلي فراغ كبير و انا كنت عامل زي الولد الصغير نفسي احس بحنان و اهتمام امي اللي اتجسدت صورتها في حبيبتي كانت بتقولي كلام خلاني اتعلق بيها اوي كانت بتقولي انها بترتاحلي و بتحس ناحيتي بالامان و احيانا كانت تغازلني كان هي الولد و انا البنت و تقولي شعرك ناعم و عنيك حلوه و نفسي اشوفك من غير نضاره بصراحه انا كنت بتقل عليها اوي و مش ببينلها اني بموت فيها حتى لما كنا بنمشي مع بعض في الشارع كنت بمد و عشان مبقاش ماشي جمبها انا مكانش قصدي اني اعذبها بس انا كنت خجول جدا و مش عايز اللهفه اللي فعيني تبان عليا و مره اعدت اكح لقيتها خايفه عليا و بطبطبلي على ظهري و مره كنت سقعان قوي مسكت ايدي و نفخت فيها عشان تدفيني زي ما ماما كانت بتعملي بالظبط بس احساسي تجاهها كان مختلف حسيت قلبي بيدق جامد و مكنتش عايزها تسيب ايدي علقتني بيها اوي و فيوم اعترفتلها بحبي و فرحت اوي لما عرفت و انا كمان فرحت و الاعتراف ده جه بعد خناقه جامده بينا هي السبب فيها بس انا اللي اعتذرت لما مقدرتش ابعد عنها كنت برسم صورتها اكتر من مره و كانت بتفرح اوي و كنت بكتبلها اشعار و بتعجبها و هي كمان كانت بتكتبلي اشعار كانت بتعجبني اوي و حاجه ورا حاجه بقينا بنمسك ايد بعض على طول و دايما مع بعض يا في الباص يا خارجين يا بنتكلم في التليفون انعزلت عن العالم كله و عشت ليها لوحدها كان نفسي اتجوزها من كل قلبي و كنت فاكر انها هي كمان عايزه كده و في اخر سنه لينا في الجامعه ابتديت احس ببرود في مشاعرها ناحيتي مع اني كنت بحبها و بغير عليها فوق الوصف وده كان سبب خناقاتنا الكتير اوي و البرود ده كان زاعجني جدا و بسببه كنت بتخانق معاها كتير لحد ما عرفت السبب اتقدملها عريس جارهم من زمان مهندس و جاهز و عنده شقه اول حاجه خبت عليا قال يعني هتمهدلي مره قالتلي في واحد جارنا امور اوي زعقت فيها و قولتلها مالك و ماله و هي عارفه اني بغير جدا و اتخانقت معاها بعدها بكام شهر كنت قاعد بتصل بيها و مبتردش و انا احاول تاني لحد ما ردت عليا و قالتلي هكلمك لما ارجع شكيت شويه بس لسه مش متأكد و شكي طلع في محله كانت قاعده مع العريس الميمون في كافيه هي و هو و الاهل بيتفقوا على الخطوبه و البجاحه انها و هي بتقولي على الموضوع ده كانت في قمه السعاده غير مراعيه لمشاعري تماما زعقت فيها و قولت لها لازم ترفضيه و الا يبقى اللي بينا انتهى قالتلي هصلي صلاه استخاره اتعصبت قولتها انتي مش عارفه انتي عايزاني و لا لا و قفلت معاها و اديتها مهله تختار بينا معبرتنيش تماما و حاولت تكسبني كصديق فرفضت طبعا ان يكون حد غيري فحياتها كحبيب و انا كصديق سبتها تماما و مردتش على تليفوناتها و لا الفيس و مكانتش عارفه توصلي و في الوقت ده قربت من خطيبها اكتر و اكتر و كنا ساعتها في اجازه نص السنه في اخر سنه في الكليه ادمرت نفسيا و اكتئبت بس الحمد لله امي و ابويا رجعوا من السفر نهائي و عرضوني على طبيب نفسي و كان بيديني نهدئات و مضادات اكتئاب و قامت الثوره في الوقت ده و همي مبقاش على نفسي بقا على البلد كلها فخفيت من الاكتئاب و بقا عندي امل في بكره و يوم 11/2 /2011 يوم تنحي مبارك حبيبتي اتخطبت و نزلت صوره الخظوبه على الفيس و كل الناس هنيتها الا انا اكتئبت تاني و اتصلت بيها بعد صراع طويل مع نفسي و لقيتها انتظار و بعدها اتصلت بس مكانتش مرحبه اوي و عايزه تقفل قولتلها كلمتين زي ازيك اخباركوا ايه و هي بترد ببرود تام و قفلت و بعد ما قفلت كان في حاجه نسيت اقولهالها فبتصل تاني لقيتها انتظار برضه بس المره دي متصلتش بعتتلى رساله قالتلي انا بكلم خطيبي و هكلك كمان شويه الغيره اشتعلت في قلبي و كنت هتجنن قولتلها لو مكلمتنيش دلوقتي حالا و قفلتي معاه عمري ما هكلمك تاني ابدا و نفضتلي لحد الساعه1 بالليل كنت نمت من المهدا اللي خدته و رجعنا الجامعه تاني شفتها و حسيت باحاسيس مضطربه نفسي احضنها و نفسي اقتلها و نفسي ترجعلي و نفسي ابعد عنها و انساها حاجات عكس بعض بس هي السبب علقتني بيها و رمتني زي اللعبه اللي زهقت منها مع اني كنت بخا عليها من النسمه و بغير عليها اكتر منه لانه كان منزل صورتها على البروفايل بتاعه و كل اصحابه ممكن يشوفوها في حين انا كان نفسي اخبيها جوه قلبي و متخرجش منه ابدا
المهم قاومت كتير اني مكلمهاش بس مكنتش بقدر كنت بلاقي رجلي وذداني للمكان اللي بنقعد فيه و ذكرياتنا الحلوه اول حب اول دقه قلب اول لمسه ايد كل ده مش سهل نسيانه
في الاخر كلمتها بس المره دي انا للي كنت بتكلم طول الوقت و هي اللي بتسمع عكس الاول كنت ساعات احس انها متعاطفه معايا و ساعان احس اني مش في بالها اصلا و هي عايشه حياتها على الاخر
في يوم قررت اني اجمد و اسبها تماما مش معقول هسيبها تقضي عليا و كلمتها و قلت لها اني مسامحه و اني بتعالج و هبقى كويس ان شاء الله و ربنا يوفقها مع طيبها معلقتش كالعاده و قفلت يظهر كانت متأكده اني بتكلم زي كل مره و هرجعلها لانها عارفه بحبها اد ايه
لكن عكس ما هي بتتوقع انا فعلا بعدت تماما لا كلام في التليفون و لابركب معاها في الباص و لا بقعد معاها في المحاضرات كاننا اتنين اغراب لا سلام و لا كلام و اصحابنا لاحظوا و كانوا عايزين يصلحوا بنا بس انا رفضت كل المحاولات لاني خدت عهد على نفسي اني مرخصش قلبي تاني
في الفتره دي كانت بتحاول تستفزني عشان اكلمها يعني تعمل حاجه بتضايقني عشان اغير و اتخانق و اكلمها كنت بعمل نفسي مش واخد بالي عشان اتحرر بقا من حبها و سيطرتها عليا و يوم عيد ميلادي بعتتلي رساله مردتش عليها جت تاني يوم قدام صحابنا بتقولي طبعا مردتش عليا كالعاده يعني هي المسكينه اللي بتحاول تتقربلي و انا اللي قلبي قاسي مش برد عليها ابتسمت و سكت لحد ما مشيت و داريت اني اضايقت
و جت الامتحانات و امتحنا و خلصنا السنه و طبيعي بعدنا برغم البعد ده كله و برغم انه تقريبا فات سنه الا اني مش قادر انساها يعني هي زمانها متجوزه و عايشه و انا بموت كل يوم وحشتني اوي و مش قادر انساها و لا احب غيرها
انا دلوقتي بشتغل و بعمل حاجات كتيره بس مبنسهاش و لا برتاح ثانيه صورتها مبتفرقش خيالي وحشااااااااني فوق الوصف بس حتى انا معرفش اراضيها كل اللي بعملوا اني كل فتره اروح عند بيتها اعدي من قدامه و ادمع او امشي و اقد في الاماكن اللي جمعتنا و اتحسر خلاص مش قادر اعيش من غيرها مع العلم اني متدين و بصلي و بقرا قران و بحاول ارضي ربنا الحمد لله بس خلاص احترت حد يقولي اعمل ايه و انسى ازاي و لا انا عمري ما هنسى؟اسف للتطويل بس كان لازم اصف حالتي بالتفصيل عشان اجد الحل

مشاكل وحلول ذات صلة

اضيف بتاريخ: Friday, August 18th, 2017 في 22:19

كلمات مشاكل وحلول: , ,

ردود to “يمكن تكون اتجوزت لكن مش قادرة انساها”

  1. ابوالبتول
    20/08/2017 at 13:46

    شوف ياابني الحبيب الحب شي عظيم في حياة الانسان بس لما يكون لشخص يستاهل ويستحق تلك المشاعر والعواظف اللى جواه قلبك البنت دي عمرها ماحبتك مثلما انت تظن تصرفاتها معاك منذ البداية كانت مجرد اعجاب بدينك اوخلاقك وطيبة قلبك وانك شاب خجول ومؤدب وعاوزها تملا فراغ حياتها وتعمل زي البنات الاخرين بان يكون لها شاب تعرفه وتمشي معاه ويغار عليها ويشعرها بالحب والحنان والمشاعر التي ربما تكون محرومة منها في حياتها وكذا استغلت غياب اهلك عنك وانك عايش لوحدك فرسمت عليك دور الحبيبة المهتمة بامرك وبشوونك لاجل توهمك بانها تحبك وهي في حقيقة الامر لاحبتك ولاقدرت كل مشاعرك هذة لها وصدمتنك بخبر خطوبتها لشاب اخر والله العالم ان كانت على علاقة به وتعرفه من زمن طويل وعاوزه تتسلى معك وتقضي اوقاتها لحين يجهز ذلك الشاب ويتقدم لخطبتها دي الحقيقة اللي لابد تعرفها جيدا والظاهر ان الفتاة دي ماكرة وخبيثة واتمنى انك تنساها فورا وهتقدر الايام كفيلة بانها تنسيك تلك البنت اللعوب الماكرة واحمدالله انك استرديت عافيتك وصحتك وماحصل لك شي بسببها لان الصدمة العاطفية احيانا تودى الى الموت او الانتحار ولكن انت شاب مومن ومتدين وتصلي وتقرا القران وتعرف الحلال من الحرام وقادر ان تتخطى تلك الازمة التى مريت بها وتعطيك القوة والمنعة في حياتك وان لاتعطي قلبك لحد بهذة السهولة ولاتنخدع بمظاهر من حولك وكن واثق من مشاعر وعواطف الانسانة التي ترى انها تستاهل الارتباط والله يصلح حالك ويرزقك بابنة الحلال اللي تستاهلك وتقدر مشاعرك وتصونها وتسعدك في حياتك

اترك رداً أو حلاً لهذه المشكلة