مشاكل الشباب مع البنات

احب بنت مخطوبة وهي تحبني

السلام عليكم ورحمة الله وبركاته
انا طالب عندي 19 سنه بحب بنت من نفس سني اتعرفت عليها من علي الفيس بوك
بصراحة هي ما كانت تطقني وانا لعض الشيء المهم انها كان عندها مشكلة وتدخلت عشان اساعدها وافرحها وانسيها الهموم وبعدين بقينا اصحاب لاني بطبعي بحب احل المشاكل ومش بحب اشوف حد في مشكلة وطيب جدا وعلي نياتي بصلي وبخاف ربنا من اي حاجة بخاف اظلم حد وبزعل اوي لو زعلت حد يعني عندي برأة اطفال بحب الناس واللمه الخ.. لدرجة ان ممكن يكون في كلام عيل صغير يفهمة وانا مافهموش لاني كنت منعزل عن الناس في الاول مش بعرف اتكلم كتير ممكن اكون بكلم حد ايه اخبارك تمام وخلاص دي بقا شوية بشوية فضلت اساعدها واخدت رقمها عشان هي متضعشمني لو حصل حاجة في الاكاونت بتعها وتطورنا لدرجة أنها بعتت لي صورتها واتكلمنا في الفون اصحاب واكتر لدرجة الاخوات اتخطبت للاسف وكان بيحصل مشاكل بينها وبين خطيبها وهي مش عيزاه وانا افضل ابرر لها مواقفه واقول دا اكيد احسن واحد وافضل احببها فية وحصل معاها مشكلتين وقولت لها اياكي تسبية وانا كنت بحبها في تاني مرة جبت اخري وقولت لها انا بحبك طبعا هي مكنتش مصدقة وفضلت تقول لي وتترجاني اني يا اسيبها يا مخليهاش تتعلق بيا وكنت برفض علي امل انها هتسيب خطيبها الخ… بقيت بشجعها انها تفسخ الخطوبة لاني جاد وهدخل البيت من بابة ولانها اول بنت اكلمها في حياتي غير ولاد خيلاني وحبيتها لدرجة الجنون والعشق وهي كذالك وكل مرة كان يحصل مشكلة بينها وبين خطيبها افرح وهي تفرح عشان تفسخ واهلها متمسكين بيه ويقولو له انها هي عيزاة وهي مقالتش كدا لان حالتة المادية مرتاحة جدا وهوا معندوش دم وعامل زي العيال الصغيرة كل حاجة تحصل يروح يقول لاهلة وممكن يحرف كمان ويذود كلام محصلش اهلها متمسكين بيه وهي مش عيزاه وانا بحبها وهي بتحبني ومش عارفين نطفشوة وكل ما تطلب من اهلها فسخ يبهدلوها وبزعقو لها البنت ممكن تموت نفسها ساعدوني مش عارف اعمل ايه انا زي الغرقان انا لو مخطبتهاش او هي اتجوزت حد غيري ممكن اروح اقتل خطيبها او يجرا لي حاجة اموت بسببها وهي كانت عايزة تنتحر ساعدوني مش عارف اعمل ايه انا مش هقدر استغنا عنها لاني وعدتها باني عمري ما هسيبها الا علي جثتي وصلت لدرجة اني قولت لها سيبي البيت وتعالي اقعدي في بيت اختي بحسن نية والله انا عامل زي الاطفال نيتي سالكة والي في قلبي على لساني وصريح وبخاف من ربنا اوي ومش عايزها تتاذي هي بقت حياتي دلوقت ساعدوني

مشاكل وحلول ذات صلة

اضيف بتاريخ: Saturday, September 23rd, 2017 في 12:18

كلمات مشاكل وحلول: , , , ,

ردود to “احب بنت مخطوبة وهي تحبني”

  1. ابوالبتول
    24/09/2017 at 20:55

    شوف ياابني ابغا كلامك كلام راجل لراجل واعتبرني زي ابوك او اخوك الكبير علاقتك بالبنت دي من الاساس خطا في خطا لانك عرفتها من خلال النت ولاتعرف عنها شي ابدا وقدرت تلعب بعواطفك ومشاعرك وانت زي الاهبل صدقتها ومشيت وراءها واتضح انها مخطوبة لشاب اخر تقدم لها حسب الاصول واهلها وافقوا عليه ولوكان عندك ذرة من الرجولة والكرامة لتركتها فورا وانسحبت من حياتها فكيف ترضى بوحدة خاينة مخطوبة وتتكلم معاك هل تظن انها جديرة بك وبالارتباط معك تبقى غلطان جدا وكل كلام اللي حضرتك تقوله يعتبر تصرف شخص متهور وطايش وغير اخلاقي هل عدموا البنات من الدنيا ومافضلش الا البنت دي علشان تقول الكلام الفارغ بتاعك ده كن عاقلا ولاتتهور اوتعمل حاجة تندم عليها طوال عمرك وتجلب لنفسك واهلك العار والفضائح بتصرفاتك الطائشة اترك البنت في حالها واقطع علاقتك بها لوكنت فعلا تحبها تمنى لها السعادة مع الانسان اللي اختاره اهلها ووافقوا عليه والزواج قسمة ونصيب وربنا بيكرمك ويعوضك باحسن منها مليون مرة صدقني في كل ماقوله لك لانني مريت بنفس التجربة دي كنت بحب فتاة واعشقها كانت بنت جيراننا ولكن اهلها اردوا انها تتزوج ابن عمها وعمرها ماحبته او فكرت فيه او حتى شافته في حياتها وكنت اموت قهرا على كل ماحدث وتالمت جدا لابتعادها عني ولكن رضيت بان اشوف حياتي مثلما هي شافت حياتها واخرج من حالة الوحدة والانظواء والحزن اللي كنت فيه بسببها هي واهلها واكرمنى الله بالزواج من اخت واحد زميلي في العمل كانت نغم الزوجة قدرت تحتوينى وتعوضني عن تلك الفتاة وتنسيني اياها مهما قلت عنها فلن اوفيها حقها اتمنى انك تستوعب ماقلت لك وتعمل به لاجل مصلحتك وصلاح حالك وسعادتك في الحياة وربي يوفقك ويكرمك بابنة الحلال اللي تستاهلك وتقدرك وتصونك وتسعدك طوال العمر

اترك رداً أو حلاً لهذه المشكلة