مشاكل الشباب مع البنات

خايف اتجوز ويتردلي اللي عملته بالبنات

انا شاب عندي 25سنة من اسرة طيبة جداً وعائلتى محترمة جداً فوق الوصف وجدي الله يرحمة كان حافظ كتاب الله وكان الناس تعتبرة البركة في القرية اللى حنا فيها انا بصلى واعرف ربنا انا عملت كل حاجة حرام بسبب الجنس يعني ما تتخيله عملتة في الجنس بس بس في حاجات كتير اتغيرت في حياتي ومش بعمل حاجات كتير زي الاول بس مش قادر ابطل العادة السرية واتفرج على الافلام على النت من بعد ما بعدت عن البنات وكل حاجة كانت تربطنى بيهم انا موظف بمرتب كويس ورحت اتقدم لكذا بنت محترمة بس منهم اللي يرفض ومنهم اللي يقول البنت لسة صغيرة انا مش عارف لية مع اني شقتى جاهزة وحالتى المادية كويسة خايف جداً اني يكون مفيش وحدة محترمة راضية ترتبط بيا مع انى الناس كلها متعرفش اللي كنت بعملة خالص وفاكرين اني ملاك بس انا حاسس اني حتجوز بنت كانت تعمل اللي كنت انا بعملة كله وده مخوفني جداً

مشاكل وحلول ذات صلة

اضيف بتاريخ: Tuesday, September 21st, 2010 في 10:33

كلمات مشاكل وحلول: , , , ,

9 رد to “خايف اتجوز ويتردلي اللي عملته بالبنات”

  1. البرنس
    16/08/2019 at 21:58

    ماعلينا من عيلتك التي تمدح فيها ولا جدك اللي كان حافظاللقران وكل الناس في القرية يقتدوا به سيب كلدا وخلينا فيك انت ماذا عملت وكل انسان منا سوف يتحاسب على عمله في هذة الدنيا ان كان خير او كان شر عليك ان تتقي الله في نفسكي وتقلع عن المحرمات والمعاصي من الكلام مع البنات وممارسة العادة ومشاهدة الافلام الاباحية عشان ربنا يرضى عنك ويؤفقك ويكرمك بكل الخير سوا في شغلك او في الزواج وكماتدين تدان اللي تعمله في حياتك سوا تلاقيه مع زوجتك وربنا يسترعليك ويتوب عليك من المحرمات والمعاصي ويرزقك بابنة الحلال اللي تستاهلك وتسعدك

  2. true
    10/12/2011 at 23:51

    دايما كرر : لا اله الا انت سبحانك اني كنت من الظالمين

    فلهذا الدعاء مفعول عجيب .. ومادام انك اعلنت التوبة والندم على مافات فتاكد ان الله سيرزقك بما فيه خير لك واحسن الظن بالله والأهم ان تندم على مافات وتستغفر ربك والله يرزقك ويوفقك ..

  3. مدمنة السهر
    08/12/2011 at 02:57

    لا حول ولا قوة الا بالله عن جد مستغربة شو دخل جدك بالموضوع …المهم لو ماتلاقي عروسة يمكن احسن لان لو تلاقي رح يتردلك كل يلي عملتو صح الله يتقبل التوبة بس ما رح يضيح حق حدا وكما تدين تدان لا مفر من الهروب ..اتمنى تكون توبتك صادقة رغم ان كل كلامك ما يعجب الله يهدي اكثر واكثر والسلام عليكم ورحمة الله تعالى وبركاته

  4. الباكية الي الله
    27/09/2010 at 22:06

    اخي العزيز

    اخي يجب عليك ان تتقي الله حق وان تعبد الله حق
    وان تتوقف عن الحرام من مشاهده افلام او العاده
    وان وجدت نفسك لا تستطيع فتوجهه الي الله واتقي الله

    ادعو الله لك بالتوبه والثبات وان يبعد عنك السوئ يفرج كربك ويبعدك عن الحرام امين

    اختك في الله

  5. roma
    21/09/2010 at 16:05

    علشان كمان التوبة تبقى نصوحه لازم تبطل العادة السرية والافلام على النت
    وربنا يغفر لك يارب ويثبتك ويرزقك بالزوجة الصالحه واكثر من هذا الدعاء ان ربنا يرزقك الزوجة الصالحة والذرية الصالحة وربنا كريم جدا وحنين ورحيم بعباده

  6. Bright Star
    21/09/2010 at 13:30

    اخى الفاضل لا تستمع لكل الكلام المحبط واستمع لكلام الله ورسوله تجد الحل وتجد ما يريح بالك
    فالله قال فى كتابه الكريم ( الزانى لا ينكح الا زانية او مشركة والزانية لا ينكحها الا زان او مشرك وحرم ذلك على المؤمنين ) والحكم هنا ينطبق على الزانى المصر على المعصيه والذى لم يتوب منها اما انت ان كانت توبتك لوجه الله فعلا فاعلم ان الله غفور رحيم يحب العفو
    واستمع أيضاً لهذا الحديث القدسى لكى تعرف الى اى حد الله غفور رحيم

    عن أنس بن مالك رضي الله عنه قال: سمعت رسول الله – صلى الله عليه وسلم – يقول: قال الله تبارك وتعالى: (يا ابن آدم إنك ما دعوتني ورجوتني غفرت لك على ما كان فيك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة) .
    فهل بعد كلام الله كلام اخر ؟
    والله ان الله ارحم بنا من انفسنا فلا تقنط من رحمة الله ولكن تأكد ان توبتك صادقه ولوجه الله فعلا

  7. بصراحة
    21/09/2010 at 12:28

    ده اكيد حيرجعلك …يابنى لا تدين لكى لا تدان ..
    و بعدين اللى يقدم السبت يلاقى الحد و الاثنين فى وشه

  8. gasco
    21/09/2010 at 12:02

    خلى عندك ايمان بربنا وثقة فى نفسك وثقة فى الناس بص اللى انتا عملتة مش ها تنساة بالساهل وطبعآ ربنا ما بيسيبش علشان كدة الشك اتزرع جواك علشان الشك ده يروح لازم تتوب توبة نصوحة بمعنى انك ما ترجعش للى كنت انتا بتعملة خالص وربنا زى مدخل الشك جواك هايشيلو منك خالص وانشاء الله ربنا هايكرمك بزوجة صالحة

  9. كابتن حودة
    21/09/2010 at 11:11

    من رأيي – لو انت قررت تتوب من قرارة نفسك و تبطل كل اللي كنت بتعمله ،، ممكن ربنا يعفو عنك و يرزقك ببنت الحلال الطيبة اللي ترعاك و تصونك – بشرط انك تتوب توبة نصوح و ما تفكرش ترجع للبلاوي بتاعة زمان ولو حتى بمجرد التفكير فيها ،،، اما لو عاوز تتجوز و ناوي تستمر في اللي كنت بتعمله – تأكد ان ربنا هيرزقك بواحدة هيتعمل فيها كل اللي انت كنت بتعمله في بنات الناس ،، و حتى لو مش هيحصل فيها زي اللي انت عملته ،، تأكد ان وقتها ربنا هيبتليك بمرض الشك – هتكون نايم معاها و قلقان انها ممكن تكون نامت مع حد تاني – و الشيطان هيلعب في دماغك و يخليك متعرفش تدوق طعم الراحة و الامان – فنصيحتي ليك ،، قبل ما تقدم على الجواز – ارمي كل اللي فات ورا ظهرك – و ما تفكرش ترجع له تاني ابدا ابدا ابدا ،،،،، و في خطبة للشيخ كشك كان بيحكي فيها قصة واحد – خرج من بيته و كان مش بيعمل اي حاجة حرام ولا بيفكر يبص لأي واحدة ولا حتى يمسك ايدها – و في يوم – مسك ايد واحدة بالقصد – رجع البيت و لقى زوجته بتقول له – الراجل السقا اللي بيملا لنا الماء – عمل حركة لأول مرة يعملها النهاردة من سنين – الراجل غمزني في دراعي بالقصد – الراجل جوزها رد و قال – دقة بدقة – و لو زدنا لزاد السقا ….. فكر في كلامي -و ربنا يهديك و يوفقك للصالح

اترك رداً أو حلاً لهذه المشكلة