انا دلوقتى طالبة فى الجامعة ,وانا كنت فى الثانوية عامة ابتديت اشد فى شعرى من جذوره لدرجة ان شعرى تقريبا وقع خالص واهلى لحظوا وصمموا اروح لدكتور امراض جلدية هم ميعرفوش انى بشده وفعلا روحت مع ماما والدكتور سالتى بشده ولا لاءة قولتله لاءة وافتكر ان عندى انيميا وعملت تحاليل ومطلعش عندى انيميا وخد ادوية ,بس انا لحد دلوقتى لسة بعمل كدة من الوقت للتانى يعنى كل فترة صغيرة ممكن كل يوم او كل كذا يوم يعنى بقالى 4 سنين تقريبا بعمل كدة ,يريت بجد تساعدونى ,انا مش عارفة ليه بعمل كدة
مشاكل الشعر
بشد شعرى وابتدى يخف
اضيف بتاريخ: Wednesday, October 6th, 2010 في 15:44
كلمات مشاكل وحلول: العناية بالشعر, انيميا, تساقط الشعر, شعر, علاج, مشاكل الشعر
أسأل الله العظيم رب العرش العظيم ان يشفيكي ويشفيني ويشفي جميع مرضى اللهم آمين يارب
اتمنى من كل اللي يقرأ تعليقي يدعيلها ويدعيلي اننا نبطل العاده دي دعوة 40غريب مجابه إن شاء الله 🙏
أختي في الله إعلمي أنا مشكلتي كانت أكبر بكثير جدا من مشكلتك …بدأت عندي منذ الطفولة من سن 6 سنين تقريبا…المهم بدأت بشد رموش عيني وحواجبي كلما كنت أعاني من ضغوط نفسية أسرية سيئة …وتطور اﻷمر الى شعر رأسي في مرحلة الاعدادية …واﻵن تخرجت من الجامعة قبل أكثر من عشر سنين ولازاات اامشكلة مستمرة – فقط عند تعرضي لضغط نفسي – وهذه المرة من زوجتي التي أتعبت قلبي …مالاحظته أنني عندما أبدأ بشكل عملي وجاد في حل أي مشكلة عويصة تسبب لي أزمة نفسية تجعلني أتلذذ بنتف وشد شعر رأسي أجد أنني وبشكل تلقائي أتخلص تماما من عادة إدمان نتف وشد الشعر …
فلماذا لا تجربي في وضع قرارات حاسمة لحل المشاكل التي تواجهينها والتي تجعلك تنتفين وتشدين شعر رأسك ….فكري بكلامي ونصيحتي واستعيني بالله الرحمن الرحيم قبل كل شئ …
وإن شاء الله رويدا رويدا راح تشوفي نفسك تركت هذا الشئ…الله يعينك
انا عندى المشكلة دى من صغرى فى ابتدائى الى غاية لما اتجوزت وقعدت ادور على حلول لمشكلة دى وفى الى يقول ده كهربا زيادة فى المخ بس فى النهاية هى حالة نفسية ولغاية دلوقتى الدكاترة مش لقين تفسير الظاهرة دى وكمان بتلعب فيها الجينات الوراثية بس لازم المشكلة لو قعدت فترة لازم تعرضى على دكتور نفسانى مش عيب فهم والدتك وتحلى المشكلة دى على خير انا كان كده واخدت ليها ادوية لان الدكتور قال ده سببه قلق واكتئاب وتوتر وكمان حاجة عامل وراثى والادوية جابت نتيجة من اول جلسة ويارب العادة دى تخلصى منها على خير
انا كانت عندي هاي المشكله وبمسك بيدي اكثر من شعره وبشدهن لدرجة انو بخلعها من شرورها الحل هو انك تربطي شعرك يعني لا تتركيه منفول اربطيه كويس وهيك مش راح تقدري تمسكي الشعره الا بصعوبه وراح تزهقي من الموضوع وتنسيه ان شاء الله <<<<<<>>>>>>>
مع السلأأ‘مـ‘ـهِ ٌRover
لا دي حالة نفسية انا اختي كانت كدة بس بطلت
انا عايزه اقولك اني عندي نفس المشكله وماما غلبت معايا من كتر شد شعري كل شويه تشيل ايدي من شعري هيا مش عارفه انه غصب عني مش بحس بنفسي غير وانا ايدي وفروه راسي منملين من كتر شد الشع والله تعبت
ان زيك بالظبط يمكن ادمنتها خلاص
كل دقيقه بقطع شعرى من جدورة وحاسه ان شعرى منظرة باظ بقت شعره قصيرة وشعره طويله
بس بعمل كدا قدام مام وبابا واخواتى
وبحاول مش اعمل كدا لكن مش عارفه
بلاقيى ايدى على شعرى غصب عنى وبقطعه
انا مش عارفه اعمل ايه
ما انا لو كنت عرفت اواجه المشكلة مكنتش كتبت مشكلتى ولو كنت عارفة اقول لماما كنت قولتلها ومكتبتش برضه مشكلتى ,,انا عايزة حل ازاى ابطلها ؟؟؟مش بعرف اسيطر على نفسى .يريت بجد تكتبولى حل يساعدنى
يابنتى قولى لممتك وعرفيها احسن خليكى شجاعه وواجهى مشاكلك بنفسك وحليها والموضوع سهل جدا انا طالب فى طب وعارف بس عرفى ممتك الاول وان شاء الله هتوصلى معاها لحل مناسب
يابنتي ماينفعش كدا لازم تصارحي اهلك مفيهاش حاجة لان واضح طبعا ان دي حالة نفسية لازم تتكلمي مع حد قريب ليكي من غير خوف ولا كسوف وتروحي لدكتور نفسي لانه مش عيب عادي جدا وبعد الدكتور النفسي نروح لدكتور جلدية لان كدا غلط لازم يا بنتي تمشي فالطريق المظبوط ونمسك الخيط من بدايته علشان نوصل للحل السليم
وربنا يشفيكي يارب ويشفيني ويشفي امة المسلمين اجمعين يارب