اسفة اني هطول المشكلة شوية انا بنت عمري 24 سنة متخرجة من كلية تجارة قسم لغة انجليزية مكنتش بحب الكلية دي ولا بفهم فيها حاجة و الحمد لله نجحت و اتخرجت منها على خير و اخدت الشهادة لكن مبحبش مجالها ولا كنت عايزة ادخلها بس شاء القدر اني ادخلها غصب عني لما كنت في الثانوية مكنتش عارفة ادخل ايه و لا كنت بحلم بكلية معينة لكن بعد التخرج ندمت اشد الندم اني مكنتش بحلم بحاجة بس اصبح معايا شهادة كويسة و خلاص لما فكرت اشتغل مكنتش حابة المجال خالص يعني ولا بعرف اعمل فيه حاجة ولا بفهم فيه و بكره الحياة الروتينية و مش بعرف اتعامل مع الناس في الشركات و بكره الجلوس على المكاتب بشدة و بكره العمل الاداري و قلت مش لازم اشتغل في مجال الكلية بما اني اصلا مش بحبه و حبيت اعمل حاجة انا بحبها زي اي حد بيدرس حاجة و يشتغل في اي مجال تاني المهم يكون بيحبه بصراحة بعد مافكرت انا بحب ايه و نفسي اعمله اكتشفت اني من صغري بعشق حاجة اسمها سفاري و بعشق الحيوانات و الغابات و قناة ناشيونال جيوجرافيك و بعشق صور الحيوانات و المناظر الطبيعية و لما بشوف اي منظر حلو بصوره بكاميرا الموبايل بتاعي و كمان انا السفر جدا و بحلم الف العالم فكرت اني اعمل كمضيفة طيران لكن محصلش نصيب و بعدين صرفت نظر عن الوظيفة لأن عرفت ان المضيفات مش دايما بيدخلوا كل البلاد و يصوروا اي حاجة ففكرت اني اشتغل كمصورة فوتوجرافية بس فقط تكون للحياة البرية و المناظر الطبيعية بس مش عارفة ازاي احقق حلمي دا الموضوع معرفش ابدأ بيه ازاي في مصر خصوصا كبنت مش ولد و ثانيا اهلي انا عارفة انهم مستحيل يوافقوا على عمل زي كدة خصوصا انهم اصلا كانوا رافضين موضوع المضيفة من الاول و اتمنى اعرف ازاي ابدأ و هل فيه كورسات مطلوبة او فيه مكان يساعدني في كدة و يديني اول الخيط و انا اكمل
مشاكل العمل
معرفة من انا و عمل ما احب
اضيف بتاريخ: Tuesday, October 18th, 2016 في 22:27
كلمات مشاكل وحلول: الجامعة, بنت, كلية التجارة, متزوجة
قرأت الموضوع متأخرا، لكن نصيحة من أخت ابتعد عن فكرة المظيفة، عمل قد تخسرين فيه أخلاقك ودينك، حاول تاخذ كورسات كمبيوتر وفوتوشوب واتقرب من الي يعملوا في نفس مجالك اتعلم منهم، مهما اشتغلت في مجال آخر وانت ماعندكش مؤهل مش حيكون مثا المؤهل، وصل استخارة قبل ماتبدأ أي فكرة وادع ربنا واكثرمن الاستغفار