مشاكل العنوسة

عايزة اتجوز واحد اصغر منى ب 10سنين

انا انسة قربت على ال 35 س فبالنسبة للمجتمع واقعة من قعر الافة و ما بيتقدمليش عرسان خالص و بيتقدموا للبنات ال بالنسبة لهم اطفال و الدورة الشهرية كميتها قلت عندى فده مؤشر انها قربت تنقطع,اه يا حوستى السودة يا نا يا امه و بعانى من تقارب فقرات اسفل ظهرى,فقرتين فى اخر اليمين و فقرتين فى اخر الشمال,يعنى ممكن ما ينفعش احمل اساسا لا يبقى حمل على اعصاب ظهرى و تنقطع,لا قدر الله و كمان بالنسبة للشغل ما ينفعش اشتغل غير شغل مكتبى و الحمد لله برضه على كل حال و قربت تظهر عليا امراض الشيخوخة ال بحمل جيناتها من اهلى لان الواحد ما بيورثسش من اهله غير الضغط و السكر و القلب و الميه البيضا و الميه الزرقا و الحموضة….الخ…..الخ و غدد الاحتراق بجسمى ريحت و وزنى زاد 30 كجم فبقى جسمى عرضة للامراض و بقى ده مؤشر بخمول اجهزة الجسم عندى و كمان بقى شكلى مع سنى و ما عرفتش اكمل تعليمى الجامعى الا على كبر فلسه بدرس بس قربت اخلص الحمد لله و برضه الحمد لله كثيرا على حالى لانى عارفة انى بالنسبة لغيرى و لا حاجة و كتير يتمنوا يبدلوا معايا.المهم من فترة طويلة اتعرفت على شاب اصغر منى ب 10 سنين وسيم جدا و كيوت و حبينا بعض و قلت اخيرا وجدت ما اتمنى و لاقيت ال حيعوضنى كل السنين ال عيشتها بس مشكلته انه مريض بمرض الرهاب الاجتماعى من صغره لذلك فهو خجول جدا و منطوى على نفسه جدا و مالوش صحاب خالص و بيعانى من صعوبات فى النطق و الكلام و لذلك اهالينا رحبوا بجوازنا و بالذات اهله زى ما يكونوا ما صدقوا و كذلك اهلى رحبوا عشان ما صدقوا حد يتقدم لى رغم فرق السن ال المجتمع بيرفضه مع انى بعتبره هوا و و لا له اى اهمية بالنسبة لى بل بالعكس انا نفسى اتجوز واحد عضلاته غير مرتخية و لا ظهره مأتب و لا قرعة و لا مكرمش و لا مترهل و مش فارق معايا اتجوزه برغم مرضه لانى خدت خبرات كافية فى الحياة فقادرة ابقى راجل و ست و اب و ام فى نفس الوقت بل بالعكس محبذة انى اتجوز واحد كيوت و مفسى مخه بنسبة 100 % و يسيب لى قيادة كل شىء.المهم لما اعدنا سنة نعرف بعض بحكم وجودنا بمكان بيجمعنا يوميا فا بفضل الله اولا و بحكم اهتمامى بيه و تفضيلى له عن غيره ثانيا فخد ثقة كبيرة فى نفسه و اتغير بنسبة ما تقلش عن 65 % و بدأ يبقى له صحاب و اختفت صعوباته فى النطق و الكلام ال عاش بيها سنين عمره لكن الامر ما يخلاش انه كان بيجد صعوبة فى الكلام بنسبة من 10 : 25 % بس لما بيتكلم مع حد له هيبة بالنسبة له.لكن الظاهر انى قلت للهم انا رايحة اتفسح فقال لى وراكى وراكى,هو انا مكسح فلما اقترب ميعاد جوازنا هو قطع معايا خوفا من العلاقة الحميمة بيننا و هو الشخص الخجول ال عمره ما لمس ايد بنت لان موضوع تخيل العلاقة الحميمة بالنسبة له كأنه رايح لهم الموت(مع العلم انى مش فارق معايا يحصل بيننا جماع من اول يوم و مش فارق معايا لو عملنا العلاقة الحميمة فى ضوء خافت لو خجلان منى و كان عندى استعداد اساعده بكل الطرق و اسهل الموضوع عليه على الاخر).السؤال : فيه اى دكتور نفسى يقدر يفيدنى و يقول لى كل الطرق ال اساعده بيها و اخرجه من مرضه ازاى و ارجعه تانى ليا ؟ حتقولوا لى و حتوصلى له ازاى و هو قطع علاقته بيكى ؟ حقول لكم حستخير الله ارجعه ازاى او ممكن اكلم والدته و نتفق انا و هى من وراه ازاى نرجعه ليا لانها كانت مرحبة بيا جدا(و حتى لو رفضتنى و كانت غيرت رأيها او كانت شافت له حد تانى فمش حخسر حاجة لما اجرب معاها و خلاص بس بعد ما استخير الله اكلمها و للا لا و تبقى سكة و خلاص).فيه ال حيقولوا لى طب ايه ال زانقك على واحد مش عايزك و اصغر منك بكتير ؟ بالله عليكم مش عايزة كلام تخاريف و خيالات من اى حد يقول لى استنى لحد ما ييجى لك نصيبك,اولا:ما انا استنيت لحد ما قربت اتم 35 س و اقطع الخلف و تظهر عليا امراض الشيخوخة,ثانيا:نصيب ايه ال حييجى لى و انا بترفض من قبل ما اتشاف بسبب سنى حتى لو كان العريس اكبر منى ببضع سنوات,انا فاهمة ان لو مكتوب لى اتجوز حتجوز حتى لو عندى 100 سنة و لو مش مكتوب لى اتجوز فمش حتجوز حتى لو عندى 20 س بس انا قصدى ان مافيش ادامى اى خيارات,يعنى يا حييجى لى شخص واحد فى عمرى ال هو نصيبى يا اما بلاش و مش حييجى لى و لا خيارات تانية جنبه(مع العلم ان فيه شباب اصغر منى حتى 10 س بيعجبوا بيا لانى على قدر من الجمال بس بيستكتروا نفسهم عليا و بيبقى غرضهم التسلية و الزواج العرفى بالكتير…و طبعا انا فاهمة انه زنى,كمان انا مش عايزة حاجة هرتلة و جوازة مؤقتة مش حستفيد منها حاجة و تقلل سعرى زيادة ما هو قليل)على فكرة : انا ما برخصسش من نفسى و لا بصاحب رجالة و اخرج معاهم و لا بكلمهم فى التليفون و لا حتى على النت و ال بيحصل انى ممكن اتكعبل فى اى واحد صدفة و يحصل بيننا كلام لو الظروف حكمت باختلاطنا فى مكان عمل او دراسة و هى بتبقى مرة او اتنين بالكتير اوى اتكلم مع اى واحد فيهم و لو عرض عليا الزواج فكان بها و حقول له كلم والدى و لو لاقيته بيلمح لتسلية او لاى شىء قذر فبقطع تماما.انا فاهمة ان الشخص ال انا عايزاه لو هو مش نصيبى فمهما عملت مش حييجى لى,بس انا ما قدرش اعيش سلت ملت على بال ما ييجى لى نصيبى,لا و الاصخم ان ممكن يكون مكتوب لى اعد من غير جواز خالص لحد ما اموت فلذلك انا عايزة اعد فترة يبقى فيه حركة و امل فى حياتى و من غير ما اقلل من نفسى,يعنى لو ربنا الهمنى اعمل حاجة متدارية حعملها و بالنسبة لموضوع كلامى مع امه فقلت حستخير الله الاول.فانا عايزة اى طبيب نفسى شاطر يقول لى اعالجه ازاى و غير كده مش عايزة اسمع كلام هرتلة من اى حد يدخل يقسم عليا و يقول لى هو مش مناسب ليكى او سيبيه و استنى غيره.

مشاكل وحلول ذات صلة

اضيف بتاريخ: Friday, January 30th, 2015 في 18:40

كلمات مشاكل وحلول: , , ,

11 رد to “عايزة اتجوز واحد اصغر منى ب 10سنين”

  1. ابوالبتول
    25/09/2017 at 23:35

    بصراحة البنت دي صاحبة المشكلة فاهمة الحياة غلط ونازلة تخبيط في الناس واهانات وتقلل من رجولتهم ولاحدش مالي عييينها الفارغتين دام انك تزوجت البيبي بتاعك ده الله يهني سعيد بسعيدة دي حياتك وانت حرة تختاري من تشاءين لكن عاوز الفت نظرك الى اشياء مهمة جدا غابت عن ذهنك اولا-انت صرت في سن 36سنة والشاب زوجك اصغر منك ب 10 سنوات يعنى عمره 25سنة وعنده مشاكل صحية في النطق والكلام وقد يكون تخلف عقلي وصدقينى حياتكم الزوجية مصيرها الفشل او انجاب ابناء عندهم نفس الاعاقة او التخلف ده ثانيا- العلاقة الحميمة ليس كل شي في الحياة الزوجية وانت ظاهران غريزتك الجنسية قوية ورغباتك جامحة ولن يستطع هذا الشاب المسكين على تلبيتها لك او اشباعها كما تظنين ثالثا- لووصلت لسن الاربعين سنة اوكثر سوف تصاب بامراض الشيخوخة المبكرة وتقل الرغبة والشهوة الجنسية عندك بعكس الزوج الشاب اللي لايزال في قمة عنفوانه ونضوجه ويحتاج للجنس دائما في حياته الزوجية وقد لايجد حاجته معك فيذهب ليبحث عنها مع غيرك اما بالخيانة او التفكير في الزواج عليك بااخرى تلبي له رغباته الجنسية لانك خلاص راحت عليك وسيم منك ومن ترهلات جسدك وتجاعيد اللي ظاهرة عليك وهذا شي مفروغ منه وموكد وكل النساء في هذاالعمر بيحصل معهن كدا رابعا -نظريتك للرجل الاكبرسنا خاطة جدا ولاتعرفي عنهم شي علشان كدا رفضت الارتباط برجال اكبرمنك بالعمر وفضلت الزواج بشاب يصغر عنك بالسن بمراحل وعاوزك تعرفي ان الرجل مهما كبر في العمر فهو لايزال قادرا على العطاء والزواج وعنده فحولة وشهوة عارمة في الجنس ربما تفوق الواد صاحبك ده اقصد زوجك وتجدي صحته قوية وطبيعية ولايتعاطي فياجرا او منشطات جنسية ومش بعيد يكون زوجك بيستخدم الحاجات دي ومدمن عليها وانت اخر من يعلم وده بيحصل عند كثيرا من الشباب في الزمن ده اخركلامي لك انك تسرعت جدا في الزواج من شاب اصغر منك ومريض وكان الاحرى بك الاختيار الجيد مش تصوم العمركله وتاتي لتفطري على لاشي اسف لهذا التعبير

  2. ابوالبتول
    15/09/2016 at 11:04

    يااخواني الست دي دماغها مفوت واكيد انها مريضة نفساني والا الكلام اللتي تقوله والردود بتاعتها توكد كلهذا ولا تستغربون البته يوجد الكثير منها مع للاسف الشديد في المجتمع ولافي بيت مايخلو من هالنماذج والعينة من النساء اللواتي فاتهن قطار الزوجية وشارفن على العنوسة ومغقدة في حياتها من الرجال وكانت ترفض الاقتران بحج التعليم ومواصلة الدراسة او منغمسة في اللهو والمتعة وترفض تحمل المسوولية من بيت وزوج وابناء في المستقبل وماتفيق الامتاخرا كما حصل مع هالسيدة وترضي باي عريس يتقدم لها مهما كانت الظروف ومهما كان وضعه وحالته سوف تقبل به لامحالة وليتها كانت احسنت الاختيار للزوج من كل النواحي لا الشاب وسيم جدا واصغر منها ب10 سنوات ولا فكرت في دينه ولافي اخلاقه ولافي قدرته على تحمل اعباء الحياة الزوجية ولامن قواه العقلية وقدرته على التخاطب والكلام معها ومع الاخرين يغنى شخصية اي كلام وتظن انه الزوج المناسب لها صامت دهرا وجت تفطر على بصله اما كان حري بك ياعزيزتي ان تتزوج من رجل في مثل عمرك لامانع ان كان مطلق او ارمل اومتزوج باخرى وراجل بمعتى الكلمة يصونك ويحافظ عليك ويقدر الحياة الزوجية ويتحمل اعباء المسووليات على عاتقه كزوج واب لاولادك في المستقبل صدقني انك صعبانه علي واريدلك الخير والسعادة والاستقرار في حياتك لكن مع الانسان اللي يستاهلك بجد ويقدر يحافظ عليك ويسعدك مش مع هالشاب اللي لن يسعدك اويحافظ عليك في الحياة صدقينى متى ماحانت له الفرصة سوف يخونك مع اخريات اويطلقك فورا وهذا موكد لانه ماخدك الا ليتعوظ حنان الام اللي انحرم منه واختلاف الافكار والروى بينكم كبير ولن تعرفي قيمة كلامي هذا الابعد فترة من زواجك به وتقولي يالتني ماقبلت بهذالزواج وتندم ساعة مايفيد فيها الندم

  3. انا صاحبة المشكلة
    23/09/2015 at 23:47

    الى : زهرة الخليج
    -اولا : انا الروشةطحن.
    -لو كنت راجل فبستغرب انك داخل فتكات و متابع مواضيعها.
    -و حتى لو كنت ست او راجل فكون ان مواضيعى علقت معاكى او معاك من ضمن المواضيع و العضويات كلها فده دليل على تميزها و غرابتها او جودتها.
    -و رأيك لو كنت راجل اسعدنى و ده دليل على صحة كلامى و صحة ال انت حاسه منه.
    -و لو كنتى ست فاكيد انتى طفلة او جدة و كارهة رأيى و اسعدت برضه برأيك لان دليل ان كلامى مس الوتر الحساس عندك او عنده.
    -و برضه شكرا على دعواتك يا اخ او يا اخت.

  4. زهرة الخليج
    18/09/2015 at 22:14

    اهلاً بالروشة طحن !!!
    سبتي فتكات وجاية تتكلمي هنا بعد ما قفلو لك كذا عضوية
    وسبحان الله …. نفس كلامك ونفس تعبيراتك المثيرة للتقزز بتكتبيها في كل مكان
    على العموم … انتي كاتبة هنا غنك اتجوزتي… الف ألف مبروك و ربنا يقومك بالسلامة ويرزقك الذرية السليمة المعافاة
    يا رب بقى ترحمي الناس من كلامك العجيب الغريب اللي مليتي بيه كل المنتديات ده
    يسر الله امرك

  5. انا صاحبة المشكلة
    09/09/2015 at 07:06

    لكل ال ردوا عليا بالمشكلة و للاخ الكريم mohamed :
    -اولا بشكر الاخ الكريم mohamed على تفهيمك ليا.
    -المشكلة انى لسه قارية مشكلتى بالصدفة الان بس برضه شكرا على اهتمامك يا mohamed .
    -و على فكرة انا كلمت زميلى و اديته ثقة بنفسه و قلت له حتى لو كنت عاجز فانا مش فارق معايا.
    -و احنا اتجوزنا من شهر مارس من قبل عيد الام بيومين لانه جاهز للزواج فورا.
    -و انا حامل الان و حولد بشهر 12 بامر الله.
    -جوزى طلع سليم جدا و جامد جدا فى الموضوع ده الحمد لله.

    و الى الاخ : فراق الحبيب :
    -حفهمك الكلام ده بيحصل للست لانها بتبقى فى الغالب متجوزة واحد اكبر منها فبيبقى اقل من انه يرضيها شكلا و جنسا.
    -عشان كده المفروض ان الراجل يتجوز الاكبر منه مش الاصغر.
    -و الدليل على صحة كلامى ان بعض الستات الكبار لما جوازهم بيموتوا بيحبوا يتجوزوا تانى.
    -يعنى هى بتبقى رافضة جوزها مش رافضة كل الرجال.
    -و ال ما بتتجوزسش تانى بيبقى خوفا من ولادها و من المجتمع.
    -و ممكن ال بيحصل للست بيبقى تراكم المشاكل بينها و بين الزوج مش بناء على برودها.

  6. انا صاحبة المشكلة
    09/09/2015 at 06:44

    الى : تقوی الله ياغافل
    -انت اتغاظت لما وصفت ال بسنك بالصلع و ضعف القوة العضلية و القدرة الجنسية.
    -و انا عندى ما اتجوزسش خالص احسن ما اتجوز واحد زيك حيعد نص ساعة على بال ما يحصل له انتصاب.
    -و حيعد ينهج و يطلع روحه على بال كده.
    -و درجة الاستثارة عنده ضعيفة انما زميلى ده مثلا لو كتفى خبط فى كتفه بيحصل له انتصاب.
    -و انت قوتك العضلية ضعيفة جدا فمش حستمتع بالنوم معاك اطلاقا.
    -و لا ححس انك الرجل المؤهل القوى ال يقف لى فى اى مشكلة زى لو اتخانقت مع بياع مثلا.
    -المرأة الثلاثينية بيبقى غدد الاحتراق عندها ريحت فبتبقى طخينة عن بنت العشرين فبيبقى جسمها متضرس.
    -كمان الكرمشة البسيطة ال فى وش بنت ال 30 بتحول وجهها وجه طفلة لوجه امرأة كاملة النضج.
    -كمان الست صدرها و مؤخرتها بيبدأوا فى الظهور منذ سن البلوغ و بيفضلوا ينمو حتى سن ال 30 او اكثر.
    -يعنى لو فيه بنت فى ال 20 و اخرى فى ال 30 فحتى لو كانوا نفس الوزن بس تضاريس بنت ال 30 بتيقى اكبر.
    -و الدليل على صحة كلامى زميلى ال اعجب بيا و كذا واحد اده برغم ان ادامهم عدد كبير من الاطفال.
    -و حتى لو عايزين يعملوا معايا حاجة و خلاص و مش معجبين بيا زى ما بتقول فلو كده ما ادامهم اماكن العاهرات.
    -انا ان انت او اى واحد بيفكر بطريقتك بيبقى عايز الطفلة عشان تبقى ضعيفة الشخصية و ما تاخدش قرار الانفصال عنك لما تبقى عاجز عن اعفاؤها جنسيا و عضليا.
    -و كمان عشان تبقى غير متضرسة فتبقى غير ملفتة للجنس الاخر لان لو حد بص لها فانت ما تقدرش تضربه و تخاف تتخرشم ادامها منه لو ضربته و هى تستضعفك.
    -بس عندك امل فى الفياجرا و صالات الجيم بس رينا يستر و قلبك يستحملهم.

  7. فراق الحبيب
    26/04/2015 at 14:30

    فرق السن كبير اوي وبعدين الراجل بيحب الجنس لحد ما يموت لكن الست لحد 47 سنه وكتير كمان مش بتكمل السن ده

  8. الاسطورة السابعة
    11/04/2015 at 21:48

    مشكلتك بتحكي كتير والكلام الكتير مش كويس

  9. تقوی الله ياغافل
    05/02/2015 at 04:47

    صدقينا ما بتتزوجي البته ثقي بذالك حتی لو اعمی او اكسح او اخرص او ابكم لانك لست بكامل انوثتك التي تشد الرجال اليها ولانك تحبي اشخاص اصغر منك عمرا لانه ما ينفع في تفوات بالسرعات

  10. Soooo
    30/01/2015 at 21:35

    مشكلتك نفس مشكله موجوده في قسم مشاكل البنات قبل الزواج واتنقلت لمشاكل العنوسه فهل انتي نفس صاحبه المشكله اللي اتنشرت من اسبوعين ولا لأ

  11. mohamed
    30/01/2015 at 20:23

    عامة هوا كلامى دا هيكون على اساس انك متاكدة ان دا السبب فى البداية .. انا هشرح اولا مشكلته .. هو بسبب الرهاب الاجتماعى االلى كان مصاب بيه من صغره كان بيخاف يتكلم او بيخاف يتصرف بجرأة لان المرض دا اساسا مبنى على انه بيكون خايف ان تصرفه يدى عنه فكرة غلط تقلل منه عند اللى بيتعامل معاه .. وعشان كدا لما الموضوع يكون حساس بالشكل دا طبيعى انه يكون فى قمة الخوف .. طبعا الكلام دا كلو انتى عرفاه لكن اللى عايز اوضحه هوا انه مش خايف من العلاقة لانو بيحس بالكسوف .. اسف هضطر اكون صريح اكتر بسبب المعتقدات الخاطئة عن العلاقة الصحيحة هوا ببساطة خايف من انو ميكنش ادائه اثناء العلاقة كافى ودا هقلله فى نظرك كراجل يريت يكون المعنى وصل .. الموضوع دا واضح ومش محتاج طبيب نفسى يمكن كان اوضح بالنسبالى لاننا شباب زى بعضنا .. فى الحالة دى لو فعلا بيحبك ومعندوش سبب تانى يسيبك فساعتها هو محتاج منك كلمات ثقة تهدم فكرته السيئة عن نفسه وعنك ! .. فى انك ممكن تقللى منو بعد الجواز .. انا معرفش الاحوال بالظبط ايه هيا عشان كدا هسبلك طريقة انك تعرفى توصلليله وتكلميه تانى .. لكن لما توصليله حاولى تأنبى ضميره انه بعد من غير ميتكلم وقوليله كلام تحسسيه فيه ان مهما حصل انتى متمسكة بيه وان مهما كان رأى الناس فيه هوا دايما هيفضل سندك والانسان اللى دايما بتثق فيه مهما كانت الظروف .. وبكدا تكونى ضربتى اصل المشكلة وهيا انك تحولى اساس المرض اللى هو ضعف الثقة فى النفس لزيادة الثقة !!

اترك رداً أو حلاً لهذه المشكلة