مشاكل حب المراهقة

معجبة بيه بس مش عارفة اعمل ايه

انا بنت عندي 16 سنة . الحمدلله جميلة و مودبة و بصلي. انا عندي مشكلة بقي نفسي اعرف حلها . انا فيه ولد معجبة بيه جدا و انا اعرفه كويس و عارفة ان هو كمان معجب بية لانه مش بيبطل تتنيح فية بس هو عمره ما قلي انه معجب بية بس حصل كزا حاجة تبين كدا,الكلام دة من شهر كدةزهو كان الاول بيفضل متنح فية لكن دلوقتي ممكن يبص مرة و خلاص, هو كان حصل كزة فرصة ان احنا ممكن نتكلم فيها بس انا اصلا بتكسف و مش بحب اكلم ولاد كتير فمكنتش بديله فرصة يعني,غير كدة اني كمان مببصلوش اصلا يعني لم بشوفه و هو باصصلي بيبقي بالصدفة كدة و كمان كزا صحبة قالولي.فانا نفسي اقرب منه لان ان انا عارفة انه ولد كويس بس مش عاوزاها تيجي مني و مش عارفة اعما ايهزهو شكله بدا ينساني لانه مبقاش بيبصلي زي الاول بس اخر مرة شفته فيها.هو كان واقف مع كزاا بنت و صاحبتي قالتلي انه ادور بص علية.انا خايفة يضيع مني لانه ابندي يعرف بنات كتير و في بنت كدة بقي يقعد معاها لوحدهم.هي البنت عادية يعني.يعني انا عاوزة اقرب منه و في نفس الوقت خايفة اقرب لانه في نفس سني بظبت و مستواه المادي مش حلو اوي
فامش شايفة لينا مستقبل مع بعض .انا بدعي ربنا كتير اوي انه يقربنا من بعض بس حاسة انه بيبعدنا عن بعض.مش عارفة انا محتارة.مش عارفة العيب فيا عشان مكنتش ببصله و كدة و بيقل عليه فعشان كدة محصلش حاجة ما بينا و لا هو اصلا مش عاوز يكلمني.مش عارفة.هو انا طباعي حدة شوية و بتكسف و ناس كتير بيفتكروني مغرورة,فا مش عارفة اعمل ايه لاني متعزبة و انا بعيد عنه كدة

مشاكل وحلول ذات صلة

اضيف بتاريخ: Thursday, June 30th, 2011 في 12:08

كلمات مشاكل وحلول: , , ,

10 رد to “معجبة بيه بس مش عارفة اعمل ايه”

  1. نور
    26/09/2012 at 23:59

    لو اتقدملك خير بس متبصيش لية كتير واتقلى وان شاء اللة خير انتى شكلك مؤدبة زيى

  2. حيآتى كُلها نظريآت وقوآع ـد
    09/01/2012 at 23:55

    عآيزه إلحـق .. تفكيرك حـلوُ ، بالنسبه لأنك بآصه للمستوى المآدى ، ده يبقى حُب بجد وده تفكير نآس كبيره ومنطقـى ،، ومع إحترامى للجميع اللى بيقول لسـه صغيره والكلام ده ،، انا ضـد كل الكلام ده ، أحلى حُب الحب اللى فـ السن ده ، الحُب مش لآزم يعنى الواحد يبقى فوُق 20 سنه عشان يحب ، هو لمآ بيجى خلاًص منقدرش نقوله لآء خليك لحد مآ أكبر ، رأيي إنك تحبي ، حاولي توُصلي ليه حُبك وإوعى يضيع منك ، لانك كده هتبقى ظلمتى نفسك وظلمتيه معاكى ، حـبّى يآبنتى من غير مآتبُصى للـسن ،، آتمنى آكون آفدتك 🙂 ، أخوكى رؤوف 🙂

  3. Ssssssss
    22/07/2011 at 22:36

    ممكن يكون حب وممكن يكون اعجاب وفى حب جد وفى حب تسليه ممكن يكون مجرد اعجاب الا كان الا انت تكلميه وتفكرى الا انت تكلميه وهو بيكلم بنات كتير يبقى مينفعش وبعدين سورى مينفعش تبصوا للمادة خالص لانى دى حاجه بتاعت ربنا

  4. ايمان
    21/07/2011 at 13:26

    انا والله بردو زيك واحد بحس انه بيحبني واول ميشوفني بيتنح انا بحس بكده لاني مبحبش ابص للصبيان يعني بس هو كويس من ناحية كل حاجة ادب واخلاق وهو صاحب ابن عمي وكان بيجي في شارعنا كل يوم بس دلوقت مبقاش بييجي كتير وانا مبقيتش بشوفه وانا زعلانة قوي عشان مبقاش بييجي عندنا انا شكلي وقعت في حبه هو اكبر مني ب 3 سنين

  5. RODY
    03/07/2011 at 06:02

    بيتهاجموا رأيي ليه؟!! أحنا في مصر مش في السعودية
    البنت هنا لازم تبقى جريئة علشان مايتضحكش عليها,,أنا كنت زيها كدة واتلعب بيا كتير مش بقولها الكلام ده من فراغ,,ده عن تجارب مش تجربة واحدة دي بردو بنت بلدي مستحيل أئئزي مشاعرها وأضحك عليها بكلام أنا بنت زيي زيها هخاف عليها وهحميها و أوجهلها النصيحة زي أختي بظبط

  6. دودى
    02/07/2011 at 23:17

    انتى لسه صغيرة ع الحاجات دى انا بنصحك خايكى فى مزاكرتك وياريت بلاش تقربى منه لانه زى ما انتى قلتى انه بيقف مع بنات كتير يعنى مش كويس اوى والسن ده اصلا مش كويس للحب والكلام ده…بصى انتى ممكن تلاقى الحب ده صدفة مش شرط تقربى منه يعنى….يعنى أكيد انتى هتقابلى اللى تحبيه ويحبك بس مش دلوقتى

  7. ابانوب بدري
    02/07/2011 at 15:13

    والله يا انسه انتي المفروض تديله فرصه تحاولي تبدليه بي نفس البصات حاولي مثلا تساليه حاجه وكلمه صدقيني هتجيب كلمه انا كنت زيه بي الظبط كده وربنا يوفقك

  8. صاحبة المشكلة
    02/07/2011 at 15:09

    هو انا دخلة كلية السنة الجاية خلاص انشاء الله..و احنا مش بعض في المدرسة,انا بشوفه في النادي و الموضوع دة بقاله ست سنين..كتير اوي يعني..انا قولتلكوا عندي 16 سنة بس عشان محدش يعرفني,انا عندي 18.

  9. mazika
    02/07/2011 at 06:33

    اولا : حضرتك الحب دوت مش كلمه الحب احساس هو مش لازم تبقو اريبين اوي من بعض بالعكس الحب بيبان علي الواحد العمل ايه : انك تساليه اصلا از كان بيحبك ولا لا وعشان تتاكدي شوفي اكتر بنت وقف معاه وي اوليله روح اولها انا مش عاوز اعرفك عشانك وشوفي ردت فعله لو ردت فعله سلبيه مع الموقف يبقي مش بيحبك وبيتسله بيكي اما لو كان ايجابي يبقي بييحبك ومستعد يعمل اي حاجه عشانك

  10. RODY
    02/07/2011 at 05:45

    أنا عايزه أعرف بس الأول انتي باصة لمستواه المادي ليه ده على أساس أنك على وش جواز بقى وكدة؟؟وبعدين من كلامك أنكوا لسة في المدرسة عني حب دراسة مفيش منة فايدة,,بصي أنا كنت زيك بحب وبتحب في سنك دة طبعآ..حبيه مجراش حاجه يعني الحب مش عيب ولا حرام ويستحسن تبقوا أصحاب عادي هتيقى ألذ لأنك هتتخنقي أوي لمل تميزي واحد على بقية أصحابك “الولاد” طبعآ وهيغير بقى ويقرفك وهتقولي ياريت أللي جرا ما كان مع أني عارفة أنك هتموتي وتحبي وتجربي الأحساس ده بس نصيحة والله خليكوا أصحاب أحسن,,ادخلي عليه دخلة عادية هزري وأضحكي وخليكي تلقائية جدآ وكأنك تعرفية من 10 سنين وماتتكسفيش أتكلمي معاه وخلي دمك خفيف لحد مايستلطفك ,,وجبيلة من الأخر وعرفية أنك أعقل منه وقوليلة كنت بتبصلي كتير لية كنت بتشبه ولا حاجة بهزار كدة دة طبعآ بعد ما ياخد عليكي بشوية مش هيجرا حاجة أنتوا زمايل في مدرسة واحدة بس أوعي بجد تميزية عن بقية أصحابك وماتهتميش بيه أوي وعادي خليكوا أصحاب أتكلموا مع بعض في الموبايل,خدية وأخرجي بيه مع أصحابك بس خلي لكل شئ حدود عيشي سنك ومتكبريش نفسك بتصرفاتك حبي كل حاجة وجربي علشان تتعلمي من غلطك,,وأتمنالك التوفيق,,بس خلي بالك من نفسك أنتي برده لسة صغيرة

اترك رداً أو حلاً لهذه المشكلة