انا عندى15سنة فى الصف الاول الثانوى العام انا من السنة اللى فاتت كنت بحب واحد من سنى وحاول يكلمنى لكن انا رافضت بس بعد كدة انا وافقت لانى حسيت انى مرتاحه للشخص دة وبعد كدة انا كلمتة فى الموبايل وعرفت انة بيحبنى وهو كان قايل لوالدتة الموضوع كلة بعد كدة هو طلب منى ان اقول لماما علشان يكون الموضوع بجد ومش لعب عيال ولكن لما قلت لماما رفضت الموضوع لانة من سنى ومن نفس السنة الدراسية وقالت انى لسة صغيرة على الكلام دة بس انا من وجهة نظرى ان الحب مش بيعرف كبير او صغير وان الحب الحقيقى بيجى للانسان مرة واحدة فى حياتة لذالك يجب على الانسان ان يتمسك بالحب دة وهى منعتنى انى اكلمة وطلبت منى ان انساة لكن انا مش قادرة لانى اتعلقت بية وبعد كدة ماما كلمت حبيبى وقالت له ان احنا لسة صغيرين على الكلام دة وطلبة منة انة ميكلمنيش تانى فى الموبايل وفهمتة ان لو فى نصيب وانا لية يبقى نستنا النصيب دة بس انا لحد دالوقتى بكلمة من وراء ماما وهو مش عاوز يسبنى ولا انا عاوزة اسيبة وانا مش عارفة اعمل اية وخايفة انة ميكنش من نصيبى
مشاكل حب المراهقة
ماما رافضة حبيبي وشايفانا صغيرين ع الحب
اضيف بتاريخ: Wednesday, July 6th, 2011 في 04:37
كلمات مشاكل وحلول: حب المراهقة, مشاكل الحب, مشاكل حب المراهقة
انا لما روحت علشان اقول لماما انا لمحتلها ف الاول قالتلي مفيش حاجة اسمها حب ف السن دة و كمان دي عادات و تقاليد مينفعش بنت تكلم ولد بس انا مش متافقه معاها
بصي انا والله كمان 15 سنة انا معاكي ان الحب في اي وقت والانسان لزما يتمسك بحبه اوي عشان الحقيقي بيجي مرة واحدة بس انا رأيئ بدال هو قايل لوالدته يبقي هيا تتصل بوالدتك تفهما انكو بتحبوا بعض جدا ومتقدروش تستغنوا عن بعض بس لو رفض يبقي اتأكدي انو كداب ومش بيحبك
طب انا 18 سنة وحبيبتى 17 سنة كلمت مامتى وهى كذالك ال2 موافقين بس المشكلة ف ابوها انة مش لازم يعرف الكلام دة دلوقتى لانة عصبى جدا ومتهور جدا وربنا يستر واللى واقف ف المشوار دة الدراسة انا فاضلى سنة واخلص وهى 2 وبنحب بعض اوى وبشوفها كل اسبوع وبكلمها ع الموب يومين المشكلة الاكبر ان ولاد عمتها اصحابى اوى زى الاخوات ومش عاجبهم الوضع وكل شوية مشاكل معاهم ودول اصحابى وهى حبيبتى ونا تبعت ف النص امى موافقة بعد السنة دية نقرى فاتحة وامها موافقة والسنة مش عايزة تعدى وكل مدى المشاكل بتكبر اوى اوى اوى اوى اوى ربنا معاكى انتى اللى لسة 15 سنة بجد ربنا معاكى انا حاسس بيكى اوى بجد ربنا معاكى
يا اختى والدتك معها حق فأنتى فى سن تنظرى للامر بانه صائب لكنك مع مرور الوقت ستجدى الافضل منه
فهو حاليا يدرس — ثانيا لا يعمل – سنه صغير
وكما قالت والدتك ان كان له معكى نصيب فانه سياتيكى لكن انتظرى ولا تتعجلى الامر
وعليكى السمع والطاعة لوالدتك والا تحادثيه وان تقطعى علاقتكى به حتى لا تسوء سمعتك
وتذكرى يا اختى قول النبى _ صلى الله عليه وسلم_ :(( من ترك شيئا لله عوّضه الله خيرا منه))
فسوف يبدلكى الله زوجا خيرا منه وافضل ولا تتعجلى
انا ادك وبردو فى نفس المشكلة انا بحبو اوووى فعلا وقولت لماما وهو قال لمامتو بس الاتنين رفضو بيقولو ده لعب عيال وده هيبعدنا عن المذاكرة حاولت انا وهو نفهم امهتنا ان ده هيشجعنا على المذاكرة بس بردو مصممين على رفضهم بس هو تصور انى مبحبهوش وبستغنى عنه ومن اول ما ماما عرفت مبكلمهوش ومش عارفة اخباره ولا هو عارف اخبارى بصراحة صعب اووى انى معرفش حاجة عنه وكمان تصوروه ده فعلا فى حب فى السن ده واكيد فى بعض الاحيان بيبقى بجد مش عيب او حرام ده مش غلط عشان حد يقول بنغضب ربنا بس متكلمهوش من ورا مامتك خليه يعرف انك بتخافى منها وبتحترمى كلمتها وهو اكيد هيقدر ده لو بيحبك بجد ولو ربنا كاتب ان ليكو نصيب لبعض مفيش حاجة هتمنع ارادة ربنا اه هيبقى صعب عليكى انك تبعدى عنو بس كده هتكبرى فى نظره اكتر ولو بيحبك بجد هيستناكى
معاكى حق الحب ولا يعرف كبير ولا صغير الحب ده اجمل حاجه فى الدنيا اوعى تسبيه اوعى الحب الحقيقى بيجى للانسان مره واحده بس واللى ترفضه تبقى عبيطه
ياجماعة انتو لية مكبرين الموضو حب المراهقة لو كان حقيقى يبقى دة الحب الاول وانتى يا اختى لازم تتمسكى بالحب الاول لانها اجمل ذكريات فى حياة الانسان لكن لو سبتو بعض هتكون الذكريات مولمة ومش سعيدة
انا بجد معرفش فى حب فى السن دة ولا لا بس اللى اعرفه ان غلط اوى انك تكلميه من ورا مامتك وترتبطى بيه وهو لو بيحبك بجد مش هيعرضك لمشاكل مع اهلك وهيكتفى ان انتى تكونى بتحبيه وهو بيحبك وميرضاش ابدا ان تغضبى اهلك او حد يقول عليكى مرتبطه والمفروض انه فعلا يقدرك ويقدر قد ايه ممكن كلام فى حقك غلط يتقال بسبب الارتباط دة ويكتفى انكوا بتحبوا بعض بس
ربنا يسعدك ويحللك مشكلتك
بصى والله هقوللك كلمة مختصرة تريحك كل شى قسمة ونصيب ووالله لو انتى فى اخر الدنيا وهو كذللك ربنا لو رايد يجمعكم ببعض صدقينى هيحصل بعدين اساسا علميا ان البنت او الولد فى السن دة مشاعرهم وارائهم بتتغير بسرعة يعنى ممكن تلايقى السنة الجاية حبتى حد تانى طيب وافرضى انك كبرتى وزوقك اتغير ومابقتيش عايزاة هتعملى اية?وبس سوائلين صغيرين ليكى هل لو انتى اللى بتعملية دة صح ممكن تحكى لخالتك او اعمامك علية بكل فخر ولا هتدرية وتخلية سر 2.والاهم هو انتى ينفع تشترى فستان فرحك من دلوقتى وتلبسية وانتى عندك مثلا عشرين سنة ولا هتزهقى منة بعدين وزوقك هيتغير?
وكمان هقولك نصيحه انا وانا بكلمه كان مفيش فى حد واثق فيا فى البيت وكانت المعامله مش حلوه اوى بس اما سيبته صدقينى المعالمه اتغيرت خالص ورجعت الثقه بس برده مهما حصل لسه بحبه لحد الان بس خالتو قالتلى لازم تكبرى مامتك قدامه وفعلا مفروض انتى كمان تكبريها
انا مريت بنفس المشكله بس ماما عرفت فى الاول وسابتنى بس اما بدا الموضوع يكبر وبدات اتعلق بيه ماما قالت لبابا وفكرتوكان الحل ان هى كلمته وقالتله نفس الكلام اللى مامتك قالتوا وهو اقتنع بس انا مش عصيت كلمه ماما وكبرتها قدامه وفعلا معتش كلمته اه تعبانه وحاسه ان انا وحيده بس عايشه الحمد لله
اولا انا عايزة اعرف مين اللي بيقيموا ايجابيا الحلول زي ده عادي و كلميه من ورا مامتك ؟؟
و مين اللي بيعمل تقييم سلبي للحلول بتاعت ده غلط و حرام العلاقة دي و انه مش هايثق فيك لو كلمتيه ؟؟
راجعي نفسك يا بنتي انتي لسة صغيرة فعلا و هاتصدقي لما تكبري ان كل ده غلط لان مشاعر المراهقة تختلف عن مشاعر النضج انتي دلوقتي بتحبي على اسس معينة لطبيعة سنك زي وسيم مثلا او غيره لما تكبري شوية هاتحبي على اسس تانية زي محترم هادئ عصامي تفكيرك هايختلف انتي دلوقتي رسمتي صورة ف دماغك له هاتتغير لما تكبري ف متعلقيش نفسك في الفاضي ده من ناحية
من ناحية تانية معلش دي مش تصرفات واحدة محترمة و ده الاهم طبعا و لا اهتم ان كان غيري هنا هايتعارض معايا في موضوع ان ده حرام زي ما شفت في اراء الاخوة المحترمين مش عارفة ازاي عليها تقييم سلبي الناس دي مش بتفكر ؟؟
انتوا بعتوا دينكم خلاص قصاد الحب و الكلام العبيط ده حب عالموضة اللي ماشي اليومين دول مش حب بجد
و بتستغربوا الدنيا خربت ليه !!
بصي انا عندي 15 سنه برده وبحب واحد ومتاكده من حبه ليه وبكلمه وماما مش موفقه برده بس عمري مقدر مكلمهوش دا لما ببقي يوم مبكلمهوش ببقي هجن نفسي الاقي حل نفسي مامتي توافق واكلمه قدمها وعمره مبيعطلني عن مذكرتي بالعكس بيشجعني ماما فكره اني كده هتعطل حد يساعدني الاقي حل مع مامتي واقلها او حل عموما
بصي يا قلبي هو عمره ما هينسالك انك كلمتيه رغم ان مامتك مانعاكي وهو مش هيثق فيكي حتي لو انتي عملتي كدا عشانه
انا من راي انك تسمعي كلام مامتك وكفايه عليكي انك تشوفيه من بعيد لبعيد وفعلا لو نصيبكوا من بعض هتاخديه بس
كبري نفسك وكبري كلمة مامتك ادامه عرفيه انك ليكي حاكم وانك بتخافي من مامتك عشان لو حصل بينكوا نصيب واتجوزتوا يثق ف تربيتك لولده
بصي لو متأكده بجد ان قال لمامتو اعتقد ان نيته جاده فيكي بس انتو لسا صغار والله اعلم لحد ماتوصلو لسن الزواج هل هتستمر تلك المشاعر ام لا انتي سبيها ع ربنا وكل انسان مكتوب نصيبه اما تكلميه من ورا اهلك صدقيني ربنا هيديكي كم فرصه ولكن هيخلي اهلك يكتشفو ده ووقتها هتنعدم ثقتهم فيكي صدقيني من تجربه
والله انا شايفه ان امك خايفه عليكى عشان متنشغليش عن الدراسه بس الحب ولا هو عيب ولا حرام وربنا معاكى
والله انا معاكى بس انا على فكرة سبت اول واحدة حبيتها فى حياتى عشان مامتها بردو مكنتش موافقة وهى كانت تقولى سيبك من مامتى بس انا الصراحة معرفتش وكنت مضطر اسيبها
انامش عارفة اذا كان دة حب ولا لا ومش عارفة اعمل اية ارجوكم ساعدونى
انا ادك وعندى نفس المشكله وانا مش قادره ابعد خالص بس هو حاول يكلم مامتى كتير بس هى رفضت حاجه زى كده بس انا ووهو منقدرش نبعد عن بعض عشان لو بعدت هموت نفسى وبجد انا حسه بيكي اوى عشان انا والله فى نفس المشكله بس انا عايزه حل لان انا مش هقدر ابعد عنو ولا هقدر اغضب اهلى وربى اكتر من كده
بصي انا متاكده ان مفيش حاجه اسمها حب عيال الحب حب مفيش فرق عيال ولا كبار الفرق كله ان الحب لازم يبئا قلب وعقل انما انتي حبيتي بقلبك بس مش بعقلك كمان وده غلط كبير
خلينا نفترض مثلا ان مامتك وافقت هتعملو ايه يعني هتتجوزو مثلا طب ازاااااااي؟
هو مستعد يتجوز في السن ده؟؟؟؟؟؟
الجواز مش حاجه سهله هو مش بس مسئوليه
ده حتي ممكن يكون لسه مبلغش!!!
طب هيشتغل مثلا ولا ايه يعني
بصي انا انصحك انك تسمعي كلام المنطق مش هقول لك كلام مامك لكن انتي حتي فكري في الموضوع هتلاقيه فعلا غريب ممكن يكون مش لعب عيال ولا حاجه بس اصبري والي ربنا عايزه هيكون
انا من راى ان انتى تحولى تقنعى ممتك بانكم تكملو مع بعد بس المهم تحفظو على نفسكو و حبكم
بصى انا من نفس سنك و الموضوع دة حصل معايا بس انا ماما قالتلى ان احنا ممكن نشجع بعد على المزاكرة وان دة يكون حافظ لينا و نفس الكلام مامتة قالتهولة وكمان بابا عرفة وصحبة و لقى حد كويس فا مش شرط ان انا لسة صغيرة او كبيرة ولا دة المهم المهم ان احنا نحافظ على نفسنا وحبنا و مزكرتنا و نخاف على بعد دة راى
السن دا متعرفيش إن دا مراهقه أو دا حب يعني مينفعش الحكم على المشاعر
أختي الفاضلة
لاتنجرفي وراء مشاعرك وتجربتك عاطفتك الأولى
لاتقولي أنني لا أستطيع أن أنساه وأنه الحب الأول
لا تغضبي الله تعالى .. قال تعالى ( ولا متأخذات أخدان ) أي ليس لديهم صديق أو أصدقاء من الرجال
حافظي على نفسك وحافظي عليه وأوقفوا هذه العلاقة , ولو كان نصيبك فسيتقدم لك عندما يتخرج ويكون مؤهلاً
أما الان فهي مجرد لعب بالمشاعر ومعصية لله , ولا أتوقع أن يبارك الله لكم و أن يوفقكم في هذا العمل و أنتم تعصونه وتغضبونه
أنصتي لكلام والدتك فهي أكثر خبرة منك في الحياة , و إقطعي العلاقة معه الان و إن كان صديقك هذا صادقاُ في مشاعره فسينتظرك حتى انهاء الجامعة ويتقدم لكي وإن كانت مجرد نزوة عاطفية وهذا هو المؤكد فسيكون قد نساك ولن تكوني قد خسرتي نفسك ووقتك وقلبك
على فكره كلميك صح وكلام مامتيك صح هيا صح لان اكو لسه صغيرين وانتى صح لان الحب ما يعرفش صغير وكبير بس انا مش عايز ااقوليك اغضبى ربنا ومامتيك واستمرى وكلميه من وراهم بس حولى مع الوقت تقنى ممتيك بكلاميك .
انا حاولت انساة لكن انا مقدرتش انساة انا اتعلقت بية قوى ولما قلت له لوفى نصيب يبقى نستنا نصبنا لكن هو قالى انى انا مش بحبة
ممكن لو انتى وهو ناوين تكملو مع بعض كاملو من وراء والدتك
والله ياحبيبتي اذا كان هو نصيبك فالمكتوب عند الله يصير واذا كان بيحبك ينتظرك وميبعد عنك ابد بس مو يكلمك من وراء امك ياحبيبتي نصيحتي ابتعدي عنه حالا والله اذا سمعتي كلام امك راح يتعلق اكثر فيكي وقوليله الي كاتبه الله نشوفه واذا انت تحبني انتظرني لان مااكدر اكلمك واخون اهلي والله صاحبتي نفس قصتك وسايته والله العظيم انتظرهه13سنه والله شاهد من هيه بالرابع اعدادي لحد هسه والحمد لله هسه متزوجين وعندهم ولد لان حبهه حقيقي وانتظرهه وكان يسمع اخبارهه من بعيد وميرضه يكلمهه من وراء لهلهه والي الك ميصير لغيرك والله يوفقك اختك من العراق