انا عندى مشكله كبيره انا عايشه مع جوزى بره بلدى وعايشه وحده لايمكن انها تسيبنا يعنى بأختصار انا مجبره عليها وجوزى كمان ميقدرش يمشيها انا فكرت ارجع بلدى واعيش مع طفلى فى بيت وهو يبقى ننزل او احنا نيجى ومش عارفه اعمل ايه ابعد ولا افضل احنا مش متفقين ابدا وهى بتكرهنى ولا يمكن تحبنى حتى لو عملتلها قرده
مشاكل عائلية
افضل جنب جوزى ولا ابعد
اضيف بتاريخ: Sunday, October 3rd, 2010 في 16:00
كلمات مشاكل وحلول: بيت, طفل, مشاكل, مشاكل عائلية
أسلوبك مش واضح ومقلتيش الواحدة دي مين وايه اللي المواقف اللي بتحصل وأي سبب في الدنيا يخليكي تسيبي جوزك أختي في الله حاولي تنقي قلبك.
اولا ياابنتي لاتتركي زوجك مهما حدث-لايستطيع الاب ان يتخلي عن ابنته مهما حدث -تعاملي معها بحكمه وصبر-تحدثي معه عن المشكله في غيابهاوكيف تواجهونها وممكن عقدتها تنحل لو شفتولها عريس مع تحياتي
سيدتى مش فاهم حاجه مين الوحده دى وصلتها بجوزك ايه عموما لو سيبتى جوزك فى الغربه غلط خليكى بجواره ولاتتخلى عنه وتحملى حتى يعود الى ارض الوطن بالسلامه
معلشي يا اختي مش عارفة اقولك ايه بس
حاولي تتقربي من البنت دي واستحملي علشان خاطر جوزك بس لازم برده هو ياخد موقف منها
قصدي يعني لازم يحسسها انه زعلان وان كرامتك من كرامته وابنك هو اخوها ويمكن لما تتقربي منها وتحاولي تصاحبيها ربنا يهديها ويمكن تيجي من عند ربنا وربنا يرزها بواحد كويس يريحها وتبقى كويسة
المهم قصدي اقولك استحملي علشان جوزك وابنك وبمكن ربنا يجعلك سبب في تغيير البنت دي
قلبي معاكي
اختك في الله
السلام عليكم
كيفك اختي
انا بس مش فاهمة ياريت توضحي مين الوحدة دي دي ساكنة معاكم ولا حكايتها ايه بالضبط
ساعدينا ووضحي علشان نساعدك بازن الله
وقلبي معاكي
اختك في الله
يا جماعه انا نشرت مشكلتى قبل كده وتوقفت الردود لحد معين بس بعد ما فكرت فى البعد نشرت مشكله ابعد ولا لأ الست دى تبقى بنت جوزى ولا يمكن طبعا يسيبها لان محدش قدر يخليها عنده ابدا حتى ستها وجدها عشان هى متعجرفه ومش بتحترم حد وانا استحملتها كتييييييييييير اكتر واحده طبعا جوزها هو اللى استحملها اكتر منا كلنا بس ف الاخر طلقها واتجوز عليها وهى معقده يعنى مثلا لو هى مسافر اسبوع بنكون انا وجوزى على احسن حال وبسمع منه كلام حلو وكمان بقوله واول ما تيجى بينقطع كل حاجه صعب عليه اتحمل والله تعبت ولانى بحب جوزى وابنى كمان عايزه ابعد احسن ما نتطلق
وكمان ابنى بيشوف خناقاتنا وبتأثر عليه وكمان لان لسانها طويل بتهزئنى وابدا محدش يقبل يتهزء وخاصه قدام اولاده وما باليد حيله سبيلى الوحيد ارجع لبلدى واعيش مع ابنى وهو ييجى واحنا نجيله وكده هبقى بعدت عن المشاكل لكن مبعدتش عن جوزى
ااختي الغاليه افضلي جنب جوزك وماتسبيهوش لاي حد كان , ماتحرميهوش من ابنه , ادعي ربنا يبعد منكم الوحده دي وتعيشو بسلام , انا مش عارفه مين الوحده دي بس مهما كان ماتسيبيش جوزك واصبري ان الله مع الصابرين , حافظي على جوزك وابنك وبيتك خليكم عائله وحده متماسكه خللي ابنك يكبر في ظل باباه ومامته , اما الست دي انا مش فاهمه حكايتها , هي ام جوزك او اخته او ايه ؟ المهم لو كانت اي ست ماتسيبيش جوزك ليها . صللي لربنا واقراءي كتاب الله وادعي ربنا بكل اللي انتي عاوزاه بس يكون خير . ربنا مجيب الدعاء ربنا يصبرك يا اختي الفاضله .
السلام عليكم ورحمة الله وبركاته
بسم الله…….لو انتى بتحبى جوزك وبتعزيه خليكى معاه واستحملى لانك كده بتكبرى فى نظرة اما الوححده التنيه دى فهى امر واقع لابد من التعايش معاه ومعاملتها بسياسة حكيمة وليس بمعاملة الحريم وعيشى مع جوزك علشان خاطر ابنك وانك لو رجعتى بلدك ده هياسر سلبا على ابنك………وشكرا
صراحه الكلام مش مفهوم هي مين الواحده دي ويعني ايه مايقدرش يمشيها