مشاكل عائلية

اهلى كسرونى ع كبر

السلام عليكم ورحمه الله وبركاته

انا خلصت من سنه وداخله ف التانيه ومعى اخى خلص ف نفس سنتى يعنى انتين يبحثون عن عمل ف بيت واحد ومشاكلهم تقريبا مش صغيره ولا هى بالشىء الهين او التافهه

كان عندنا حتة ارض ف البلد مكنش لسه طلعلها ترخيص ع حظنا طلعه الرخصه بتاعتها ف نفس سنه تخرجنا ابى اراد ان يبنيها فاعترضنا جميعا وكان مقتنع لحد اخر لحظه لحد ما جيت عمتى وهي اخته غير الشقشقه وقالتله ابنى هو حد لاقى اللى يبنيله او يعمله دلوقتى واهم العيال خلصو يعنى موركش مسئوليه وكمان ناس ابى كلهم ليهم ف المظاهر وضرب الذنب عشان يعملو نفسهم كبار ويجو يحلو مشاكل وانتى عارفين الباقى المهم جه وقالنا انا عايز ابنيها قولناله احنا مش اتفقنا انها مش هتتبنى عشانا احنا الحصاد مش هى متحملناش حاجه احنا منقدرش عليها مصدقنا خلصنا عايزين نشتغل وطبعا تاثير عمتى ظهر ف اللحظه ديه فقلنا استنو المسابقات ان شالله ميت سنه وفعلا بناها ومبقاش يهتم بينا خالص الولد زى البنت مفيش فرق طب الولد ممكن يسافر يشتغل ف اى حته والبنت تعمل ايه تطق مش مشكله

المهم حصلت خناقه كبيره وكل ما يروح لعمتى تقومه علينا انا يمكن اكتر واحده ف اخواتى دفعت التمن لانى الوحيده اللى انضربت منه ولاول مره ف حياتى وحياته يعملها انجرحت اوووووى وحاسيت انه مش دا ابويا خالص اللى ربانى ع العقل والحكمه مش هو دا اللى كنت اعرفه زمان بقى شخص جديد بيتبع كلام اخواته رغم انه عارف انهم بيكرهونا وديما بيحبو يتشمتوفينا

المهم بعدها روحت قعدت عند جدتى فتره ولما رجعت حصلت خناقه تانى لانهم مفهمينو اننا احنا اللى غلط وهو اللى ملاك مبيغلطش ويومها قالى انا واخويا كلمه خلتنى اعيد حساباتى كلها ومديش امان لحد حتى ابويا وامى

قالنا انا مش باقى ع حد حتى انتو وكان اخواته عملوله غسيل مخ

بعدها بقيت متكلمش معاه وكل يوم تقريبا من سعتها بانام باكيه

مش عارفه اسامحه ولا قادره ااذيهم زى ما اذونا وكانو هيخربو بيتنا ولا قادره اعيش ف الجو دا ف نفس الوقت وخاصه انى لسه ملقتش شغل

ياريت تقولولى حل بجد ومتبصوش للمشكله بشكل انها هايفه وفيه اصعب منها بكتيير لانى عارفه دا بس انا عايشه بجد ف نار مش عارفه اخرج منها

وشكرا ليكم

مشاكل وحلول ذات صلة

اضيف بتاريخ: Friday, December 3rd, 2010 في 11:57

كلمات مشاكل وحلول: , , , , , ,

6 رد to “اهلى كسرونى ع كبر”

  1. ابواميرة
    21/12/2012 at 11:08

    يابنتي الاب مهماعمل معاكم يبقا ابوكم له واجب السمع والطاعة والاحترام والتقدير واوصيكم بالبروالاحسان له كماامرناالله عزوجل واوصى به النبي الكريم ومسالة يعطيكم شي من ماله فهذايرجع له وهواللي يحاسبه الله ان كان حرمكم اوقصرمعكم في شي تحتاجون اليه ولايعطيكم الحق في الخروج من البيت اواجباره على شي مايريدفعله وفقك الله وبارك فيك

  2. أيمن سفاجا
    14/12/2010 at 01:43

    حاجه غريبة بقى أنت كنت عايزاه يبيع الأرض ويسرف الفلوس أو يوزعها عليكم يعنى عايزه تورثيه بالحيا ، هو لو كان أنانى كان باع وهنا نفسه بالفلوس لكن هو حرم نفسه علشان يسيب لكم حاجة تنفعكم بعد مماته ، فى الحقيقة أرى أنك مخطئة

  3. المراة القط
    09/12/2010 at 04:51

    السلام عليكم يا اختى ابوك راجل طيب بدليل انه بياخد رايكم وراى اخواته وعاوز يعمللكم الاصلح ليكم وبناء على كلامك عمره ماضربك الا المرة دى فمتستغليش طيبة ابوكى وتعاقبيه على ضربه ليكى هو برده بيحبك انتى واخواتك بس مربط الفرس فى اية بقى انك لما اتكلمتى معاه وانا متاكدة حاولتى تتكلمى معاه وتقوليله لا ولما رفض حاولتى تفرضى رايك عليه ونسيتى انه ابوكى وولى امرك يعنى فيه اصول للكلام معاه وخصوصا عشان ميتجنبش انه ياخد رايكم بعد كده ولا يعمل اللى عمله وياخد راى حد تانى كل شىء بالتفاهم ولو مرضيش يبقى اللى تشوفه يا بابا وان كان حبيبك عسل متلحسوش كله يا اختى وربنا يهديكم يارب

  4. reda
    04/12/2010 at 01:57

    رأيي يوافق الاراء السابقه انت زعلانه ليه من موضوع البناء وهل يتعارض هذا مع انك تشتغلي وانت اصلا ليس لك حق الاعتراض وتسيبي البيت كمان ايه دا يا بنتي وحدي الله وما تبقيش كده….

  5. صلوا على نبيكم محمد (مسلمه
    03/12/2010 at 18:49

    ابوكى مش قاصر او انتى وصيه عليه ابوكى حر فى تصرفاته يبنى او ما يبنى انتى ملكيش دخل هو ليه رايه والمفروض مدخليش نفسك فى خصوصياته وفعلا كلام عمتك صح كويس ان ابوكى بيعملوكوا حاجه ومتخديش كل الكلام بنيه وحشه ان اهل ابوكى مش كويسين بالعكس هما بيتكلموا الكلام الصح وابوكى مش فاقد الاهليه لو مكنشى مقتنع برايهم مكنشى عمل حاجه وبعدين هو انتى عامله نفسك راجل البيت باين عليكى مسترجله اوى وعاوزة تمشى كلامك على ابوكى وكمان زعلانه منه المفروض انك تتكسفى من نفسك

  6. حل
    03/12/2010 at 12:41

    اللي يخرجك من الجو ده انك تلقي عمل يتناسب مع مؤهلاتك وتعتمدي علي نفسك.
    ابوك هو ابوك لو مد ايده عليك برضه حيفضل ابوك والدم عمره ما يصبح ميه
    يبدو ان موقف معارضتك كان الاقوي علشان كده كان ليك نصيب الاسد من العقاب علي المعارضة
    اهو بني ، عيدي حساباتك ولا تخسري ابوك وصالحيهوان قسي عليك.
    انتو برضه لبعض وحا تفضلوا لبعض فلا تدعي اخته تاخذه منكم.
    ربنا يهدي سركم ويوفقكم

اترك رداً أو حلاً لهذه المشكلة