السلام عليكم في الأول
عندي أخ بس من أب تاني قبل ابويا عمره 24سنة مش بيشتغل وتقريبا مش بيعمل حاجة لنفسه خاالص عايز كل حاجة تتعمله وعايش عالة علينا مع العلم ان أمي هي اللي بتشتغل شغلتين وبتصرف علينا لأنها مطلقة من ابوه واتجوزت أبويا واتطلقت والزوجين مش متحملين مشئولية خالص
المهم الأخ ده مما بيركعهاش بياخد ترامادول وبيشرب سجاير وبيتاجر في الترامادول ده وبيجيب مخدرات من حشيش لبانجو معاه البيت أحيانا غير الالفاظ القذرة اللي بيقولها والشتيمة وبيسبنا انا واخواتي وأمي كمان وعادي جدا يتكلم ويقول لما نتخانق ((اهوه ماشي وانا هفضحكم والواحد ساكت ومش راضي يتكلم )) وهو أصلا كذاب والبلوى صح انه احيانا في خناقاته والعياذ بالله بيسب ربنا ويقول كلام لا يليق بالذات الالهية اطلاقا واتخانقت معاه كتير جدا لدرجة اني مش عارفة أحكي ايه ولا ايه من بلاويه ومشاكله وصراحة انا بيطلع أسوأ ما فيه وانا بتعامل معاه ولما بنتخانق بشتمه رغم اني بكره كده جدا وبندم بعدها بس هو بيستفزني باللي بيقوله ومش بعرف اسيطر على نفسي وكذا مرة المشكلة تكبر ونخلي حد من عيلة أبوه يتدخل ولا بيحلوا حاجة خاالص لان العيلة دي كده كتير منهم وسوري في اللفظ مش رجالة أبدا ومعندهمش نخوة
المشكلة اللي بالنسبالي أهم ان امي مش هاين عليها تطلعه بره البيت وكمان بتميزه عننا كتير وكل اللي عايزه بيجيبه وبياخد منها مصروفه وتشتريله هدوم ولا كأنه بيصرف على البيت وحتى لما بيتخانق معاها ويشتمها بتزعقلها وتشتمه واحيانا بتضربه بس مش بيهون عليها وترجع تاني تتكلم معاه عادي جدا وملحوظة هو أكبر واحد فينا وبعديه انا 20 سنة وف كلية طبية واخويا في 3 ثانوي والصغير في 2 اعدادي
ياما انا واخويا اللي اصغر مني عيطنا بسبب تمييزه ليه واحيانا ظلمها لينا لدرجة اننا وصل بينا الحال اننا نقول في مرة هي بتحبه علشان ابوه كان قريبها ومش بتحبنا علشان ابونا عمل معاها مشاكل كتير
واخويا ده بيشتغل وبيدي لامي فلوس احيانا وللأسف اخواتي الاتنين احيانا بيقلدوه في انهم يشخطوا في أمي وما يسمعوش كلامها
وزمان كان سيادته يصحى من نومه يقول اعملولي اكل واعملولي مش عارفة ايه وامي تقول قومي اعمليله علشان مش قادرة وانا ابقى مش طيقاه وهي كانت بتجبرني اعمله علشان متغضبش عليا بس دلوقتي زي ما تقولوا كده قلبي مات ومبقتش بتأثر بكلامها خالص ولا حتى بعبره لما يرد عليا وهي بردو اللي بتعمله كل حاجة وسيادته جايبلنا الفضايح مع الجيران والبلد وكل شوية كان يجيلنا حد يقولنا احنا شوفناه قاعد مع ناس مشبوهة وبيشرب كذا وكذا
غير انه راح اتمسك وراح القسم قبل كده بسبب تواجده في مكان مشبوه ولما كنت في ثانوية عامة كان يفضل يخبط على باب الاوضة اللي بزاكر فيها ويعمل دوشة ويقل أدبه لمجرد انه يزعجني وخلاص وبردو أمي تزعقله وترجع تاني عادي واحيانا كمان كانت تقولي خليها يدخل الاوضة ويجيب اللي هو عايزة وانا اقولها حرام عليكي انا ف ثانوية عامة وعايزة ازاكر
وكذا مرة نقولها اطرديه ومتدخليهوش البيت ده عضو فاسد واخواتي هيبقوا زيوا ويقلدوه لانهمن شايفينك بتسمعي كلامه وتنفذيله طلباته وهي مبتقدرش تطرده وانا خلاص هيجرالي حاجة بسببه وبشمئز منه واللي قلته فوق ده جرعة قليلة من قلة أدبه ولاويه
مش عارفة اتصرف واعمل ايه وبجد فاض بيا ومفيش حد أحكيله ومفيش حد عاقل ف العيلة دي علشان احكمه واخد رأيه
احنا خلاص بقينا بنعصي امنا بسببه وهي بتعامله بردو احسن مننا
الحل بيدكم انتم بلغواعنه الشرطة وهي تقبض عليه واكيدان له سوابق من حيازةسلاح ابيض اوتعاطي حشيش اومخدرات اوتهريب وبكدا ترتاحوا من شره وبلاويه للابد وفي السجن اصلاح وتهذيب لامثاله من المنحرفين وربي يسترعليكم ويهدي الجميع