مشاكل الخطوبة

فترة الخطوبة بتبعد بينا

انا دلوقتي بنت عندي ٢١ سنة.. مخطوبة لابن خالي من ٣ سنين و كام شهر.
اول سنة في الخطوبة كنا مبسوطين اوي و بنتكلم طول اليوم و مهما حصل بينا المشاكل عمرها م كانت بتستمر اكثر من يوم. من بداية ثاني سنة المشاكل كثرت اوي.. قبل م اكمل.. هو حصل عنده مشاكل كتير اوي في الشغل و البيت.. هو حاسس انو مقصر معايا و مع اهلي و اننا اتاخرنا في الزواج.. و دايما حاسس انه مش هيقدر يعملي اللي نفسي فيه.. بس انا عمري م بحسسه ب كده و دايما بقوله ان وجودك جمبي و حبك بالدنيا كلها عندي.. دلوقتي بقي سهل عليه اوي يقولي نسيب بعض و بيجرحني بالكلام ف كل مشكلة و بستحمل عشان بحبه اوي و بفضل اراضي فيه و بعد م تخلص المشكلة و تتحل يقولي متزعليش مني انا من زعلي و عصبيتي بقول الكلام ده.. انا بحبه اوي و متعلقة بيه اوي بس تعبت اوي من ان ف كل مشكلة يقولي نسيب بعض و يفضل سايبني علي اعصابي.. انا فضلت احبه ٦ سنين من قبل م نتخطب نت غير م يلمحلي باي حاجة ولا يديني امل انه بيحبني..
اعمل ايه والله تعبت اوي.. مش عايزه دايما ادافع عن نفسي قدامه.. و مش عايزه في المشاكل يشوفني وحشة اوي كده او اني بصغره او مش مقدراه
المشكلة ان لسة شوية كمان علي الجواز و انا مش هقدر استعجلة.. بس انا عارفة ان كل م بنطول اللي بينا بيدمر اكثر
اعمل ايه و النبي ساعدوني.. انا مش هقر اسيبه و انساه و اكمل حياتي.. هموت من غيره.. انا بعشقة بكل معني الكلمة
ساعدوني

مشاكل وحلول ذات صلة

اضيف بتاريخ: Tuesday, February 10th, 2015 في 10:36

كلمات مشاكل وحلول: , , , , ,

8 رد to “فترة الخطوبة بتبعد بينا”

  1. مجنون نسوان
    14/12/2015 at 23:51

    لوفعلا تحبيه وتعشقيه مثل ماتقولي اصبري عليه وتحملي عشانه اللي يحب لازم يضحي وتناقشي معه بكل اريحية وهدوء بعيداعن الزعل والتوتروالعصبية وربي يجمع شملكم عماقريب ويكتب لكم اللي فيه الخيروالصلاح

  2. ياسمينا
    05/07/2015 at 01:17

    والله انا زايك دلؤقتي باظبط في الاول كان كويس معايا وكل حاجة تعالي شوفي دلؤقتي معرفش ايه اللي حصل بس اللي اعرفه اننا كل يوم بنبعد عن بعض انا المفروض هتجوزة في العيد الكبير مش قادرة استحمل المعامله بتاعته دي خاااااالص ما انه يعلم ربنا انا بحبه قد ايه انا تعبنا اوووووووي ربنا يسعدك ويسعدنا

  3. لمار
    05/06/2015 at 12:17

    والله نفس مشكلتى انا فى فترة عذاب مش خطوبة

  4. الصريح
    25/03/2015 at 02:06

    حاولي تنسيه كل همومك وهو معاكي
    ولو في مره حكالك في المكالمات عن مشاكله
    متنهيش اي مكالمه غير لما تتحسسيه انه استفاد من رأيك
    في المكالمه دي
    ولو شفتيه مهموم حاولي علي قدر الامكان انك متحكيش
    قدامه مشاكلك غير وهو هادي
    يعني ببساطه حسسيه انك مهما عمل انتي بتحبيه

  5. العاشق
    14/02/2015 at 09:52

    اختي ايه العقبات التي تقف في طريق زواجكما ممكن نعرفهالانهامهمة لحل مشكلتك ومسالة انه يجرحك كثيرا ويقولك نسيب بعضاعندكل مشكلة ده غلط لازم تفهميه ذلك وتخليه يبطل اسلوبه وتعامله معك بهذةالطريقة انت بنت ناس محترمةولك كرامةوعزةنفس ماترضيش لحد يهين كرامتك اويجرح شعورك ابدا وماتحلفيش بالنبى صلى الله عليه وسلم من حلف بغيرالله فقداشرك وحبط عمله من حلف فليحلف بالله عزوجل اويترك عنه الحلف وفقك الله وهداك واصلح احوالك ويسرلك كل امورك في هالحياة

  6. جنة
    11/02/2015 at 05:24

    طالما بتحبيه استحمليه وربنا يهدهولك

  7. mostafa
    10/02/2015 at 17:21

    حاولي تستوعبي دماغه و تهدي افكاره لأن دلوقتي اكيد دماغه زحمة بكذا حاجة و انتي من غير قصد ممكن تزحميها اكتر

  8. Soooo
    10/02/2015 at 11:10

    ممكن يكون تأخر زواجه منك وعدم قدرته على تلبيه طلباتك او انه يجهزك هو ده اللي معصبه وهو حاسس بعجزه قدامك
    اصبري عليه واقعدي معاه وناقشيه بهداوه واعرفي ايه اللي مزعله وساعتها أنتي هتعرفي تتصرفي أزاي

اترك رداً أو حلاً لهذه المشكلة