مشاكل الازواج

متزوجة ولا احب زوجي

انا متزوجه من 8 سنين تزوجت وعمري 18 لم احبب زوجي يوما .. تزوجت كهروب ..  زوجي يغار علي لدرجة اني بكرهو كتير

حاولت اتاقلم وامثل عليه الحب بس ابسط شي بيعملو بتنرفز واحكيلو انو ماحبيتو بحياتي من غيرتو الزايده بيمنعني من الخروج مع صحباتي

وكمان الشوبينق ضروري يكون معو وحدا يبص عليه بيعمل مشاكل بس كون بالبيت بيكون مبسوط ومش سايعاه الدنيا بس اكون برا

بيفتح عليا بوابة جهنم انا بكرهو نفسيتي تعبانه كلمتو كم مره مافيش فايده حاسه ان حريتي ضايعه ده ابسط حقوقي ومش عارفه احصل عليها

مشاكل وحلول ذات صلة

اضيف بتاريخ: Friday, November 12th, 2010 في 00:56

كلمات مشاكل وحلول: , , , ,

20 رد to “متزوجة ولا احب زوجي”

  1. نور
    17/11/2010 at 03:47

    احسن شي تقولي لاهلك

  2. شيرى
    14/11/2010 at 12:30

    لو كان حس للحظة انك بتحبيه مكانش يضايقك ويغير عليكى…لازم تحاولى تحبيه وتقربى منه اكتر ..صدقينى هيديكى كل الثقة وهتقل غيرته كتير وهو اللى هيقولك اخرجى مع صاحباتك…الحب يولد الثقة ..الزواج يعنى مودة ورحمة من الطرفين..يعنى حبيه هيحبك ..ثقى فيه يثق فيكى ..قربى منه هتشوفى اللى مش شيفاه وانتى بعيد

  3. أم كريم
    14/11/2010 at 04:20

    أحمدى ربنا غيره زوجك عليكى دليل على حبه وعشقه ليكى لو انتوا بتخرجوا مع بعض لاتنظرى لاى شى واذا عجبك شى اساليه عن رايه كونى خلفه او بجوارة ولا تمشى امامه والطلاق مش حل ربنا يهديكى ويوفقك يااااارب

  4. جمعه
    13/11/2010 at 22:07

    على فكره انتى فى نعمه بس ماتستاهليها وعلى فكره جوزك رجل محترم وأنا بحييه 0 إذا كنتى عارفه إن جوزك بيحبك بتتلككى ليه

  5. ابو حجى
    13/11/2010 at 12:43

    عاملية كما يعاملك وغيرى علية كما يغير عليكى
    تكونوا متساويين والطيور على اشكالها تقع
    صدقينى فهذا ما حدث معى زوجتى غيورة جدا جدا فعاملتها بالمثل فتركت الغيرة وبدات تجر واااااااطى
    اللهم بلغت بس ياريت ما تقراش هذا الكلام احسن اخسر انا

  6. ابو حجى
    13/11/2010 at 12:37

    يا اختى

    غيرته عليكى دليل على حبه ليكى

    واحد حاسس ان عنده جوهره ثمينه ومش عاوز حد غيره يشوفها

    صدقينى اقل البيوت اللى بيتبنى عالحب

    خالى بيتك يتبنى بالدين هتلاقيه مليان حب

    حاولى تقربى من ربنا وطالما جوزك بيحبك وبيغير عليكى قربيه هو كمان لله

    ساعتها هتلاقوا بيتكم سعاده وهنا وهتقل غيرته تدريجيا وهيرتفع حبك له

    صدقينى جربى ومش هتندمى

    ـــــــــــــــــــــــ
    اشارك الغافقى هذا الكلام الجميل فان من يحب يغير فالغير مع الاخوة ولكن الحب بينهم بعد ذلك
    فلا تندمى بل راعى شعورة وكونى صريحة ولبى ما يطلبة ولو مجاملة بهذا مرة على مر تنزرع الثقة فى قلبة من ناحيتك

  7. عمار1976
    13/11/2010 at 12:35

    كوني غيورة على زوجك مثلماهوغيورعليكي

  8. صافى
    13/11/2010 at 01:08

    الراجل لما بيكتب كتابة بيشهد اللة ان يعامل زوجتة معاملة الاسلام فلابد الزوج يفتكر دة
    اما الزوجة والخت المحترمة لازم تعرف ان الزواج محتاج ذكاء والراجل مهما كان سئ لابد ان يكون عندة
    اوجواة شء كويس ممكن بالذكاء والصبر تعملى منة انسان تانى وتبقى كدة كسبتى انك غيرتية وانك تعيشى سعيدة

  9. mona
    12/11/2010 at 21:28

    السلام عليكم يا اختي اصبري معلش علشان اولادك انا حسه بيكي لو اطلقتي هتروحي فين اصبري وربنا هيجزيكيخير ان شاء الله اعتبري انك في الجهاد وربنا معلش ويصبرك وحولي تتقربي ليه اكتر انسي عيوبه شويه اكيد هترتحي اضحكي عل نفسك معلش دي الحياه لاعله هو احسن من غيرة والله اعلم

  10. ♣♥♣ فارس ♣♥♣
    12/11/2010 at 16:48

    بصراحه احيي صلو على نبيكم محمد اول مره اقرالها تحليل دقيق وكمان مش مقتبساه المرادى من احد وبعيب عليها بشي بسيط وهيه بتقول صلو على نبيكم محمد والمفروض تقول نبينا ولا هو نبينا احنا وهيه لا المهم ندخل بموضوع الزوجه بقولها انتى مستهتره جدا ومش حاسه بالمسئوليه لما انتى مبتحبيهوش اتجوزتيه ليه من الاصل وبتقولى اتجوزتيه كهروب الحمد لله انك قلتيها يعنى هو الشخص الوحيد الى انقذك من الخنقه الى كنتى فيها والهروب دا بالذات له الف معنى المهم اتمسكنتى لما اتمكنتى وراجعه بعد 8 سنين بتقولى مبحبكش انتى اصلا متصلحيش تكونى زوجه انتى مستهتره اى بنت بالدنيا بتتمنى تشوف غيره الزوج وبتتمنى تلاقى نفسها برنسيسه وبتتلبى اغراضها وهيه بتجلس بالبيت مكان العفه والطهاره للبنت خدى مثل بسيط بيقولو حمارتك متشحتهاش ومراتك متزورهاش وانتى بقى بالذات دون النساء الى المفروض متزوريش احد اخر شي ارحمى زوجك لانو كل انسان وله طاقه واكيد هييجى يوم وينفجر لو انتى مش طايقاه زي مبتقولى اطلبى الطلاق بشرط تتنازلى عن حقوقك لانى متاكد انو نفسو يخلص من الزل الى بيشوفو منك لاكن خايف يخسر معاه كل شي لاكن لو بتتنازلى عن عن حقولك انا متاكد انو هيطلقك ولا تردد

  11. طارق
    12/11/2010 at 16:06

    اخوانى هذة السيدة فعلا بتعيش فى عذاب اولا الرجل الذى لايثق فى زوجتة يطلقها انما فى حب حقيقى + رومانسية والاهم فى الثقة اكيد هيحترم رائيها واظن اى سيدة او بنت من حقها تعمل شوبنج والزوجات ليس حيونات يحبسن ولاكن لازم الازواج يعطى للزوجة الحق للفسحة والحروج للشوبنج وان لم تجد الثقة فاكيد هيبقى البيت فى جحيم نحن فى 2010 افهموا وهية ان ضاقت بها الخناق فعليها ان لا تستمر وتخلع هزة الوحش وربنا يهدى سرهم

  12. سوري بالسعودية
    12/11/2010 at 11:17

    السلام عليكم انا ما رح احكي لا كم كلمة
    (اتقي الله بنفسك وزوجك واولادك ان وجدو وان ترديدي غير ذالك اطلبي الطلاق

  13. Sad_prince
    12/11/2010 at 11:06

    السلام عليكم
    الاول لابد ونعرف فين المشكلة ونحددها علشان نعرف حلها
    مشكلتك غيرته عليكى وعلشان كدة بتكرهيه ولا دى ستارة وانتى كدة كدة بتكرهيه
    الغيرة مطلوبة ولابد نفرق بين الغيرة وعدم الثقة بس انا شايف انى مقدرش اديلك حل لان انتى مش مديالى اى معطيات اقدر ابنى عليها الحل لانك بتقولى غيرة طيب ما هى غيرة ولا قلة ثقة بتحسى بب منه ولا لا فى شك منه طريقة المعاملة اتمنى انى اعرف اكتر عن الموضوع علشان اعرف اقولك حل مقتنعة بيه

  14. حسين
    12/11/2010 at 03:49

    سلام عليكم يا اختى احمدى ربنا ان فيه حد بيغير عليكى وحاولى تحبيه وشويه شويه هتمشى الامور

  15. الغافقى
    12/11/2010 at 03:38

    يا اختى

    غيرته عليكى دليل على حبه ليكى

    واحد حاسس ان عنده جوهره ثمينه ومش عاوز حد غيره يشوفها

    صدقينى اقل البيوت اللى بيتبنى عالحب

    خالى بيتك يتبنى بالدين هتلاقيه مليان حب

    حاولى تقربى من ربنا وطالما جوزك بيحبك وبيغير عليكى قربيه هو كمان لله

    ساعتها هتلاقوا بيتكم سعاده وهنا وهتقل غيرته تدريجيا وهيرتفع حبك له

    صدقينى جربى ومش هتندمى

  16. صلوا على نبيكم محمد(مسلمه
    12/11/2010 at 02:53

    عاوزه اقولك حاجه كمان حاولى تحبى زوجك بصراحه شكله رجل كويس وبيحبك وبيستحمل غضبك وبعدين الصنف ده بقى قليل هذا الزمان لان فى رجال كثير يحملون لقب رجل وهم ديوث معندهمش نخوه ولا غيره على زوجاتهم يعنى زوجك رجل محترم

  17. صلوا على نبيكم محمد(مسلمه
    12/11/2010 at 02:47

    طبعا لازم يغير عليكى لانه مش حاسس بالامان معاكى واكيد حاسس بمشاعرك ناحيته اللى بتظهريها اول ما بيحصل مشكله بينك وبينه وبتقولى له انا عمرى ما حبيتك عاوزة يطمئن ليكى اذاى وهو عارف بداخله اك مش بتحبيه وممكن مع اول معاكسه لاى واحد قلبك يميل حتى ان لم تبدى ذلك لانك ما بتحبيهوش وبصراحه لو كنتى بتحبيه كنتى فرحتى بغيرته عليكى لانها دليل حبه لكى وخوفه عليكى لكن غيرته الشديده حاسس انك باتكرهيه

  18. احمدعبده
    12/11/2010 at 01:58

    انصحك بصبر انكان بينكم اطفال وان لم يكون فعليكى ان تقولى له الحقيقه

  19. طبيب جراح
    12/11/2010 at 01:37

    السلام عليكم اختى الكريمة ازاى كان هو بيحبك وبيغير عليكى حاولى انك تحبيه وتتلمقى عليه لانى الحب بيجى بعد الزواج لانى انسان انتى اقعنتى نفسك ولو مؤقتنا انك بتحبيه من يوم الدخلة اول يوم اتقفل عليكى باب واحد مع انسان غريب هو ده الاحساس بالحب الصادق موضوع الغيرة حاولى انك تتناقشى معاه فى الموضوع المناقشة حل ايضا اذا كان انسان متعلم ومدرك لاؤمر الحياة .
    واتبعى قول رسول الله صلى الله عليه وسلم «لو كنت آمراً أحداً أن يسجد لأحد لأمرت المرأة أن تسجد لزوجها» تخيلى اختى الكريمة هذا الحديث جيدا ولكن اقولك لكى الغيرة فى الرجل ليس عيبا لو كاان مش بيغير عليكى كنتى بردو هتكرهية لكن من طباع الرجل الشرقى انى يغير على اهل بيته غيرة عمياء من حكم انك زوجته وحبيته واخته وامه فى وقت واحد
    ارجو ان يكون راى المتوضع افدك
    وشكرا لكى

  20. الحب المستحيل
    12/11/2010 at 01:04

    غيرتو عليكي بسبب حبه ليكي وانت لم تبادليه الحب لانك تزوجتيه هروب من قيود اهلك اتقي الله في زوجك واعطي نفسك فرصة انك تشوفي مميزاته لان الشيطان عما قلبك عنها

اترك رداً أو حلاً لهذه المشكلة