انا طالبه فى الشهاده الاعداديه وان شاء الله طالعه اولى ثانوى ومن كام يوم طلعت نتيجة امتحانات الشهادة الاعدادية انا كنت جايبه فى الترم الاول 115 بس بابا وماما مش زعلوا ومش قالولى حاجه لانى بجد عملت الى عليا انا مش كنت شايفه كدا لكن هما وكل الى حوليا كانوا بيقوللى ربنا هيعوضك فى الترم التانى لانى المجهود الى عملته يستحق اكبر من المجموع كدا بكثير ولما دخلت الترم التانى عملت مجهود اكبر وبابا بيذاكر معاايا وعارف مستوايا وكنت دايما بيقولى انتى بجد مذاكره متخافيش ودايما فى الدروس انا مميزه جدا والمدرسين كانوا بيقوللى انتى مش هتقلى عن 95 فى الميه بس انا كنت حاسه ان تعبى هيروح وكنت فى المدرسه بتعامل مع الاخصائيه لانى بجد كنت مدمره نفسيا ولما طلعت نتائج الشهادة الاعدادية الترم دا جبت 244 من 300 ولقيت نفسى قاله فى مواد انا كنت مذاكرها كويس جدا لحد النهارده بابا وماما مش قالولى حاجه بيبينولى انهم فرحانين بس زميلهم فى الشغل اولادهم جايبه درجات حلوه وبيقولى برافوا وبيحولى يحسسونى بالنجاح انا كل يوم بعيط ومش عارف استمتع بالاجازه خالض وربنا الوحيد الى حاسس انى بجد تعبت وانا خايفه ان الثانوى العام مش يقبلنى وانا مدرستى حكومه بس بتأخد من تنسيق ليها خايفه مش اتقبل فيها تبقى كارثه لانى بابا تعب لحد لما دخلت المدرسه دى
ياريت الى عندوه تعليق على كلامى يقولى اعمل ايه او اتعامل ازاى مع نفسى انا عارفه انى كترت عليكو شكرا
مشاكل التعليم الاعدادي
ربنا خذلني في نتيجة امتحانات الشهادة الاعدادية
اضيف بتاريخ: Wednesday, June 27th, 2012 في 22:03
كلمات مشاكل وحلول: الاعدادية, الشهادة الاعدادية, نتيجة
اختى عنوانك ده اكتر من مصيبه وبسبب العنوان ده ربنا مبخزلش حد امل انه جايب 225 ودخلت ثانوى
خير ان شاء الله .. أبشري
أولا : جزاكم الله خيرا علي سعيكم دة واهتمامكم المتزايد بالدراسة وحبكم للعلم والتميز
ربنا يثبتك ويوفقك اكتر واكتر
ثانيا : دة ابتلاء من ربنا سبحانه وتعالي بسبب ذنب مثلا
ممكن تكوني عملتي اللي عليكي طول السنة ولكن قصرتي في حق ربنا ..
كسلتي في الصلاة .. زعلتي حد منك مرة … حاجات من دي .. لبستي بنطلون مرة
ركزي في دراستك وان شاء الله ربنا هيعوضك خير .. المهم تكوني قريبة منه وتطيعيه زي ما أمر
لا ياحببتى اهم حاجة الثانوى انا كنت جايبة فى 3 اعدادى 270 روحت اولى ثانوى وكنت متوقعة انى اقل طبعا لكن الحمدلله جبت 295ونص زدت كتير جدا عشان المزاكرة وجبت فى 2ثانوى 98 متخافيش ومتزعليش كل حاجة مقدرة ومكتوبة وان شاء الله ربنا يقدملك اللى فيه الخير اهم حاجة بس المزاكرة
انا بنت برضو داخله اولى ثانوى بجد ياجماعه ماتزعلوش انشاء الله كلكو داخلين ثانوى ماتقلقوش والله المجموع دا ممكن يكون سبب انكو نقصتو فيه الضغط النفسى وماتخلوش حاجه تأثر عليكو عموما انا مجموعى (295)من (300) انا اه مانقصتش كتير يعنى 5 درجات بس والله انا حاسه بيكى وبكل اللى زعلان وربنا بيبقى له حكمه فى كل حاجه
انا جايبة 195 من 300 و تنسيق الثانوى العام من 225 مش عارفة بجد اعمل ايه و انا نفسى ادخول ثانوى عام
لا ان شاء الله هتقبلي في ثانوي لان السنه دي هياخدوا من مجموع قليل * انا قدك في ثالته اعدادي والمجموع بتاعي 282
خلي بالك كلمة (ربنا خذلني في نتيجة امتحانات الشهادة الاعدادية) دي حرام جدا ربنا مبخذلش حد بس ليه حكمه في كل أقداره يعني بلاش كل فشل أو مصيبة تحصلنا نحطها علي ربنا دي طريقة الفاشلين بس واسف علي لو كان الكلام قاسي بس هي دي الحقيقة
مجموعك اكيد هيدخلك ثانوية عامة ومرتاحة كمان انا كنت جايبة اقل منك ودخلت ثانوية عامة والحياة كمان مش هتقف عند مجموع او اي شيء اخر وانشاء الله ربنا يوفقك