انا بنت عندى 18 سنه ورايحة اولى جامعة بس طبيعتى اجتماعية وعندى اصحاب كتير حتى لما اختلفنا فى الكليات وعرفنا اننا مش مع بعض برده لسه بنكلم بعض زى الاول واحسن كمان.المشكلة ان عندى فى البيت حاسين ان انا مزوداها شويه فى الطلوع معاهم والكلام فى التليفون وزياراتى ليهم مع ان انا حاسة ان انا بجد مكتومة جدا ومش بطلع وان المفروض انى اطلع اكتر من كدة يعنى انا بقالى شهرين ونص مخلصة الامتحانات ورحت لأصحابى وطلعت معاهم سبع مرات بس فى الفترة ديه انا حاسه بجد انى مخنوقة وهم حاسين انى بطلع كتير وعلى الرغم من انى بطلع كتير مع اخويا او اختى وبروح لجدتى معاهم وبننزل كتير نشترى حاجات انا واختى او اخويا الا انى مش بعتبر ان ديه فسحة يعنى عادى وفى البيت بيقولوا ان انا كل يوم تقريبا بطلع يعنى مش مكتومه ولا حاجه بس انا شايفة انى خروجى علشان اشترى حاجات ده مش خروج وزيارة قرايبنا برده مش فسح عادى يعنى وبعدين اخر مره قعدت مع صاحبتى اربع ساعات ورجعت وبعدين حسسونى ان انا اتأخرت وقعدت بره كتيراوى وانى كده مزوداها…أنا عايزه اعرف انا صح ولا غلط مع العلم بان اصحابى دول بنات محترمات جدا وان فى البيت بيبقوا عارفين انا عند مين من صحباتى وساكنه فين بل انهم كمان عارفين اغلب اصحابى معرفة شخصية ارجو الرد …….وشكرا
من وجهة نظرى الشخصية 7 مرات فى شهر ونص حاجة عادية وواضح انك من ناحية نوعية صحباتك و معرفة اهلك بيهم واحترامهم ان شخصيا مش لاقى حاجة اقول عليها غلط .. وضع طبيعى جدا واعتقادى ان اهلك بس بيخافو عليكى بس مش بيظهرو خليكى رحيمة بيهم مهما ظهر عليهم الزعل ..
شوفي يابنتي انت فتاة شابة 18سنة يعني صرتي في سن الزواج ومن حق اهلك يخافون عليكي ويحاسبوكي على تصرفاتكي وافعالك المعيب في البنت كثرة خروجها المستمر من البيت سوا كانت رايحة لصديقاتها اولزيارة اقاربها وهذا يقلل من قيمتها وقدرها بين الناس لاتخرجي الا للضرورة الشديدة وتكوني محتشمة وملتزمة من حيث اللباس والشكل ولاتتاخري عن العودة للبيت الفتاة التي تخرج من بيت اهلها مع صديقاتها وتسهر لاخر الليل تكون عرضة للانتقاد وكلام الاخرين واولهم الاهل نعم انت فاهمة مبدا الحرية غلط ولازم تعرفي ان الحرية مش انك بتعملي كل حاجة انت عاوزتها دون مراعاة للاعراف والتقليد والمبادى اللي تربيت عليها واهلك علموك اياها احرصي على اختيار الرفقة الحسنة من الصديقات والابتعاد عن رفيقات السوء وعدم الخروج من البيت الا بمعرفة الاهل ولاتكثري من السهر خارج البيت فالفتاة بيتها جنتها وصونا لها ولشرفها وكرامتها وسمعة اهلها والله يصلح حالك ويسترعليك وكل البنات اللي زيك