مشاكل الحب

ادمان الترامادول والاكتئاب بعد ما سبت الشغل

انا مشكلتي دي بدأت من سنه 2011 عندي مشكله كنت شغاله في بنك كبير وبعدين حصلت ظروف ليا تركت الشغل وبعد كدا اضطريت اقعد في البيت بس انا كنت باخد اقراص ترمادول ولحد الوقتي الموضوع كبر لان الاول كان عندي دخل والوقتي لاء واهلي هما اللي بيصرفو عليا علي فكره انا بنت مش ولد الاول كان عندي دخل كبير كنت انا اللي بساعد ف البيت كمان الوقتي للاسف المشكله كبرت واصبحت من غير شغل وكمان باخد فلوس من البيت وابيع حاجات من ورا اهلي انا واللهي العظيم غصب عني الزفت اللي ادمنته ده هو السبب اللي خلاني اعمل كدا اصلن الاكتئاب اللي عندي اني سني 35 ولحد الوقتي لا اتجوزت ولا حصل لي اي جديد ف حياتي اضطريت الجاء للسكه دي انا نفسي ابطل ومش قادره حاولت ابطل قبل كدا وفعلا بطلت شهرين ورجعت له تاني عشان جالي اكتئاب فظيع اوي بعد ما بطلته خللاني افوق وافكر اكتر في مشاكلي عشان كدا رجعت له تاني انا الوقتي اهلي بيشكو فيا وبعدين انا عاوزه اتخلص من القرف ده ومش عارفه اعمل ايه الموضوع وصل كمان اني مديونه لناس كتير وكل يوم بيعدي مفيش جديد ولا عارفه اشتغل ولا عارفه ابطل واهلي لما باجي انزل بيضايقو وبيشكو فيا اعمل ايه ف الحاله دي انا بجد تعبت جدا

مشاكل وحلول ذات صلة

اضيف بتاريخ: Tuesday, September 19th, 2017 في 09:09

كلمات مشاكل وحلول: , ,

3 رد to “ادمان الترامادول والاكتئاب بعد ما سبت الشغل”

  1. زهرة النيل
    19/09/2017 at 23:56

    ربنا معاكى ويبعدك عن السكة دى ويتوب عليكى
    طالما مش بتعرفى تبطلى لوحدك فى فى اماكن بتعالج ببلاش ودى تبع الحكومة روحيها واكيد فى سرية وعلشان ظروف اهلك وكده حاولى تروحى وتيجى مش تفضلى ف المستشفى بس الموضوع ده لازمله ارادة منك وربنا يستر عليكى ويشفيكى

  2. ابوالبتول
    19/09/2017 at 20:43

    انت مع الاسف اقولها لك بانك فتاة ساقطة وبلا ******** وكمان بلاعقل ازاي تتعاطي البلاوي دي مثل الترامادول ومش عارفه انه نوع من الادمان زي المخدرات تماما كلدا حصلك بسبب رفيقات السوء اللي انت ماشيه معهن وعلموكي طريق الانحراف بتعاطي تلك السموم والبلاوي واصبحت في هذى الحالة من الاكتئاب والقلق ومكروه من كل الناس المحيطين بك عاوزه تتخلصي منها عليك المبادرة اولا بالتوبة الصادقة مع الله عزوجل والاستغفار وقطع علاقاتك مع رفيقات السوء نهاية وللابد والاقلاع عن تناول وتعاطي تلك البلاوي وتكون عندك العزيمة والارادة والرغبة الصادقة في الاقلاع عنها للابد والثقة في نفسكي امرها مطلوب جدا وماتاخذي من احدفلوس علشان الزفت اللي تتعاطيه والعلاج فورا من تلك السموم واخبار اهلك بماحصل لك عشان يساعدوك في العلاج وتقربي من ربنا اكثر بالمحافظة على الصلاة في وقتها وقراءة القران والصوم والالتزام بتعاليم الدين والبعد عن المحرمات والمعاصي واجتنابها وتاكدي ان الله مايغيير بقوم حتى يغيروا مابانفسهم وترجعي احسن من الاول ويتصلح حالك وتلاقي كل الخير والرضا والسعادة طوال حياتكي

  3. ابوعبدالله
    19/09/2017 at 11:00

    لاحول ولاقوة الابالله
    اختي شافاك الله ودفع عنك كل ضر وبلاء
    حل مشكلتك بامرين
    اولا / التوبه الصادقة من القلب لله بعدم العود لها والندم على مافات وكذلك تسالي الله الستر والغافيه
    ثانيا / ان تخبري ولي امرك اي كان والدك اواخيك الكبير اووالدتك حتى يساعدوك في العلاج
    وحتى لاتقعي فريسة للمروجين
    وليس لك الاالدعاء واشغال وقتك بالصلاة وحفظ القران
    لاتتحرجي من طلب المساعدة من والديك ليساعدوك على تعافيك من هذا البلاء
    فكلنا خطاؤون وخير الخطائين التوابون
    اللهم اشرح صدرها ويسر امرها

اترك رداً أو حلاً لهذه المشكلة