و الله السالفة و ما فيها .. انه عندي طموح باني اجرب العالم بنفسي
من كل النواحي ان كان اقابل ناس اساعد او اجوف حضارات و غيره
يعني مجرد اني افكر فشي قلبي يدق بسرعه من الحماس .. هالطموح من كنت
13 سنه اني اكمل دراستي برع او ادرس هني و اكمل برع بس الوالده كانت
مب عايبتنها الفكره .. عادي كنت اقدر اقنعها بس المهم..
هو ما في شي يمنعني او امكن فيه … ف هالفترة بدا هالشي يعني
ايي فبالي وايد يعني كيف:-
” ابه اروح الحين بس كيف .. و اخواتي من بيجوفهن و جيه”
مع العلم انا عايشه فالامارات و عمري 20 سنه ما خلصت ثانويه موقفه
ف حادي عشر و كنت عايشه مع الوالده قبل لا تتوفى ف 2010
الحين انا ويا ابوي الله يستر عليه و يهدي و انا انسانه المسؤوله و لي كلمة فالبيت .
ابوي عادي عنده اي شي اكمل برع داخل شو اشتغل شو تخصصي او اي شي
ابوي من النوع المنفتح الحمدالله بس فصح .
المهم
كنت اقول فخاطري امكن لاني انسانه ما عندي شغله او فيني فراغ
فقلت بجوف الاشياء الي اتخليني افكر انها هي السبب
“ابوي ،الصلاة،اخواتي،وقت الفراغ،الحب و غيره”:-
1.مشيت مع ابوي فصح و فالغلط و هو مايتغير
2.شغلت بالي فصلاة و القران ما نفع > لاتتضايقون بس هالي ستوا
3.انشغلت ويا اخواتي و فدراسه ما نفع
4. مليت من الروايات و الكتب العلميه و الانمي و الافلام
5.انشغلت فالحب :/ … خرط شغل افلام كلهم كذابين _!_
هذا على مدا ثلاث سنين المهم بعدني احس بفراغ كبير ..
شي الوحيد ال ماسويته هو اتبع حلمي فقلت امكن هو ؟_؟
اريد ابتعد و اعيش حلمي بس كيف ؟
حتى تيني افكار انه اخلي ابوي يتبرا مني قانونيا
عسب اعرف اتحركك و اخلص و اروح عنهم بشكل اسرع .
هو تبون الصدق انا ما عرف شو مشكلتي و لا اظن انه عندي مشكله بس
ابه اعرف شو سالفتي بظبط .. كل واحد وله حلمه صح ؟ امكن حلمي غلط هههه امكن
فكرتك غلط في غلط
ما فكرتي باخوانك وكيف انهم يشتاقون لك ويفكرن ليش راحت ويقلدونك
ما فكرتي في ابوك اللي راح يتألم اذا تبرى منك قانونيا ماراح تقدرين وتتبرين منه دينا لان هذا ابوك بكلمه نصيحتي منك تخيلي لو مارضى عنك في الدنيا وش تسوين في الآخره
مثل ما صبرتي في السنين اللي قبل راح تقديرين اللحين خليك حبه حبه في تحقيق حلمك ليش العجله …