مشكلتى ببساطه ان لى اخوين تعبانين نفسى ( واحد تعب وهو فى الكليه والتانى مخه صغير زى الاطفال وقصر على اخويا ) انا كاتب كتابى والحمد لله وفرحى قرب وابويا ساعدنى فى حاجات كتير لكن انا نفسى اشترى كلب بحيث يبقى كصديق ليا لان ظروفى الاجتماعيه زى ما قلتلكم وعلى طول مشاكل وتوتر والحمد لله احنا عايشين فى بيت ملكنا والسطح فاضى وقولت لابى انا هتحمل كل مصاريف من شراء الكلب واكله وكله ولكن التحكم اللى هو فيه ولا كانه حاسس بيا حتى قولتله مره هنتحر انت ليه بتعمل معايا كده ولا فرقت قالى روح انتحر ومواقف كتير بحس انى ولا فارق معاه ولا حتى امى
ياريت تنصحونى بايه لانى بجد تعبت من التحكم لانه من ساعت ما رجع من السعوديه وهو بيتحكم فيا ومش مراعى ظروف خالص كانه عايز يتعبنى .
اريد النصيحة فى هذه المشكلة
ياريت نفهم انك انت ومالك لابيك
سمعا وطاعه هى اللى تقال واكيد ابوك رافض عشان عارف ان انت اكيد مخك زى اخواتك
ومتزعلش من صراحتى اكيد انت عايز تنتحر عشان اهطل
وفى الاخر مش هقولك غير كلب يجرك عشان عايز تنتحر عشانه
وشكرا
اولا يااخي تربية الكلاب محرمة ولاتجوز الا للضرورة القصوى كالحراسة اولراعي الاغنام اللي يخاف على غنمه من اللصوص او الضياع فلازم تحترم رغبة ابوك وتعرف ان اللي يقوله هو الصح وتحرص على ارضاءه والسمع والطاعة له والبروالاحسان اليه حتى ربنا يرضى عنك ويوفقك في حياتك ربنا يهديك ويصلحك ويسترعليك