انا من الاسكندريه اعطانى ربنا صوت جميل وحلو وشجى اكتش فيا الموهبه والدى ووالدتى وانا عندى 9 سنين وانا بدندن مع نفسى وقالولى ربنا يوفقك اما تكبر وتكون مطرب وبقالى 11 سنه مستنى الحلم يتحقق اتصلت بشركات انتاج كتير قوى منهم عالم الفن و فرى ميوزك و هاى كواليتى و جود نيوز فور ميوزك و توب ميوزك وكل مكالمه بتكون نهايتها احنا وقفين الانتاج او سجل صوتك على سى دى وهاتو عندنا واحنا حنسمعه وانا خايف اسافر مصر لاى شركه من دول علشان محسش ان سفرى زى قلته قولولى اعمل ايه من فضلكم واشكركم جزيلا اخوكم هيما
هموم الشباب
موهوب ومستني فرصة حقيقية
اضيف بتاريخ: Friday, August 18th, 2017 في 22:23
كلمات مشاكل وحلول: الاسكندرية, الشباب, شاب, مشاكل الشباب, مصر
ياابني دام ربنا انعم عليك بجمال الصوت فليه ماتستغل ده في الخير وصلاح دينك ودنياك وتكون من قراء القران الكريم المشهورين وتحفظ القران من خلال احد المدرسين في الجامع وتستمر في المدوامة على حفظه حتى تختمه وتحصل على اجازة من المشائخ الكرام وتكون من اهل القران ومن الذين اكرمهم الله بحفظه وتلاوته والفوز بالجنة اما الغناء فهو حرام وكسبه حرام في حرام وهو من اللهو ومن عمل الشيطان لاجل يفسد على الناس دينهم ويشغلهم عن طاعة الله وعبادته اتمنى لك الهداية والاستقامة وصلاح حالك ويسترعليك ويبعدك عن طريق المحرمات والمعاصي والذنوب ويعصمك منها ويتوب عليك انه ولي ذلك والقادر عليه