هموم الشباب

أعمل إيه و أنا مش عندي اصحاب

السلام عليكم…..
مشكلتي في كلمتنين: مليش صحاب ….!
مش عارف أكون صداقة..
لو كونت صداقة مع حد… , الصداقة بتعيش للحظة واحدة.., و لو طالت بتكون كام يوم و كل واحد بيروح لحاله !
مع العلم إني في جامعة.,
يعني في المكان اللي المفروض الناس فيه بتصاحب ناس جديدة كل يوم..,
و اما بتكلم مع حد عشان اتعرف عليه.. بحس انه من جواه بيقول : “انا لا اعتقد اننا سنصبح اصدقاء”.. – “انت لا تصلح أن تكون صديقي” !!
و لما بتعرف على حد بلاقيه بيرد على قد السؤال و بعدين بيسيبني و بيروح لأصحابه,,
اما بكلم واحد و باعتقد اننا خلاص بقينا صحاب يعني نقدر نخروج سوا و نتصل ببعضنا و نطمن على بعض ,,
و نفس الشخص ده بيتعرف على واحد تاني… الاقيهم بقوا الاتنين صحاب اوي مع بعضهم, و هما الاتنين ينسوني..!
حتى الناس اللي اعرفهم في الدفعة بتاعتي., كلامي معاهم بيكون في حدود الدراسة و بيكون كلامهم معايا على قد السؤال مش أكتر.
أنا حاسسبنقص شديد جدا لأني دايما لوحدي…,
مفيش حد مهتم بيا ولا بيسأل عليا..,
– المشكلة كمان ان انا نفسي الاقي صاحب , و في نفس الوقت عارف و متأكد إن كل الناس اللي مصاحبين بعض في الجامعة دول بعد اما يتخرجوا هينسوا بعض و ولا واحد فيهم هيسأل في التاني, و هما مصاحبين بعض عشان يخففوا عن نفسهم من هموم الدراسة و المذاكرة و متاعب الدنيا !!!
عشان كدة انا شايف ان مشكلتي معقدة.
و انا من ناحيتي والله العظيم والله لما بكلم حد بتكلم معاه بكل ذوق و احترام و بطريقة مهذبة,
و لما بحاول اتعرف على حد بتكلم معاه كويس جدا.. بطريقة لو جه حد يتكلم معايا بيها و عايز يصاحبني انا هقبل صحوبيته من غير تفكير و هرحب بيه و بأدبه .., وانا والله لما كان ليا صخاب قبل كدة كنت براعي ربنا فيهم و بسأل دايما عنهم و بحبهم و بخاف عليهم..,
عشان كدة انا حاسس ان مشكلتي معقدة.

بالله عليكم ساعدوني لأني زهقت من فسي و من الناس و مش عارف اعمل ايه.

مشاكل وحلول ذات صلة

اضيف بتاريخ: Tuesday, January 6th, 2015 في 06:25

كلمات مشاكل وحلول: , ,

2 رد to “أعمل إيه و أنا مش عندي اصحاب”

  1. محمد فوزى
    17/05/2015 at 01:24

    بس يا سيدى دة مش مشكلة انت واخدها من ناحية ان انت تعرف اصدقاء و تتصلوا ببعض فدى ممكن يعنى لكن مش لدرجة انك تبقوا على تواصل على طول هو انتوا مخطوبين يعنى و لا متجوزين ثانيا حوار بعد ان ماتخلص الكلية هينسوا بعض فدة ممكن يحصل انا نفسى كان ليا اصحاب فى الكلية و بعد الكلية و دخول الجيش فى ناس كتير منهم لا بقينا نتصل ببعض و لا نكلم بعض من الاساس و لا اية حاجة بس هى الصداقة الكويسة ممكن تلاقيها ان شاءالله بس يكون اصحاب كويسين اخيار

  2. mostafa
    06/01/2015 at 18:44

    هو جايز المشكلة انك بتدور علي صداقة و كل الناس اللي بتتعرف بيهم عاوز تنتهي علاقتكم بصداقة , في حين انك لما بتلاقي مفيش استجابة هتحس باحباط و ضيق و ان في مشكلة و ان يا اما الناس دي غلط يا اما انت اللي غلط
    في حين ان الحقيقة المفروض تغير وجهة نظرك من الاساس حاول تعامل كل الناس اللي معاك كأنهم جايين يفتحوا حساب في البنك كل واحد شوف هو قدملك ايه و ردهاله بحاجة احسن و اللي انت قدمتله حاجة كويسة سألت عليه مثلا او اهتميت بيه استني ان هو يسأل عليك تاني عشان تديله حاجة كويسة أكمتر , زي مثلا تسأل عليه أكتر أو تهتم بيه أكتر بس اكتر بشوية مش تفتح علي الاخر و تقول هو ده الصديق
    لو عملت كدة هتلاقي نفسك علي معرفة بناس كتير جدا و في من الناس اللي تعرفهم دول اصدقاء مميزين و انت كمان هتبقي مميز بالنسبة ليهم
    و متحبطش نفسك و لا تضايقها

اترك رداً أو حلاً لهذه المشكلة