اسرار البنات

امي تشك فيا واخاف من مصارحتها

انا بنت عندى 17 سنه وفى 2 ثانوى
مشكلتى ان انا مش متافهمه مع والدتى خالص ومش برتاح معاها فى الكلام ساعات بحس انها مستهتره جدا بكلامى يعنى مش بتهتم بكلامى وانا مش بلاقى فرصه ان اتكلم معاها فى اى حاجه
المهم: ان انا يعتبر وحيده لان انا عندى اخ اصغر منى معاق فبحس دايما بالوحده مع ان ليا صحاب كتير جداااا بنات بس كنت دايما بحس ان محتاجه لحضن اخ اكبر منى يفهمنى فاتعرف من سنه ونص تقريبا ع واحد محترم جدا واخدته ليا اخ وهو كمان اتعبرنى اخته ولحد دلوقتى احنا الحمد لله صحاب واكتر من اخوات انا اتعرفت عليه من ع النت وبكلمه احيانا فى الموبايل فبجد هو الوحيد اللى بحسه انه اخويا بجد وبيفهمنى فى مرة وانا بكلمه فى الموبايل ماما سمعتنى وسالتنى مين قولتها الحقيقه طبعا لان مش من طبعى الكدب قولتها ان ده زى اخويا وهو طبعا مش اقتنعت بكدا ودى حاجه انا كنت متوقعاها منها وبدأت تشك فيا وانا بتخنق جدا من الشك ده وانا شايفه ومقتنعه ان اللى انا بعمله ده لا هو عيب ولا هو حرام لاننا بجد اخوات اخرنا اننا نتكلم موبايل يعنى ولا عمرنا خرجنا ولا حاجه وبعدين انا مثلا لو كنت بحب واحد مقدرش ان اتكلم معاه من ورا اهلى لكن ده اخويا . المشكله بقا دلوقتى ان انا بحب واحد عنده 20 سنه وهو بيحبنى بجد وبرضو عرفته من ع النت وهو طلب منى ان اقول لمامتى واخليها تكلمه لان هو قالى ان ماينفعش يرتبط بيا من غير ما حد من اهلى يكون عارف فانا مش عارفه اقولها ولا لا وايه هيكون رد فعلها وانا مش عايزاها تفقد الثقه فيا لان بكره كدا اوى بالذات الشك ده
ياريت تقولولى اعمل ايه
واسفة ان طولت عليكم

مشاكل وحلول ذات صلة

اضيف بتاريخ: Sunday, December 4th, 2011 في 04:00

كلمات مشاكل وحلول:

47 رد to “امي تشك فيا واخاف من مصارحتها”

  1. ابوالبتول
    24/07/2017 at 08:41

    يابنتي ربنا يصلحك ويهديك كل هذة التصرفات مرفوضة تماما مافيش صداقة ولااخوة بين فتاة وشاب دي كلها اوهام شيطانية تقع فيها الكثير من البنات مع الشباب وينتج عنها مالايحمد عقباه من هتك الاعراض والشرف وجلب العاروالفضائح للبنت ولااهلها بين الناس هل تريدي ان يكون حالك هكذا وسيرتك وحشة وسط الناس ويقولون عنك كدا وكدا امك معها كل الحق فيما تقوله اوتعمله معك لازم تسمع كلامها وتطيعها وترضى الله عزوجل فرضا الام من رضا رب العالمين والجنة تحت اقدام الامهات وصدقيمى مافي احن ولاارحم بك من امك اللي تخاف عليك ويهمها مصلحتك وسعادتك اسمع كلامها واوعي تخرجي عن شورها او تكسري كلمتها عشان ربنا يبارك فيك ويوفقك طوال العمر ويسر لك امورك كلها وبادري فورا الى قطع علاقاتك مع هذا الشاب اوغيره نهايا وللابد وعاهدي الله عزوجل بانك توبت اليه ولن ترجعي للكلام مع هولاء الشباب الفاسدين الساقطين وبوسي راس امك ورجليها واطلبي منها السماح والرضا عنك وخليها تدعي لك فدعاء الام مستجاب عندالله عزوجل وربنا بيكرمك بكل الخيرفي حياتك وهتلاقي ابن الحلال الصالح اللي يطرق بابكم ويخطبك من امك وتلاقي معه الخيروالسعادة والهناءوالاستقرار في حياتك والله يوفقك ويسترعليك ويصلح حالك

  2. فاعل خير
    04/08/2014 at 18:19

    بسم الله الرحمن الرحيم اول حاجة الام عمرها ماا بتشك فى ولادها الموضوع بس ان من كتر خوفها علينا وقلقها الزايد احنا بنعتبره شك لكن اول حاجة لازم تصرحى امك بان هذا شاب يحبك ويجب ان لا تنخدعى به ابدا ولا تفعلى اى شئ حرام ابدا باسم الحب والصداقة والاخوة فعليكى ان تبلغى امك بشان هذا الشاب ولا تكذبى عليها ابدا

  3. i love snow
    08/01/2014 at 21:09

    وايضا : ((وَلاَ مُتَّخِذَاتِ أَخْدَانٍ))، أي لتكن الفتاة عفيفة غير متّخذة لصديق، فإن الأخدان جمع خدن وهو الصديق، والحاصل أن تكون الأَمَة التي تريدون زواجها غير زانية ولا صديقة لأحد، وقد كُنّ بعض الإماء في الجاهلية كذلك فنهى الله سبحانه عن التزويج بهنّ

  4. i love snow
    08/01/2014 at 21:08

    بسم الله الرحمن الرحيم

    يقول المولى عز وجل {ولا متخذات أخدان} النساء 25 ، ومعنى قوله عز وجل {متخذات أخدان} أى متخذات أخلاء ومن هذا فلا يجوز للفتاة أن تتخذ رفيق لها أو صاحب لها وعدم الإجازة نص كريم صريح وفي هذا حكمة من الله عز وجل فإن المرأة عاطفية بطبيعتها ولو دخلت فى علاقة مع شاب وتوسمت فيه زوجاً صالحاً لها وإرتضته لنفسها وقام الشاب بخداعها ، لأثر ذلك فى نفسها تأثيراً سلبياً وترك فى نفسها جرحاً لا يندمل أبداً ، والله أحرص علينا من أنفسنا لذلك علينا أن نتمسك بتعاليمه وأوامره وابتغاء مرضاته

    وأراد الله عز وجل أن يبعدنا عن هوى النفس باتقاء الشبهات والتحصن من الفتنة بسد جميع نوافذها ، فالمصاحبة بين الشاب والفتاة أرض خصبة يجدها الشيطان مدخلاً ميسوراً لنا ، ليهدم داخلنا التمسك بالدين وإنتهاجنا المنهج القويم وليحيد بنا عن طريق الحق تاركنا هاوين إلى الظلمة والضلال ، وإذا أمعنا النظر فى مصاحبة الولد والبنت ، لوجدنا فيها كل ما ذكرنا من إثم ومعصية ، فتجد فيها الخلوة والفحش بالنظر والخضوع بالقول بل وأكثر من ذلك ، ونحن كمجتمع شرقى إسلامى لا نجيز مثل هذه العلاقة وإن كانت منتشرة بين الشباب هذه الأيام

  5. norhan
    08/09/2013 at 21:23

    احب اقولك انك مغلطيش وانا كمان بعمل كده واتأفشت بس ماما مهتمه بيا لدرجه تخنق يعنى بتخنق حتى المدرسه بترحها معايه لانها قفشتنى كذا مره ــــــــــــ و المهم الولد ده بيحبك جدااا بجد ومامتك حالوى تصاحبيها حاولى يا قمر وبجد ربنا معاكى :]

  6. Souka
    01/09/2013 at 01:38

    و اناا مثلك تماما بس عمرها ما عرفت اني بتكلم مع شاب على الموبايل بس انا اسضا هي مو متفهمة و ما بعرف شو اعمل

  7. عمر
    03/08/2013 at 23:13

    والله انا رايى انك تاخدى بكلام نادر وحسين وسيبيكى من الكلام الفاضى ده

  8. تائهة
    03/07/2013 at 03:26

    انا برايي انك لا تقولي لامك طالما انها ما بتفهمك بس خليه هو يجي ويطلبك من اهلك… اما اللي اعتبرتيه متل اخوك حاولي انك تتركيه شوي شوي لانه اكيد لو تزوجت ودري زوجك بالقصة يفكر انك خنتيه..

  9. الجميلة
    25/06/2013 at 12:36

    انتى غلطانة انتى المفرود كنتى لابد ان تعرفى اصله زى ما الو فوق انا لو مكانك وارجع واقول هو بيحبك اتاكدى ان هو بيحبك اعملى اى موقف اتاكدى بردو

  10. كلمة حق
    26/04/2013 at 01:50

    شوفي حبيبتي انت غلطي لما تعرفتي ع واحد على النت واعتبرتي اخوك كيف بتوثق بواحد ما بتعرفيه امنيح
    وبالنسبو للي بتحبيه اذا عنجد بحبك خليه يبعت امو لتخطبك رسمي

  11. ملاك والدنياهلاك
    24/04/2013 at 03:59

    شوفي اعتبريني زي اختك بالضبط اللي عملتيه غلط غلط غلط ازاي بتكلمي واحد من غيرماتعرفي اصلوولاهوايه من اساس يمكن بكره يمسك لك ذله ويهددك وكداالافضل والاحسن مافي افضل واقرب من الام والله صدقيني ماراح ينفعك غيرامك احكيلهاواعتبيرهازي صديقتك وصدقيني راح ترتاحي وتحسي بالغيروانتي جربي في النهائيه دي امك ماراح تتمنالك السؤء ولاراح تفشي سرك ولاراح يخيب ظنهافيك لانك بنتهاوعلى تربيتهااماانك تكلمي واحد من وراهاكداحتطيحي من عين ولافضل واسفه على الاطاله امك كلمي امك

  12. تيتو
    30/01/2013 at 03:43

    شوفى ااقلك من الاخر كون اللى انتى واثقه من نفسك جميل وزى العسل بس انتى تعرفى غيرك ومتقليش انك عرفتيه من كلامك الكلام غير الفعل ومش هقولك حراام ولا غيره بس هقولك خلى بالك من نفسك وسيبك من دى الحب حلو بس لما يكون حقيقى مش شات واخوكى اللى من امك وابوكى احسن من اللى بتكلميه الف مره بس سيبك من اللى انتى فيه وركزى على درستك واهلك وبس وياستى هتدخلى كليه وتشوفى اشكال والوان انا شاب وعارف وعارف اى شب بيفكر فى ايه اسف لو صدعتك يعنى بس خلى بالك من نفسك

  13. الطالبة النجيبة
    14/12/2012 at 14:57

    من حكاية الام انى هيا مش مصدقاك دا عادى عند كل الامهات اما الشك ربما لانك فى مرحلة المراهقة

  14. ابواميرة
    04/12/2012 at 10:23

    ايه الكلام الفارغ دا يابنتي تعرفي واحد ويكلمك وتكلميه ايش المسخرة دي عيب عليك وامك معها الف حق في اللي تعمله بيك لانك بتلعبي بالنار ومش حاسه انهاحترقك وتحرق الكل معك بصي لمستقبلك وقطع اي علاقة محرمة مع اي شاب

  15. ايه
    13/09/2012 at 16:37

    انا بصراحه مقتنعه جدا بكلام الاخ نادر واتمنى انك تعملى بيه

  16. Nana
    02/09/2012 at 00:45

    وبعدين انتي لسه صغيره العمر قدامك طويل بلاش تخدي صدامات وانتي صغيره كده محدش هينفعك غير والدتك قربي منها وخليكي جنبها احسن

  17. Nana
    02/09/2012 at 00:43

    بصي اي ولد من علي النت هيقولك زي اخوكي والكلام ده مش صح نهائي هو بيبقى يقولك كده بس من جواه عايز ارتباط وحاجات تانيه انا شوفت كل الحاجات دي وبالنسبه لمامتك حاولي انك تقربي منها وتخليها اقرب حد ليكي عشان محدش هيخاف عليكي ولا يحس بيكي غيرها ولما تقربي منها احكيلها كل حاجه بصراحه بس اتأكدي الاول من اللي بتحبيه عشان مش تكبري الموضوع اكبر لأن شباب النت مش مضمونين ههه لكن لو انتي متآكده منه يبقى لازم تكبري من والدتك عشان هي اقرب حد ليكي

  18. nader
    24/08/2012 at 23:56

    طبعا لازم تشك فيكي ومن حقها كمان لان ببساطه جدا انتي بتقولي اللي انا بعمله دا لاعيب ولا حرام وانا بقولك وانا مدرس ازهر انه عيب وحرام لسبب بسيط ان كل الحب بيبدأ انه زي اخويا وبيفيدني وبحكيلو والكلام الفارغ دا لكن ي الاصل هو في دماغه شئ معين مينفعش يبدأ بيه فالطريق دايما اننا اصحاب واخوات والكلام دا طبعا حرام وهيوصلك لمعصيه اكيده وعن تجارب من قبل ناس كتير نصحتي لكي ان تتقربي الي الله وان تجعل من نفسك جوهره غاليه لايصل اليكي اي احد الابالحلال ومن الباب سيبك من النت وانا اسالك اكيد كلمتي عشرات الباب عالنت ونستيهم زي اي حد عادي جدا دي فتر مراهقه وهتعدي لكن اكرر كلامي كني كالجوهره في بيتك ايصل اليك اي احد

  19. دموع القمر
    20/08/2012 at 02:47

    انا اعتقد انك صغيرة لسا على الحب بس الاهم من الحب الدراسه وعلى الحب هيجى ان شاء الله وانتى لسا بدرى اوى قدام لسا حياه طويله عريضه ان متامنيش لاى واحد من على النت ودا لو كان عايزك بجد كان قالك انك المفروض متكلمهوش فى الفونوهو لو كان عمل كدة كنتى تتاكدى انه بجد بيحبك و علشان مفيش اى حاجة بينك وبينه ودا اصلا حرام انا معاكى انك بتحبيه وبس البنت عموما لما بتسمع كلمه حلوه من اى شاب بتعجب بيه وبتحبه وبالتالى البنت بتحب بقلبها وباخلاص وبعدين انتى تضمنى منين انه بيحبك ممكن يكون كل دا كلام فى الهوا بس نصيحه منى ليكى انك تفكرى فى دراستك وبس وعلى مامتك انها بتشك فيكى فدا من حقها وانتى اللى خلتيها تعمل كدة معاكى لانك كنتى غلطانه من الاول انا من رائى انك تصحبى مامتك احسن وافضل ليكى واتمنالك الخير والسعادة

  20. mouna
    28/07/2012 at 16:34

    انا في نضري ادا كانت عائلتك متفهمة ولها عقلية راقية مش تقليدية صرحي مماك لي ش لا واذا كان العكس انصحك بالصمت او اذا كانت عندك خالة او عمة متفهمة ليش لا

  21. روان
    07/05/2012 at 16:16

    شوفى حبيبتى الحب شىء جميل بس برضوا انتبهى لدراستك والشك ده فكك منه انتى واثقه من نفسك يبقي ملكيش دعوه باى حد خالص

  22. nona
    14/04/2012 at 20:11

    هقولك على حاجة … مش كل الناس زى بعضها ممكن يكون صاحبك اللى زى اخوكى ده محترم وابن ناس ادام انتى مقتنعة انك مش غلط يبقى تمام لان عادى يعنى !! و محدش بقول لأ .. ان الاعمال بالنيات :@ و بعدين حبيبك ده بقى يا ستى زى الفل اوى بس ناو كل الشباب بيقولوا قولوا لمامتكوا و كل واحدة فينا من هبلها بتقول الموضوع داخل فى الجد و تصدق بس بوصى انا مش اعرف نيته ممكن يكون محترم و كويس بس انتى مفروض تستنى شوية لا ن ولا حب مهما كان حبك ليه هاااا ولا حب ولا اى حاجة تساوى نجاحك لان هتحبى تانى وتالت و مش تقولى لا بليييييز مش تقولى لأ عشان كل واحد فى الاحسن منه والكمال لله وحده غير كدة اللى صعب انك عرفتى الشباب دول فى 2 ثانوى وده ارخم حاااااجة و اصعب حاجة حاولى تفكرى لوحدك مع نفسك لاننا مهما قولنا انتى هتعملى اللى مقتنعة بيه اصلك دماغك زى بس انا لسة 16 ههههه عيلة بس انفع بردو .

  23. ustazi
    22/03/2012 at 21:32

    * اعقلي يا أختي الفاضلة ، صداقة إزاي مع واحد ما تعرفيهوش ؟ انتي لسة صغيرة ، ما تفهميش الدنيا ولا أغراض الرجالة من البنت السهلة اللي تعتبر صيدة معتبرة من غير تعب و لا وجع دماغ .
    * انتي علاقتك ببيتك مقطوعة تماما ، يعني اي حضن و دفا برة البيت مسألة وقت بس ، هتترمي في أحضان اي حد يحسسك بالحب حتى لو كان أخلاقه وحشة لأنك مش هتقدري تحكمي على الناس إلا بالعاطفة بس .
    * إحساس مامتك بالشك شيء طبيعي جدا في الظروف اللي بتحكيها ، و في الأيام دي بالذات حقها إنها تقلق عليكي و تخاف أوي ، لأنكم أساسا ما عندكوش ثقة في بعض .
    * اقطعي علاقتك ب ( الناصح الأمين ) فورا ، و خللي ارتباطك بالشاب التاني في النور إذا كان جاد في علاقته بيكي ( و اشك في ذلك ) .
    * نصيحتي لكل أم و لكل ابنة : قربوا من بعض أوي و ناقشوا مشاكلكم و متاعبكم و انتوا ترتاحوا من وجع الدماغ : البنت – بحكم خبرتي كمدرس – بتحس بالانكسار لو علاقتها بأمها صفر كبير ، ووقتها بتميل لأي حد تحس أو توهم نفسها إنها بتحس بالحنان معاه .
    *** و الله أعلم***

  24. نونا
    15/03/2012 at 13:07

    الشباب الي قاعدين يضيعو وقتهم في النات معا البنات كلهم متل بعضهم اضن وانت مازلت صغيرة علي الحب والحب ليس من وراء شاشة حاسوب كاذبة

  25. غيوم
    27/02/2012 at 02:35

    شوفى دراستك افضل من الحب والكلام الفارغ لسه عليك بددرى عمرك 17 سنه

  26. m7moud
    26/02/2012 at 09:19

    قصص البنات كتيرة اوى ومشاكلهم اكتر بكتير مش عارف اخطأهم ومشاكلهم والحجات اللى بيقعوا فيها دى من اية فراغ عاطفى ولا نقص ايمان ولا سوء تربية ولا ضعف شخصية ولا اية حجات كتير بحسها لما بقرأ اي مشكلة بتتعلق بأى بنت
    الغريبة ان البنت بتبقى لسة صغيرة وعايزة تحب وتتحب وعايزة تعرف الجنس وغيرة لية ؟ ايه السبب
    نفسي اعرف لية البنات بتعمل كدة ولية بيحاولوا دايما يرخصوا نفسهم لية ؟ انا يمكن بحب واحدة وكرهتها بسبب مشاكلكم واخطأكم احيانا بحس انكم اطفال مش عارفين الصح من الغلط مبقتش احب البنات مع انهم جنس لطيف وحنين بس كلهم اخطاء انا عارف ان الانسان مش معصوم من الخطأ بس كمان مينفعش يبقى الانسان كله خطأ وبعدين انتوا اخطأكوا مش سهلة اخطأكوا بتأسر على حياتكم بقيت اخاف على اي بنت اعرفها بسببكم اتمنى لو ان مفيش اي بنت قريبتى او اختى او اي حد عشان مكنتش اهتم او اشوف او اقلق عليهم الغريبة كمان ان الواحد ميقدرش يمنع الواحدة من انها تقع ف الغلط اصلا هيا بتعمل كل حاجة من ورا اهلها انا بجد كرهت البنات …..!!!

  27. العادي
    26/02/2012 at 08:47

    شوفي واحد تالت هو اللي هيفك الاشتباك وبالنسبه لشك مامتك فدا سلو اهل دمياط وبورسعيد كثرة الشك على حد علمي وبعدين الوسواس دا ايجابي متخافيش

  28. محمد
    17/02/2012 at 00:36

    انتى مغلطيش فى حاجة والاخوية دى حاجة كويسة بس مفيش حاجة اسمها صحوبية مجتمعا شرقى ميفهمش الصداقة والاخوية خلى تكون ليكى صاحبة مقربة وممنك مش هتبطل خوف عليكى حتا بعد الجامعة حولى تسيسيها وترضيها وربنا يوفقك فى حياتك

  29. المشامي
    14/02/2012 at 14:54

    يااختي اي علاقه تصير فالنت حرام… تبي تشكي همومك ومب عندك ناس تشكيلهم .. فتاكدي عندك رب يسمعك فاي وقت وباي حين

  30. يوما يوما
    29/01/2012 at 07:23

    بصى يا حبيبتى اولا انتى شكلك غلبانة خالص وطيبة ومتعرفتيش ع ناس كتير اول حاجة تعمليها لما تدخلى نت مش تدى لحد رقمك خالص لو عايزة تكلمى كتابة بس ولا صورتك ولا رقمك يا حبيبتى او حاولى تضعيى وقت فراغك فى اى حاجة تانية ثانيا انا هقولك ع حاجة ممكن مش تعجبك بس صدقينى هتفتكرى كلامى بعدين انتى سة صغيورة خالص وف المراهقة ولى انتى فية دة مش حب صدقينى دة اول ما بتخلص المراهقة بيروح علطول وهتندمى بعد كدة لو ارتبطى بية صدقينى والله دى عن تجربة هتحسى انك تسرعتى جامد عيشى ايامك دلوقتى والحب هييجى بعدين ونا مقدرش اقولك ع الولد دة كويس ولا لا لانى معرفوض بس خدى بالك من نفسك وحالولى تقربى من مامتك هيا بتخاف عليكى اوى ممكن تكون طريقتها ف التعبير عن الخوف دة غلط بس هيا بتخاف عليكى صدقينى وسورى لو طولت عليكى بس حسيت انك شبهى ف حاجات كتير لما كنت ف سنك خدى بالك مننفسك يا قمراية

  31. عــــابر سبــــــيل
    28/01/2012 at 18:59

    حلو انو التاني بيقلك عرفي حد من البيت حلو جديده دي اسطوانه هوا بيعملها طبعن علشان يضغط عليكي بيها او يدحك عليكي بقولو ان مهو امك عارفاني وحنا بنتكلم ولا بنخرج ولو شاطره جبيلو سيرت انو يخطبك فورا تلاقيه جالو مغص او صحبو مات او ابوه تعب او او او او اي عزر من اللي احنا عرفينهم اما بالنسبه للحج اخوكي علي النت والموبايل ده اظن ابوكي متجوزش وحده غير امك وخلف منها اخ تاني
    بصي انتي شخصيتك ضعيفه قدام امك نصيحه صارحي امك وسيبك من لتنين دول وقربي من ربنا ودعيه كتير هيرضا عنك ويراضيكي ببن الحلال
    معلش اسلوبي في الرد ناشف عليكي حبه
    ربنا يكرمك بالحلال ويشفي اخوكي المعاق ده ويبقا فل ان شاء الله
    ركزي في القصيده دي وحسيها بقلبك قبل عقلك

    النفس تبكي على الدنيا وقد علمت … ان السعادة فيها ترك مافيها
    لا دار للمرء بعد الموت يسكنهــــا … الا التي كان قبل الموت بانيها
    فأن بناها بخير طــــاب مسكنـــــه … وإن بناها بشر خاب بانيها

  32. Dr/A
    18/01/2012 at 14:59

    سيبك من الولاد الى بتعرفيهم على النت بذات او خارج انت ذى مقالولك ان العلاقه بين الولد والبنت محرمه شرعا وحق مامتك انها تخاف عليكى متكلميش ولاد ابدا وخليكى محترمه علشان متفقديش مامتك الى الابد ده من رايى الصله بين الام وابنت هواحساس البنت بحب امها لها وليس التخلى عنها وانا بكلمك بالصدق لاتعرفى احدا من على النت او بالشارع او من اى مكان لان هذا سيؤدى الى الخلاف بينكى وبين امك وسيؤدى الى سوء السمعه وكفايه كلام على هذا الولد لان الولاد ليس لديهم امان ولا تثقى باى احد يقول لكى انه كانه اخوكى او حبيبك سيبى الكلام ده لغايه ماتكبرى وتلاقى حد دخل من البيت ويتقدملك وتبقى سعيده فى حياتك

  33. جميله
    12/01/2012 at 19:27

    فين ابوكى من الموال دة كله احسلك تلتفتى لدروسك واتجهى الى الله لان اى علاقه بين الولد والبنت محرمه شرعا فى كل الاديان ويقطع النت واليوم اللي طلع فيه النت

  34. الكثيري
    05/01/2012 at 19:41

    اي علاقة بين فتى وبنت علاقة محرمة شرعآ بلا اخوك وبلا هم اتقي الله في نفسك

  35. بشرى
    01/01/2012 at 21:21

    نصيحه مني اهتمي بدراستك احسلك لأن مرح يجي الامتحان وغششك نصيحه فقط لاغير

  36. HisHighNesS
    28/12/2011 at 05:41

    بصي يا اختي :علاقات النت والشات بصفتي كاشاب اطلق عليه العالم الافتراضي ليه :
    اولا : بالنسبه لشباب او البنات كل واحد مننا بيحب يرسم شخصيه معينه هو اساسا فاشل فيها في حياته الحقيقيه فالشات بالنسبه للشباب هو (نادي الصيد) صيد البنات طبعا.وعلي فكره العيب مش علينا احنا لا العيب في البنت نفسها انها دخلت عالم افتراضي وافتكرته حقيقه اذا المشكله اني اساسا اغلبيه البنات الي بيعملوا شات مش واثقين في نفسهم في الحقيقه
    ثانيا :مفيش حاجه اسمها صداقه بين ولد وبنت هيا دايما بتبدي من الاول ب كدا انا كا شاب مثلا اصاحب بنت وابتدي اشوف مواصفات الشاب الي هيا عايزها زاي ما قال الاخ فوق
    وكمثال حي :الي بتقول عليه اخويكي هاتلقي حاجات مشتركه ما بينكم كتير اوي ده التمهيد علي فكره
    ثالثا:اسالي نفسك سوال هاتقولي لي اهللك ايه حبيت واحد من النت والشاب كذلك ف حد منكم هايكذب علي اهله ده علي افتراض اني علاقتكم جاده اذا فحياتك من اولها ابتديتها بي كذبه
    مش هاطول اكتر من كدا لاني الموضوع اساسا طويل جدااا ومعقد جدا
    اما بالنسبه لموضوع ماما فطبيعي كدا اني البنت بتحس انها كبرت ومبقيتش صغيره ودايما بتحس اني مامتها مش هاتفهمها ف اعتقد اني الي بعد المسافه بينك وبين امك هو انتي شخصيا
    وانتي لسه في سن المراهقه وياما هاتشوفي وهاتقابلي ف ماتستعجليش نفسك وجربي الحب لما تكبري شويه وخلي حبك حقيقي من العالم الحقيقي وليس العالم الافتراضي واعتذر علي الكتابه الكتير

  37. تقى
    25/12/2011 at 21:57

    عمرى ماقلتها ابدا لاي بنت بس الصراحه انتى لو متربيه كويس مكنتيش اديتي نمرتك لاي واحد فيهم
    وانتى اصلا مش ندمانه عاللى بتعمليه بالعكس شايفه انه حاجه عاديه وجايبه العيب في مامتك انها بتشك فيكي ؟؟ انا عايزه افهم انتى مستنيه منها ايه تزغرط مثلا ؟؟ يابنتي ارضي ربك عشان يرضى عليكي وكل خطوه تعمليها يباركلك فيها مش عماله توزعى نمرك ده اخوكى وده حبيبك .. اتقي الله انا لو من امك كنت اديتك علقه محترمه مش شكيت بس .. وعلى فكره ده مش مبرر انك تكلمى شباب عالنت انك اخوكي معاق وامك مبتكلمكيش بس عايزاكى تفكري هتقولى ايه لما تتسالى يوم القيامه عن كلامك معاهم ؟؟ ياترى هتتجراي تقولي نفس المبرر زي ماهو سهل عليكي تقوليه في الدنيا ؟؟ انتى بتضحكي على مين بالكلام ده ؟؟ احترمى ثقه امك شويه واتقى الله فنفسك ومتسمحيش لحد يكلمك بالسهوله دي خلى عندك كرامه يا حبيبتي انتى بنت .. مع انى لا اعرفك ولا اعرفهم بس متعرفيش مقهوره قد ايه منك .. ربنا يهديني ويهديكي ويااارب يتكشفوا على حقيقتهم وكل اللى زيهم

  38. امونة
    19/12/2011 at 14:01

    لازم تقولي لامك لانو الام بتفهم بنتها كتير

  39. يارب ارحمني برحمتك
    18/12/2011 at 13:05

    اسمعيني زين زين وحطي كلامي في بالكاول شي قبل ما تعملي اي شي تتركي الحديث مع الشباب ع النت لانو هذا شي يغضب رب العالمين كييف تبغين ربي يساعدك وانتي تسوين شي يغضب رب العالمين اذا كان عند اهلك و عندك عادي انك تكلمين شاب وتعتبريه اخوكي لا يا اختي حرام امسكي امك وكلميها بكل صراحه وبعدين انتي بنت كبيره لا تخافي من امك كلمي امك خليها تعرف انتي كيف وبعديين مو انو ماعندك احد يوانسك تروحي تكلمي شاب انا عمري 20 سنه كان عندي ثلاث اخوان كلهم ماتو واثنيين معاقيين ع السرير ما يتكلمون ولا يشوفون ولا يمشون وانا جالسه لوحدي مو يعني اني خلاص اروح اكلم شاب اسمعي لو شو ما صار ماراح ربي يساعدك لين ما تتركي الكلام مع اي شاب ولو شو ما صار اتعلمي الصبر مثلي وروحي كلمي امك وقوي قلبك يعني شو راح يصير اذا كلمتيها يمكن وضعك يتصلح وخليكي قريبه من ربك وادعييه واتقربي الييه وشكرا السموحه اذا طولت عليكم

  40. zoze
    12/12/2011 at 19:16

    بصى انا اصغر منك بشوية انا 16 سنة وكمان مبعرفشى احكى لماما اى حاجة و دى مش مشكلتك لوحد فى بنات كتيييير كدا احنا عندنا بجد مشكلا انى الامهات مش بتهتم البنت بعد مرحلة الطفولة لانها من وجه نظرهم انى احنا كبرا و ممكن نعتمد على نفسنة بس ده مش صح اووى لانى احنا بنحتاج فى الس اللى بعد 14 سنة ده رعاية اكتر من لما كنا صغيرين

  41. شوشو التيموريه
    10/12/2011 at 20:58

    انا رايى قولى لمامتك كل حاجه ومتخافيش منها فى حد يخاف من مامته؟
    وبعدين لو على موضوع الشك ده متخافيش هى اكيد هتثق فيكى جدا لانك حكتيلها كل حاجه من غير
    ما حد يغصبك لازم تسمعى نصائحها وكل كلامهاومتخافيش منها

  42. زول خبرة
    08/12/2011 at 11:21

    أنا بضم صوتى لصوت الود الجدع ده اللى اسمو (حسن ) صاحب التعليق الفئت.

  43. الساجدة تحت عرش الرحمن
    05/12/2011 at 13:39

    اختى الصغيرة
    انتى لسه صغيره جدا علي كلمة حب ولسه مشاعرك هتتغير كتيييييييييير لما تكبري اكتر وهتعرفي ان الحب الحقيقي لما يكون الانسان وصل لسن الرشد والعقل لانة بيكون قادر علي الاختيار والفهم انصحك تسيبك من النت والمعرفه منه لانة كله خداع وكدب ومفيش حب من ورا شاشه كمبيوتر اصلا ركزى في دراستك ومستقبلك والحب هيجى بعدين متستعجليش عليه

  44. الدكتور
    04/12/2011 at 16:47

    شوفى اول شى لايوجد اخ اللى اخوكى اللى من صلب بابكى تانى شى الولد اللى اتعرفتى عليه على النت لو هو عوزك وبيحبك صحيح ياجى الى البيت ويقابل مامتك وباباكى مش يكلمهم فى التلفون ده بيلعب بيكى لو عوزه تتاكدى من كلامى ادعيه ان ياتى الى المنزل ليتعرف عليكم وان يحضر احد من عائلته باباه او مامته ولو صدق النيه كده يباقاء بيحبك صح مع تحياتى لكى بالتوفيق دكتور/ رضا القاهره

  45. حسين
    04/12/2011 at 13:12

    بما انى ولد احب ابشرك ان الاتنين بيتسلوا بيكى جدا جدا والدليل ان الاول اقتعك انة يبقى اخوكى والتانى اقنعك انك تحبية، وللعلم اى شاب بيتلون بلون البنت ( الصيدة) للى قدامة ياعنى لو كانت متدينة هيعمل فيها شيخ جامع ولو بنت روشة هيعمل فيها تامر حسنى ولو رومانسية هيعمل فيها هانى شاكر ، التفتى لدروسك والله كلة هجص وهلاقية بيعرف غيرك كتيييير وجربى تسجلى بأسم تانى وكلميهم وانتى تعرفيهم على حقيقتهم لان اى علاقة بيت ولد وبنت محرمة مهما كانت المسميات الا فى اطار شرعى ولو مقتنعة بعكس كدة اوك بس اتحملى اللى هيرجى لك.

  46. ريم عمر
    04/12/2011 at 11:13

    لسه صغنونه اوى ع الحب الى بجد الى انتى فيه دة حب مراهقه يعنى بيروح وييجى ولا فارق معاكى انتبهى لدراستك ومزكرتك ومتقلقيش نصيبك هيجيلك لحد عندك.

  47. الطيار الرايق
    04/12/2011 at 07:10

    شوفى دراستك افضل من الحب والكلام الفارغ لسه عليك بددرى عمرك 17 سنه اهتمى بدراستك وتقربى من امك لانها افضل انسانه تكون جنبك مش شباب النت وصلى واهتدى لله بلا اخوات بلا بطيخ / المحامى

اترك رداً أو حلاً لهذه المشكلة