السلام عليكم
مشكلتي اللي بقولها كثير بنات مرو فيها واتمنى اذا وحده مرت بهالمشكله وانحلت تساعدني
اولا بنت عمري 15 بثالث متوسط نقلت مدرستي اللي كنت فيها من اول ابتدائي الى ثاني متوسط ولما جت سنة ثالث متوسط نقلنا لبيت جديد بعيد عن مدرستي القديمه فاضطريت انقل المدرسه انا كانت لي سالفه في مدرستي القديمه يوم كنت بالابتدائي كان عندي صديقات كثار وكنا نحب بعض وكنت مستانسه معاهم ولما دخلت المتوسط انا وصديقاتي كل صديقاتي صارو بفصل وانا بفصل لحالي الزبده انو بالترم الثاني تفرقو كل صديقاتي عني انا هالموضوع الا الان والله سببلي عقده طبعا كل وحده من صديقاتي لقت لها صديقات ثانيات الا وحده من صديقاتي حالتهـا نفس حالتي بس انا ماتقبلتها يعني انا بتكون صديقتي وكان عندي امل اني بلقا صديقه غيرها بس باول متوسط انا كنت بفصل لحالي وكأنو الفصل مجموعات ( تعرفون نظام بنات المتوسط شلل ) وان كنت وحيده بالفصل كلن عنده أصدقاء الا انا كنت منبوذة بينهم وكنت اتضايق كثير حتى لما كانو الأستاذات يطلبون مثلا شرح درس كل يوم على مجموعه كانو مجموعتي مايدخلوني معاهم وذيك السنه تضايقت حيل كرهت نفسي صديقتي اللي كنت احبها حيل وكانت أعز صديقاتي خلتني وراحت مع صديقات ثانيات وفوق كل هاذا كانو بنات فصلي اللي انا فيه مايبوني ولا كان عندي صديقات أحتمي فيهم او ينسون بنات فصلي كنت وحيده كرهت ذيك السنه وكانت اكره سنوات حياتي بعدين على اخر اول متوسط انجبرنا اني اروح لم البنت الوحيدة اللي بقت من صديقاتي عالاقل ما أكون وحيده وصرت يوم ورا يوم اقعد معاها وصارت قريبه مني اكثر ، بالسنه الثانيه سنت ثاني متوسط كانت عندي صديقتي اللي كانت معاي باول متوسط طبعا انا باول متوسط كنت ١/١ وثاني متوسط صرت ٣/٢ وصارت معاي بالفصل اللي كانت صديقتي اللي احبها وكنت أتضايق لما أشوفها مع صديقاتها بس كنت اسوي نفسي ان الموضوع مو هامني وعادي وظليت معا صديقتي طول السنه وجمعتنا ايام حلوه وسنت ثالث نقلنا البيت وكنت مره مرررررره متحمسه للمدرسه الجديدة اول يوم لي بالمدرسه كانت المدرسه رايحه فيها مبناهم مهدم بس قلت انشاء الله بلقا صديقات وهم بينسون كل شي المهم دخلت فصلي البنات اول مادخلت استقبلوني واستلموني استجوابات وأمانه عجبوني البنات بس كنت تو بعد ما اعرف عنهم شي باليوم الثاني بديت اعرف عن بنات فصلي اكثر وانصدمت فيهم البنات مرررره منحرفات ووسخات يعني مثلا اي وحده يشوفون لها كرش يقولون اكيد حامل من احد وكانت كل سوالفهم عن هاذي المواضيع المنحرفة حتى اذا يضحكون يضحكون على هالأشياء وانا لما كنت اقعد معاهم كنت ما انسجم أبد الفصل كله رايح فيها او يعني الطالبات كلهم رايحات فيهاااا وكانو يسون حركات وسخه وانا ارقى من كذا بكثير وخفت اتأثر منهم ولا فيه البنات اللي مثلي راقيات مالقيت البنات اللي نفس نوعي لا كلهم وسخات طيب شسوي ادري ان كلها سنه وتعدي بس انا تعقدت من اني اقعد بدون صديقه ووحيده وبنفس الوقت ما ابي اتأثر من البنات ساعدوني شالحل ؟؟!!!!
وأسفه لاني طولت عليكم كثيييير
حبيبتي خلي لك شخصيه الكل بينجذب لك اسلوبك وتعاملك الحلو بيخليهم يتأثرون فيك وياخذون عنك فكره حلوه واههههههمممم شي ثقتك بنفسك وبالنسبه للبنات المنحرفات هذا شي تلقيه بكل المدارس لانهم مراهقات طبعا بس انتي اهم شي انك م تتأثري فبهم خليهم هم يتأثرو فيك اما للصداقات مثلا اسألي بنت عن حاجه وسولفي معها تمضية وقت اطلبي حسابها مثلا وسولفو مع الوقت تتعودو ع بعض صدقيني