الحب بين الاقارب

ابن خالتى يحبنى وانا بعتبره اخ

انا بنت عندى 15 سنه مشكلتى بدأت من سنه لما ابن خالتى قالى انه بيحبنى ……. هوا عنده 19 سنه
اتا بصراحه معجبه بيه وبأخلاقه وشخصيته بس معجبه بيه كأخت بأخوها وهوا بيعمل كل حاجه علشات يرضينى وانا حاولت اكتر من مرة انى احبه بس لما اشوفه بحب ولما يبعد عنى مش بفتكره وانا مش عاوزة اظلمه معايا لانى عارفه انى لسه صغيرة وفى فترة مراهقه وكل الكلام دا
انا حكيت الموضوع لواحده صاحبتى وقالتلى هاتى ايميله اما اشوف نظامه ايه؟ واديتها الميل وكلمته فى الاول مرضاش يكلمها وقالها انا مش بكلم بنات بس هيا فضلت تتحايل عليه لغايه اما كلمها
وبعدين سألته بيحب ولا لاء ؟ وحكالها عنى وقالها انه زعلان انه قالى انه بيحبنى وانه لما بيشوف وشى بيحس بالذبب ولما بيدخل بيتنا بيحس انه بيضحك عليهم وبيحب بنتهم من وراهم وكلام كتير غيرة
بس انا زعلانه انه حاطط كل الغلط على نفسه ودايما بيقولها ان هوا اللى غلطان ………..انا حاسه انى غلطانه كمان يعنى متعوده عليه اوى وبكلمه عادى ونفضل نهزر ونسهر مع بعض للفجر
بصراحه مش عارفه اعمل ايه ………….عاوزة احبه لانه ماشاء الله عليه كويس واخلاق ودين وميترفضش وفى نفس الوقت خايفه انى مكنش بحبه بجد ويتظلم معايا……..انا كام مرة حاولت ابعد عنه علشان اسهل عليه الموضوع وينسانى بس بيرجع يكلمنى وكنت بعمله اوفلاين بس كان بيعرف ويقولى انى عاملالى افلاين ليه
بجد تعبت مش عارفه اعمل ايه واتصرف ازاى ومش عاوزة اجرحه تانى كفايه المرة الاولى
بلييز ساعدونى

مشاكل وحلول ذات صلة

اضيف بتاريخ: Saturday, June 9th, 2018 في 21:06

كلمات مشاكل وحلول: , , , ,

ردود to “ابن خالتى يحبنى وانا بعتبره اخ”

  1. ابوالبتول
    11/06/2018 at 03:12

    ابن خالتك شاب فعلا كويس ومحترم جدا وعلى دين وخلاق وتربية ومش عاوزك تخسريه نعم انت صغيرة في السن 15سنة وقد يرفض اهلك يزوجوك وانت في السن دي فلايمنع انو يخطبك من اهلك وكلها سنة او سنتين وتكون كبرت وهو يجهز نفسه ويكون متحمل اعباء الحياة ومسووليات الزواج وربنا يتمم لكم بالخير ويجعلكم من نصيب بعض وكل شئ قسمة ونصيب

اترك رداً أو حلاً لهذه المشكلة