الحب على النت

اكمل مع حبيبى ولا لا

السلام عليكم ورحمه الله وبركاته..انا بنت من القاهرة وعندى 19سنة و وحيدة بابا وماما بصراحة اول مرة ادخل نت واعمل اكونت ع الفيس بوك كان من 5 شهور بالضبط واهلى كانوا عارفين طبعاا .المهم بدا يجيلى طلبات صداقة وكده ومكنتش اعرف اى حاجة عن العالم ده خالص لان كان اول مرة فى حياتى .المهم انى قبلت طلب من شاب او لما عملت الاكونت واتكلمنا عادى والله فى حدود الادب ومكنش فى بينا حاجة خارجة ابدا وربنا يعلم المهم عرفته بنفسى وعرفنى بنفسه وقالى انه بيحبنى طبعا مكنش ع طول بس بعد مده وطبعا قالى ممكن اشوف صورتك وكده بصراحة كنت خايفة انى اورى صورتى لحد مع انى الحمدلله حلوة مش وحشة بس كنت بسمع حاجات مش كويسه ع اللى يحط صورتة او يديها لحد ع الفيس بوك خصوصا فوريته صورة واحدة قريبتى انا عارفة والله ان ده غلط بس ساعتها مكنتش عارفة اعمل اية طبعا بعديها طلب منى انه يشوفنى وانا رفضت وكنا بنتكلم ع الفيس وبس ومكنش اهلى يعرفوا وقالى انه هييجى يتقدملى فى شهر 7 الجاى ده وبصراحة كنت بحس فى كلامه انه فعلا بيحبنى بس كنت عارفة برضو ان الحكاية مش هتكمل طبعا عشان حكاية الصورة دى بصراحة حبيبته اووى لان كان اول مرة احب بجد ومن قلبى فكل يوم كان بيعدى عليا وعليه كان بيزيد حبنا لبعض اوى وعمرنا مكان كلامنا فى حاجة تغضب ربنا ابدااا انا كنت بعد مبقفل معاه كنت بحس بخنقة اوووى لانى عارفة انى فى الاخر مش لى ولا هو ليا وان الحب ده مش هيكمل وانا مرضتش اقله الصراحة ولا اوريى صورتى لاحسن مش يحصل نصيب مابينا وفى الاخر الصورة تقع فى ايد حد ويحصل مشكله وانا قررت من يومين انى انهى الموضوع ده لانى بصراحة مش قادرة اكمل لاحسن اتعلق بى اكتر من كده وقلتله ان بابا عرف انى بكلمك وقفل الاكونت خاالص وروحت عملته بلوك بصراحة راح بعتلى رساله ع الفون وقالى هاتى نمرة باباكى او مامتك وعنوان بيتكم وانا هاجيله واعتزرله ع اللى حصل واتقدملك لانى مش قادر ابعد عنك والله وانا بحبك بجد وبعتلى اكتر من 10 رسايل طالب فيهم رقم بابا عشان يكلمه ويقوله انه ييجى يتقدم وانا بقله انا بابا مش راضى ومضدايق جداا وروحت غيرت الخط والله وطبعا عملاله بلوك من الفيس ومش عندى اى اصدقاء خالص دلوقتى وبصراحة انا هموت من جوايا لانى فعلا بحبه زى ماهو بيحبنى وانا عارفة انى غلطت من الاول عشان حكاية الصورة دى بس والله مكنش قصدى حاجة وحشة انا دلوقتى مش عارفة اعمل اية ؟؟؟ومش لاقيت حد احكيله خالص واثق فى غير عندكوا انتوا حد يقولى اعمل اية بالله عليكوا وانا اسفة اووووى انى طولت عليكواا .وشكرا

مشاكل وحلول ذات صلة

اضيف بتاريخ: Saturday, November 18th, 2017 في 08:01

كلمات مشاكل وحلول: , , , , ,

ردود to “اكمل مع حبيبى ولا لا”

  1. بلال بلال
    24/11/2017 at 13:30

    رأيي
    ابعتيله تاني واعترفيله بالصراحة انها مكنتش صورتك وانك معرفتيش تضعي صورتك
    وانه اذا عايز يكمل فعلا هتشوفي ردة فعله اذا حابك كده على الوضع ده تعترفي ب بابا بللي حصل ؟هل هتقدري ؟ وبعدها هو يتصل ب بابا ويكلمه
    هل هتقدري تصارحيه؟
    هل هاتقدري تصارحي بابا؟
    وانت ونصيبك هل هو هيكمل ولا لا
    وهل بابا هيتقبل شيء زي كده ام لا….
    اسف لايوجد خيار اخر حال انتي حابة تكملي مع حبيبك وفي حالة صعب تعملي كده يبقى تستغفري ربك وتستغفري لحبيبك وتدعيله…

اترك رداً أو حلاً لهذه المشكلة