الحب على النت

خانتنى و بتقولى سامحنى

السلام عليكم انا قصتى طويلة لكن مش هطول عليكم و هختصر الموضوع

حبيت واحدة من برنامج شات و كنا كل يوم مع بعض و حبينا بعض اوى وكانت دايما متعرفة على واحد من برة مصر
سالتها مين دة دايما تقولى دة صديقى من خمس سنين ومعتبرنى واحدة من اهلة.. لقيتها بتكلمة كتير و عالطول بيراقبها
انا بدات اشك فى الموضوع.. و سالتها تانى اية بينك وبين الراجل دة حلفتلى بالمصحف و حلفت حلفان كتير ان مفيش بينة وبينها حاجة غير صداقة مش اكتر
انا صدقتها لانها فتحتلى الكام وهى ماسكة المصحف وبتحلف علية..عدت فترة ولقيت الشخص دة بيراقبها وعالطول وراها.. سالتها ادخل جهازها اشوف الكلام بينهم.. رفضت و قالتلى عاوز تسيبنى سيبنى؟؟ حلفت انى لازم ادخل اشوف الكلام بينهم بعد خناقة كبيرة و زعاق .. دخلت عندها بشوف كلامهم لقيتها بتحاول تخفى كلام و شوفت بيقولها بحبك وهى بترد علية بتقولة انا كمان بحبك؟؟ اتخانقت معاها وسبتها 3 ايام لقيتها بتدور عليا وكلمتنى منهارة بتبكى بتقولى لية بتسبنى انا بحبك حرام عليك تعمل فيا كدة وهو بيقولهالى على اساس انى واحدة من اهلة علشان احنا نعرف بعض من خمس سنين؟ قولتلها خلاص متكلموش تانى وحلفتلى على المصحف وحلفت بالله انها مش هتكلمو تانى.. بعدها بكام يوم بفتح الحساب بتاعها لقيتها بتكلمو مكلمات صوت كتير و اخر مكاملة 50 دقيقة ؟؟ عملت مشكلة كبيرة معاها تانى وللاسف انا طيب جدا وبسامح لانى بصراحة حبيتها جدا.. فتحتلى الكاميرا وحلفتلى على المصحف انة هو الى كلمها مش هى وانا بصدقها لما بتحلف على المصحف .. فضلنا سنة كاملة على الحال دة وكل مرة اقولها متكلموش وترجع تكلمة اخر مرة سبتها وكان قرار نهائى… بعدت عنها 21 يوم.. دورت عليا وعرفت تجمعنى تانى ومنهارة من العياط وراجعة بتقولى ادينى اخر فرصة مش هكدب عليك فى اى حاجة تانى ومش هكلم حد من وراك انا غيرت رقمى ومش هيعرف يكلمنى تانى ولا يعرف يوصلى ابوس رجلك اخر فرصة.. وفعلا رجعنا تانى وقولت دى هتتغير…و فى يوم دخلت عندها فى الموبيل ببرنامج..اكتفت الواتساب بتاعها لقيت رسالة من الشخص دة تانى وكدبت عليا تانى وبتكلمو من ورايا.. سبتها ومشيت بدون كلام معاها بعتتلى رسالة قالتلى هعترفلك بكل حاجة.. و بعتتلى صورة من ايصال كان يبعتلها فلوس كل شهر وبعد عناء كبير و ضغط عليها و تهديدات .. اعترفتلى انها فية بينهم قصة حب و بيعملو مع بعض مكالمات جنسية بالفيديو و بيبعتلها فلوس كل شهر مقابل كدة وكانت بتكلمة وتعمل معاة وانا معاها تقولى هدخل الحمام او تقولى خارجة او تقولى هتفرج على التلفزيون…بعد كل دة بتقولى سامحنى انا غلطت غلطة كبيرة وابوس ايدك سامحنى ادينى اخر فرصة سامحنى؟؟ اسف انى طولت عليكم لكن الحكاية دى استمرت لمدة سنة و الحكاية اطول من كدة بكتير.. انا مستحيل اسامحها ومستحيل ارجعلها.. انا مش ضعيف لكن الحب اعمى…ارجوكم محتاج رايكم

مشاكل وحلول ذات صلة

اضيف بتاريخ: Saturday, January 13th, 2018 في 01:43

كلمات مشاكل وحلول: , , , ,

3 رد to “خانتنى و بتقولى سامحنى”

  1. سارة
    13/01/2018 at 22:46

    مفيش واحدة محترمة اساسا تفكر انها تدخل شات او تتكلم مع حد غريب.. اوعي تفكر انك ترجعلها عمرك اساسا ما هتثق فيها ولا هتقدر تأمنها علي بيتك وعلي عيالك ولو عملت كده هتتصاب بالوسواس القهري وهتعيش طول حياتك خايف وقلقان لتعمل كده تاني باختصار غلب العقل علي العاطفة

    قَـيّـم هذا الحل: Thumb up 0 Thumb down 0

  2. Dr-aaa
    13/01/2018 at 08:42

    انت جاوبت على نفسك،،بالله عليك كفاية إرحم نفسك،،لا ترجع لها أبدا،،يكفي حلفها على المصحف كذبا،،يكفي تكرار المذب،،يكفي تعذيبا لنفسك،،الي مستغربة له بس ليش العلاقة طالت بينكم هل ماعندكش امكانية تتقدم للزواج،،نصيحة حتى لو اقسمت لك مئات الايمان إنساها ولا تصدقها،،ولا تندم،،فقط أحسن الإختيارللفتاة الصالحة وعندنا تجدها تقدم لها فورا

    قَـيّـم هذا الحل: Thumb up 0 Thumb down 0

  3. ابوالبتول
    13/01/2018 at 06:55

    يعني عرفت البنت من خلال الشات وحبيتها وتعلقت فيها طوال تلك الفترة وهي بتخدعك وتضحك عليك وتتكلم مع راجل اخر وهذا لانها رخيصة اوي ولاتستاهل انك تفكر فيها وتعطيها كلهذا القدر من الاهتمام لكن حبك لها اعماك عن الحقيقة وخلاك تستمر معها بدون عقل ولا كرامة معك عزيزي هذة النوعية من البنات الساقطات ماتعرفش حاجة اسمها الحب ولافي عندها ذرة من دين ولااخلاق ولاتربية ومش غريب عليها تعمل اي شي لاشباع رغباتها المحرمة من كلام وممارسة الرذيلة والفجور مع اي شخص تتعرف عليه سوا كان عبر الموبايل او النت ولازم تقطع علاقتك بها نهايا وللابد ولاترجع اليها نهايا حتى لو حلفت لك على المصحف فهي كدابة ولاامان لها الخيانة اصبحت مثل الدم اللي في عروقها ولاخير فيها على الاطلاق اتركها لوعندك ذرة من الرجولة والكرامة وانساها خالص وربنا بيكرمك بابنة الحلال الصالحة اللي تعرف ربنا عزوجل وتقدر المشاعر وتحافظ عليها وتسعدك طوال حياتك

    قَـيّـم هذا الحل: Thumb up 0 Thumb down 0

اترك رداً أو حلاً لهذه المشكلة